Dagblaðið Vísir - DV - 16.11.2009, Blaðsíða 4
4 mánudagur 16. nóvember 2009 fréttir
160 þúsund
króna iPhone
Raftækjaverslunin Elko
áformar að hefja sölu á
iPhone-farsímum í næstu
viku. Hingað til hefur ekki
verið hægt að kaupa símana
í raftækjaverslunum á Ís-
landi. Síminn sem Elko ætlar
að hefja sölu er 16 gígabæta
3GS. Það er nýjasta útgáfan af
iPhone. Verður hann seldur
á 160 þúsund krónur með
tveggja ára ábyrgð. iPhone-
símar hafa notið mikilla
vinsælda víða um heim. Þeir
eru margmiðlunarsímar með
snertiskjá. Fyrsti iPhone-
síminn var kynntur sumarið
2007.
Leiðréttingar
Hillary Clinton, utanríkis-
ráðherra Bandaríkjanna, var
ranglega nefnd öldunga-
deildarþingmaður í frétt í
helgarblaði DV.
Flokkurinn sem Jóhanna
Sigurðardóttir, núverandi
forsætisráðherra, stofnaði
þegar hún sagði sig úr Al-
þýðuflokknum 1994 heitir
Þjóðvaki.
Fótbrotnaði í
steypuhrærivél
Alvarlegt vinnuslys varð í Bol-
ungarvík á laugardaginn þegar
karlmaður, sem var við vinnu
á steypustöð, endaði einhvern
veginn í steypuhrærivél á vinnu-
stað sínum með þeim afleiðing-
um að hann hlaut opin beinbrot
á báðum fótum að sögn varð-
stjóra lögreglunnar á Vestfjörð-
um. Að sögn varðstjóra var
maðurinn fluttur til Reykjavíkur
með sjúkraflugi en málið hefur
verið tekið til rannsóknar hjá
lögregluembættinu og Vinnueft-
irlitinu.
Brotist inn
í bústað
Tilkynnt var um innbrot í sum-
arbústað í Grímsnesi til lögregl-
unnar á Selfossi á föstudaginn
var. Að sögn varðstjóra lögreglu
náðu innbrotsþjófarnir að hafa á
brott með sér sjónvarp og önnur
verðmæti en innbrot í sumar-
bústaði hafa verið ansi tíð í um-
dæmi lögreglunnar á Selfossi
undanfarnar vikur og mánuði.
Aðfaranótt sunnudags voru tveir
ökumenn teknir vegna gruns
um ölvunarakstur. Annar var
sviptur ökuréttindum til bráða-
birgða eftir að hafa verið látinn
blása, hinn reyndist undir leyfi-
legum mörkum.
„Við erum öll að hressast, það er
svo mikil gleði. Helgin var yndisleg
og við erum búin að njóta þess að
vera saman,“ segir Helga Elísdótt-
ir. Helga er amma níu ára drengs-
ins sem Barnavernd Reykjavíkur
ákvað að senda í fóstur í þarsíðustu
viku án þess að til kæmi dómsúr-
skurður. Á fimmtudag fékk Helga
jákvæða umsögn sem fósturfor-
eldri frá félags- og tryggingamála-
ráðuneytinu og hefur drengurinn
verið hjá henni síðan. Á þriðjudag
fundar Barnavernd Reykjavíkur
um stöðu drengsins.
Teflt og spilað
Helga segir fjölskylduna hafa ein-
beitt sér að því að njóta helgarinnar
út í ystu æsar og eytt miklum tíma
saman.
„Við erum búin að borða vel sam-
an um helgina og hann er að taka
gleði sína. Ég held ég hafi aldrei teflt
jafnmikið og spilað jafnmikið á spil.
Hann er svo flinkur að tefla. Hann
hefur fengið að heimsækja vin sinn
í næsta húsi og drengirnir hafa far-
ið í heimsókn til móður sinnar. Hún
hefur verið mikið með okkur eins og
á að vera.“
Mikill slagur
Þó að helgin hafi verið góð segir
Helga að drengurinn sé á nálum
þar sem hann standi í þeirri trú
að hann fari aftur til fósturforeldra
sinna á þriðjudaginn.
„Við höfum þurft að sleppa því
að orða þriðjudaginn því ákveðinn
aðili, sem ég get ekki gefið upp hver
er, sagði við hann að hann myndi
fara aftur til fósturforeldranna á
þriðjudaginn. Það hefur sett strik í
reikninginn. Hann er mjög hrædd-
ur og kvíðinn,“ segir Helga. Hún
hefur unnið að því síðustu daga
að undirbúa sig fyrir fundinn með
Barnavernd.
„Þetta er mikill slagur. Ég er
búin að undirbúa hvernig ég ætla
að kynna mig og læt Dögg Páls-
dóttur lögmann um lögfræðilegu
hliðina. Ég er afskaplega bjartsýn.“
Tekur sér frí
Ef niðurstaða fundarins á þriðju-
daginn verður í þá veru að dreng-
urinn fái að vera áfram hjá Helgu,
ömmu sinni, mun taka tíma fyrir
hann að venjast sínu gamla lífi á
ný.
„Það þarf að vanda sig í öllu sem
gert er og það verður svo sannar-
lega gert. Það hefur enginn haft
meiri tíma fyrir börnin en ég. Ég
ætla að taka mér allavega viku frí
og hafa það áfram svona gott.“
lilja KaTrín gunnarsdóTTir
blaðamaður skrifar liljakatrin@dv.is
Níu ára drengurinn sem sendur var í fóstur í þarsíðustu viku fékk að eyða helginni
með ömmu sinni Helgu Elísdóttur. Hún segir þau hafa notið tímans saman og gleði
hafa einkennt heimilið. Drengurinn stendur í þeirri trú að hann fari aftur í fóstur
á þriðjudag og það hræðir hann mikið.
HRÆDDUR OG KVÍÐINN
nánar mæðgur Þegar dóttir Helgu hefur
ekki getað annast syni sína hafa þeir verið hjá
ömmu sinni. Þær hafa undanfarna mánuði
unnið að því að drengirnir flytji aftur til móður
sinnar en hún hefur verið edrú í hálft ár.
Mynd KrisTinn Magnússon
Vinstri grænir funduðu um skattamál í gær:
Auðmannsskattur á hátekjufólk
„Það er enn verið að skoða ýmsar
útgáfur af skattþrepum og tekjubil-
um. Við gerum okkur grein fyrir því
að mörg heimili eiga erfitt með að
bæta við sig álögum,“ segir Lilja Mós-
esdóttir, þingmaður vinstri grænna.
Þingflokkur vinstri grænna fundaði í
gær um skattamál. Hún segir að ekki
sé verið að ræða um aðrar útfærslur
en þær sem RÚV sagði frá í liðinni
viku. Þó sé verið að ræða um há-
tekjuskatt eða auðmannsskatt, eins
og Lilja orðar það, á þá sem hafa tekj-
ur yfir eina milljón króna á mánuði.
Hátekjuskattur er átta prósent í dag.
Lilja vill ekki gefa upp hvað hátekju-
skattur yrði mikill. Það sé hins vegar
ekki verið að tala um átta prósent há-
tekjuskatt heldur eitthvað lægra.
Þær tillögur felast í þriggja þrepa
skattakerfi. Í þeim felst að tekjuskatt-
ur á einstaklinga með 250 þúsund
krónur og minna verður 36,1 pró-
sent í staðinn fyrir 37,2 prósent líkt og
hann er nú. Sá hópur mun því græða
á áformuðum skattabreytingum. Þeir
sem hafa á bilinu 250 til 500 þúsund
krónur borga 41,1 prósents tekjuskatt
af tekjum umfram 250 þúsund krón-
ur. Þriðja þrepaskiptingin er síðan
fyrir þá sem hafa tekjur umfram 500
þúsund krónur. Af þeim þarf að borga
47,1 prósents tekjuskatt. Persónu-
afsláttur helst þó óbreyttur í 42.200
krónum. Ef tillögur um hátekjuskatt
á þá sem hafa meira en eina milljón
króna í mánaðarlaun er ljóst að þeir
tekjuhæstu munu borga meira en
helmings skatt af launum sínum um-
fram eina milljón króna. Lilja vonast
til þess að skattafrumvarp fari fyrir
þingið í lok vikunnar. as@dv.is
auðmannsskattur Lilja Mósesdóttir, þingmaður vinstri grænna, segir að hugmyndir
séu uppi um hátekjuskatt á þá sem hafa tekjur yfir eina milljón króna á mánuði.
ljósMyndari: KrisTinn Magnússon