Dagblaðið Vísir - DV - 16.11.2009, Blaðsíða 14
14 mánudagur 16. nóvember 2009 fréttir
„Þingvellir við Öxará og grenndin þar
skal vera friðlýstur helgistaður allra
Íslendinga sem þjóðgarður. [...] Hið
friðlýsta land skal vera undir vernd
Alþingis og ævinleg eign íslensku
þjóðarinnar. Það má aldrei selja eða
veðsetja.“ Þannig hljóðar bútur úr
fyrstu grein laga um þjóðgarðinn á
Þingvöllum. Samt var lóðum undir
sumarbústaði úthlutað á tímabilinu
1930 til 1945 á Valhallarstíg, inni í
sjálfum þjóðgarðinum. Margir þeirra
bústaða hafa verið rifnir til að byggja
nýja, glæsilegri og mun stærri bú-
staði. Mun sumum finnast nafngift-
in Valhallarstígur passa vel þar sem
fjölmargir sumarbústaðaeigendur
þar eru sterklega tengdir inn í Sjálf-
stæðisflokkinn.
Stærsti bústaðurinn
Valhallarstígur liggur frá staðnum
þar sem Valhöll var og hét og með-
fram Þingvallavatni. Sumarhúsaeig-
endur við stíginn hafa því stórkost-
legt útsýni yfir Þingvallavatn öðrum
megin og Almannagjá hinum megin
við bústaðinn. Við nokkra bústaðina
eru bátaskýli og stigi niður frá hús-
inu að vatninu. Þetta sumarhúsaland
er eitt það dýrasta á landinu og það
allra vinsælasta.
Tæplega tvö hundruð fermetra
bústaður stendur við Valhallarstíg
syðri númer fjórtán. Sá er meðal
annars í eigu Guðrúnar Pétursdóttur,
fyrrverandi forsetaframbjóðanda, en
eiginmaður hennar er Ólafur Hanni-
balsson, bróðir Jóns Baldvins Hanni-
balssonar, fyrrverandi utanríkisráð-
herra. Bústaðinn eignaðist Guðrún í
september árið 1999. Frá árinu 1998
var hún varaborgarfulltrúi Sjálfstæð-
isflokksins. Bústaður hennar er sá
stærsti á stígnum samkvæmt Fast-
eignaskrá ríkisins.
Góðvinur Davíðs
Sendiherrann fyrrverandi Sigríð-
ur Ásdís Snævarr á tæplega 120 fer-
metra sumarhús við Valhallarstíg
syðri númer tvö. Húsið var byggt
árið 2002 og er í einu orði sagt glæsi-
legt. Grastorf er á þaki þess og stórir
gluggar sem vísa út að vatninu. Arki-
tektúr hússins er mjög í stíl við um-
hverfið sem er eitt þeirra atriða sem
Þingvallanefnd tekur mið af þegar
bygging sumarhúsa er leyfð í þjóð-
garðinum.
Sigríður er eiginkona Kjart-
ans Gunnarssonar, góðvinar Dav-
íðs Oddssonar. Kjartan er hvað best
þekktur fyrir að hafa verið fram-
kvæmdastjóri Sjálfstæðisflokksins
frá því um haustið 1980 fram í októb-
er 2006 – í 26 ár.
Forsetabústaður
Eitt merkasta sumarhúsið á svæðinu
er við Valhallarstíg nyrðri númer 7
og er nú í eigu Boga Óskars Pálsson-
ar og Sólveigar Dóru Magnúsdóttur.
Bogi er fyrrverandi forstjóri Toyota á
Íslandi og stjórnarformaður Exista.
Tvö hús eru skráð á þau hjónin, ann-
að tæplega 103 fermetra og hitt tæp-
lega fjörutíu fermetra.
Vigdís Finnbogadóttir, fyrrverandi
forseti lýðveldisins, keypti bústað-
inn af kaupsýslukonunni Sonju Zor-
illu. Það var síðan Ásdís Halla Braga-
dóttir sem keypti lóðina árið 2005
en hún hefur sinnt ýmsum störfum,
var blaðamaður á Morgunblaðinu,
framkvæmdastjóri þingflokks sjálf-
stæðismanna, bæjarstjóri í Garðabæ
og forstjóri Byko. Þegar Gunnar Birg-
isson hvarf úr embætti bæjarstjóra í
Kópavogi fyrr á árinu var Ásdís Halla
orðuð við embættið en sú varð ekki
raunin. Hún seldi bústað sinn við
Valhallarstíg til Boga og Sólveigar
árið 2006.
Hálfkláraður bústaður
Sama ár seldi Bogi sumarbústað
sinn við Valhallarstíg nyrðri númer
fimmtán til Ágústs Guðmundsson-
ar, Bakkavararbróður, og konu hans,
Þuríðar Reynisdóttur. Tveimur árum
seinna var bústaðurinn fluttur á GT
2, einkahlutafélag þar sem Ágúst sit-
ur í stjórn.
Ágúst reif sumarhúsið á lóðinni
sem var rúmlega fimmtíu fermetrar
og hóf byggingu á rúmlega helmingi
stærra, steyptu húsi. Vakti það mikla
Brot úr lögum um þjóðgarðinn á þingvöllum
1. gr. Þingvellir við Öxará og grenndin þar skal vera friðlýstur helgistaður allra
Íslendinga sem þjóðgarður.
Hið friðlýsta land skal vera undir vernd Alþingis og ævinleg eign íslensku
þjóðarinnar. Það má aldrei selja eða veðsetja.
5. gr. Óheimilt er að gera nokkurt jarðrask eða reisa mannvirki innan þjóð-
garðsins á Þingvöllum nema að fengnu samþykki Þingvallanefndar og tekur
bann þetta m.a. til húsabygginga, vegagerðar, lagningar raf- og símalína,
borunar eftir vatni, töku jarðefna og vinnslu auðlinda úr jörðu og ræktunar-
framkvæmda. Þingvallanefnd er heimilt að binda samþykki á framkvæmdum
innan þjóðgarðsins þeim skilyrðum sem hún telur nauðsynleg vegna friðunar
samkvæmt lögum þessum.
9. gr. Brot gegn ákvæðum laga þessara, reglugerða og reglna settra samkvæmt
þeim varða sektum eða fangelsi ef sakir eru miklar.
Fjölmörg sumarhús eru við Valhallarstíg í þjóðgarðinum á
Þingvöllum þó að landið sé friðlýst. Sumum finnst Valhall-
arstígur bera nafn með rentu þar sem margir sumarbústaða-
eigendur þar tengjast Sjálfstæðisflokknum. Vinsælt er að rífa
bústaði í hóflegri stærð og byggja glæsihallir á svæðinu.
þjóðgarður FYrirmanna
lilja Katrín GunnarSDóttir
blaðamaður skrifar liljakatrin@dv.is
„Það má aldrei selja
eða veðsetja.“
Fyrir útvalda Í lögum stendur að
Þingvellir séu friðlýstur helgistaður
allra Íslendinga. Það er samt ekki á
færi allra að eiga þar sumarhús.
Á besta stað Sumarhús Sigríðar Snævarr
og Kjartans Gunnarssonar er glæsilegt og
vel í stíl við umhverfið. mynD SiGtryGGur ari
Ekkert til sparað Í góðærinu not-
aði Ágúst þyrlu til að ferja efnivið
fyrir bústað sinn á Valhallarstíg.