Dagblaðið Vísir - DV - 20.10.2010, Blaðsíða 26

26 fólkið 20. október 2010 miðvikudagur
Þorsteinn eggertsson:
Dóttir fréttahauksins Helga Seljan
og Katrínar Bessadóttur hefur
hlotið nafnið Ylfa Seljan. Sú stutta
kom í heiminn á mánudaginn fyrir
viku en þetta er annað stúlkubarn
þeirra. Tillaga eldri systur Ylfu,
Indíönu, hefur þá ekki orðið ofan á
en Helgi greindi frá
því á dögunum
að Indíana hefði
lagt til að litla
systir fengi
nafnið Dóra
Landkönnuður
Seljan. Sjálf
ætlaði hún að
taka upp nafnið
Solla Stirða
Seljan.
„Við erum búnir að vera með vatnið í þættinum
undanfarin tvö ár,“ segir vatnskóngurinn Jón
Ólafsson um Iceland Glacial-vatnið íslenska
sem drukkið er stíft í hinum geysivinsæla sjón-
varpsþætti Big Bang Theory sem sýndur er á
Stöð 2. Í hverjum þætti setjast fræðimennirnir
fjórir í þættinum niður í hádegismat þar sem
þeir starfa og þá eru oftar en ekki einn til tveir af
þeim að drekka íslenskt vatn.
Jim Parson, sem leikur hinn ófélagslynda
Sheldon Cooper, hlaut Emmy-verðlaunin í ár
fyrir besta leik í aðalhlutverki í Big Bang Theory.
„Við framleiðum það vatn sem er í flestum
sjónvarpsþáttum. Þetta hefur bara reddast í
gegnum samstarf mitt með þessum aðilum en
ég er með mjög góð sambönd í Hollywood,“
segir Jón, en þættirnir fá vatnið gefins þar sem
útbreiðsla þeirra hefur í för með sér gríðarlega
kynningu fyrir vatnið. Flaskan er líka það sér-
stök að það sést langar leiðir hvaða vatn er verið
að drekka.
Auk Big Bang Theory segir Jón vatnið hafa
verið drukkið í þekktum þáttum á borð við Sex
and the City, Scrubs, Entourage, Grey’s Ana-
tomy og House. „Markaðshlutdeild vatnsins
okkar vex hvað hraðast á vatnsmarkaði í Banda-
ríkjunum,“ fullyrðir Jón Ólafsson.
tomas@dv.is
Jón Ólafs og icelandic glacial-vatnið:
Íslenskt vatn
í Emmy-verðlaunaþætti
Vatnið við matarborðið Emmy-verðlaunahafinn Jim Parsons, sem leikur
Sheldon Cooper, að drekka Icelandic Glacial í The Big Bang Theory.
Bónorð
Breka
Fréttamaðurinn knái Breki Logason
sýndi það og sannaði á dögunum
að rómantíkin lifir enn í hjörtum
íslenskra karlmanna. Breki var í fríi í
New York þegar hann fór á skeljarnar
í Central Park og bað unnustu sína
Védísi Sigurðardóttur um að
giftast sér. Védís játaðist honum
og nú skoða þau dagsetningar og
kirkjur af miklum móð. Saman eiga
Breki og Védís hana Úlfdísi Völu
sem er tveggja ára. Breki hefur
verið fastagestur á sjónvarpsskjáum
landsmanna sem fréttamaður á Stöð
2 en áður var hann blaðamaður á
DV, ritstjóri á tímaritinu Hér & nú og
blaðamaður á Vísi.
Ylfa –
ekki Dóra
Hún Jóhanna Fjóla, tilvon-andi kona mín, notaði tækifærið síðast þegar var hlaupársdagur og bað mín.
En þennan eina dag á fjögurra ára
fresti má kona biðja sér manns. Ég
var náttúrulega búin að biðja hennar
nokkrum sinnum en hún hummaði
það alltaf af fram sér,“ segir Þorsteinn
Eggertsson, textaskáld og rithöfund-
ur, en hann og unnusta hans, Jó-
hanna Fjóla Ólafsdóttir, munu ganga
í það heilaga klukkan 20.10 þann
20.10. 2010. „Við erum búin að þekkj-
ast í 20 ár og ferðast til 10 landa sam-
an, þannig að þessi dagsetning 20.10.
2010 fannst okkur alveg upplögð.“
Þorsteinn og Jóhanna ætla að gifta
sig í Salnum í Kópavogi en Jóhanna
Fjóla er búddatrúar og mun búdda-
prestur gefa þau saman. Eftir brúð-
kaupið verða tónleikar þar sem óp-
erusöngvararnir Davíð Ólafsson og
Stefán Helgi Stefánsson syngja nokkur
af vinsælustu lögum Þorsteins. Spurð-
ur hvernig þetta óvenjulega brúðkaup
kom til segir Þorsteinn: „Við ætluð-
um bara að gera þetta heima í viður-
vist okkar nánustu en svo þegar ég var
að syngja á tónleikum í Garðinum um
daginn með Davíð Ólafssyni og Stef-
áni Helga Stefánssyni stungu þeir upp
á því að við myndum bara gera þetta
með „stæl“ og við slógum til.“
Þorsteinn segir að hann hafi kynnst
Jóhönnu Fjólu fyrir 20 árum þegar
systir hennar truflaði hann í miðjum
dansi á Þórskaffi og sagðist vilja kynna
hann fyrir konu sem hefði örugglega
áhuga á að kynnast honum. „Ég var í
miðjum dansi við aðra stelpu, svo ég
bað hana um að bíða aðeins og fór
með systurinni heim til Jóhönnu. Þar
sat hún og spilaði á píanó með fullt
hús af gestum og við höfum verið sam-
an síðan. Um sjö, átta árum eftir þetta
vorum við stödd á Rauða ljóninu á Sel-
tjarnarnesi þegar kona pikkar í öxlina á
mér og spyr hvort ekki væri sniðugt að
klára dansinn sem var stöðvaður fyrir
mörgum árum og var þar komin stúlk-
an af Þórskaffi forðum daga.“
Á tónleikunum munu þeir Davíð
Ólafsson og Stefán Helgi Stefánsson
syngja lög með textum eftir Þorstein,
en þá ættu margir að þekkja og má
þar nefna, Er ég kem heim í Búðardal,
Harðsnúna Hanna, Fagra litla diskó-
dís, og Slappaðu af. Tónleikagestir geta
heilsað upp á brúðhjónin í tónleika-
hléi og vonast Þorsteinn til að sjá sem
flesta.
Búdda-
brúðkaup
á tónleikum
Textaskáldið góðkunna Þorsteinn
eggertsson hyggst ganga í hjóna-
band með unnustu sinni Jóhönnu
fjólu ólafsdóttur miðvikudaginn
20.10. 2010 klukkan 20.10 í Salnum í
kópavogi. Hann segir tímasetninguna
viðeigandi þar sem þau eru búin að vera
saman í 20 ár og ferðast til 10 landa.
Þorsteinn og Jóhanna
Fjóla Jóhanna bað
Þorsteins á hlaupársdag.