Dagblaðið Vísir - DV - 13.12.2010, Side 24

Könnun Forbes-tímaritsins:
LeBron fékk of lítið borgað
Þrátt fyrir að hafa fengið 15,8 milljónir
dollara í laun hjá Cleveland Cavaliers
í fyrra fékk enginn minna greitt fyrir
framlag sitt til liðsins í NBA-deildinni
en LeBron James. Þetta kemur fram í
könnun sem Forbes-tímaritið gerði.
Könnunin var þannig upp sett að laun
leikmanna voru miðuð við hversu
marga sigra ákveðnir leikmenn höfðu
borið ábyrgð á.
Það var íþróttahagfræðingurinn
David Berri sem sá um rannsókn-
ina en samkvæmt hans formúlu bar
LeBron James ábyrgð á 27,2 sigrum
Cleveland Cavaliers á síðasta tímabili,
meira en nokkur annar leikmaður í
NBA-deildinni. Samkvæmt rannsókn
Forbes borga liðin í NBA leikmönn-
um sínum að meðallagi 1,7 milljónir
dollara samanlagt í laun fyrir hvern
sigur. Það þýðir að þessir 27,2 sigrar
sem LeBron átti heiðurinn af skiluðu
liðinu og liðsfélögum LeBrons 46,6
milljónum dollara í laun, 30,7 millj-
ónum meira en liðið borgaði honum.
Kevin Durant, aðalstjarna Okla-
homa City Thunder, var annar á
listanum yfir þá sem fengu minnst
borgað fyrir framlag sitt. Hann átti
heiðurinn af 19,7 sigrum Oklahoma
á síðasta tímabili en fékk „aðeins“
4,8 milljónir dollara í laun fyrir árið.
Næstu menn á eftir voru Rajon Rondo
hjá Boston Celtics sem skilaði 17
sigrum fyrir 2,1 milljónir í laun, Ja-
son Kidd hjá Dallas Mavericks sem
átti heiðurinn af 19,6 sigrum og fær
8 milljónir í laun og í fimmta sætinu
er Gerald Wallace, leikmaður Charl-
otte Bobcats sem skilaði 19,4 sigrum
en hirti launatékka upp á 9,1 milljónir
dollara. tomas@dv.is
Mættur til Miami LeBron varð ekki vinsæll í Cleveland þegar hann yfirgaf liðið fyrir Miami
Heat. Mynd ReuteRs
24 | Sport Umsjón: tómas Þór Þórðarson tomas@dv.is 13. desember 2010 Mánudagur
Khan hélt
titlinum
n Breski hnefaleikakappinn Amir
Khan hélt WBA-veltivigtartitli sínum
með naumindum á laugardags-
kvöldið þeg-
ar hann vann
Marcos Maidana á
stigum. Maidana
hafði meitt Khan
illilega í tíundu
lotu, kýlt hann
svo svakalega að
Khan náði varla
að standa í fæt-
urna. Með því að standa það högg
af sér afsannaði Khan ýmislegt sem
hefur verið sagt um getu hans í að
taka á móti þungum höggum. Sig-
urinn var alls ekki eins sannfærandi
og margir höfðu búist við en Khan
er ein af skærustu stjörnum hnefa-
leikanna í dag.
Styttist í
Mayweather
n Þjálfari Amirs Khans, Freddy Roach,
sem einnig þjálfar Manny Pacquiao,
vill nú að Khan taki einn bardaga
til viðbótar í
veltivigtinni og
reyni svo við
Floyd Maywe-
ather sem er af
flestum talinn
besti hnefaleika-
kappi allra tíma
enda hefur hann
aldrei tapað.
Voru orð Roach frekar stór þar sem
Khan sýndi með frammistöðunni
gegn Maidana að hann er ekki
nálægt Mayweather í getu. Roach
dreymir um að þjálfa kappa upp á
móti Mayweather en hinn ósigraði
Bandaríkjamaður hefur ávallt neit-
að að berjast gegn Pacquiao.
Vettel vill
verða betri
n sebastian Vettel, heimsmeistari í
Formúlu 1, tók á móti heimsmeist-
aratitlinum formlega á galakvöldi
Formúlunnar
í Mónakó um
helgina. Hann
sagðist þar von-
ast til að erf-
iðleikar þessa
tímabils myndu
hjálpa honum í
framtíðinni. „Ég
vona að ég eigi
miklu meira inni og geti sýnt fólk-
inu meira af mér. Ég vil verða betri
ökumaður og einnig betri maður.
Þetta ár var mér virkilega erfitt en
útkoman var sætari en ég hefði get-
að ímyndað mér,“ segir heimsmeist-
arinn Sebastian Vettel.
Tevez fær
ekki að fara
n Carlos tevez, framherja Manchest-
er City, líður eitthvað illa þessa dag-
ana og vill hann yfirgefa City strax í
janúar og flytjast
heim til Argent-
ínu. Hann lagði
inn beiðni um
félagaskipti um
helgina en henni
var góðfúslega
synjað af yfir-
mönnum City.
„Þessi beiðni
er óþægileg fyrir liðið og kemur á
óheppilegum tíma. Félagið mun nú
hugsa um leikina sem framundan
eru og vonast eftir góðu tímabili.
Tevez mun áfram verða valinn í lið-
ið vilji hann það,“ segir í yfirlýsingu
frá Manchester City.
Molar
Jón Arnór stigahæstur í óvæntum sigri
Körfuknattleiksmaðurinn Jón Arnór Stefánsson fór á kostum fyrir sitt
lið, CG Granada, þegar það vann óvæntan sigur á DKV Joventut sem er
eitt af toppliðum spænsku úrvalsdeildarinnar í körfubolta. Jón Arnór
skoraði nítján stig á þeim 25 mínútum sem hann spilaði auk þess sem
hann tók fjögur fráköst og gaf eina stoðsendingu. Hann setti niður þrjá
þrista og hitti úr öllum vítunum sínum. Hann skoraði meðal annars sjö
síðustu stigin í þriðja leikhluta þegar Joventut var farið að sækja vel að
Granada.
eygló tvöfaldur meistari
Eygló Ósk Gústafsdóttir, sundkona úr Ægi, vann um helgina tvo
Norðurlandameistaratitla unglinga í sundi. Hún hafði gull í 800
metra skriðsundi á laugardaginn og bætti svo öðru gulli í sarpinn
í gær þegar hún kom fyrst í mark í 200 metra baksundi. Hún vann
einnig silfur í 100 metra baksundi. Anton Sveinn McKee, einnig úr
Ægi, vann til tvennra silfurverðlauna á sama móti, í 400 og 1.500
metra skriði, en Kolbeinn Hrafnkelsson landaði bronsverðlaun-
um í 200 metra baksundi.
„Markmiðin okkar voru vissulega há-
leit, að komast í milliriðla, en þau náð-
ust ekki. Ég held samt að stelpurnar
komi út úr þessu sem sigurvegarar,“
segir Júlíus Jónasson, landsliðsþjálfari
kvenna í handbolta. Stelpurnar okkar
töpuðu síðasta leik sínum í riðlinum
gegn heimsmeisturum Rússa á laugar-
daginn en það var þriðja tapið í þrem-
ur leikjum. Ísland er því úr leik og end-
aði samanlagt í fimmtándi sæti á sínu
fyrsta stórmóti. „Þetta var þeirra fyrsta
mót og það er mikill lærdómur sem
þær geta dregið af því. Það var margt
sem þessi hópur fór í gegnum á einni
viku, bæði innan vallar og utan,“ seg-
ir Júlíus.
tæknimistök eilíft vandamál
Ekki verður sagt að landsliðið hafi átt
mikla möguleika á að vinna nokkurn
af leikjunum þremur enda við ofurefli
að etja í öll skiptin. Júlíus og stelpurn-
ar munu samt án efa hugsa um leikina
fram að jólum og spá hvernig útkoman
hefði getað orðið án tæknimistakanna.
Mistökin sem íslenska liðið gerði í
sókninni í gegnum allt mótið voru
ótrúlega mörg og gerði liðið andstæð-
ingum sínum oft auðvelt fyrir.
„Þetta er vandamál sem við höfum
átt við að etja í mörg ár. Við höfum séð
það þegar við náum að fækka tækni-
feilunum náum við betri úrslitum. Það
eru samt ekki bara þeir sem gera út af
við okkur á þessu móti. Við vorum líka
að fara rosalega illa með dauðafærin.
Það var eitt af því sem hefði mátt vera
betra því betri nýting úr þeim hefði
hjálpað okkur,“ segir Júlíus.
Gáfust aldrei upp
Ef það á að hrósa stelpunum fyrir
eitthvað verður það að vera óþreyt-
andi baráttuandi og gleðin sem skein
af andlitum leikmanna liðsins sama
hvernig staðan var. „Við settum þetta
upp þannig að leikmenn áttu að
skemmta sér og virkilega njóta tím-
ans hérna og það gerðu þær. Stelpurn-
ar gáfust aldrei upp þó oft hafi verið á
brattann að sækja. Þær sýndu mikinn
karakter og mikla liðsheild. Við vorum
að sjá mörg stór töp í þessu móti hjá
liðum sem hafa í gegnum tíðina verið
miklu sterkari en við. Það er uppgjöf
sem sást aldrei hjá okkur.“ segir Júlíus.
„Stelpurnar lærðu líka mikið. Í
svona móti er margt nýtt fyrir framan
þig. Fyrir utan auðvitað þessa gríðar-
lega sterku andstæðinga þá er nátt-
úrulega umgjörðin miklu meiri, fleiri
blaðamenn og umfjöllun sem þær eru
kannski ekki vanar.“
ungu leikmennirnir stóðu sig
Í íslenska liðinu vakti hin átján ára Þor-
gerður Anna Atladóttir mikla athygli
en hún var fjórði yngsti leikmaðurinn
á mótinu. Hún kom vart inn á völlinn
án þess að láta að sér kveða. „Þorgerð-
ur nýtti sínar mínútur mjög vel,“ segir
Júlíus stuttorður um Þorgerði. „Mótið
gaf öllu liðinu mikla reynslu en þá sér-
staklega þessum ungu. Það eru fleiri
ungir leikmenn í liðinu sem eru með
stórt hlutverk eins og Karen Knúts og
Rut Jónsdóttir. Svo í síðasta leiknum
var Rebekka að koma sterk inn sem
og Sunna Jóns. Það var margt jákvætt
í því,“ segir Júlíus.
Dregið verður í undanriðla fyr-
ir næstu heimsmeistarakeppni í vik-
unni og segir Júlíus sig nú geta krafist
meira af stelpunum. „Nú vita þær hvað
það er að fara á svona mót. Því get ég
krafist meira af þeim í næstu verkefn-
um. Þær vita hvað þarf til að komast á
svona mót og vita nú hvað það er að
vera á stórmóti. Það er því eitthvað til
að sækjast eftir,“ segir Júlíus, en hvað er
hann ánægðastur með eftir þessa viku
í Árósum?
„Hvernig stelpurnar skemmtu sér
og héldu gleðinni. Reynsluna sem þær
söfnuðu og að þær gáfust aldrei upp.“
Þær gáfust aldrei upp
n stelpurnar úr leik á eM n unnu ekki leik n Gáfust aldrei upp og eru reynslunni ríkari
Tómas Þór Þórðarson
blaðamaður skrifar tomas@dv.is
Fyrsta mótinu lokið
Stelpurnar okkar koma
heim án sigurs en með mikla
reynslu í farteskinu.
Mynd siGtRyGGuR ARi