Dagblaðið Vísir - DV - 17.12.2010, Qupperneq 64

Fréttaskot 512 70 70Áskrift 512 70 80
Dáðustu
synir
Kópaskers!
Brynja skilin
við Atla
n Í nýjasta tölublaði Séð og
heyrt er sagt frá því að Brynja
Þorgeirsdóttir, dagskrárgerðarkona
í Kastljósinu, og Atli Guðmundsson
tamningamaður séu skilin og að
Brynja sé flutt út úr húsi þeirra sem
þau festu kaup á á Álftanesinu.
Hún hafi þó ekki flutt langt og búi
reyndar í sömu götu.
Brynja og Atli hafa verið saman um
nokkurra ára skeið
og eiga einn dreng
saman. Sameigin-
legur áhugi þeirra
á hestamennsku
leiddi þau
saman í upphafi
en ekki er getið
um ástæður
skilnaðarins
í fréttinni
í Séð og
heyrt.
Ekki frá Kenía
n Sundrottningin og fyrirsætan,
Ragnheiður Ragnarsdóttir, keppir
þessa dagana fyrir Íslands hönd á
heimsmeistaramótinu í 25 metra
laug. Hefur Ragnheiður verið þar í
nokkrar vikur og lenti hún um daginn
með manni í lyftu sem hélt að hún
væri afrísk. „Ertu frá Kenía?“ spurði
maðurinn hina snjóhvítu íslensku
sundmær sem hefur þó greinilega
fengið mikinn lit á
ferðalögum sínum
undanfarið.
„Nei,“ svaraði
Ragnheiður og
skrifaði síðan á
Facebook-síðu
sína að líklega
yrði hún „tanaða
pían heima um
jólin“. Ragnheiður
bætti eigið
Íslandsmet í 100
metra skriðsundi á
HM en komst þó
ekki í undanúrslit
í greininni.
Nýi kærastinn nörd
n Séð og heyrt greindi frá því í nýjasta
hefti sínu að fyrirsætan Kristrún Ösp,
sem nýverið hætti með knattspyrnu-
goðinu Dwight Yorke, væri komin með
nýjan kærasta. Sá heitir Stefán Lárus
Hjálmarsson og er átján ára, tveimur
árum yngri en Kristrún. Eru þau
virkilega ástfanginn, en önnur forboð-
in ást virðist þó eiga hug Stefáns og
hjarta, fjölspilunartölvuleikurinn
World of Warcraft. Á Facebook-síðu
sinni skrifar Kristrún: „Á kærasta sem
er nörd og spilar world of
warcraft en ætli það sé
ekki hægt að fyrirgefa
það af því hann er
sætastur og bestur.“
Stefán skrifar á síðu
Kristrúnar að
hann hlakki til
að hitta hana
og Kristrún
svarar að
bragði:
„Skildu þá
allavega
wow eftir
heima.“
HELGARBLAÐ
17.–19. DESEMBER 2010
146. TBL. 100. ÁRG. LEIÐB. VERÐ 395 KR.
„Mér reiknast til að 0,036 prósent
jarðarbúa séu búnir að sjá mynd-
bandið,“ segir kvikmyndagerðar-
maðurinn Ottó Gunnarsson. Í apríl
setti hann á YouTube „sleifaratrið-
ið“ svokallaða, sem upphaflega
var sýnt á þorrablóti á Kópaskeri.
Ottó leikur í myndbandinu ásamt
bræðrum sínum Óla Jóni og Ómari.
Þar er yngsti bróðirinn, Óli Jón,
blekktur með sleifarhrekk og eru
viðbrögð hans vægast sagt hlægi-
leg.
Myndbandið vakti athygli og
birtist meðal annars í spjallþætt-
inum Tonight Show með Jay Leno
í maí. Nú hafa Japanir einnig sýnt
því áhuga. „Japanskt framleiðslu-
fyrirtæki er búið að kaupa einkarétt
á notkun myndbandsins í Japan
í heilt ár,“ segir hann hróðugur en
harðneitar að gefa upp hvað hann
fái fyrir sýningarréttinn. „Þetta er
bara klink,“ segir hann sposkur.
Spurður hvort bræðurnir fái not-
ið góðs af söluhagnaðinum segir
Ottó: „Það er aldrei að vita nema
maður láti þá haf...“ segir Ottó en
kemst ekki lengra því hróp fyrir aft-
an hann yfirgnæfa hann: „Við fáum
ekki neitt af þessu, helvítis fíflið
ætlar að eyða þessu öllu sjálfur!“
„Æi, þegiðu Óli Jón!“ kallar Ottó
þá hastur á móti en bætir svo blíð-
róma við að það sé fyrst og fremst
gaman að vita til þess að hægt sé
að vekja athygli með þessum hætti.
Honum hafi þó blöskrað hversu
mikil skriffinnska liggi að baki
svona sýningarrétti. Myndbandið
verður sýnt þann 28. desember
á Nippon TV-sjónvarpsstöðinni
í Japan, í þætti sem heitir The Ex-
treme and Amazing Heroes in the
World. baldur@dv.is
Ekkert lát á vinsældum „sleifaratriðis“ bræðranna frá Kópaskeri:
Japanir kaupa sýningarréttinn
Gyðja Collection
kynnir með stolti
E.F.J Eyjafjallajökull
by Gyðja

E.F.J er klassískur og kryddaður ilmur
en um leið léttur og ferskur með anga
af sítrus, vanillu, rósum og bergamot.
Ilmurinn er unninn úr jökulvatni
beint frá Eyjafjallajökli með áföstum
hraunmola úr gosinu.
Fangaðu orku Eyjafjallajökuls úr
hverjum dropa í þessu einstaka
ilmvatni. Eau de Perfume 100 ml.