Dagblaðið Vísir - DV - 07.03.2011, Page 3

Fréttir | 3Mánudagur 7. mars 2011
FER EKKI Í SKÓLA
VEGNA EINELTIS
hvort fólk myndi vilja láta koma svona
fram við sig svara allir neitandi og segj-
ast ætla að grípa í taumana en það er
ekkert gert. Hann hefur verið aleinn
hér heima í rúman mánuð. Það hefur
ekki komið barn að spyrja eftir honum.“
Vinirnir snerust gegn honum
Eineltið hefur ekki alltaf verið svona
slæmt. Í fyrra var nánast allt fallið í ljúfa
löð og drengurinn var búinn að eignast
tvo góða vini. „Þetta var farið að ganga
rosalega vel og það var spurt eftir hon-
um nánast á hverjum degi.
Ég veiktist svo aftur, fékk nýrna-
steina og þurfti að fara í aðgerðir.
Þannig að við fluttum aftur í bæinn
í níu mánuði. Á þeim tíma fór hann
stundum að heimsækja þessa vini sína
og það var mikil gleði þegar við fluttum
aftur í Hveragerði.
En það var eins og við værum smit-
andi veirusjúklingar þegar við kom-
um og þessir strákar hafa ekki látið sjá
sig, enda hef ég fengið að heyra það frá
þessum fjölskyldum að strákarnir megi
ekki koma inn á heimilið. Þetta er svo
niðurlægjandi fyrir okkur og ekki síst
hann. Eftir öll þessi ár skil ég þetta ekki.“
Í hálfgerðu stofufangelsi
„Ég fer ekki einu sinni út úr húsi því
mér líður svo illa og hann gerir það
ekki heldur. Hann situr bara heima all-
an daginn og grætur. Honum líður bara
hryllilega. Hann á enga vini. Tölvan er
hans eini vinur. Ég reyni að halda hon-
um félagsskap og fara með honum í
sund eða göngutúr en þá keyrum við
til Reykjavíkur til þess að gera það. Við
gerum það ekki hér. Allt hér skapar ótta
og óöryggi hjá honum.“
Á meðan hann gekk í skóla svaf
hann lítið vegna kvíða en núna er
óregla kominn á svefninn. „Hann fer
seint að sofa og sefur fram eftir. Hann
er ekki vanur þessari óreglu og kann
því illa. Hann borðar allt of mikið og
sækir huggun í mat. Hann er dottinn
í þunglyndi og er orðinn daufur og
áhugalaus. Enda er hann algjörlega
félagslega einangraður, eins og það er
mikið af krökkum hérna. Það er varla
annað hægt en að líkja þessu við stofu-
fangelsi.“
Dauðans alvara
„Núna á þessi barnasálfræðingur að
mæla kvíðann í honum og vinna með
hann. Ég get ekki séð að það eigi að
opna umræðuna. Það þarf að ræða
þetta, bæði í skólanum og inni á heim-
ilunum því þetta hlýtur að koma það-
an.
En ég er ekki að segja að það hagi
allir sér svona, þeir sem gera það vita
hverjir þeir eru og geta tekið þetta til
sín. Framkoma þeirra hefur verið virki-
lega ljót. Og ég get ekki þagað yfir því
því þetta er dauðans alvara. Ég veit til
þess að í fyrra frömdu þrjú börn sjálfs-
víg eftir einelti.“
Fórnarlamb Hefur ekki farið í skólann í Hveragerði í mánuð eftir að hafa verið útskúfað af
öðrum börnum. MYND RÓBERT REYNISSON
Ingibjörg Pálmadóttir, athafnakona
og eiginkona Jóns Ásgeirs Jóhann-
essonar, segir að fyrirtækin tvö sem
hún á hér á landi, fjölmiðlafyrirtæk-
ið 365 og 101 Hótel við Hverfissgötu í
Reykjavík, hafi gengið í gegnum fjár-
hagslega endurskipulagningu og séu
í skilum. Samkvæmt þessu svari Ingi-
bjargar bendir því ekkert annað til en
að hún haldi þessum tveimur eign-
um sínum í kjölfar skuldauppgjörs
við lánardrottna sína.
Orðrétt segir Ingibjörg í svari sínu
við spurningum DV sem blaðið sendi
hennni í kjölfar frétta þess efnis að
skilanefnd Landsbankans hefði leyst
til sín íbúð í hennar eigu í New York
sem metin er á 2,5 milljarða króna:
„Þau fyrirtæki sem ég á á Íslandi 101
Hotel og 365 hafa gengið í gegnum
endurskipulagningu og hafa staðið í
skilum.“
Tilefni spurninga DV var meðal
annars að komast að því hvað yrði
um umræddar eignir Ingibjargar hér
á landi og hvort hún myndi missa
þær í skuldauppgjöri sínu við gamla
Landsbankann. Svo virðist hins veg-
ar ekki vera og segir Ingibjörg jafn-
framt að skilanefnd Landsbankans
tengist ekkert rekstri 365: „Skila-
nefnd LI hefur ekkert með 365 að
gera svo það sé skýrt.“
Ingibjörg: Íbúðin ekki veðsett
Ingibjörg segir að íbúðin í New York
sem skilanefnd Landsbankans leysti
til sín hafi ekki verið veðsett, öfugt
við það sem fram hefur komið í fjöl-
miðlum um íbúðina. Ástæða þess
að Landsbankinn, sem lánaði Ingi-
björgu og Jóni Ásgeiri fyrir íbúðinni
árið 2007, tók yfir íbúðina er því ekki
sú að bankinn hafi leyst til sín veð
sitt heldur sú að Ingibjörg hafi lát-
ið bankann fá íbúðina í umræddu
skuldauppgjöri sínu við bankann.
Um þetta segir Ingibjörg: „Íbúð-
in var ekki veðsett. Það er einfalt að
sjá það í opinberum gögnum í NY.
Ég hef gert upp allar mínar skuld-
bindingar við Landsbankann í formi
eigna og peningagreiðslna.“
Ingibjörg virðist því hafa lokið
við uppgjör skulda sinna við gamla
Landsbankann.
Greiddi 800 milljóna lán
Ingibjörg segir að skíðahótelið í
Courchevel í Frakklandi, sem var í
eigu félags Ingibjargar 101 Chalet,
hafi verið selt í fyrra og andvirðið
runnið til skilanefndar Glitnis. Skál-
inn var auglýstur til sölu í frönskum
fjölmiðlum haustið 2009. „Sama er
að segja um skíðahótelið marg um-
rædda í Frakklandi. Það var selt á
síðasta ári og ég greiddi Glitni allt
lánið ásamt vöxtum,“ segir Ingibjörg.
Líkt og komið hefur fram í fjöl-
miðlum lánaði Glitnir félaginu
Gaumi, sem var í eigu Jóns Ásgeirs
og tengdra aðila, 11,5 milljónir evra,
tæpa tvo milljarða króna á núvirði,
fyrir skíðaskálanum árið 2008. Skál-
inn var þá í eigu BG Denmark sem
var dótturfélag Gaums. Jón Ásgeir
hefur sjálfur sagt í fjölmiðlum að
Glitnir hafi lánað fyrir skálanum án
veða en þetta lán Glitnis hefur verið
deiluefni í málaferlum slitastjórnar
Glitnis gegn Jóni Ásgeiri í New York.
Eignarhaldið á skálanum var svo
fært frá Gaumi yfir í félag Ingibjarg-
ar, 101 Chalet, sumarið 2008. 101
Chalet fékk þá 800 milljóna króna
yfirdráttarlán frá Glitni til að kaupa
skíðaskálann, líkt og fjallað er um í
skýrslu rannsóknarnefndar Alþing-
is. Skálinn var þá seldur á 2,3 millj-
arða króna og var lánið frá Glitni því
aðeins hluti af fjármögnuninni, hinn
hluti hennar kom frá Landsbankan-
um og belgíska bankanum Fortis.
Samkvæmt svari Ingibjargar hef-
ur hún því væntanlega gert upp um-
rætt 800 milljóna króna lán við Glitni
eftir að skálinn var seldur í fyrra.
Ingi Freyr Vilhjálmsson
fréttastjóri skrifar ingi@dv.is
„Ég hef gert upp
allar mínar skuld-
bindingar við Lands-
bankann í formi eigna
og peningagreiðslna.
SKÍÐASKÁLI
INGIBJARGAR
SELDUR UPP
Í SKULDIR
n Ingibjörg Pálmadóttir segir 365 og 101 Hótel
standa í skilum n Segir íbúðina í New York ekki hafa
verið veðsetta Landsbankanum n Ingibjörg segir
skíðaskálann í Frakklandi hafa verið seldan í fyrra
Greiddi Glitni 800 milljónir
Skíðaskáli Ingibjargar í Courche-
vel í Frakklandi hefur verið
seldur upp í skuldir.