Dagblaðið Vísir - DV - 07.03.2011, Blaðsíða 13
Fréttir | 13Mánudagur 7. mars 2011
„Megnið af þessum útlendingunum
eru góðir vinir mínir og fínir félagar
þannig að það er ekki rétt að við séum
að sameinast í Semper Fi gegn erlend-
um hópi,“ segir Jón Hallgrímsson, oft-
ast kallaður Jón stóri en DV greindi frá
því á föstudaginn að lögreglan óttaðist
uppgjör glæpahópa sem skotið hafa
rótum á Íslandi. Samkvæmt leyniskjöl-
um sem DV hefur undir höndum met-
ur lögreglan það þannig að nýr hóp-
ur glæpamanna hafi verið stofnaður
til þess að bregðast við breyttri stöðu í
undirheimunum.
Vinir á forsíðunni
Samkvæmt upplýsingum lögreglunn-
ar hafa meðlimir hópsins Semper Fi
sem Jón stóri stendur á bak við ítrek-
að komist í kast við lögin, aðallega í
tengslum við fíkniefni en einnigt eru
tengingar við margvíslega brotastarf-
semi svo sem rekstur á spilavítum,
peningaþvætti, ofbeldi og hótanir.
Lögreglan hefur grun um að hópurinn
hafi sameinast til að geta mætt ógnun-
um og ofbeldisverkum erlendu mann-
anna. Jón stóri segir það af og frá, hann
sé ekki í baráttu um völd í undirheim-
unum. Aftur á móti séu þetta upp til
hópa vinir hans eða félagar: „Ég er að
sjá vini mína á forsíðunni með mér.
Ég þekki Einar, hann er mjög góður
maður. Ég þekki líka til Rikka, hann er
með dóttur eins af mínum bestu vin-
um. Jón Trausta hef ég ekki séð í mörg
ár en ég talaði alveg við hann þegar ég
rakst á hann á förnum vegi. Hann var
kunningi minn. Þetta er svo lítið land.
Ég þekki fullt af útlendingum og flestir
þeirra eru bara mjög góðir strákar. Það
er ekkert út á þá að setja.“
Hafa allir verið dæmdir
Yfirlýstur tilgangur Semper Fi er að
æfa saman lyftingar og bardagaíþrótt-
ir. „Málið er það að við eigum allir
okkar fortíð. Af því að við höfum allir
fengið dóm er okkur meinað að æfa
blandaðar bardagaíþróttir sem kallast
mixed martial arts, en það mega allir
aðrir æfa þetta. Við ætluðum að koma
okkur upp aðstöðu þar sem enginn
gæti bannað okkur að æfa það sem við
viljum.“
Standa saman
Lögreglan telur að til standi að byggja
Semper Fi upp þannig að menn muni
bera stöðuheiti og greiða félagsgjöld
til að njóta verndar innan hópsins, en
Semper Fi merkir Ávallt trúr. Jón stað-
festir það. Til stendur að félagsmenn
greiði félagsgjöld. „Auðvitað munum
við standa saman. Auðvitað stendur
maður á bak við vini sína þegar eitt-
hvað kemur upp á, sama hvers eðlis
það er. Við erum ekkert endilega að
tala um ofbeldi. Ég man ekki hvenær
einhver var dæmdur fyrir ofbeldisverk
síðast, kannski einn gaur sem lenti
í slagsmálum niðri í bæ um daginn.
Svo er eitt mál að fara fyrir dóm núna
þar sem félagi okkar var að takast á við
konuna sína.“
Sá maður er sakaður um að hafa
haldið fyrrverandi kærustu sinni
nauðugri hjá sér og beitt hana grófu
ofbeldi þar til hún ætlaði að flýja með
því að stökkva niður af svölunum. Þá á
hann að hafa veist að henni með þeim
hætti að hún missti takið og lenti illa
með þeim afleiðingum að hún slasað-
ist illa.
Lokaður klúbbur
Fyrr í vetur voru sagðar fréttir af því
að um 300 manns hefðu sótt um inn-
göngu í Semper Fi. Jón segir að enn
séu bara sex félagar til fimmtán ára
í klúbbnum. „Fullt af vinum okkar
hanga í kringum okkur en við erum
bara sex í þessu félagi. Ætli það séu
ekki fjórir eða fimm búnir að fá vil-
yrði fyrir því að fá inni á næstunni. Til
stóð að taka fleiri inn en við ákváðum
að hinkra aðeins með það. Við viljum
ekkert fá hvern sem er þarna inn. Þetta
erum bara við strákarnir sem höfum
verið að skemmta okkur saman og
núna langar okkur að geta æft það sem
okkur er bannað að æfa. Þannig að við
erum ekkert að hleypa einhverjum
Jóni Jóns inn af götunni. Síður en svo.“
Fylgst með honum
Á föstudag var einnig greint frá því að
Ögmundur Jónasson vilji rýmka rann-
sóknarheimildir lögreglunnar, meðal
annars til þess að hægt sé að fylgjast
betur með glæpasamtökum í von um
að spyrna við fíkniefnasmygli, mansali
og öðrum brotum. Þar sem Semper Fi
er einn af þeim hópum sem lögreglan
fjallar um í gögnunum sem DV hef-
ur undir höndum má ætla að lögregl-
an gæti jafnvel fengið dómsúrskurð til
þess að fylgjast með klúbbnum. „Ég
kippi mér ekkert upp við það. Lögregl-
an er hvort eð er alltaf að fylgjast með
mér og bankar reglulega upp á. Hún
er bara að vinna vinnuna sína. Ég ætla
ekkert að neita því að ég fæ mér stund-
um aðeins í glas og þegar ég geri það
þá geri ég það almennilega,“ segir Jón
sem hefur rætt opinberlega um fíkni-
efnaneyslu sína.
Með ólögráða stúlku
„Þið sögðuð nú reglulega fréttir af því
þegar lögreglan var að sækja stelpuna
sem ég er með. Það var glórulaust að
senda hana þarna upp eftir. Ég skil
ekkert í því af hverju það var gert þri-
svar sinnum í röð þegar hún kom allt-
af aftur hingað til mín. Á endanum
sáu þeir að það gekk ekkert, þannig
að núna er hún bara hjá mér.“ Stúlk-
an sem um ræðir er ekki orðin átján
ára gömul og því ólögráða. Lögreglan
hefur sótt hana þrisvar sinnum til Jóns
og sent hana á Stuðla. Hún fór þó alltaf
aftur til Jóns sem hefur sagt að hún vilji
bara vera hjá honum þar sem hann búi
í 230 fermetra húsnæði, hafi aðgang að
fjórum bílum og geti útvegað henni
vinnu auk þess sem hann gaf henni
fatnað fyrir hundrað þúsund krónur
um daginn.
LögregLan
bankar
regLuLega
upp á
n Jón stóri segir þetta vera vini sína n Semper Fi er hópur
manna sem standa saman n Allt dæmdir menn n Æfa bardagaíþróttir
sem þeim er meinað að æfa annars staðar n Í sambandi við ólögráða stúlku n
Gaf henni föt fyrir 100.000 krónur
Jón stóri „Málið er það að
við eigum allir okkar fortíð. Af
því að við höfum allir fengið
dóm er okkur meinað að æfa
blandaðar bardagaíþróttir
sem kallast mixed martial
arts, en það mega allir aðrir
æfa þetta.“
„Ég man ekki hve-
nær einhver var
dæmdur fyrir ofbeldis-
verk síðast, kannski einn
gaur sem lenti í slagsmál-
um niðri í bæ um daginn.
Ingibjörg Dögg Kjartansdóttir
blaðamaður skrifar ingibjorg@dv.is
Semper Fi Lögreglan hefur grun um að hópurinn hafi sameinast til að geta mætt
ógnunum og ofbeldisverkum erlendra glæpagengja. 4. mars 2011