Dagblaðið Vísir - DV - 07.03.2011, Blaðsíða 23

Úttekt | 23Mánudagur 7. mars 2011
unni á Plaza.
Sjálfseyðingarhvöt
Vart hafði fennt yfir ævintýri Charlies
og Capri þegar Charlie komst í frétt-
irnar aftur vegna svipaðrar uppá-
komu. Undir lok janúar síðastliðins
yfirgaf hann sjúkrahús í Los Angeles
en þar hafði hann verið lagður inn að
morgni fimmtudagsins 27. janúar.
Aðfaranótt fimmtudagsins hafði
hann tekið á honum stóra sínum í
félagsskap nokkurra klámmynda-
leikkvenna og meðal annars drep-
ið tímann við taumlausa drykkju og
kókaínneyslu. Ein umræddra klám-
myndaleikkvenna, Kacey Jordan,
hefur ekki farið í launkofa með skoð-
un sína á atburðum næturinnar. Eft-
ir henni var haft að hún hefði aldrei
fyrr séð nokkurn sem haldinn væri
sjálfseyðingarhvöt á jafn háu stigi og
Charlie.
Í viðtali við TMZ-vefsíðuna sagði
Kacey Jordan að milliliður hefði
haft samband við hana fyrir Charlie
Sheen sem hefði lýst hrifningu á verk-
um hennar og reynt að „… komast í
samband við hana í ár.“
„Þegar ég sá hann fyrst var hann
bara gjörsamlega út úr heiminum,“
sagði Kacey Jordan.
Í viðtali við ABC-sjónvarpsstöð-
ina lýsti hún fjálglega útliti og fasi
Charlies, sem ku hafa verið nokkuð
fjarri því sem aðdáendur þáttanna
Two and a Half Men eiga að venjast:
„Hann var íklæddur hvítri skyrtu…
útataðri í rauðvínsslettum […] Ég hélt
að ég myndi hitta þann Charlie Sheen
sem ég átti að venjast úr sjónvarpinu.
Ekki þann sem væri allur í rusli.“
Hvaðan hún fékk þá hugmynd
skal ósagt látið, en fulltrúar Char-
lies sögðu í yfirlýsingu í fréttum
ABC-sjónvarpsstöðvarinnar: „Það
er skammarlegt að nú, þegar herra
Sheen hefur leitað meðferðar að eig-
in frumkvæði, reyni tækifærissinnað-
ar konur að misnota frægð hans.“
Maðurinn með gulltennurnar
En Kacey Jordan hafði frá fleiru að
segja og nú hefur sú kjaftasaga feng-
ið vængi að megnið af tönnum leikar-
ans séu úr gulli og hann noti einhvers
konar hvítan tanngóm til að líta eðli-
lega út á almannafæri. Samkvæmt
Radaronline sagði Kaycey Jordan í
viðtali við útvarpsmanninn Howard
Stern: „Hann er búinn að missa allar
tennurnar vegna alls partístandsins.
Hann tönnlaðist á: Fjandans postu-
línstennur... helvítis rusl.“ Hvort sag-
an eigi við rök að styðjast verður hver
að gera upp við sig.
Kacey Jordan virðist vera staðráð-
in í að fá sem mest út úr kynnum sín-
um af Charlie Sheen því hún hefur
veitt hvert viðtalið á fætur öðru síðan
partíið átti sér stað og skilur lítið út-
undan. Í viðtali við E! News upplýsti
hún alheim um frammistöðu Char-
lies í rúminu. „Það var ókei. Það varði
ekki lengi,“ sagði klámmyndaleik-
konan. Þrátt fyrir að hún virtist hissa
á stuttum rekkjubrögðum leikarans
hafði hún skýringu á reiðum hönd-
um: „Af því að hann var í svo miklu
rusli. Þegar þú ert svona hátt uppi...
hann var ekki lengi að.“
Að hennar mati var um að ræða
rétt rúmlega tvær og hálfa mínútu.
„Þetta var þriggja mínútna þrekraun,“
sagði Kacey Jordan um hin nánu, en
stuttu kynni þeirra sem áttu sér stað
rétt áður en hún yfirgaf partíið.
Að sögn Kacey var henni lofað
5.000 dala greiðslu fyrir að mæta í
partíið hjá Charlie, en endaði með
ávísun upp á 30.000 dali. Einnig sagði
hún að Charlie hefði lofað að gefa
henni Bentley-bifreið. Tíminn mun
leiða í ljós hvort það gengur eftir.
Fjarmeðferð Charlies
Charlie fór í meðferð eftir partíið með
Kacey og stallsystrum hennar, en
komst fljótlega að þeirri niðurstöðu
að slíkt hentaði honum ekki. CBS-
sjónvarpsstöðin hafði þegar þar var
komið sögu, í febrúarbyrjun, ákveð-
ið að hætta tökum á Two and a Half
Men í óákveðinn tíma.
Þann 3. febrúar sagðist Charlie
vera áfjáður í að komast aftur í vinn-
una undir lok mánaðarins og í stað
þess að fara á meðferðarstofnun
ákvað hann að taka þátt í meðferð og
endurhæfingu heiman frá sér. Eðli-
lega vakti sú ákvörðun spurningu um
hvort hann væri yfirhöfuð fær um að
sigrast á fíkninni.
Sú spurning átti fullan rétt á sér
og undir lok febrúar fram í marsbyrj-
un gerðust hlutirnir hratt. Um svipað
leyti og Charlie bauð klámleikkonum
og fleira fólki í snekkjupartí þann 22.
febrúar hrönnuðust upp óveðursský
við sjóndeildarhringinn. Charlie var
ekki á eitt sáttur við ráðamenn CBS
eftir að þeir ákváðu að fresta tökum á
Two and a Half Men. Lét hann í veðri
vaka að hann hygðist færa sig um set
yfir til HBO og sagði ákvörðun CBS
vera bæði „vitlausa“ og „sorglega“.
Charlie fór hörðum orðum um
höfund þáttanna, Chuck Lorre, og
kallaði hann meðal annars trúð, maðk
og mykju. Til að bæta gráu ofan á
svart notaði Charlie rétt nafn Chucks,
ísraelska nafnið Haim Levine, og
uppskar ásakanir um fordóma í garð
gyðinga, sem hann reyndar vísaði
til föðurhúsanna. Hann hefur einn-
ig hótað CBS málsókn vegna þeirrar
ákvörðunar manna á þeim bæ að slá
á frest frekari upptökum á Two and a
Half Men.
Gyðjur Charlies
Samkvæmt nýjustu fréttum er Char-
lie nú kominn í sambúð með tveim-
ur konum sem hann kallar „gyðjurn-
ar“. Þær kynnti hann meðal annars til
sögunnar í þættinum Today á NBC-
sjónvarpsstöðinni og sagði með-
al annars: „Þessar konur dæma mig
ekki. […] Þær eru nógu hreinskilnar
til að segja við mig: Hei, hættu þessu
rugli.“
Gyðjurnar sem um ræðir eru
klámstjarnan Rachel Oberlin, betur
þekkt sem Bree Olson, og fyrirsætan
Natalie Kenly. Í viðtalinu við Today
sagði Charlie að þær, meðal annars,
hjálpuðu til við umönnun tvíburanna
sem hann á með fyrirsætunni Brooke
Mueller.
Brooke Mueller hugnaðist þetta
fyrirkomulag ekki betur en svo að
hún fór fram á að börnin yrðu fjar-
lægð úr þessu undarlega heimilis-
haldi. Brooke hafði erindi sem erfiði
því dómari úrskurðaði að tvíburarnir
skyldu settir í forsjá hennar án tafar,
samkvæmt radaronline.com.
Hver framtíð Charlies Sheen verð-
ur mun tíminn leiða í ljós, en þrátt
fyrir gríðartekjur CBS af þáttunum
Two and a Half Men verður að teljast
ólíklegt að samþykktar verði á þeim
bæ nýjustu launakröfur leikarans
sem hefur farið fram á þrjár milljón-
ir dala fyrir hvern þátt ef hann eigi að
snúa aftur til vinnu.
Charlie er einn launahæsti sjón-
varpsleikari í heimi og þegar hann
var spurður í Today: „Vilt þú launa-
hækkun?“ svaraði hann að bragði:
„Já, sjáðu hvað þeir hafa neytt mig til
að ganga í gegnum.“
Charlie Sheen
– Carlos Irwin Estevez
Fæddur 3. september 1965 (45
ára)
Foreldrar Martin Sheen og Janet
Templeton
Systkin Emilio Estevez
Ramon Estevez
Renée Estevez
Leikferill 1974 –
Metinn á 85 milljónir
bandaríkjadala nettó (Celebrity
Networth)
Gælunöfn Vélin
Skemmtunar-Charlie
Hæð 178 sentmetrar
Eiginkonur
Charlies Sheen
Brooke Mueller 30. maí 2008 –
hefur sótt um skilnað, tvö börn
Denise Richards 15. júní 2002 –
30. nóvember 2006, tvö börn
Donna Peele 3. september 1995
– 19. nóvember 1996
Charlie Sheen og
góðgerðamálin
Þó mikið hafi mætt á Charlie
Sheen undanfarið og orðspor
hans hafi beðið hnekki hefur
hann í gegnum tíðina látið ýmis
góðgerðamál sig varða.
Árið 2004 var Charlie talsmaður fjáröflunarherferðar Lee National Denim Day þar sem
safnað var milljónum bandaríkjadala til rannsókna og menntunar varðandi brjósta-
krabbamein. Að sögn Charlies varð dauði vinkonu hans úr brjóstakrabbameini þess
valdandi að hann vildi leggja málefninu lið.
Charlie Sheen hefur einnig verið mikill styrktaraðili Aid For AIDS síðan 2006 og er einn
fárra sem hefur orðið þess heiðurs aðnjótandi að vera sæmdur AFA Angel-viðurkenning-
unni. Auk þess að styrkja samtökin fjárhagslega hefur hann til nokkurra ára í sjálfboða-
vinnu tekið að sér hlutverk á árlegum fjáröflunarsamkomum þeirra, Best in Drag Show,
þar sem hann hefur tekið sæti sem dómari. Með framlagi sínu hefur hann laðað að fleira
frægt fólk, þess á meðal föður sinn Martin Sheen.
Áhuga Charlies á AIDS varð fyrst vart árið 1987 þegar hann studdi Ryan White, táning frá
Indiana í Bandaríkjunum, sem varð talsmaður á landsvísu í Bandaríkjunum fyrir því að
fólk yrði meðvitað um AIDS, en Ryan hafði sýkst við blóðgjöf.
Charlie Sheen með eigin orðum
Um konur
„Ef ég hef lært nokkurn skapaðan hlut þá er það að ég veit ekkert um konur. Þær eru og
verða leyndardómur. En ég hef lært að reyna ekki að skilja þær. Það er endalaus vegferð
og það gerir það svo yfirþyrmandi.“
Um lífernið við tökur myndarinnar Wall Street
„En þarna var ég, náunginn sem hafði fundið gull, leitandi í dögun bara til að komast
að því að ég var sá eini sem var að skemmta mér. Ég var búinn að drekka, taka í nefið,
gleypa pillur og reyndi að sannfæra mig um að ég væri ekki fíkill því ég var ekki með nál í
handleggnum.“
Um Oliver Stone
„Ef hann fær ekki þann leik sem hann sækist eftir þá segir hann: Hvað ertu, hommi frá
Malibu? Eyddir þú of miklum tíma í blak á ströndinni í bernsku?“
Föðurlegt ráð
„Pabbi gaf mér frekar slæmt ráð – vertu heiðarlegur – og ég fór eftir því. Fólk spyr hvers
vegna ég sé svo ærlegur gagnvart fjölmiðlum? Ég kann ekki svar við því. Ég reikna með
því að ég sé ærlegur við aðra. Af hverju ætti það ekki að gilda um fjölmiðlana?“
Um að hætta að drekka – einu sinni
„Ég var bara þreyttur – dauðþreyttur á að vera dauðþreyttur, á að lifa eins og vampíra.“
Um skemmtun – einu sinni
„Skemmtun getur orðið óhófleg. Hún verður tilbreytingarlaus. Hve oft ertu fær um að
vakna, eiga í erfiðleikum með að muna hvað þú heitir, hvað hún heitir og hvar þú ert
staddur.“
Ráð frá Slash – fyrrverandi gítarleikari Guns N’ Roses
„Ein af mínum uppáhaldsminningum er þegar Slash tók mig á beinið heima hjá sér og
sagði: Þú verður að taka þig saman í andlitinu. Þú veist að þú hefur gengið of langt þegar
Slash segir: Þú verður að fara í meðferð, þú verður að hætta þessu.“
Heimildir Wikipedia, TMZ, radaronline.com, Daily Mail, IMDb.com og fleiri miðlar.
Búinn að missa Börnin,
konurnar og vinnuna
Í góðum gír Hæðir og lægðir hafa einkennt
leikferil Charlies Sheen. MyND REUtERS
yfirgefur dómhúsið í
Aspen Charlie var dæmdur
fyrir að beita Brooke Mueller,
eiginkonu sína, ofbeldi.
MyND REUtERS