Dagblaðið Vísir - DV - 07.03.2011, Blaðsíða 17

n Nýr innanríkisráðherra Þýskalands vekur upp hörð viðbrögð
með umdeildum ummælum n Aðrir ráðherrar í ríkisstjórninni hafa
harmað ummælin n Segir söguna ekki vera múslimum hliðholla
Erlent | 17Mánudagur 7. mars 2011
Réttarhöld eru hafin yfir Jacques Chirac, fyrrverandi forseta Frakklands:
Chirac fær sérmeðferð
Á þriðjudag í síðustu viku hófust
réttarhöld yfir Jacques Chirac, for-
seta Frakklands frá 1995 til 2007.
Chirac er sakaður um spillingu sem
nær allt aftur til ársins 1990, en þá
var Chirac borgarstjóri Parísar. Rétt-
arhöldin hafa vakið mikla athygli
í Frakklandi og þá ekki síst vegna
þeirrar sérmeðferðar sem Chirac
virðist fá umfram aðra sakborninga.
Chirac er orðinn 78 ára og talinn
tæpur til heilsunnar. Lögfræðingar
hans hafa því samið við saksóknara
og dómara um að Chirac mæti að-
eins þegar hann þarf að bera vitni,
en annars getur hann í raun mætt
þegar honum sýnist. Þegar svo vel
liggur á Chirac, að hann ákveði að
mæta, hefur verið útbúinn sérstakur
hægindastóll fyrir forsetann fyrrver-
andi – því ekki er boðlegt að hann
sitji á viðarstólunum sem svo margir
aðrir hafa setið í á undan honum. Þá
hefur herbergi sem er venjulega not-
að undir málsgögn verið sérstaklega
innréttað fyrir Chirac. Þar er búið að
koma fyrir legubekk svo Chirac geti
örugglega hvílt sig þegar sá gállinn
er á honum, en samkvæmt lögfræð-
ingum hans er honum nauðsynlegt
að leggja sig einu sinni á dag.
Réttarhöldin yfir Chirac eru sér-
staklega áhugaverð fyrir almenning
í Frakklandi því það er almenning-
ur sjálfur sem sækir málið á hend-
ur Chirac. Stjórnvöld hótuðu því að
lögsækja Chirac en hann naut frið-
helgi á meðan hann var forseti. Eft-
ir að forsetatíð hans lauk gerði hann
hins vegar samning við franska rík-
ið og greiddi til baka þær 2,4 millj-
ónir evra sem stjórnmálaflokkur
hans var sakaður um að hafa dregið
sér. Gegn greiðslunni átti Chirac að
sleppa við að fara í fangelsi og rík-
ið hætti við að sækja málið. Þetta
gramdist almenningi sem tók málið
upp af sjálfsdáðum, til að fá réttlæt-
inu fullnægt.
Múslimar eiga svo sannarlega und-
ir högg að sækja í Þýskalandi og
varla líður sú vika að þeir þurfi ekki
að réttlæta tilveru sína á einhvern
hátt. Síðasta dæmið kemur frá ný-
skipuðum innanríkisráðherra Þýska-
lands, Hans-Peter Friedrich, sem lét
hafa það eftir sér í síðustu viku að
múslimar „tilheyrðu ekki“ Þýska-
landi. Friedrich var varla búinn að
fá lykilinn að skrifstofu innanríkis-
ráðherra þegar 21 árs Kosovo-Albani
hóf skothríð á rútu bandarískra her-
manna fyrir utan flugstöðina í Frank-
furt. Tveir féllu í árásinni og tveir eru
alvarlega særðir. Grunur leikur á að
um hryðjuverk hafi verið að ræða og
að árásarmaðurinn hafi verið útsend-
ari samtaka öfgafullra múslima. Enn
er þó ekkert sannað í þeim efnum
Hörð viðbrögð
Friedrich, sem tók við af Thomas de
Maiziére sem innanríkisráðherra á
miðvikudaginn, lét hin umdeildu orð
falla á fyrsta blaðamannafundi sín-
um á föstudaginn. Sagði Friedrich að
múslimar hefðu vissulega rétt til að
búa í Þýskalandi, en að „sagan styddi
ekki þá fullyrðingu að islam tilheyri
Þýskalandi.“
Ummælin hafa vakið hörð við-
brögð. Dómsmálaráðherra Þýska-
lands, Sabine Leutheusser-Schnar-
renberger, sem tilheyrir flokki frjálsra
demókrata, var fljót að gera lítið úr
ummælum Friedrichs. „Auðvitað til-
heyrir islam Þýskalandi. Ég býst ekki
við öðru en að hinn nýi ráðherra
muni feta í fótspor forvera síns og
taka ábyrgð á að framfylgja aðlögun-
arstefnu ríkisstjórnarinnar fyrir inn-
flytjendur og ennfremur berjast fyrir
aðlögun, frekar en útilokun.“ Hartfrid
Wolff, samflokksmaður Leutheusser-
Schnarrenberger, tók í sama streng.
„Islam hefur verið hluti Þýskalands
undanfarinna kynslóða. Það hjálpar
engum að neita því.“
Byrjaði allt með Sarrazin
Aiman Mazyek er formaður Samtaka
múslima í Þýskalandi. Hann sagð-
ist harma ummæli Friedrichs og að
múslimar ættu ekki að vera útilokað-
ir sem samfélagshópur í Þýskalandi.
Hann sagðist taka undir orð forseta
Þýskalands, Christians Wulff, sem
biðlaði til Þjóðverja í október síðast-
liðnum að virða þá staðreynd að is-
lam væri nú hluti hinnar þýsku þjóð-
ar.
Wulff lét þau ummæli falla í kjölfar
vinsælda bókarinnar „Þýskaland ger-
ir út af við sjálft sig,“ sem skrifuð var
af þáverandi seðlabankastjóra Þýska-
lands, Thilo Sarrazin. Í bókinni fullyrti
Sarrazin meðal annars, að múslimar
væru ekki eins greindir og aðrir þjóð-
flokkar. Í kjölfarið var Sarrazin rekinn
úr starfi af stjórn seðlabankans. Engu
að síður er það talið mikið áhyggju-
efni fyrir múslima í Þýskalandi, en
þeir eru um fjórar milljónir talsins,
að bók Sarrazins naut gífurlega vin-
sælda og gerir enn.
Björn Teitsson
blaðamaður skrifar bjorn@dv.is
„Sagan styður
ekki þá
fullyrðingu að islam
tilheyri Þýskalandi.
„Islam tilheyrir
ekki Þýskalandi“
Hans-Peter Friedrich
Brosti sínu breiðasta á
blaðamannafundi á föstu-
dag. Múslimar í Þýskalandi
brostu ekki jafnbreitt.
Jacques Chirac Ekki hinn
hefðbundni sakborningur.
Ugluspark
veldur usla
Luis Moreno, 29 ára knattspyrnu-
maður, hefur fengið fjölda morð-
hótana eftir að hafa sparkað í uglu í
miðjum knattspyrnuleik. Uglan kom
sér fyrir á vellinum og hafði feng-
ið boltann í sig og lá eftir. Moreno
sparkaði henni svo út af og fékk hörð
viðbrögð frá mótherjum sínum,
enda uglan lukkudýr þess liðs. At-
vikið átti sér stað í leik í kólumbísku
deildinni, en Moreno er frá Panama.
„Mér þykir þetta leitt en nú er eigin-
lega nóg komið. Allir í landinu eru á
móti mér og fjölskylda mín í Panama
hefur miklar áhyggjur af mér.“
Umrædd ugla er nú dauð.
Newt Gingrich í
framboð
Nú hefur Newt Gingrich, sem var
áður forseti neðri deildar bandaríska
þingsins, tilkynnt um framboð sitt
til forseta Bandaríkjanna. Gingrich,
sem hefur starfað sem stjórnmála-
skýrandi á fréttastöðinni Fox News
undanfarin ár, hyggst sækjast eftir
tilnefningu Repúblikanaflokksins.
Gingrich tilkynnti þetta í sjónvarps-
viðtali, einmitt á stöðinni Fox News.
Gingrich gagnrýndi Barack Obama,
forseta Bandaríkjanna, eftir að hann
hafði tilkynnt framboð sitt. Sagði
hann Obama vera á villigötum, sér-
staklega í utanríkisstefnu.
Sádar banna
mótmæli
Vesturveldin halda nú niðri í sér
andanum þar sem talsverðar líkur
eru á því að mótmæli kunni að brjót-
ast út í Sádi-Arabíu. Sádar framleiða
mest allra ríkja í heiminum af olíu
og gæti óstöðugleiki í stjórnmálum
landsins haft gífurleg áhrif á elds-
neytisverð um allan heim. Næsta
föstudag hafa verið skipulagðar
mótmælagöngur og mótmælafund-
ir víðs vegar um landið. Stjórnvöld
hafa brugðist við með því að banna
allar slíkar samkomur. Ekki er þó víst
að það dugi til, en svipuðum úrræð-
um var beitt í bæði Túnis og Egypta-
landi – án árangurs.