Dagblaðið Vísir - DV - 07.03.2011, Blaðsíða 16

16 | Erlent 7. mars 2011 Mánudagur
Spænsk kona er laus úr fangelsi eftir að hafa framið morð:
Myrti nauðgara dóttur sinnar
Mari Carmen Garcia er laus úr fang-
elsi og íhuga stjórnvöld á Spáni að
veita henni uppreisn æru. Garcia var
upphaflega dæmd fyrir morð sem
hún framdi árið 2005, en þá hellti hún
bensíni yfir karlmann og kveikti í hon-
um. Þetta var reyndar ekki bara hvaða
maður sem er. Árið 1998 nauðgaði
þessi maður, sem hefur verið kallaður
Adolfo C.V. í fjölmiðlum, yngstu dóttur
Garcia en hún var einungis 13 ára þeg-
ar nauðgunin átti sér stað. Adolfo var í
kjölfarið dæmdur í níu ára fangelsi en
var sleppt eftir að hafa setið í fangelsi
til ársins 2005.
Þegar Adolfo slapp úr fangelsi
fagnaði hann frelsinu með því að
heimsækja heimabæ sinn, Benjuzar,
sem er nálægt ferðamannastaðnum
Alicante í suðurhluta Spánar. Benj-
uzar er einnig heimabær Garcia, sem
varð æf af reiði þegar Adolfo knúði
dyra hjá henni til að spyrjast fyrir um
dóttur hennar – dótturina sem hann
nauðgaði sjö árum áður. Viðbrögð
Garcia voru að hella bensíni yfir
Adolfo og kveikja í.
Málið vakti upp mikla samúð al-
mennings, sem hneykslaðist yfir því
að Garcia hefði upphaflega verið
dæmd í 10 ára fangelsi. Í síðustu viku
hafði verið búið að safna undirskrift-
um Garcia til stuðnings og íhuguðu
yfirvöld að leysa hana úr haldi eftir að
5.000 undirskriftir höfðu safnast. Gar-
cia hafði aldrei gerst sek um glæpi eða
ofbeldisfulla hegðun fyrir utan þetta
eina örlagaríka skipti. Fjölskylda hins
látna mótmælti ákvörðun yfirvalda.
Uppreisnarmenn
nálgast típólí
Harðir bardagar geisa í Líbíu þar
sem uppreisnarmenn færast sí-
fellt nær höfuðborginni Trípólí.
Muammar al-Gaddafi, leiðtogi Líb-
íu síðan árið 1969, ætlar sér að halda
völdum hvað sem það kostar. Hann
hefur fyrirskipað miklar loftárásir að
undanförnu þar sem herþotur líb-
íska hersins varpa sprengjum á þær
borgir sem eru nú í höndum lýð-
ræðissinna. Fréttastofan AP sagði
frá því á sunnudag að sveitir Gadda-
fis hefðu náð á sitt vald borginni Bin
Jawad í öflugri gagnsókn. Blóðug
átök áttu sér einnig stað í borgunum
Brega og Zawiya þar sem lýðræð-
issinnar hafa náð fótfestu. Borgin
Brega er talin sérstaklega mikilvæg
í baráttu mótmælenda við Gaddafi,
en þar er að finna olíuhreinsistöð og
þaðan er olíu dreift um allt landið.
Stjórnað frá Bengasi
Byltingin í Líbíu hefur staðið yfir
síðan 15. febrúar og hafa mótmæl-
endur tekið að skipuleggja sig betur
og meðal annars ráðið til sín hers-
höfðingja. Talsmaður mótmæl-
enda, og leiðtogi lýðræðissinna að
því er margir segja, er Imam Bug-
righis. Hún situr á skrifstofu sinni
í Bengasi þar sem mótmælendur
hafa yfir tekið dómhúsið. Bugrig-
his hitti blaðamann breska blaðsins
Daily Telegraph um helgina. „Það er
óreiðuástand hérna. Hérna stjórnar
enginn neinu en á sama tíma stjórna
allir öllu,“ sagði Bugrighis. Hún
starfaði áður sem tannlæknir en
stjórnar nú herjum mótmælenda.
Hún sagði að mótmælendur yrðu
nú að berjast fyrir frelsi sínu og að
þeir yrðu jafnframt að vera tilbún-
ir til að fórna lífi sínu fyrir frelsið.
Ef mótmælendur gefast upp núna
mun Gaddafi hefna sín grimmilega
á þjóð sinni, með öllum þeim hörm-
ungum sem það mun kosta.
Sefur aldrei á sama stað
Hershöfðinginn sem gekk til liðs
við mótmælendur er Abdul Fattah
Younis, sem áður var samstarfs-
maður Gaddafis. Samband Younis
við Gaddafi nær reyndar alveg aft-
ur til 7. áratugar síðustu aldar, en
þeir gengu saman inn í Trípólí þeg-
ar Gaddafi hrifsaði til sín völdin í
landinu árið 1969. Nú andar köldu
á milli þessarra fyrrverandi sam-
herja, en Younis getur aldrei sofið á
sama stað tvisvar, vegna stöðugrar
lífshættu sem stafar af útsendurum
Gaddafis. Einn útsendaranna náði
að koma skoti að Younis í síðustu
viku, en það skot tók lífvörður Youn-
is og lét hann lífið í kjölfarið.
Að mati Younis hefur Gaddafi nú
þegar látið taka um 30 herþotuflug-
menn af lífi, vegna þess að þeir hafa
ekki verið tilbúnir að láta sprengjum
rigna yfir sína eigin þjóð. „Gaddafi
er ekki maður sem fer svo auðveld-
lega. Ég held að hann sé allt eins
líklegur til að fyrirskipa efnavopna-
árás. Ef hann gæfi skipunina, þá
þyrfti einfaldlega að hlýða henni –
eða verða tekinn af lífi.“
Björn Teitsson
blaðamaður skrifar bjorn@dv.is
n Blóðug átök eiga sér stað á hverjum degi í Líbíu n Gaddafi neitar að gefa sig
n Mótmælendur hafa ráðið til sín hershöfðingja og reyna að skipuleggja sig betur
„Ef hann gæfi skip-
unina, þá þyrfti
einfaldlega að hlýða
henni – eða verða tekinn
af lífi.
Stund milli stríða Þessir menn, vopnaðir
sprengjuvörpum, slaka á í borginni Brega.
Yfirheyrsla Þessi maður var grunaður um
að vera málaliði á vegum Gaddafis.
Kveikti í manninum Þessi maður
hlaut sömu örlög og Adolfo C.V. sem
nauðgaði dóttur Mari Carmen Garcia.
Rodney King í
vandræðum
Rodney King, maðurinn sem var
laminn til óbóta af lögreglunni í Los
Angeles í Bandaríkjunum árið 1991,
var stöðvaður af umferðarlögregl-
unni 2. mars síðastliðinn, eða einum
degi frá 20 ára afmæli þess þegar
lögreglan lumbraði á honum. Árás
lögreglunnar á King komst í hámæli
þar sem gangandi vegfarandi hafði
náð að taka atvikið upp á mynd-
bandsupptökuvél. Nafn Kings var
á allra vörum og óeirðir brutust út í
Bandaríkjunum. Í kjölfarið krafðist
King skaðabóta og fór í mál við Los
Angeles-borg. Einn kviðdómenda
í því máli er kona að nafni Cynthia
Kelly, en hún er unnusta Kings í dag.
Hún var einnig í bifreiðinni þegar
hún var stöðvuð, en ökuskírteini
Kings er útrunnið.
Lögreglustjórinn
flúði
Það vakti mikla athygli þegar hin
tvítuga Marisol Valles tók að sér starf
lögreglustjóra í smábænum Praxedis
Guadalupe Guerrero, sem er rétt
við landamæri Bandaríkjanna. Var
Valles iðulega kölluð „hugrakkasta
kona veraldar“ vegna starfsins, enda
einstaklega mikið um glæpi í bæjum
við landamæri Mexíkó og Bandaríkj-
anna – en flestir glæpanna tengjast
hinum umfangsmiklu fíkniefnavið-
skiptum. Nú hefur Valles fengið nóg
af starfinu. Hún hefur fengið fjöl-
margar morðhótanir, auk þess sem
eina starfsmanni hennar var rænt,
en ekki er vitað um örlög hans. Val-
les er nú í Bandaríkjunum þar sem
hún hyggst setjast að.
Alberto Granado
látinn
Þeir sem hafa séð myndina Mótor-
hjóladagbækurnar, eða Diarios de
motocicleta, muna eflaust eftir Al-
berto Granado, besta vini Che Guev-
ara. Granado lést í lok síðustu viku,
en hann var 88 ára að aldri. Gran-
ado var argentínskur að uppruna
en hann lést á Kúbu. Þar hafði hann
búið síðan árið 1961, en hann fylgdi
einmitt Guevara þangað og hjálpaði
til við byltinguna. Granado starf-
aði sem lífefnafræðingur og sinnti
ýmsum störfum fyrir Kommúnista-
flokkinn á Kúbu. Hann varð öllu
langlífari en Guevara, sem var myrt-
ur í frumskógi í Bólivíu af útsendara
bandarísku leyniþjónustunnar CIA
árið 1967.