Dagblaðið Vísir - DV - 07.03.2011, Blaðsíða 6

6 | Fréttir 7. mars 2011 Mánudagur
Hundaárás í Hveragerði á föstudag:
Rottweiler-hundur réðst á konu
Kona í Hveragerði þurfti að leita sér
læknishjálpar á föstudag eftir að hafa
orðið fyrir árás Rottweiler-hunds í
bænum. Atvikið átti sér stað í bænum
sjálfum en ekki inni á heimili hunda-
eigandans. Konan var „illa bitin“ af
hundinum samkvæmt upplýsingum
frá lögreglunni. Konan þurfti að leita
sér læknisaðstoðar og láta sauma
nokkur spor í höndina en hundurinn
beit hana til blóðs. Samkvæmt heim-
ildum DV er hundurinn á heimili
með nokkrum öðrum hundum og er
venjan í svona málum að hundahald
sé kannað hjá eiganda hunds sem
ræðst á fólk.
Samkvæmt upplýsingum frá lög-
reglunni hefst rannsókn málsins í dag,
mánudag. Hundurinn er þó kominn í
þar til gerða geymslu á vegum lögregl-
unnar og hefur eigandinn ekki fengið
að hafa umsjá með honum. Ef lög-
reglan metur málið svo að hundeig-
andinn beri ábyrgð á árásinni gæti
farið svo að aðrir hundar eigandans
verði teknir af honum.
Rottweiler-hundar eru ekki óal-
gengir á Íslandi en þeir eru eink-
ar húsbóndavænir. Hundarnir þykja
henta vel til að aðstoða blinda og sem
leitarhundar en þeir hafa ekki mik-
ið veiðieðli. Rottweiler-hundar hafa
mikið verndareðli og eru gjarnir á að
vernda heimili sitt eða húsbónda og
þykja einkar góðir varðhundar.
Endurnærir og hreinsar ristilinn
allir dásama OXYTARM
Í boði eru 60-150 töflu skammtar
30+
Betr i apotekin og Maður l i fandi www.sologhei lsa. is
OXYTARM
Sól og
heilsa ehf
=
Losnið við hættulega
kviðfitu og komið maganum
í lag með því að nota náttúrulyfin
Oxytarm og 30 days saman120 töflu skammtur
days
detox
Stúlka á flótta
ók á lögreglubíl
19 ára stúlka reyndi að stinga lög-
regluna af í miðbænum aðfaranótt
sunnudagsins eftir að lögreglan
hafði reynt að ná tali af henni. Hún
er grunuð um ölvun við akstur. Ók
hún að sögn lögreglu meðal annars
utan í lögreglubíl auk þess að aka
mjög glæfralega um nokkrar götur í
miðbænum.
Lögreglan stoppaði stúlkuna að
lokum á gatnamótum Hverfisgötu
og Frakkastígs. Þurfti hún að gista
fangageymslur lögreglunnar og var
yfirheyrð á sunnudag. Talið er að
hún hafi skapað mikla hættu með
akstursmáta sínum þar sem mikið
af fólki var statt í miðbænum líkt og
flestar helgar. Tóku tveir lögreglubíl-
ar þátt í eftirförinni.
Fjölmenni við
útför Karvels
Karvel Pálmason, fyrrverandi
alþingismaður, var borinn til grafar í
Bolungarvík á laugardaginn að við-
stöddu miklu fjölmenni.
Karvel lést þann 23. febrúar
síðastliðinn, 74 ára að aldri. Hann
fæddist í Bolungarvík 13. júlí 1936.
Hann stundaði nám í unglingaskóla
í þorpinu, varð síðar sjómaður og
verkamaður. Karvel var lögreglu-
þjónn frá 1962 til 1971 og jafnframt
kennari. Árið 1971 var hann kjörinn
á Alþingi fyrir frjálslynda vinstri-
menn. Hann sat á Alþingi í tvo ára-
tugi til ársins 1991. Frá árinu 1983
sat hann á Alþingi fyrir Alþýðuflokk-
inn.
Hann var einnig meðal annars
formaður Verkalýðs- og sjómanna-
félags Bolungarvíkur, varaforseti Al-
þýðusambands Vestfjarða og stjórn-
armaður í Alþýðusambandi Íslands.
Miðstjórn Framsóknarflokksins sam-
þykkti um helgina að halda flokks-
þing 9. apríl næstkomandi, sömu
helgi og þjóðaratkvæðagreiðsla um
Ice save-samninginn verður haldin.
Tillaga kom einnig fram um að halda
þingið viku síðar en hún var felld með
10 atkvæða mun. Einnig kom fram til-
laga um að halda flokksþingið viku fyr-
ir þjóðaratkvæðagreiðsluna en hún
var naumlega felld í opinni atkvæða-
greiðslu. Tillaga Sigmundar Davíðs
Gunnlaugssonar, formanns flokks-
ins, um að halda þingið sömu helgi
og Icesave-þjóðaratkvæðagreiðslan
fer fram, var samþykkt með tveimur
þriðju hlutum atkvæða atkvæða. At-
kvæðagreiðslan þótti sumum flaust-
ursleg.
Stuðningur við Icesave
Flokksþingið er hið fyrsta sem hald-
ið er síðan Sigmundur Davíð var kjör-
inn formaður flokksins á flokksþingi í
janúar 2009, en það skal haldið annað
hvert ár. Hann hefur verið einn harð-
snúnasti andstæðingur samninga um
Icesave frá fyrstu tíð og tengdist hann
meðal annars InDefence-hópnum
sem átti drjúgan þátt í því að telja Ólaf
Ragnar Grímsson forseta Íslands á
að synja Icesave II staðfestingar í árs-
byrjun 2010. Hann hefur enn menn úr
þeim hópi nálægt sér sem ráðgjafa.
Viðmælendur DV telja ekki lík-
legt að átök verði um Icesave-málið á
flokksþinginu í apríl. Kannanir sýna að
meirihluti framsóknarmanna er and-
vígur samningnum og í röðum þeirra
á forsetinn meiri stuðningi en í öðr-
um flokkum. Ljóst er þó að ágrein-
ingur er um málið innan þingflokks-
ins. Siv Friðleifsdóttir hefur þegar lýst
því yfir að hún ætli að samþykkja Ice-
save-samninginn og Guðmundur
Steingrímsson segist í samtali við DV
ætla að gera það einnig.
ESB er heit kartafla
Miklu líklegra er talið að á flokksþing-
inu geti skorist í odda með þeim sem
styðja aðild að Evrópusambandinu
og hinum sem eru því mjög andvígir.
Það fer að sínu leyti saman við hug-
myndafræðilegar bollaleggingar fram-
mámanna innan Framsóknarflokks-
ins um það hvort flokkurinn eigi að
vera frjálslyndur miðjuflokkur eða
taka afstöðu með meiri öfgum sem
tengjast þjóðrækni og jafvel þjóðern-
ishyggju. Meðal annars er litið til þess
að Bjarni Benediktsson, formaður
Sjálfstæðisflokksins, hafi með óvænt-
um stuðningi við Icesave-samninginn
og samningaleiðina tekið afstöðu gegn
öfgaskoðunum. Um sé að ræða her-
fræðilega ákvörðun hans um að keppa
við Samfylkinguna um miðjufylgi í ís-
lenskum stjórnmálum.
Mótframboð ólíklegt... sem
stendur
Ljóst er að tekist verður á um þetta á
flokksþinginu og þar verður ESB-að-
ildarumsóknin í lykilhlutverki. Inn á
miðstjórnarfundinn um helgina kvis-
aðist að harðsnúnustu andstæðing-
ar ESB hygðust leggja fram tillögu á
flokksþinginu um að slíta viðræðum
um aðild að ESB og hverfa þannig frá
samþykkt síðasta landsfundar. Þar var
aðildarumsókn samþykkt með skilyrð-
um um að hagsmuna Íslendinga, með-
al annars í sjávarútvegi og landbúnaði,
yrði gætt. Þessi harða lína gegn ESB
er nú borin uppi af þingmönnunum
Gunnari Braga Sveinssyni, Höskuldi
Þórhallssyni, Vigdísi Hauksdóttur og
Sigurði Inga Jóhannssyni. Sigmundur
Davíð virðist einnig hallur undir þessa
línu um leið og hann þarf að vera einn-
ig formaður hinna sem hafa mildari
afstöðu til aðildarumsóknarinnar eða
eru jafnvel hlynntir aðild að ESB.
Framsóknarflokkurinn hefur glímt
við fylgistap undanfarin ár þrátt fyrir
tilraunir til að ná fótfestu í þéttbýlinu
á suðvesturhorni landsins. Hann hefur
búið við innanflokksdeilur sem leiddu
til tíðra formannskipta. Samkvæmt
heimildum DV er ólíklegt sem stend-
ur að einhver bjóði sig fram gegn Sig-
mundi Davíð til formennsku einmitt
af þeirri ástæðu; flokksmenn vilji enn
um sinn halda friðinn um formann-
inn. Mótframboð gegn honum er þó
í raun í höndum flokksmanna sjálfra
og fulltrúa á flokksþinginu. Þess má
geta að sjálfur varð Sigmundur Davíð
formaður með sögulegum hætti og án
mikils fyrirvara.
„Siv Friðleifsdóttir
hefur þegar lýst
því yfir að hún ætli að
samþykkja Icesave-
samninginn og Guð-
mundur Steingrímsson
segist í samtali við DV
ætla að gera það einnig.
Stefnir í átök
um Evrópumál
n Framsóknarmenn halda flokksþing sama dag og þjóðaratkvæðagreiðsla verður
um Icesave n Guðmundur Steingrímsson og Siv Friðleifsdóttir styðja Icesave-samn-
inginn n Stefnir í átök um ESB-aðildarumsókn á flokksþinginu í apríl
Jóhann Hauksson
blaðamaður skrifar johann@dv.is
Inn að miðjunni Guðmundur Stein-
grímsson styður Iceave-samninginn og
aðildarumsókn að ESB og hallast að miðju
stjórnmálanna. Ólíklegt er sem stendur að
hann bjóði sig fram til formanns.
Út á kantinn? Ekki er ljóst hvert Sigmundur Davíð Gunnlaugsson, formaður Framsóknar-
flokksins, vill stefna flokknum; inn að miðju eða út á kantinn.
Hundaárás Konan varð fyrir árás í Hveragerði á föstudag. MYND RÓBERT REYNISSON