Dagblaðið Vísir - DV - 18.04.2011, Blaðsíða 10

10 | Fréttir 18. apríl 2011 Mánudagur
Aðilar vinnumarkaðarins gefa sér
ekkert um framhald kjaraviðræðna
sem tóku snöggan endi fyrir helgina.
Gylfi Arnbjörnsson, forseti ASÍ,
kveðst í samtali við DV, engu vilja spá
um framhaldið og því síður hvort til
boðunar verkfalla geti komið. „Ég vil
ekkert segja um slíkt nú. Menn voru
orðnir þreyttir og pirraðir og vildu
ekki taka ákvarðanir í slíkum ham.
Staðan er óljós og það hefur ekkert
verið ákveðið um annan farveg fyrir
viðræður, en verkefnið er að tryggja
launahækkanir þessa árs. Við verð-
um að einhenda okkur í það.“
Gylfi taldi að samtök launamanna
sættu afarkostum af hálfu atvinnu-
rekenda sem vilji stríð gegn ríkis-
stjórninni vegna áforma hennar um
breytingar á fiskveiðistjórnunar-
kerfinu. „Við gagnrýnum atvinnurek-
endur fyrir þetta. En það ber að hafa
samráð við hagsmunaaðila. Það er
vitanlega hefðbundin krafa að rætt
sé við þá sem hafa hagsmuna að
gæta. En við erum ekki reiðubúin til
að kyngja því að ekki sé hægt að gera
kjarasamninga vegna þessara atriða
sem atvinnurekendur setja fyrir sig,“
segir Gylfi.
LÍÚ með löggjafarvald?
Óvænt viðræðuslit lögðust þungt
í aðila vinnumarkaðarins sem og
stjórnvöld. Jóhanna Sigurðardóttir
forsætisráðherra sagði vinnubrögð
LÍÚ  ósvífin. Um hreint ofbeldi væri
að ræða af hálfu útvegsmanna í
hagsmunabaráttu gegn breytingum
innan sjávarútvegsins.
Kristinn H. Gunnarsson, fyrrver-
andi þingmaður, segir í pistli á vef-
síðu sinni að Samtök atvinnulífsins
og Landssamband íslenskra útvegs-
manna hafi gengið fram af þjóð-
inni. „Mánuðum saman hafa þessi
samtök haft uppi stöðugar hótanir í
garð stjórnvalda, launþega og reynd-
ar þjóðarinnar allrar... Auðvitað eiga
stjórnvöld ekki að taka það í mál að
afhenda LÍÚ og SA löggjafarvaldið,
hvorki í þessi máli né öðrum. Þessir
hagsmunaaðilar eru ekki með neitt
umboð kjósenda og það stríðir gegn
stjórnarskrá landsins að fámennur
hópur manna staðfastlega ætli sér
að taka sér löggjafarvaldið í hönd.
Það er eiginlega tilraun til valdaráns
sem LÍÚ og SA standa fyrir. Svo ein-
beittir eru þeir að framkvæmdastjóri
SA svaraði forsætisráðherra með því
að lýsa því yfir að þeir tækju ekki nei
fyrir svar. Kjarabætur fáist aðeins fyr-
ir kvótakerfið til næstu 50 ára.“
Meirihluti í flestum málum
Sjávarútvegsmálin eru og verða í
eldlínunni næstu vikur og mánuði
og kunna að reynast ríkisstjórninni
þung í skauti bæði innan og utan
Alþingis, jafnvel þótt viðbrögð við
útspili atvinnurekenda og LÍÚ séu
þeim ekki sérstaklega hagstæð.
Þrjú önnur mál geta reynt á þann
nauma meirihluta sem ríkisstjórn-
in styðst nú við á Alþingi. Framund-
an er fjárlagagerð fyrir árið 2012. Þar
verður tekist á um niðurskurð og
kröfuna um framkvæmdir og upp-
byggingu líkt og í þríhliða viðræðun-
um um kaup og kjör þar sem aðilar
vinnumarkaðarins þrýsta á um vega-
gerð, virkjanir og fleira.
Í þriðja lagi er umsóknin um aðild
að ESB umdeild og hefur ríkisstjórn-
in misst tvo stjórnarliða úr VG fyrir
borð, Atla Gíslason og Ásmund Einar
Daðason, beinlínis vegna andstöðu
við sjálfa umsóknina.
Fækkun ráðuneyta viðkvæm
Loks má nefna stjórnarfrumvarp um
fækkun ráðuneyta, en Jón Bjarna-
son hefur lagst eindregið gegn því
að sjávarútvegs- og landbúnaðar-
ráðuneytin hans verði felld und-
ir eitt atvinnuvegaráðuneyti. Í við-
tali við helgarblað DV sagði hann þó
að ríkisstjórnin hvorki stæði né félli
á því máli. „Nú er forsætisráðherr-
ann mjög duglegur og vinnur verk
sín vel en það er ekkert sem segir að
við eigum að vera sammála í þessum
efnum. Ég virði skoðanir annarra og
ríkisstjórnin stendur hvorki né fell-
ur með því hvort að takist að leggja
niður sjávarútvegs- og landbúnaðar-
ráðuneytið. Ég tel það skipta miklu
máli að það verði ekki gert, aðrir telja
svo ekki vera.“
Til viðbótar því sem hér er tal-
ið má nefna stjórnlagaráð og vinnu
þess við að smíða tillögur að breyttri
stjórnarskrá. Stjórnlagaþing hvíldi
upphaflega á þverpólitískri sam-
stöðu. Þótt sú samstaða hafi riðlast
með ógildingu Hæstaréttar á kosn-
ingum til þingsins nýtur ráðið stuðn-
ings mikils meirihluta þingmanna
sem vilja verja störf þess.
Veikari eða sterkari?
Viðmælendur DV eru ekki allir á einu
máli um það hvort brotthvarf Ás-
mundar Einars úr þingflokki VG og
tæpur meirihluti ríkisstjórnarinnar
á þingi styrki hana eða veiki. Bent er
á hliðstæður úr stjórnmálasögunni
þar sem naumur meirihluti hefur
jafnvel þjappað mönnum saman.
Svo naumur reyndist meirihlutinn
við afgreiðslu vantraustsyfirlýsingar
Sjálfstæðisflokksins að sérhver þing-
maður getur nú ráðið úrslitum um
hvort ríkisstjórnin styðst við meiri-
hluta eða minnihluta. Sem dæmi má
nefna að forfallist Þráinn Bertelsson
(VG) kæmi Katrín Snæhólm Bald-
ursdóttir, varaþingmaður Hreyfing-
arinnar, inn fyrir hann, en hún styð-
ur ekki ríkisstjórnina.
Framangreind upptalning bendir
ekki til þess að ríkisstjórnin þurfi að
hafa miklar áhyggjur ef litið er til ein-
stakra mála. Meirihlutastuðningur
er við það að halda til streitu umsókn
um aðild að ESB og að ferlinu ljúki
með þjóðaratkvæðagreiðslu. Meiri-
hlutastuðningur er einnig við breyt-
ingar á fiskveiðistjórnunarkerfinu.
Má nefna stuðning Atla Gíslasonar,
sem nú hefur yfirgefið þingflokk VG.
Hann styður róttækar breytingar líkt
og Jón Bjarnason sjávarútvegsráð-
herra og tók þátt í að semja frumvörp
um slíkar breytingar fyrir Jón.
Fækkun ráðuneyta kann að vera
snúnari, en jafnvel stjórnarand-
stöðuflokkar, eins og Framsóknar-
flokkurinn, hafa svipaða stefnuskrá
og stjórnvöld um fækkun ráðuneyta
og sveigjanlegt stjórnkerfi. Ráð-
herrar koma og fara og skemmst er
að minnast umtalsverðra breytinga
á ráðherraliðinu í fyrra um leið og
þeim fækkaði. Ljóst er að verði stofn-
að atvinnuvegaráðuneyti hverfur
annað hvort Katrín Júlíusdóttir eða
Jón Bjarnason úr ráðherraembætti
eða bæði tvö. Á þetta reynir án nokk-
urs efa áður en þingi verður slitið í
vor.
Ný staða í Framsóknarflokki
Forvitnileg staða er uppi á teningn-
um eftir flokksþing Framsóknar-
flokksins. Strax í upphafi þingsins
var sýnt að þátttakan var óvenju slök.
Jafnframt benti margt til þess, meðal
annars ræða formannsins, að sleg-
inn hefði verið nýr og þjóðernislegri
tónn en áður. Frjálslyndir framsókn-
armenn sem og meirihluti ungliða
fella sig illa við þessar nýju áherslur
og finna sig ekki í þessu andrúmslofti
samkvæmt heimildum DV. Siv Frið-
leifsdóttir, þingmaður Framsóknar-
flokksins, hefur tjáð þessa skoðun
opinberlega og telur líklegt að for-
menn stjórnarflokkanna og formað-
ur Framsóknarflokksins ræðist við
um samstarf við Framsóknarflokk-
inn. Sigmundur Davíð Gunnlaugs-
son, formaður Framsóknarflokksins,
studdi hins vegar vantraust, þingrof
og kosningar á þingi í síðustu viku.
Fjórir af níu þingmönnum flokksins
fylgdu honum ekki að máli en aðeins
rúmur þriðjungur þingmanna vill
knýja fram kosningar nú.
Ljóst er að í það minnsta Guð-
mundur Steingrímsson og Siv Frið-
leifsdóttir fara í flestu gegn þeirri
stefnu sem varð ofan á á flokks-
þinginu. Þau vilja ekki kosningar, þau
eru hlynnt aðildarviðræðum við ESB
og sögðu já við Icesave-samningun-
um svo nokkuð sé nefnt. Jafnvel þótt
þreifingar við formann Framsóknar-
flokksins skiluðu engum árangri er
ekki ósennilegt að Guðmundur, Siv
og jafnvel fleiri þingmenn tækju upp
einhvers konar stuðning við ríkis-
stjórnina.
Innanhússmein Sjálfstæðis-
flokksins gera auk þess að verkum að
flokkurinn er ólíklegur til þess að fara
í stjórnarsamstarf nema að undan-
gengnum þingkosningum sem litlar
líkur eru á að verði í bráð.
Hluti Framsóknar á
bandi stjórnarinnar
n Frjálslyndir Framsóknarmenn í tilvistarvanda n Samsama sig ekki aukinni þjóðernishyggju sem náði
undirtökum á flokksþingi n Vilja ræða við stjórnarflokkana um samstarf n Kjaraviðræður í uppnámi
Jóhann Hauksson
blaðamaður skrifar johann@dv.is
Einkennileg staða Frjálslyndir Framsóknarmenn, eins og Siv Friðleifsdóttir og Guð-
mundur Steingrímsson, fella sig illa við aukna þjóðernishyggju í ræðum og samþykktum
flokksþings.
Kusu á skjön við formanninn
Fjórir af níu þingmönnum Framsóknar-
flokksins fylgdu Sigmundi Davíð for-
manni ekki að máli í síðustu viku.