Dagblaðið Vísir - DV - 02.05.2011, Blaðsíða 20

Þ
rumuguðinn Þór (Chris
Hemsworth) er gerður út-
lægur úr Ásgarði eftir að hafa
stefnt ríki föður síns, Óðins
(Anthony Hopkins), í stórhættu með
hroka sínum og glannaskap. Hann
er sendur til jarðarinnar til að hugsa
sinn gang og hittir þar fyrir ungan
vísindamann, Jane Foster (Natalie
Portman). Þór verður að hemja skap
sig og temja sér auðmýkt ætli hann
sér að eiga afturkvæmt.
Leikarinn og leikstjórinn Kenneth
Branagh hefur einkum fengist við al-
varlegri kvikmyndir, m.a. byggðar á
leikritum Shakespeares, og kom það
því nokkuð á óvart að hann skyldi
velja að leikstýra Thor. Viðfangsefnið
fer honum þó greinilega vel og efni-
viður sem fyrir fram hefði getað talist
hallærislegur er bæði skemmtilegur
og áhugaverður á hvíta tjaldinu.
Chris Hemsworth sást síðast sem
pabbi Kirks í Star Trek-endurgerð-
inni og vakti þar töluverða athygli
fyrir góða frammistöðu. Hemsworth
smellpassar í hlutverk Þórs, ljós-
hærður og sterkbyggður, og skilar
hlutverki sínu með miklum glæsi-
brag. Þessi frammistaða á væntan-
lega eftir að skjóta honum hátt upp á
stjörnuhimininn.
Þó svo að norræn goðafræði hafi
verið Hollívúddvædd og ýmsir tali
hreinlega um nauðgun verður að
segjast að sá hluti myndarinnar sem
gerist í Ásgarði og Jötunheimum er
stórskemmtilegur. Laufey, móðir
Loka, er karlkyns í þessari mynd en
heitir samt Laufey („Láfí“). Það er
vissulega broslegt en kannski skilj-
anleg breyting þegar Hollywood er
annars vegar. Heimdallur er svo leik-
inn af blökkumanninum Idris Elba.
Hann stendur sig í raun það vel að
hörundsliturinn skiptir engu máli.
Heimdallur má alveg vera svartur í
Hollywood.
Thor er frábær sumarafþreying
þar sem blandast saman skemmtileg
hasaratriði, góðir leikarar og hress-
andi húmor. Sumarið er greinilega
komið í bíó.
20 | Fókus 2. maí 2011 Mánudagur
Steelheart heldur tónleika á Nasa í sumar:
Stálhjartað til Íslands
Bandaríska glysrokkgrúppan
Steelheart er á leiðinni til Íslands.
Sveitin mun halda tónleika á Nasa
þann 8. júní og má búast við gítar-
væli og glysstemningu af bestu sort.
Forsprakki og söngvari sveitarinn-
ar er Michael Miljenko Matijevic en
hann er þekktur fyrir tæra rödd og
ærandi háa tóna. Sveitin er frægust
fyrir lagið I’ll never let you go en þar
fær ótrúlegt raddsvið Michaels hvað
best að njóta sín.
Lagið sat lengi á vinsældalistum
um allan heim en sveitin átti nokkra
aðra smelli en náði þó aldei alveg að
fylgja eftir þeim miklu vinsældum
sem sköpuðust í kringum I’ll never
let you go. Ástæðan var ekki síst sú að
árið 1992 slasaðist Michael gríðarlega
þegar ljósamastur féll ofan á hann á
tónleikum. Sveitin hætti í kjölfarið og
en tók saman aftur árið 1996. Þá var
hins vegar grunge-rokkið allsráðandi
og glysið á miklu undanhaldi.
Steelheart minnti svo á sig á ný
árið 2001 þegar Michael söng fyrir
persónu Marks Wahlberg í myndinni
Rock Star en tónlistin í myndinni
vakti mikla lukku. Steelheart hefur
á starfsferli sínum gert fimm breið-
skífur og kom sú síðasta út árið 2008.
Miðasala á tónleikana hefst
mánudaginn 2. maí klukkan 10.00
á midi.is. Miðaverð er 3.500 krónur.
Ekki hefur verið gefið út hverjir hiti
upp fyrir sveitina.
Michael Matijevic
Söngvari Steelheart.
Útgáfutónleikar
Lögreglukór Reykjavíkur heldur útgáfutón-
leika í Austurbæ föstudaginn 6. maí klukkan
20.00. Um þessar mundir kemur út diskur
með söng kórsins þar sem flutt eru lög og
ljóð íslenskra farandsöngvara sem hafa
tæpitungulaust tjáð skoðanir sínar. Lögin og
ljóðin eru eftir Bergþóru Árnadóttur, Bubba,
Megas, KK, Hörð Torfason og fleiri. Miðasala
fer fram á midi.is.
Rétturinn til
að mótmæla
Á alþjóðadegi tjáningar- og fjöl-
miðlafrelsis, þriðjudaginn 3. maí, er
boðað til málþingsins Guli borð-
inn: Rétturinn til að mótmæla, í Bíó
Paradís. Markmiðið með málþinginu
er að efna til gagnrýninnar og upp-
byggilegrar umræðu um mótmæla-
réttinn. Tilefnið er sú hreyfing sem
mótmælin veturinn 2008 til 2009 kom
á samfélagið og dómurinn í máli níu-
menninganna sem féll fyrr á þessu
ári. Frummælendur verða Ingólfur V.
Gíslason, dósent í félagsfræði við HÍ,
Sólveig Jónsdóttir, leikskólaleiðbein-
andi og ein af níu mótmælendum
sem ákærðir voru fyrir árás á Alþingi,
Stefán Eiríksson, lögreglustjóri höfuð-
borgarsvæðisins, og Haukur Már
Helgason, skáld, kvikmyndagerðar-
maður og heimspekingur.
Agnar Már í
Norræna húsinu
Opnunartónleikar vortónleika-
raðar Jazzklúbbsins Múlans,
sem er á sínu fjórtánda starfsári,
verða haldnir
mánudag-
inn 2. maí. Að
þessu sinni
kemur fram
tríó píanóleik-
arans Agnars
Más Magnús-
sonar. Tríóið
leikur tónlist
Agnars af útkomnum geisla-
diskum hans í bland við þekkt
lög í fyrra setti. Meðlimir tríósins
eru auk Agnars, Valdimar Kol-
beinn Sigurjónsson bassaleikari
og Scott McLemore sem leikur á
trommur. Alls verða sex tónleikar
í tónleikaröðinni.
Glerlistakonur
sameinast
Glerlistakonur alls staðar að úr
heiminum koma saman á sýning-
unni Private collections sem nú
stendur yfir á Háskólatorgi. Sýningin
var opnuð 1. maí en á henni getur að
líta verk frá 16 af virtustu glerlista-
konum heims. Verkin eru ólík en
þó innbyrðis tengd vegna áralangs
samstarfs kvennanna. Hvert verk
myndar einkasafn sýningarhóps-
ins þannig að úr verða 16 einkasöfn.
Þau fara til heimalanda höfundanna
að lokinni sýningu. Sýningarhópur-
inn hefur haldið glerlistasýningar
annað hvert ár í nærri aldarfjórðung.
Fyrsta sýning hópsins var í Norræna
húsinu árið 1989.
þrumuguð
í sumargír
Thor
IMDb 7,8 RottenTomatoes 94%
Leikstjóri: Kenneth Branagh.
Handrit: Ashley Miller, Zack Stentz og Don
Payne eftir myndasögu Stan Lee, Larry Lieber
og Jack Kirby.
Leikarar: Chris Hemsworth, Anthony
Hopkins, Natalie Portman, Tom Hiddleston,
Stellan Skarsgård, Kat Dennings.
114 mínútur
Bíómynd
Jón Ingi
Stefánsson
Vígalegur Chris Hemsworth
smellpassar í hlutverk Þórs.
Feðgar Anthony Hopkins
er traustur að venju, nú í
hlutverki Óðins alföður.
„Heimdallur má
alveg vera
svartur í Hollywood.