Dagblaðið Vísir - DV - 23.05.2011, Síða 8

8 | Fréttir 23. maí 2011 Mánudagur
Já segir upp fólki:
Sársaukafullar
aðgerðir
Fyrirtækið Já, sem rekur 118, Já.is og
sér um útgáfu Símaskrárinnar mun
segja upp sex til átta starfsmönn­
um í haust, auk þess sem þjónustu­
veri Já á Akureyri verður lokað, en
þar starfa nítján manns. Hluta þess
starfsfólks verður boðin vinna hjá
þjónustuverum Já í Reykjavík og í
Reykjanesbæ. Er þetta gert í hagræð­
ingarskyni að því er kemur fram í til­
kynningu frá stjórnendum Já. Hjá Já
starfa í dag 120 manns.
Sigríður Margrét Oddsdóttir, for­
stjóri Já, segir í tilkynningunni að um
sársaukafullar aðgerðir sé að ræða.
„En því miður er staðan sú að við
neyðumst til að taka erfiðar ákvarð­
anir. Það er á ábyrgð okkar sem stýr­
um fyrirtækinu að tryggja hag allra
starfsmanna og viðskiptavina Já til
framtíðar með góðum rekstri og með
þessum aðgerðum erum við að sinna
þeirri skyldu okkar.“
Símaskráin 2011 kom út núna um
miðjan maí, en Sigríður segir í sam­
tali við DV að uppsagnirnar tengist
útgáfu hennar ekki á neinn hátt,
þrátt fyrir að tilkynnt sé um þær svo
skömmu eftir útgáfuna. „Við gefum
símaskrána út og það er hagnaður
af því verkefni. Þetta er ekki umtals­
verður hagnaður, en við erum réttu
megin við núllið með hana, “ segir
Sigríður. Egill „Gillz“ Einarsson var
meðhöfundur símaskrárinnar í ár
og skartar forsíða hennar meðal
annars mynd af honum berum að
ofan. Ekki hefur fengist upp gefið
hve mikið Egill fékk í sinn hlut fyrir
verkefnið, en ráðing hans var væg­
ast samt umdeild. Á Facebook voru
meðal annars voru stofnaðir hópar
þar sem fólk var kvatt til þess að fjar­
lægja nafn sitt úr skránni í ár í mót­
mælaskyni við ráðningu hans.
solrun@dv.is
Vilhjálmur Birgisson, formaður
Verkalýðsfélags Akraness, hefur
löngum staðið í kjarabaráttu fyrir
hönd félagsmanna sinna og hefur
undanfarið staðið í ströngu við gerð
kjarasamninga. Hann segir meint
lág laun þingmanna ekki valda sér
miklum áhyggjum, hann hafi meiri
áhyggjur af verkafólki. Þingfararkaup
er nú um 520 þúsund krónur á mán­
uði en ofan á þingfararkaupið bætast
ýmis hlunnindi sem margir launa­
menn njóta ekki. Í síðustu kjarasamn­
ingum voru lágmarkslaun verkafólks
hækkuð upp í 182 þúsund krónur.
Mikið hefur verið fjallað um um­
mæli Tryggva Þórs Herbertssonar, al­
þingismanns Sjálfstæðisflokks, þess
efnis að hann hafi þurft að borga með
sér síðan hann tók sæti á Alþingi vorið
2009. Í viðtali við Tryggva Þór í kvöld­
fréttum Ríkisútvarpsins sagðist hann
tilheyra, eins og margir alþingismenn,
„efri millistétt“ og að hann væri vanur
„ákveðnum lifistandard“ en þingfar­
arkaup nægði ekki til að halda honum
uppi. Sagðist Tryggvi telja að hækka
þyrfti laun alþingismanna og að þau
hefðu í raun lækkað um 21 prósent frá
haustinu 2008.
Sefur rótt
Vilhjálmur minnir á að samkvæmt
neysluviðmiðum velferðarráðherra
þurfi einstaklingur 280 þúsund krón­
ur til að framfleyta sér og því vanti
hundrað þúsund krónur upp á að það
náist og verk sé að vinna fyrir verka­
lýðshreyfinguna. „Ég held að það liggi
alveg ljóst fyrir, frá mínum bæjardyr­
um séð, að ég set laun þingmanna ekki
í forgang kjarabaráttunnar. Það eru
margir hópar í þessu samfélagi sem
eiga vart til hnífs og skeiðar og það er
fólkið sem ég hef áhyggjur af en ekki
íslenskir þingmenn,“ segir Vilhjálmur
og bætir við að hann sofi rótt þrátt fyrir
áhyggjur þingmanna.
Á vef Alþingis kemur fram að þing­
menn fái mánaðarlega 61.400 krónur
í fastan ferðastyrk ofan á þingfarar­
kaup. Þá fá varaforsetar, formenn
fastanefnda, formenn þingflokka og
formenn sérnefnda greitt 15 prósenta
álag á þingfararkaup. Alþingismenn
sem eru formenn stjórnmálaflokka en
eru ekki jafnframt ráðherrar, fá jafn­
framt greitt 50 prósenta álag á þingfar­
arkaupið. Þingmenn eiga einnig rétt
á að fá endurgreiddan kostnað sem
hlýst af starfi gegn framvísun reikninga
að hámarki 796.800 krónur á ári. Þá fá
þingmenn utan höfuðborgarsvæðisins
greiddar 90.700 krónur mánaðarlega í
húsnæðis­ og dvalarkostnað. Ofan á
það getur bæst 40 prósenta álag, haldi
þingmaður annað heimili í borginni.
Endurskoðun launa góð
„Geta þeir ekki farið upp í 800 þúsund
krónur ef að allt er tínt til, er það ekki
nærri lagi?,“ spyr Vilhjálmur sem segir
520.000 króna þingfararkaup kannski
ekki ýkja mikil laun en ljóst sé að starf­
inu fylgi önnur fríðindi. Hann segir
þó að vel megi skoða launakjör þing­
manna eins og annarra í samfélaginu.
Þór Saari, þingmaður Hreyfingarinn­
ar, lagði fram frumvarp á Alþingi fyrir
helgi þar sem hann lagði til að laun
verkalýðsleiðtoga yrðu lækkuð þann­
ig að þau mættu ekki vera hærri en
þreföld laun umbjóðenda þeirra. Vil­
hjálmur segir að vel megi skoða slíkt:
„Það er allt í lagi að skoða laun verka­
lýðsleiðtoga. Ég er klárlega ekki með
þreföld laun þeirra sem ég er að semja
fyrir en þegar launakjör forystumanna
í stéttarfélögum eru komin í eina millj­
ón eða meira þá er ég ekkert hissa á að
fólk hrökkvi við.“
Fríðindi þingmanna eru meiri en
það sem talið var upp hér að ofan.
Þeir fá meðal annars afhenta einka­
tölvu ásamt tilheyrandi fylgibúnaði
sérstaklega til afnota utan skrifstofu.
Allur símakostnaður alþingismanna
er greiddur af Alþingi. Einnig er greitt
fyrir ýmsan kostnað við vinnuaðstöðu
á heimili þingmanna að hámarki
130.000 krónur. Á ferðum alþingis­
manns erlendis á vegum Alþingis er
greiddur hótelkostnaður samkvæmt
reikningi ásamt dagpeningum. Þá fá
þingmenn aukalega greitt upp í ferða­
kostnað innan kjördæmis fyrir ferðir á
fundi eða samkomur sem eru í 15 kíló­
metra fjarlægð frá heimili þeirra.
Samfélaginu til skammar
Aðspurður hvað honum finnist um
þau ummæli Tryggva Þórs að hann
hafi þurft að borga í starfi sínu sem
þingmaður segir Vilhjálmur: „Ég bið
þessa menn bara um að setja sig í spor
þeirra tekjulægstu. Ég geri mér grein
fyrir því að vinna þingmanna geti oft
og tíðum verið æði krefjandi og henni
fylgt mikil ábyrgð. Það þarf að borga
góðum mönnum gott kaup og þeir
sem ekki eru að standa sig eiga að fá
lélegt kaup, það er bara þannig,“ segir
Vilhjálmur og bætir við að hrunið hafi
sýnt að ekki hafi allir staðið sig sem
skildi á Alþingi Íslendinga á árunum
fyrir hrunið.
„Að þessu sögðu held ég samt sem
áður að ég hafi ekkert sérstaklega
miklar áhyggjur af þingmönnum sam­
anber aðra hópa í þessu samfélagi. Þar
liggja mínar áhyggjur, hjá þeim sem
eru á hvað lægstu laununum. Ég hef
löngum sagt það að lágmarkslaun á Ís­
landi eru íslenskri verkalýðshreyfingu,
samtökum atvinnulífsins og samfé­
laginu öllu til skammar,“ segir Viljálm­
ur að lokum. Þess má geta að miðgildi
launa á Íslandi er 391 þúsund krónur
á mánuði og meðallaun 438 þúsund
krónur.
n Þingmenn njóta ýmissa fríðinda sem bætast ofan á þingfararkaup n Tryggvi Þór hefur
sagst þurfa að borga með sér n Verkalýðsleiðtogi hefur litlar áhyggjur af þingmönnum „Það eru margir
hópar í þessu
samfélagi sem eiga
vart til hnífs og skeiðar
og það er fólkið sem ég
hef áhyggjur af en ekki
íslenskir þingmenn.
Jón Bjarki Magnússon
blaðamaður skrifar jonbjarki@dv.is
Borgar með sér Tryggvi Þór Herbertsson
hefur sagt að hann þurfi að borga með sér
síðan hann tók sæti á þingi þar sem launin
séu svo lág.
Sefur rótt Vilhjálmur Birgisson verka-
lýðsforkólfur segist litlar áhyggjur hafa af
kjörum þingmanna.
Lág laun Þingmenn fá 520 þúsund krónur
í þingfararkaup en ofan á það bætast ýmis
fríðindi í tengslum við vinnuna.
Fjölskylduhjálpin
lokar á Akureyri
Fjölskylduhjálp Íslands, sem haft
hefur útibú á Akureyri um nokk­
urra mánaða skeið, hefur hætt
starfsemi sinni í bænum. Þetta
kemur fram í héraðsfréttamiðl­
inum Vikudegi á Akureyri. Ás­
gerður Jóna Flosadóttir, fram­
kvæmdastjóri Fjölskylduhjálpar
Íslands, segir að ástæðan sé hús­
næðisskortur. „Þetta er mjög
bagalegt því þörfin fyrir norðan
er mjög mikil,“ segir Ásgerður í
Vikudegi.
Einkatölva hluti
af fríðindunum