Dagblaðið Vísir - DV - 23.05.2011, Síða 10

10 | Fréttir 23. maí 2011 Mánudagur
Hreyfingin vill róttækar breytingar á fiskveiðistjórnunarkerfinu:
Róttækt en sanngjarnt
„Útgerðarmönnum lýst vel á hug­
myndir okkar. Þeir segja að það
þurfi róttæka og gagngera kerfis­
breytingu til þess að það myndist
friður um málið,“ segir Þór Saari,
þingmaður Hreyfingarinnar.
Þingmenn Hreyfingarinnar
lögðu fram á föstudag frumvarp til
laga um breytingar á fiskveiðistjórn­
unarkerfinu. Frumvarpið felur það
einna helst í sér að færa aflaheim­
ildir aftur til þeirra sveitarfélaga
sem þær voru í gegnum skráð fiski­
skip áður en framsal kvóta var leyft
árið 1990 og að sveitarfélögum verði
gert að selja heimildirnar á uppboð­
um yfir hvert fiskveiðiár. Veiddur afli
verði svo seldur á innlendum upp­
boðsfiskmörkuðum. Ef aflaheimild­
ir eða fiskafli er seldur til aðila utan
sveitarfélagsins leggst 10 prósenta
aukagjald á hann.
Að sögn Þórs Saari er þetta fisk­
veiðistjórnunarkerfi bæði róttækara
og réttlátara en bæði núverandi kerfi
og fyrirhugað frumvarp ríkisstjórn­
arinnar. „Umfram allt að halda auð­
lindunum í eigu þjóðarinnar, huga
að byggðarsjónarmiðum og tryggja
tilvist þeirra,“ segir Þór Saari, þing­
maður Hreyfingarinnar. Frumvarp­
ið tekur meðal annars á strandveiði
og því að auka eigi aflaheimildir þar
töluvert.
Frumvarp ríkisstjórnarinnar seg­
ir Þór vera að mestu leyti aðeins
orðaleik og málamyndabreytingar. 
„Það verður 23 ára nýtingarrétt­
ur á kvóta og það er lítil breyting á
núverandi kerfi. Þetta er bara mála­
myndaorðaleikur og friðþæging fyr­
ir ríkisstjórnina til þess að geta sagst
hafa gert eitthvað í þessu máli. Það
mun aldrei ríkja sátt um þetta mál,“
segir Þór Saari.
„Þetta frumvarp galopnar á póli­
tíska spillingu í kring um þetta,“
segir Þór og segir að hægt sé að
tryggja að svo verði ekki í tengslum
við frumvarp Hreyfingarinnar. Það
verði í höndum sjávarútvegsráðu­
neytisins að útfæra nokkrar hliðar
frumvarpsins, svo sem heimild til
þess að kaupa fimm ára kvóta á bát,
en mjög auðvelt verði að koma í veg
fyrir það með viðeigandi lagasetn­
ingu.
astasigrun@dv.is
Umfjöllun í DV varð
kveikjan að reglum
n Velferðarráðuneytið vinnur að reglum um fyrirkomulag verktakagreiðslna
til heilbrigðisstarfsfólks n Umfjöllun í DV kveikjan að skoðun ráðuneytisins
Umfjöllun DV í fyrrasumar um verk­
takagreiðslur til yfirlæknis Fjórð­
ungssjúkrahússins á Ísafirði, Þor­
steins Jóhannessonar, varð kveikjan
að því að velferðarráðuneytið und­
irbýr nú gerð nýrra reglna um fyr­
irkomulag verktakagreiðslna til
heilbrigðisstarfsfólks í föstu starfi.
Þorsteinn segist í samtali taka vel
í það að slíkar reglur séu settar. Í
bréfi frá Margréti Erlendsdóttur
fyrir hönd velferðarráðuneytisins
til blaðamanns DV kemur fram að
ráðuneytið telji það orka tvímælis
að sami einstaklingur fái samtímis
greidd föst laun og verktakalaun
frá sömu stofnun, líkt og í máli yfir­
læknisins.
Tekjur hækkuðu um 7,2 milljónir
Eins og fram kom í DV í ágúst síð­
astliðnum, seldi Þorsteinn spítal­
anum þjónustu í gegnum einka­
hlutafélag í sinni eigu. Um var að
ræða bakvaktir en greiðslur fyrir
þær fóru í gegnum einkahlutafélag­
ið Skurðlæknirinn ehf. sem síðan
greiddi Þorsteini laun fyrir vakt­
irnar. Þetta viðgekkst í sjö ár, eða
frá 2002 til 2009. Tekjur Þorsteins
vöktu nokkra athygli fyrir vestan
en samkvæmt álagningarskrá fyrir
árið 2009 hækkuðu tekjur hans
um 7,2 milljónir króna á milli ára.
Þröstur Óskarsson, framkvæmda­
stjóri Heilbrigðisstofnunar Vest­
fjarða, sagði í samtali við DV að
fleiri læknar hefðu fengið greidd
laun fyrir bakvaktir í gegnum einka­
hlutafélög í þeirra eigu.
Málið vakti töluverða umræðu
um réttmæti slíkra greiðslna. Í kjöl­
far umfjöllunar blaðsins sagðist þá­
verandi heilbrigðisráðherra Álfheið­
ur Ingadóttir líta svo á að óeðlilegt
hefði verið af Fjórðungssjúkrahús­
inu á Ísafirði að borga yfirlækninum
fyrir bakvaktir í gegnum einkahluta­
félagið. Þá kallaði hún í framhaldinu
eftir frekari upplýsingum um málið,
sem hefur verið til skoðunar í ráðu­
neytinu fram til þessa. Þorsteinn
segir í samtali við DV að þetta fyrir­
komulag hafi verið með fullu sam­
þykki heilbrigðisráðuneytisins, þrátt
fyrir að Álfheiður Ingadóttir hafi
neitað því.
Orkar tvímælis
DV spurðist fyrir um framgang máls­
ins og fékk þau svör frá ráðuneytinu
að í bígerð væri vinna að gerð reglna
um fyrirkomulag verktakagreiðslna
til heilbrigðisstarfsfólks í föstu starfi.
Í skriflegu svari Margrétar Erlends­
dóttur, ritstjóra upplýsingamála
hjá velferðarráðuneytinu, kem­
ur fram að umfjöllun DV um málið
hafi orðið kveikjan að því að ráðu­
neytið réðst í upplýsingaöflun um
fyrirkomulag verktakagreiðslna til
heilbrigðisstarfsfólks samhliða laun­
uðum störfum á heilbrigðisstofnun­
um með það að markmiði að setja
um þetta skýrar reglur.
Í svarinu segir jafnframt að ráðu­
neytið telji ekki athugavert að heil­
brigðisstarfsmenn sem séu í föstu
starfi á einni heilbrigðisstofnun
sinni verktöku á annarri heilbrigðis­
stofnun í launuðu leyfi frá fastri
vinnu. „Ráðuneytið telur hins vegar
orka tvímælis að sami einstakling­
ur fái samtímis greidd föst laun
og verktakalaun frá sömu stofn­
un, líkt og í máli yfirlæknisins við
Fjórðungssjúkrahúsið á Ísafirði sem
DV vísar til, en í umfjöllun blaðsins
í september 2010 kom einnig fram
að þessum greiðslum hafði þá ver­
ið hætt.“ Aðspurð hvort ráðuneytið
hyggist bregðast við þessu tiltekna
máli með einhverjum hætti segir í
svari Margrétar að slíkt standi ekki
til þar sem greiðslum til yfirlæknis­
ins hafi verið hætt á þeim tíma sem
málið var tekið til skoðunar.
Sammála ráðuneyti
Þorsteinn segist geta tekið undir
þessa niðurstöðu ráðuneytisins: „Ég
get alveg fallist á það en þetta gekk
með þeirra samþykki.“ Hann segist
hlynntur því að um slík atriði gildi
skýrar reglur en af hans hálfu hafi
alltaf verið á hreinu að hann vildi
ekki fá greiðslur í gegnum einka­
hlutafélagið nema með samþykkt
ráðuneytisins. Samkvæmt ársreikn­
ingi 2008 átti Skurðlæknirinn ehf.
Toyota Land Cruiser bifreið, fast­
eignir, lóðir og fasteignaréttindi.
Á þremur árum, frá 2005 til 2008,
hækkuðu hreinir fjármunir félags­
ins, óráðstafað fé, um tólf milljón­
ir króna. Þorsteinn segir fyrirtækið
ennþá starfandi þrátt fyrir að hann
hafi hætt að þiggja greiðslur fyrir
störf sín í gegnum það, enda sé fyrir­
tækið stöndugt.
Jón Bjarki Magnússon
blaðamaður skrifar jonbjarki@dv.is
Reglur settar Guðbjartur Hannesson velferðarráðherra. Velferðarráðuneytið mun á næstunni setja reglur um fyrirkomulag verktaka-
greiðslna til heilbrigðisstarfsfólks í föstu starfi. „Ég get alveg
fallist á það en
þetta gekk með þeirra
samþykki.
Þorsteinn Jóhannesson Umfjöllun
DV um um verktakagreiðslur til yfirlæknis
Fjórðungssjúkrahússins á Ísafirði varð
kveikjan gerð nýrra reglna.
St. 41-46
Grensásvegur 8 &
Nýbýlavegur 12
Sími 517 2040
Opið
mánud-föstud. 11-18
laugard. 11-16
SKÓMARKAÐUR
St. 40-46
St. 41-50
St. 40-46
Verð: 8.415
Verð: 6.995
Verð: 7.295
Verð: 4.995
Slapp úr brenn-
andi bústað
Sumarhús í landi Svínhaga á Rang­
árvöllum brann til kaldra kola þeg­
ar kviknaði í bústaðnum rétt fyrir
klukkan sjö á laugardagsmorgun.
Karlmaður um sjötugt var einn í
bústaðnum samkvæmt upplýsing­
um DV og komst hann út við illan
leik áður en allt í kring varð eldinum
að bráð.
Samkvæmt heimildum DV var
maðurinn að hita sér kaffi á gas­
hellu þegar kviknaði í út frá gasi og
brann maðurinn illa, meðal annars
á höndum og fótum. Hann náði hins
vegar að bjarga sér af sjálfsdáðum
út úr bústaðnum og komast í nær­
liggjandi bústað þar sem kallað var
eftir aðstoð.
Lögregla, slökkvilið og sjúkrabílar
komu á vettvang en þá hafði eldur­
inn læst sig í bifreið sem stóð við bú­
staðinn og brann hún til kaldra kola
ásamt bústaðnum.
Maðurinn var fluttur á sjúkrahús
með talsverða áverka.
Segir útgerðarmenn sátta Þór
segir að útgerðarmenn hafi tekið vel
í hugmyndir Hreyfingarinnar.
MynD RóbeRT ReyniSSOn