Dagblaðið Vísir - DV - 05.03.2012, Blaðsíða 3

Sjómanni blöSkrar
klámStöð SkjáSinS
Fréttir 3Mánudagur 5. mars 2012
„Fólk á alltaf að hafa val“
n Jón Lárusson lætur ekki framboð Ólafs Ragnars hafa áhrif
É
g hef ennþá það sama að gefa
þjóðinni og ég hafði áður,“ segir
lögreglumaðurinn Jón Lárusson
aðspurður hvort það hafi ein-
hver áhrif á áform hans um forseta-
framboð að Ólafur Ragnar Gríms-
son ætli að bjóða sig fram til forseta
aftur. Jón tilkynnti það í byrjun janú-
ar að hann hygðist bjóða sig fram til
forseta Íslands. „Ég hafði aldrei nein-
ar áhyggjur af því að bjóða mig fram
þó að hann kæmi. Ég þurfti ekki hans
ákvörðun til að taka ákvörðun sjálf-
ur þannig að ég held áfram á þeirri
braut,“ segir Jón sem stefnir ótrauður
á framboð.
Hann telur sig eiga góða mögu-
leika á kjöri þrátt fyrir framboð Ólafs
Ragnars. Hann bendir jafnframt á að
til þess að lýðræðið virki sem skyldi
sé nauðsynlegt að fleiri en einn séu í
framboði. „Fólk á alltaf að hafa val og
ég tel mig persónulega hafa eitthvað
fram að færa og ég vil að fólk fái þá
tækifæri til þess að heyra það og geti
gert upp við sig hvorn okkar það vilji
hafa í embætti.“
Jón segist vera að undirbúa fram-
boðið hægt og bítandi en finnst fjöl-
miðlar lítið hafa gefið sér gaum. Hann
segist mæta ákveðnum hroka og af
því hann er ekki þekktur sé fyrirfram
búið að afskrifa hann sem mögu-
leika. „Ég velti svolítið fyrir mér hvort
það sé í rauninni bara fræga fólkið
sem eigi að fá að bjóða sig fram. Það
er mjög hart þegar verið er að loka
á 90 prósent þjóðarinnar og fullt af
fólki sem er frambærilegt og á erindi
á Bessastaði. Að það sé bara fyrirfram
afskrifað, það finnst mér ekki gott fyr-
ir lýðræðið.“ solrun@dv.is
Þ
etta er bara viðbjóður,“ segir Jens
Kristinsson sem nýlega fékk
svokallaðan Allt pakka Skjásins í
gegnum ljósnet Símans. Í pakk-
anum eru yfir sextíu sjónvarpsstöðvar
af ýmsu tagi, þar á meðal klámstöðin
Private Spice, sem Jens datt inn á þeg-
ar hann renndi yfir úrvalið. „Mér bara
blöskraði og ég er nú gamall sjóari.“
Private Spice er ekki á listanum
yfir sjónvarpsstöðvar sem tilheyra Allt
pakkanum á heimasíðu Skjásins. Á
heimasíðunni privatespice.com er þó
hægt að nálgast upplýsingar um það
hvernig efni stöðin býður upp á. Miðað
við lýsingar á dagskrárliðum og mynd-
ir á heimasíðunni er ljóst að um er að
ræða töluvert gróft klámefni.
Foreldrar ekki alltaf
með á nótunum
Jens tekur þó fram að stöðin sé læst og
hann hafi verið um beðinn um lykilorð
til að fá aðgang að henni. Upphafsstill-
ing lykilorðsins er ekki mikil hindrun,
en hún er yfirleitt 12345 eða 00000.
Áskrifendur geta þó breytt lykilorðinu
kjósi þeir það.
Jens telur að þrátt fyrir læsinguna
sé töluverð hætta á því að börn og ung-
lingar komist í efnið. „Þeir sem ætla sér
það, þeir bara gera það. Svo eru bara
foreldrar ekkert alltaf með á nótunum
með að læsa þessu.“
Honum finnst óeðlilegt að Skjár-
inn bjóði slíkt efni til sölu, enda gefi
það mjög brenglaða mynd af kynlífi.
Hann setur þetta í samhengi við klám-
væðinguna og umræðu um ungt fólk
og kynlíf. „Það er verið að fjalla um
hvað sérstaklega ungir menn eru með
brenglaðar hugmyndir,“ bendir Jens á,
en hann vill ekki sjá barnabörnin sín
alast upp í slíku umhverfi.
Fólki ekki gert of erfitt fyrir
Friðrik Friðriksson, framkvæmda-
stjóri Skjásins, segir að yfirleitt sé boð-
ið upp á eina til tvær klámstöðvar í
Allt pakkanum hverju sinni. Private
Spice sé þó tiltölulega ný hjá þeim og
það sé líklega skýringin á því af hverju
hún finnst ekki á listanum á heima-
síðu Skjásins yfir þær stöðvar sem eru
í boði. Hann bendir á að slíkar stöðv-
ar séu alltaf varðar meða lykilorði og
útsendingar hefjist ekki fyrr en á mið-
nætti. Það sé gert til að börn og ung-
lingar hafi ekki aðgang að efninu.
„Auðvitað er ekki verið að gera fólki
of erfitt fyrir,“ segir Friðrik aðspurð-
ur hvort upphafsstilling lykilorðins sé
ekki óveruleg hindrun á aðgangi að
grófu klámefni. Hann bendir á að auð-
velt sé að breyta lykilorðinu en við-
urkennir þó að þessi læsing sé ekkert
endilega kynnt fyrir viðskiptavinum
þegar þeir kaupa þjónustuna.
Bregðast við eftirspurn
Friðik segir aldrei áður hafa verið
kvartað yfir klámstöðvum sem Skjár-
inn hefur boðið upp á. „Menn reyna
að halda sátt við sína viðskiptavini og
þannig er nú sagan á bak við það.“
Friðrik segir Skjáinn reyna að bjóða
upp á vinsælustu stöðvarnar sem nást
í gegnum gervihnött hverju sinni.
Áhorf á allar stöðvar sé þó mælt reglu-
lega og þeim sem fá lítið áhorf er skipt
út fyrir aðrar. „Þessar stöðvar eru alveg
í miðjunni þannig að þetta er eftirsótt
þjónusta,“ segir hann og vísar til klám-
stöðvanna. Skjárinn er því eingöngu
að bregðast við eftirspurn viðskipta-
vina sinna með því að bjóða upp á
gróft klámefni til sölu.
Sólrún Lilja Ragnarsdóttir
blaðamaður skrifar solrun@dv.is
„Það er verið að
fjalla um hvað
sérstaklega ungir menn
eru með brenglaðar
hugmyndir.
n Rætt við Jón Snorra n Ekki talið tilefni til aðgerða
Gróft klám Jens Kristinssyni blöskrar gróf klámsjónvarpsstöð sem Skjárinn býður upp á.
Svara eftirspurn Friðrik Friðriksson,
framkvæmdastjóri Skjásins, segir stöðina
vera vinsæla.
n Telur ungmenni eiga greiðan aðgang að grófu klámi
Vill á Bessastaði
Jón Lárusson telur sig eiga möguleika á
að ná kjöri til forseta Íslands þrátt fyrir
framboð Ólafs Ragnars.