Dagblaðið Vísir - DV - 21.03.2012, Blaðsíða 4
4 Fréttir 21. mars 2012 Miðvikudagur
F
járfestarnir Gunnlaugur Sig-
mundsson, Vilhjálmur Þor-
steinsson og Örn Karlsson
tóku sér 600 milljóna króna
arð út úr fjárfestingarfélagi
sínu Teton ehf. árið 2009 vegna
rekstrarársins 2008. Arðurinn var
greiddur til eignarhaldsfélaga þeirra í
Lúxemborg. Teton hafði hagnast um
nærri 1.150 milljónir króna á hrun-
árinu 2008 og byggði arðgreiðslan á
því. Ársreikningur félagsins fyrir árið
2010 sýnir mjög sterka stöðu. Teton
er með skrifstofur sínar í Hellusundi
6 í miðbæ Reykjavíkur.
Þremenningarnir áttu meðal
annars hlutabréf í fjarskiptafyrir-
tækinu Kögun í gegnum áðurnefnt
félag, Teton. Þeir seldu hlutabréfin,
alls rúmlega 15 prósent hlutafjárins,
til Baugsfélagsins Dagsbrúnar í mars
árið 2006. Þá höfðu þeir setið saman
í stjórn Kögunar í nokkur ár. Kögun
sameinaðist svo fjarskiptafyrirtæk-
inu Skýrr, nú Advania, í september
2010 og er ekki lengur til sem sjálf-
stæður lögaðili.
Gefa ekki upp fjárfestingar
Örn Karlsson, framkvæmdastjóri
Teton, vill ekki gefa upp á hverju fé-
lagið hagnaðist á hrunsárinu 2008.
Ekki er hægt að sjá það í ársreikning-
um félagsins, eingöngu að eignirnar
hafi rúmlega tvöfaldast á milli áranna
2007 og 2008 og að verðbréfaeign
þess hafi aukist til muna. „Við kjósum
að auglýsa ekki í hverju við erum að
fjárfesta hverju sinni,“ segir Örn.
Þegar hann er spurður nánar út
í hverju Teton hafi fjárfest í og hvort
félagið hafi tekið stöðu gegn ein-
hverju – hugsanlega gjaldmiðli með
afleiðusamningum eða eitthvað slíkt
– er svarið hjá Erni það sama: „Nei,
við höfum bara haft þá reglu að vera
ekkert að ræða mikið um okkar við-
skipti. Þeir sem þekkja okkur úr við-
skiptum vita hins vegar að við höf-
um verið mjög íhaldssamir; við erum
áhyggjufullir að eðlisfari og ekki
miklir „high-flyerar“,“ segir Örn.
Mikill hagnaður Tetons á hrun-
árinu 2008, rúmlega tvöföldun eigna,
er því óútskýrður eftir samtal blaða-
manns við Örn.
Þrjú eignarhaldsfélög í
Lúxemborg
600 milljóna króna arðurinn sem
þremenningarnir tóku út úr Teton
árið 2009 var greiddur til þriggja
eignarhaldsfélaga þeirra í Lúxem-
borg. Um er að ræða félögin: K 13
Holding SA., Meson Holding SA og
GSSG Holding SA. Fyrsta félagið er í
eigu Arnar Karlssonar, það næsta er
eigu Vilhjálms Þorsteinssonar og það
síðasta í eigu Gunnlaugs Sigmunds-
sonar. Félög Arnar og Vilhjálms eiga
40 prósent hvort í Teton en GSSG á
20 prósenta hlut. Örn og Vilhjálmur
fengu því 240 milljónir hvor af arð-
greiðslunni á meðan Gunnlaugur
fékk 120 milljónir króna í sinn hlut.
Líkt og komið hefur fram í opin-
berri umræðu á Íslandi er ástæðan
fyrir því að fjárfestar kjósa að láta
eignarhaldsfélög í Lúxemborg halda
utan um hlutabréfaeignir sínar að
slíkt getur falið í sér skattahagræði
fyrir þá.
Bakgrunnur Teton-manna
Vilhjálmur hefur um árabil starfað
sem fjárfestir í tækni- og upplýsinga-
geiranum á Íslandi og hefur með-
al annars verið stjórnarformaður í
tölvuleikjafyrirtækinu CCP, framleið-
anda Eve Online. Þá var hann stjórn-
arformaður í gagnaverinu Verne
Holdings í Reykjanesbæ. Í október
síðastliðnum var Vilhjálmur kosinn
gjaldkeri Samfylkingarinnar á lands-
fundi flokksins. Hann sat auk þess í
stjórnlagaráði. Örn Karlsson, sem
er framkvæmdastjóri Teton, hef-
ur sömuleiðis áralanga reynslu úr
tæknigeiranum á Íslandi.
Gunnlaugur er einna þekktastur
fyrir aðkomu sína að Kögun en því
hefur verið haldið fram opinberlega
að hann hafi komist yfir fyrirtækið,
sem var í ríkiseign, á tíunda áratugn-
um vegna tengsla sinna við Fram-
sóknarflokkinn. Í opinberri umræðu
er gjarnan talað um einkavæðingu
Kögunar sem dæmi um óheppi-
lega einkavæðingu. Gunnlaugur var
þingmaður flokksins. Hann er faðir
Sigmundar Davíðs Gunnlaugssonar,
formanns Framsóknarflokksins.
Eignir jukust á hrunárinu
Í árslok 2008 átti Teton verðbréf
sem metin voru á 1.400 milljónir
króna auk þess sem félagið átti rúm-
lega 675 milljónir króna í bundnum
bankainnstæðum. Heildareignir
félagsins námu rúmlega 2,3 millj-
örðum króna en höfðu numið rúm-
lega 900 milljónum króna í árslok
2007. Í árslok hafði félagið nær ein-
göngu átt handbært fé, nærri 900
milljónir króna, en ári síðar höfðu
eignirnar tvöfaldast og það hafði
komið sér upp verðbréfaeign fyrir
nærri 1.400 milljónir króna. Eignir
Teton jukust því mjög á hrunárinu
2008. Á móti þessum eignum voru
skuldir upp á einungis rúmlega 375
milljónir króna, að mestu ógreiddur
skattur. Skuldsetning félagsins var
því afar lítil.
Samkvæmt nýjasta ársreikningi
Teton námu eignir félagsins samtals
nærri 1.700 milljónum króna í árs-
lok 2010. Félagið átti þá nærri 945
milljónir króna í óráðstöfuðu eigin
fé. Teton átti þá meðal annars hlut
í verðbréfafyrirtækinu Tindum sem
nú hefur runnið inn í fjármálafyrir-
tækið Auður Capital. Staða félagsins
er því ennþá afar sterk.
Tóku 600 milljónir í
arð til Lúx fyrir 2008
n Gunnlaugur Sigmundsson og félagar högnuðust á hrunárinu„Við kjósum að
auglýsa ekki í
hverju við erum að fjár-
festa hverju sinni.
Ingi Freyr Vilhjálmsson
fréttastjóri skrifar ingi@dv.is
Arðurinn til Lúx Eigendur Teton högnuðust gríðarlega á hrunárinu 2008. Eignir félagsins
rúmlega tvöfölduðust og tóku þeir sér 600 milljónir í arð árið eftir. Eigendur félagsins eru
Vilhjálmur Þorsteinsson og Örn Karlsson auk Gunnlaugs Sigmundssonar.
Teton gaf vel
Gunnlaugur fékk 120 milljónir króna
í sinn hlut. Hinir tveir fengu 240 milljónir.
Vítisenglar
hætta við
meiðyrðamál
Vítisenglar og Einar „Boom“ Mar-
teinsson, forseti samtakanna, hafa
dregið til baka meiðyrðamál á
hendur Haraldi Johannessen rík-
islögreglustjóra. Málið var þingfest
10. janúar síðastliðinn fyrir Hér-
aðsdómi Reykjavíkur. Þetta kemur
fram í tilkynningu frá embætti
ríkislögreglustjóra.
Einar hafði greint frá því að
samtökin færu fram á 3,2 millj-
ónir króna í miskabætur vegna
ummæla sem ríkislögreglustjóri
hefði láti falla um þau. Í tilkynn-
ingunni segir enn fremur að ekki
sé ljóst hvers vegna Vítisenglar
hættu við málshöfðunina en Einar
hefur sjálfur verið mikið í fréttum
vegna aðildar að grófri líkamsárás
í Hafnarfirði rétt fyrir jól. Hann sit-
ur í gæsluvarðhaldi vegna málsins.
Ostborgari
franskar og 0,5l gos
Máltíð Mánaðarins
Verð
aðeins
1.045 kr.
d
v
e
h
f.
2
0
12
/
d
av
íð
þ
ó
r
Stigahlíð 45-47 | Sími 553 8890
*gildir í mars
Kvóti til 20 ára
Samið verður við kvótaeigendur
um 20 ára nýtingu á kvóta, sam-
kvæmt nýrri löggjöf um stjórn
fiskveiða.
Undirbún-
ingur frum-
varps er
langt kom-
inn en efni
þess verður
kynnt á ríkis-
stjórnarfundi
á föstudag,
samkvæmt því sem fram kom
í frétt Stöðvar 2 á þriðjudags-
kvöldið. Friðrik Arngrímsson,
framkvæmdastjóri LÍÚ segir að
ekkert samráð hafi verið haft við
útvegsmenn við vinnslu málsins.
Í fréttinni kom fram að fjórir
hópar sérfræðinga á vegum
ráðuneytisins hafi komið að gerð
frumvarpsins. Skemmst er að
minnast þess að frumvarp sem
Jón Bjarnason lagði fyrir ríkis-
stjórnina í fyrra féll vægast sagt í
grýttan jarðveg. Jón var í kjölfar-
ið látinn fara úr ríkisstjórninni.
Gegn 20 ára samningi þurfa
útvegsmenn árlega að greiða
nýtingargjald en verði frum-
varpið að lögum eru í fyrsta sinn
settar tímatakmarkanir á afla-
heimildir. Friðrik sagði við frétta-
stofuna að á tveimur fundum
ráðherra með útvegsmönnum
hafi engar upplýsingar verið
veittar um efni frumvarpsins.
Samráð verði að vera við grein-
ina ef sátt eigi að nást um breyt-
ingarnar.