Dagblaðið Vísir - DV - 21.03.2012, Blaðsíða 26

Fékk sér salat á Metro
n Íþróttafræðingnum Fannari Karvel var boðið á skyndibitastað
Þ
etta var ágætt. Ég fékk
mér þó ekki ostborgar-
ann heldur kynntu þau
fyrir mér grænu línuna.
Kannski verður það bara ost-
borgarinn næst,“ segir Fannar
Karvel Steindórsson íþrótta-
fræðingur en Ásgerður Guð-
mundsdóttir, framkvæmda-
stjóri Metro, bauð Fannari að
koma og smakka en Ásgerður
var ósátt við gagnrýni hans.
Fannar hafði sett spurninga-
merki við að Íslendingum væri
sífellt gert auðveldara að sækja
í sykur og fitu eftir að lands-
menn keyptu tæplega 52 þús-
und Metro-hamborgara í gegn-
um tilboðssíðuna hopkaup.is.
Fannar viðurkennir að þetta
hafi verið í fyrsta skiptið sem
hann hafi stigið inn á skyndi-
bitastaðinn Metro. „Ég hafði
heyrt af MacDonald’s-salati
sem inniheldur 800 hitaein-
ingar. Þetta var ekkert slíkt. Það
er gott hjá þeim að gefa upp
hitaeiningar með hverjum rétti.
Það mættu fleiri taka sér það til
fyrirmyndar. Þau tóku voðalega
vel á móti mér. Metro má eiga
það að þarna eru góðir gest-
gjafar,“ segir Fannar Karvel.
Aðspurður segir hann
það koma til greina að bjóða
börnunum sínum á Metro.
„Allavega til að kaupa handa
þeim salat. Þetta var flott mál-
tíð og alls ekki löðrandi í sósu.
Ég reyni eins og ég get að forða
börnunum mínum frá skyndi-
bita en sjálfur renni ég við
endrum og eins. Vonandi verða
börnin mín klárari en ég og
það væri frábært ef þau myndu
alveg sleppa þessu en ég efast
um það,“ segir hann og bætir
við að það sé í lagi að fá sér
skyndibita af og til. „Ég er ekk-
ert heilagur og fæ mér af og til
skyndibita en bý hann þá oftast
til sjálfur. Auðvitað eru ekki
hundrað í hættunni að smakka
þetta en það sem mér blöskr-
aði var að Íslendingar hefðu
keypt sér 15 milljón hitaeining-
ar á einum sólarhring. Það er
svolítið mikið finnst mér.“
26 Fólk 21. mars 2012 Miðvikudagur
Leitar að týnd-
um minningum
D
óttir Jóhannesar Kr.
Kristjánssonar, Sigrún
Mjöll Jóhannesdóttir,
er yngsta barnið á Ís-
landi sem hefur látist
af of stórum skammti eiturlyfja.
Jóhannes hefur lofað sjálfum
sér því að dauði hennar verði
ekki tilgangslaus. Ítarlega var
fjallað um neyslu Sigrúnar
Mjallar og andlát hennar í
Kastljósinu og gaf Jóhannes
leyfi fyrir því að upptaka af
símtali við Neyðarlínuna yrði
spiluð í þættinum. Og nokkru
seinna vakti Jóhannes athygli
Íslendinga á dökkum og hættu-
legum heimi þar sem íslensk
börn dvelja í fréttaskýringum
Kastljóssins. Nú hefur hann
ákveðið að skrifa bók um dótt-
ur sína og safnar saman ljós-
myndum og sögum af Sissu.
Bókin áætlar hann að komi út
í haust. „Bókin verður blanda
af hennar sögu og hvernig bar-
áttan við það að koma henni
til aðstoðar gekk fyrir sig. Í
bókinni ræði ég við fjölda fólks
sem kynntist Sissu og reyni
að draga upp mynd af síðustu
mánuðunum sem hún lifði – í
neyslunni.“
Saga Sissu hjálpar
Jóhannes segir sér nauðsynlegt
að reyna að skilja lát hennar og
átta sig á því hvernig hann hefði
getað tekið öðruvísi á hennar
málum.
Ég vil ekki að fleiri börn
gangi í gegnum sama víti og
dóttir mín,“ segir Jóhannes.
„Þetta er ekki aðeins nauð-
synlegt fyrir mig – heldur tel
ég að foreldrar barna sem eru
komin í neyslu eða eru farin
að sýna hegðun sem er var-
hugaverð gætu lært eitthvað af
þessari bók. Ég sem sagt tel að
saga Sissu og mín reynsla geti
hjálpað. Allur ágóði af bókinni
mun renna beint í minningar-
sjóð Sigrúnar Mjallar sem hefur
það eina hlutverk að styðja fjár-
hagslega við skapandi verkefni
ungmenna sem eru í meðferð á
hverjum tíma. Fyrsta úthlutun
úr sjóðnum verður þann 22.
desember næstkomandi, á af-
mælisdegi Sissu.“
Leitaði hennar
Jóhannes ræddi um reynslu
sína í viðtali við DV í fyrra og
sagðist þá fyrst hafa orðið var
við breytingar á hegðun um
12 ára aldur. „Hún vildi gera
miklu færra með fjölskyld-
unni,“ sagði hann þá. Í kjöl-
farið varð ástandið á heim-
ilinu skelfilegt og Sigrún Mjöll
hvarf og Jóhannes leitaði
hennar. „Það var ekki hægt að
læsa hana inni. Það var tvisvar
lýst eftir henni. En hún hvarf
oftar í skemmri tíma og fannst
um síðir. Ég leitaði oft að
henni sjálfur og átti langar og
erfiðar nætur þar sem ég var
með lögregluna í símanum og
var líka að hringja í vini henn-
ar til þess að finna út hvar hún
væri.“
Vill sögur og myndir af
Sissu
Nú leitar Jóhannes að ljós-
myndum og sögum frá þeim
tíma er Sigrún Mjöll hvarf úr
lífi hans. „Ég hef verið að hitta
fólk á förnum vegi sem hefur
gefið sig á tal við mig – fólk sem
hefur á einhverjum tímapunkti
átt samskipti við Sissu og hefur
sögur af henni að segja. Mig
langar að komast í samband
við fleiri einstaklinga sem
þekktu hana og eru tilbúnir að
hitta mig og segja mér frá sam-
skiptunum við Sissu.“
Jóhannes biður fólk um að
senda sér ljósmyndir eða sögur
á netfangið johanneskr@jo-
hanneskr.is.
n Jóhannes Kr. Kristjánsson skrifar bók um dóttur sína Sigrúnu Mjöll
Leitar skilnings og miðlar reynslu Jóhannes Kr. Kristjánsson týndi dóttur
sinni í hörðum heimi fíkniefna og leitar nú týndra minninga um dóttur sína.
Dauði Sissu ekki tilgangslaus
Jóhannes hefur lofað sjálfum sér því að
dauði hennar verði ekki tilgangslaus og
skrifar nú bók um líf dóttur sinnar.
Fannar Karvel Hann segist fá
sér skyndibita af og til en honum
blöskraði hversu margir hamborg-
arar seldust á einum degi.
Brútal
veruleiki
Viðbrögð Ögmundar Jónas-
sonar innanríkisráðherra
við myndinni Svartur á leik
hafa vakið athygli enda berst
ráðherrann við uppivöðslu
fjölda glæpagengja á Íslandi
þessa dagana. Ögmundur sá
myndina í boði Reykjavíkur
síðdegis og talaði svo í viðtali
um viðbrögð sín. „Myndin
var sannfærandi, mjög brútal
og ofbeldið hart. Allavega
gekk ég hálflamaður út af
sýningunni,“ sagði Ögmund-
ur sem berst við öllu harðari
veruleika nú árið 2012.
Eyfi styður
Gylfa
Knattspyrnumaðurinn Gylfi
Sigurðsson á sér marga
aðdáendur bæði hér heima
og erlendis. Einn þessara
aðdáenda er tónlistarmað-
urinn Eyjólfur Kristjánsson.
Eyfi, eins og hann er oftast
kallaður, lagði til á dögunum
við Sir Alex Ferguson, stjóra
Manchester United, að hann
nældi í íslenska leikmanninn
í stað knattspyrnumannsins
Paul Scholes. Ferguson hafði
spurt aðdáendur sína á fés-
bókinni hver væri vænlegur
eftirmaður Scholes. Í færslu
sinni ítrekar Eyfi að Sir Alex
láti ekki þennan demant
fram hjá sér fara.
Stuðmaðurinn
og fréttakonan
Gestir leiksýningarinnar
Orð skulu standa næstkom-
andi fimmtudagskvöld verða
Stuðmaðurinn Valgeir Guð-
jónsson og fréttakonan Þóra
Arnórsdóttir. Leiksýningin
er byggð á samnefndum út-
varpsþætti sem gekk um
árabil á Rás 1. Sýningin hefur
slegið í gegn en stjórnandi
er Karl Th. Birgisson og með
honum eru liðsstjórarnir Sól-
veig Arnarsdóttir leikkona og
Guðmundur Steingrímsson
þingmaður. Það er víst mikið
um grín og glens á sýning-
unum og mikið hlegið og
verður eflaust engin breyting
þar á með Stuðmanninn og
fréttakonuna um borð.