Dagblaðið Vísir - DV - 21.03.2012, Blaðsíða 6

6 Fréttir 21. mars 2012 Miðvikudagur
Guðmundur misnotaði félagið
n Eignarhaldsfélagið Knerrir er gjaldþrota
E
ignarhaldsfélagið Knerrir
ehf., sem notað var til að
kaupa hlutabréf í Landsbank­
anum á árunum fyrir hrun­
ið 2008, skilur eftir sig rúmlega 80
milljóna króna skuldir sem ekkert
fékkst upp í. Skiptum á félaginu er
lokið og voru þau auglýst í Lögbirt­
ingablaðinu á þriðjudaginn. Stærsti
kröfuhafinn var Landsbankinn.
DV greindi frá því sumarið 2009
að Guðmundur Ingi Hauksson,
útibússtjóri Landsbankans í Aust­
urstræti, hefði grætt sjö milljónir
króna á viðskiptum með hluta­
bréf í Landsbankanum árið 2005 í
gegnum Knerri. Félagið var í eigu
Ólafs Kjartanssonar. Í staðinn fyrir
umræddar milljónir liðkaði Guð­
mundur til fyrir rúmlega 60 millj­
óna lánafyrirgreiðslu frá bankan­
um til félagsins. Hagnaðurinn af
hlutabréfaviðskiptunum var lagð­
ur inn á reikning fyrrverandi sam­
starfsmanns Guðmundar og þaðan
inn á reikning þáverandi eiginkonu
hans. Útibússtjórinn hafði stungið
upp á því við Ólaf að félagið fengi
lán til að kaupa hlutabréf í Lands­
bankanum því verðið á þeim ætti
eftir að hækka mikið á árinu 2005.
Guðmundi Inga var sagt upp
störfum í Landsbankanum í júní
2009 vegna málsins. Málið var í
kjölfarið sent til Fjármálaeftirlits­
ins og efhahagsbrotadeildar ríkis­
lögreglustjóra til rannsóknar vegna
gruns um að Guðmundur hefði
með aðkomu sinni að lánveiting­
unum til Knerris brotið af sér í
starfi.
ingi@dv.is
F
ólk kaupir kakkalakka til að
eiga fyrir gæludýr, en það eru
nú ekki margir,“ segir Ing­
ólfur Tjörvi Einarsson, eig­
andi gæludýraverslunar­
innar Furðufugla og fylgisfiska, en
þar er meðal annars hægt að kaupa
kakkalakka, þúsundfætlur ættað­
ar frá Afríku og engisprettur ásamt
fleiri framandi dýrum. Alls er Tjörvi
með um 270 tegundir af dýrum og
lífverum í búðinni. Kakkalakkinn
kostar tæpar 1.300 krónur, en Tjörvi
segir þrjá eða fjóra einstaklinga hafa
keypt kakkalakka sér til ánægju og
yndisauka.
Ekki sama tegund og á Vellinum
Tjörvi segir skordýrin einnig vera
hugsuð sem fóðurdýr fyrir körtur og
skriðdýr. Hann segir aðspurður enga
hættu á því að kakkalakkar geti fjölg­
að sér úti í náttúrunni og komið af
stað faraldri hér á landi. „Þeir þola
ekki loftslagið og myndu bara drep­
ast strax. Þetta er ekki sama tegund
og hefur verið til dæmis á Vellinum.
Þessir geta ekki flogið og geta ekki
klifrað upp gler.“
Þessi tegund kakkalakka sem
Tjörvi selur heitir Dúbia eða Blaptica
dubia og er ættuð frá Gvæjana. Hann
verður um 4 til 5 sentimetrar á lengd
og er brúnleitur með appelsínu­
gulum doppum. Hann getur lifað í
eitt til tvö ár og lifir aðallega á rotn­
andi laufblöðum, mjöli, ávöxtum og
grænmeti.
Fallegar á að horfa
En kakkalakkar eru ekki einu óhefð­
bundnu gæludýrin sem Tjörvi býð­
ur upp á því hjá honum má einnig
fá eldrauða þúsundfætlu, Centro­
bolus annulatus, og gula þúsund­
fætlu,  Rhinocricus sp. Sú rauða
er ættuð frá Mósambík en sú gula
frá Gvæjana, eins og kakkalakkinn
fyrrnefndi. Tjörvi segir þúsund­
fætlurnar forvitnileg gæludýr. „Þær
eru fallegar á að horfa,“ segir Tjörvi
en bætir við að allar þúsundfætlur
seyti vökva sér til varnar. „Vökvinn
er eitraður en flestum skaðlaus.
Þess vegna ætti að þvo hendur eft­
ir að hafa meðhöndlað dýrin, áður
en farið er með fingur í augu eða
munn, eins er með marga froska
og körtur.“ Þúsundfætlurnar verða
um 10 til 12 sentimetrar að lengd
og eru best geymdar í loftræstum
en lokuðum búrum. Þær geta þó
blessunarlega ekki klifrað upp gler.
Þúsundfætlurnar eru talsvert dýr­
ari gæludýr en kakkalakkarnir, sú
rauða kostar um 9.000 krónur en sú
gula um 8.000.
Fylgifiskar froskdýra
Almennt ríkir bann við innflutn­
ingi skordýra til landsins en verslun
Tjörva er með undanþágu til þess.
Gísli Jónsson, dýralæknir hjá Mat­
vælastofnun, sem annast leyfi til
innflutnings segir að síðan heimil­
aður var innflutningur á froskdýr­
um hafi verið verið veittar undan­
þágur til innflutnings af slíku tagi,
þar sem þess konar dýr þurfi lifandi
fóður. „Þetta hefur verið gefið með
löglegum leyfum frá Matvælastofn­
un í mörg ár. Alveg síðan við heim­
iluðum innflutning á froskdýrum;
körtum, froskum og salamöndrum,
því þá þurftum við að leyfa einhverju
lifandi fóðri að koma með. Þetta eru
svona fylgifiskar þess.“
Gísli segir margar gæludýrabúðir
vera með eitthvað af lifandi fóðri eða
egg sem fólk þarf sjálft að láta klekj­
ast út. „Þetta eru allt tegundir sem
bera enga sjúkdóma með sér og geta
ómögulega æxlast eða tímgast hér
á landi, þannig að það stafar engin
hætta af því og í rauninni ekki meiri
hætta en sú sem stafar af fiðrildum
og öðru eins sem berst hingað með
vindi.“
Kakkalakkar
sem gæludýr
n Selja 270 tegundir af dýrum og lífverum n Þúsundfætlur og engisprettur
Ósmeykur Ingólfur Tjörvi Einarsson,
eigandi verslunarinnar Furðufugla og
fylgifiska, með kakkalakka.
Hanna Ólafsdóttir
blaðamaður skrifar hanna@dv.is
Dúbia-kakkalakkinn Hann getur orðið
tveggja ára.
Litfögur Rauða þúsundfætlan getur orðið
allt að 12 sentimetrar að lengd.
Margfætla Gula þúsundfætlan er for-
vitnilegt gæludýr að mati Tjörva.
Hyglaði viðskiptavini fyrir leppun Útibússtjóri Landsbankans í Austurstræti, Guð-
mundur Ingi Hauksson, liðkaði til fyrir tugmilljóna lánafyrirgreiðslu til viðskiptavinar eftir að
sá hafði leppað fyrir hann hlutabréfakaup. Eignarhaldsfélagið sem keypti hlutabréfin hefur
verið úrskurðað gjaldþrota.
Beðið
niðurstaðna
Lögreglan bíður eftir niðurstöðum
geðrannsóknar og DNA­greiningar
í rannsókn hennar á málum Hlífars
Vatnars Stefánssonar og Guðgeirs
Guðmundssonar. Samkvæmt upp­
lýsingum frá lögreglunni eru enn
nokkrar vikur í að málin verði send
til ákærusviðs.
Hlífar Vatnar er grunaður um að
hafa banað Þóru Eyjalín Gísladótt­
ur þann 6. febrúar síðastliðinn á
heimili sínu í Hafnarfirði. Þóra og
Hlífar höfðu átt í ástarsambandi og
voru um tíma trúlofuð.
Guðgeir Guðmundsson, stakk
Skúla Eggert Sigurz ítrekað með
hníf á lögmannstofunni Lagastoð.
Skúli hlaut lífshættulega áverka
en er nú laus úr öndunarvél og
er byrjaður að svara áreiti. Báðir
mennirnir eru í gæsluvarðhaldi á
Litla­Hrauni.
Sprenging í
fíkniefnabrotum
Afbrotum hefur fjölgað verulega
fyrstu tvo mánuði þessa árs í sam­
anburði við sama tímabil í fyrra.
Þetta kemur fram í Afbrotatíðindum
ríkislögreglustjóra fyrir febrúar.
Afbrotum hefur fjölgað í öllum
flokkum að undanskildum brotum
sem falla undir eignaspjöll en þeim
fækkaði lítillega, eða um tæp 2 pró­
sent. Óhætt er að segja að algjör
sprenging hafi orðið í fíkniefnabrot­
um það sem af er ári, því þeim hefur
fjölgað um tæp 56 prósent í miðað
við sama tímabil í fyrra. Alls skráði
ríkislögreglustjóri 355 fíkniefnabrot
á fyrstu tveimur mánuðum þess árs.
Á sama tímabili í fyrra voru skráð
228 brot og 205 fíkniefnabrot voru
skráð á þessu tímabili árið 2010.
Þróunin er neikvæð í fleiri flokk­
um því skráðar líkamsárásir voru
184 fyrstu tvo mánuði ársins en 150
árið þar áður. Þá fjölgar innbrotum
og þjófnaðarbrotum einnig á milli
ára.
Vigdís braut
þingsköp
Vigdís Hauksdóttir, þingmaður
Framsóknarflokksins, braut
þingsköp þegar hún miðlaði
upplýsing­
um af fundi
stjórnskip­
unar­ og
eftirlits­
nefndar Al­
þingis áður
en fundin­
um lauk. Það
gerði hún
með samskiptaforritinu Fa­
cebook. Fundurinn fór fram 13.
mars síðastliðinn. Að þessari
niðurstöðu kemst Ásta Ragn­
heiður Jóhannesdóttir, forseti
Alþingis.
Valgerður Bjarnadóttir, sem
stýrði fundinum sem formað­
ur nefndarinnar, sleit hon­
um þegar hún varð þessa vör.
Færsla Vigdísar var svohljóð­
andi: „stórfrétt ­ nú var eigin­
lega endanlega verið að slá
út þjóðaratkvæðagreiðslu um
skýrslu stjórnlagaráðs sam­
hliða forsetakosningum !!!“