Dagblaðið Vísir - DV - 18.04.2012, Blaðsíða 2

Ein úti í frosti yfir hEila nótt
2 Fréttir 18. apríl 2012 Miðvikudagur
n Fjölskylda Þórhildar Berglindar hefur barist árum saman við að útvega henni viðunandi búsetuúrræði n Ákall móður um hjálp
Þ
órhildur Berglind er 27 ára.
Hún er fötluð, hypotonia og
spastísk, með þroskahöml­
un og þarfnast mikillar að­
stoðar við daglegt líf. Frá
árinu 2007 hafa aðstandendur henn­
ar barist hart fyrir því að henni verði
útvegað búsetuúrræði við hæfi hjá
Hafnarfjarðarbæ, enda telja bæði
þau og fagaðilar sem hafa umgeng­
ist hana, algjörlega útilokað að hún
geti búið ein og séð um sig sjálf. Þrátt
fyrir ótal bréf frá aðstandendum,
símtöl og fundi auk undirskriftasöfn­
unar sem var gerð árið 2010, þar sem
vel á annað þúsund manns þrýstu á
um úrlausn, neyðist Þórhildur Berg­
lind til að búa ein í kjallaraíbúð sem
hún leigir. Hún er einangruð og líð­
ur mjög illa, en samkvæmt nýjustu
upplýsingum uppfyllir hún skilyrði
til að fá þjónustuíbúð í íbúakjarna á
Hverfis götu sem um þessar mund­
ir er laus en bærinn metur það svo
að hún sé ekki í brýnustu þörfinni
eða að skoða þurfi málið nánar. Fjöl­
skylda hennar segir hins vegar að
miðað við þau gögn sem fyrir liggja,
umsagnir fagaðila og þeirra sem til
málsins þekkja sé ótvírætt hversu
þörfin er mikil og neyð hennar óum­
deilanleg.
Nágrannar hennar hafa lýst
hrikalegum aðstæðum hennar í
bréfum sem send hafa verið bæjar­
yfirvöldum í Hafnarfirði. Þar kemur
meðal annars fram að hún gráti mik­
ið á næturnar, eigi mjög erfitt með
að hafa sig til og beri lítið skynbragð
á hvernig hún eigi að klæða sig eftir
veðri. Þannig eigi hún það til að fara
í hlýrabol út í frosti. Elísabet Þórar­
insdóttir, móðir hennar, segir fjöl­
skylduna komna í öngstræti. „Hún er
vinalaus, einangruð og félagsfærnin
er engin. Hún sér ekkert fram und­
an og nýtir ekki þá aðstoð sem hún
fær til fullnustu. Það eru afleiðingar
af því að hún ræður ekki við að búa
ein. Sjálfsmat hennar og lífsvilji er
enginn. Hún er einmana og vinalaus,
sjálfsvirðingin farin. Umkomuleysið
er algert,“ segir Elísabet í samtali við
DV.
Fimm ára barátta fyrir úrræði
Árið 2007 sótti fjölskyldan um bú­
setuúrræði fyrir Þórhildi Berglindi.
Hún hefur ekki fengið neina úrlausn
sinna mála, þó að fimm ár séu liðin
frá því umsóknin var móttekin. Fjöl­
skylda Þórhildar hefur reynt að koma
henni að í vernduðum íbúakjarna á
borð við á Drekavöllum í Hafnarfirði,
þar sem íbúar fá viðunandi þjón­
ustu og umönnun. Ekkert gengur.
Þrátt fyrir það komst fjölskyldan að
því að í um það bil eitt og hálft ár
hafi íbúð staðið auð í þjónustukjarn­
anum. Árið 2010 var talað við þá­
verandi bæjaryfirvöld og Árna Pál
Árnason, þáverandi félagsmálaráð­
herra, og málið átti að fara í farveg en
ekkert hefur komið út úr því. Móðir
hennar segir að það sé eins og bæjar­
yfirvöld átti sig ekki á þeirri brýnu
þörf sem Þórhildur er í. Hún býr nú
ein í leiguíbúð, er atvinnulaus en fær
heimsókn frá starfsmanni félags­
þjónustunnar og frá þjónustukjarn­
anum á Drekavöllum í Hafnarfirði í
tvo klukkutíma á dag – nokkuð sem
fjölskylda hennar telur allt of litla
þjónustu miðað við raskanir hennar.
Flest kvöld og allar nætur er hún hins
vegar ein.
„Í dag býr Þórhildur Berglind í
leiguíbúð, þar er hún einangruð og
líður því mjög illa. Hún hringir stöð­
ugt í mig, kvartar og grætur. Ástand­
ið fer stöðugt versnandi. Þórhildur
er gjörsamlega einangruð og er að
drabbast niður að öllu leyti og það
slítur mig mjög að horfa upp á það að
þörfum hennar sé ekki sinnt eins og
henni ber, til mannsæmandi lífs og
þeirrar félagslegu örvunar sem hún
þarfnast. Það er móður þung raun
að horfa upp á barnið sitt við þess­
ar hörmulegu aðstæður sem hún
býr við í dag,“ segir Elísabet móðir
hennar.
Einmana í mikilli afturför
Í umsögn um Þórhildi Berglindi, sem
þroskaþjálfi og verkefnastjóri í starfi
með fötluðum hjá Hinu húsinu skrif­
aði, eru sláandi lýsingar á aðstæðum
Valgeir Örn Ragnarsson
blaðamaður skrifar valgeir@dv.is
Fái aldrei að eiga dýr framar
n Sigurður Daðason drekkti hundinum Kol á Þingeyri
L
ögreglustjórinn á Vestfjörðum
krefst þess að 27 ára karlmaður,
Sigurður Daðason, sem viður­
kenndi að hafa drekkt hundi með
hrottafengnum hætti á Þingeyri verði
dæmdur til refsingar og sviptur heim­
ild til að hafa dýr í umsjá sinni. Þetta
kemur fram í ákæru málsins sem var
þingfest fyrir Héraðsdómi Vestfjarða á
þriðjudag.
Það var DV sem sagði fyrst frá mál­
inu þegar það kom upp í byrjun des­
ember síðastliðins. Hundsdrápið vakti
gríðarlega hörð viðbrögð og mikinn
óhug meðal dýravina sem og annarra
enda aðferðin sem Sigurður notaði við
að lóga hundinum sérlega grimmúð­
leg. Samkvæmt ákæru hét hundurinn
Kolur en hafði áður verið þekktur und­
ir nafninu Diesel. Þar segir að á tíma­
bilinu 5.–8. desember hafi Sigurður
bundið Kol á fram­ og afturfótum og
fest tvö bíldekk af gerðinni Federal
Fermoza, sem voru á álfelgum, við
hann. Því næst kastaði hann bíldekkj­
unum og Kol í sjóinn við vegbrú í botni
Dýrafjarðar.
Hundshræið fannst síðan þann 8.
desember í Þingeyrarhöfn. Gangandi
vegfarendur sáu hræið fljóta í sjónum
og komu því á land. Frá upphafi var
Sigurður grunaður um verknaðinn
en lögreglunni gekk erfiðlega að ná í
hann til skýrslutöku. Þann 30. janúar
greindi lögreglan á Vestfjörðum frá því
að Sigurður hefði játað sök í málinu
og það færi í ákærumeðferð. DV hefur
reynt að ná tali af Sigurði en án árang­
urs. Athygli vekur þó að sambýliskona
hans er á já.is titluð sem hundaþjálfari
og leiðbeinandi. Sjálfur titlar hann sig
tónlistarmann.
Grimm örlög Svona fundu íbúar Þingeyrar hundinn Kol í höfninni. Sigurður Daðason er
ákærður fyrir grimmúðlegt hundsdráp.
Móðgun við
listamenn
Kaup Sjónlistamiðstöðvarinnar
á plastmáli með varalitarfari Jó­
hönnu Sigurðardóttur eru sögð
móðgun við uppbyggingu mynd­
listar á Akureyri. Á fréttavef Rík­
isútvarpsins var greint frá málinu
þar sem listamenn á Akureyri eru
sagðir mjög óánægðir með þessi
kaup. Sjónlistamiðstöðin tryggði
sér málið á uppboði í gegnum út­
varpsþáttinn Virka morgna á Rás
2. Safnið greiddi 105 þúsund krón­
ur fyrir málið sem runnu til góð­
gerðarmála. Listamenn á Akureyri
kvarta yfir því að peningar séu til
hjá miðstöðinni til að kaupa þetta
plastmál en ekki að styrkja þá ótal
listamenn sem sótt hafa um styrki
hjá henni.
Melabíó
Sýndar voru í Melabúðinni 22
stuttmyndir nemenda Melaskóla.
Búðin breyttist í kvikmyndahús
á þriðjudag en frumsýningin var
hluti af Barnamenningarhátíð sem
sett var í tónlistar­ og ráðstefnu­
húsinu Hörpu fyrr um daginn.
Hjálmar ekki
skylda
Þátttakendur á snjóbrettamótinu
AK Extreme þurftu ekki að nota
hjálma á mótinu en engar reglur
kveða á um notkun hjálma við
skíða­ og brettaíþróttina á Ís­
landi. Það var fréttastofa Sjón­
varpsins sem greindi frá þessu
máli en Ásgeir Höskuldsson,
einn af skipuleggjendum móts­
ins, sagði marga sem voru eldri
en átján nota hjálm. Hann sagði
það geta verið varasamt að skylda
menn til að nota hjálm séu þeir
ekki vanir því.
Ósáttir við
sumarlokun
Foreldrafélög og foreldra­
ráð leikskólanna Sólborgar
og Eyrarskjóls á Ísafirði hafa
tekið höndum saman og mót­
mælt sumarlokunum skólanna
vegna sumarleyfa starfsfólks.
Skólarnir verða lokaðir í fimm
vikur í stað fjögurra vegna
sumarleyfa starfsfólks og eru
foreldrarnir ekki par hrifnir.