Dagblaðið Vísir - DV - 18.04.2012, Blaðsíða 11

Samherji á milljarða
í SkattaSkjóli á kýpur
Fréttir 11Miðvikudagur 18. apríl 2012
n Rannsókn Seðlabankans snýr að meintum gjaldeyrisbrotum n Aflandsfélög eiga í erlendri starfsemi Samherja
metnir á rúmlega 71 milljón dollara,
rúmlega átta milljarða króna, eða
nærri þriðjung af heildareignum
Polaris. Heildareignir Polaris námu
þá tæplega 255 milljónum doll­
ara, tæplega 30 milljörðum króna,
og voru nærri 120 milljóna dollara
skuldir, tæplega 14 milljarðar króna,
á móti þessum eignum. Meirihluti
þessara skulda, 90 milljónir dollara,
eru við lánastofnanir og er vænt­
anlega um að ræða skuldirnar við
Glitni sem áður voru inni í Kötlu
Seafood vegna kaupanna á Sjóla.
Eigið fé félagsins nam því meira en
135 milljónum dollara í lok árs 2010
og var að stóru leyti bundið í félög­
unum tveimur á Kýpur. Stærstur
hluti af öðrum eignum Polaris voru
ýmiss konar lán og kröfur á hendur
tengdum félögum.
Hagnaður Polaris nam ekki nema
rúmlega 500 þúsund dollurum árið
2010 en líta verður til þess að félagið
greiddi meðal annars meira en 30
milljónir dollara af skuldum sínum
á árinu. Staða félagsins er því afar
sterk.
Ekkert um starfsemi
aflandsfélaganna
Í ársreikningi Polaris fyrir árið 2010
er ekkert fjallað efnislega um þessa
góðu eignastöðu dótturfélaganna á
Kýpur eða hvernig félögin urðu svo
verðmæt. Þar segir aðeins að félagið
eigi tvö dótturfélög, sem skráð eru á
Kýpur, en ekki sé gerð sérstök grein
fyrir rekstri félagsins, líkt og fram
komi í tiltekinni lagagrein. Orðrétt
segir: „Félagið átti í árslok tvö dóttur­
félög, Fidelity Bond Investments
Ltd. og Miginato Holdings Ltd. en
með vísan til 69. gr. laga nr. 3/2006
um ársreikninga, eru ekki gerð sam­
stæðureikningsskil fyrir félagið og
dótturfélög þess.“ Þess vegna er ekki
hægt að sjá á hverju félögin á Kýpur
högnuðust.
Eiga félög í Póllandi
og í Færeyjum
Þessi tvö aflandsfélög Samherja á
Kýpur eiga svo nokkur önnur dótt­
urfélög íslenska útgerðarfélagsins
í Evrópu. Þannig er að finna upp­
lýsingar um það á internetinu að
þýska félagið DFFU haldi utan um
eignarhluti Samherja í pólska út­
gerðarfélaginu Atlantex Spolka
Z.o.o. Atlantex virðist svo aftur hafa
verið stofnað af Miginato Holdings
Limited samkvæmt upplýsingum í
pólsku hluthafaskránni.
Þá kemur fram á færeyskri vef­
síðu að nýstofnað dótturfélag Sam­
herja þar í landi, 5656 Sp/f Geysir,
hafi verið stofnað af Miginato Hold­
ings Ltd. þar í landi síðastliðið haust.
Orðrétt segir um stofnanda Geysis
á vefsíðunni: „Miginato Holdings
Ltd., 284 Arch. Makarios III Ave.,
3105 Limassol.“
Enn fremur kemur fram í
spænsku hlutafélagaskránni á net­
inu að Katla Seafood á Kanaríeyjum
hafi verið í eigu annars kýpverska
félagsins, Fidelity Bond Invest­
ments Ltd. Hlutafé Kötlu samkvæmt
spænsku hlutafélagaskránni var 10
þúsund evrur og var Fidelity Bond
Investments sagt vera eini hlut­
hafi Kötlu. Líkt og kemur fram hér
að framan er Katla orðið að Polaris
Seafood.
Eignarhaldið í gegnum Kýpur
Svo virðist því sem eignarhaldið á
nokkrum af erlendum dótturfyrir­
tækjum Samherja sé í gegnum kýp­
versku eignarhaldsfélögin. Hagn­
aður af rekstri þessara félaga ætti
því að enda hjá félögunum í Kýp­
ur, meðal annars hagnaður af starf­
semi pólska dótturfélagsins og þess
færeyska. Ef Samherji hefur selt fisk
frá Íslandi til erlendra dótturfélaga
sinna á undirverði í gegnum tíð­
ina, líkt og greint var frá í Kastljósi
í síðasta mánuði, þá getur falist í því
verulegt hagræði fyrir Samherja að
láta hagnaðinn myndast erlendis
í félögum í skattaskjólum. Nánast
ógerlegt er hins vegar að komast yfir
fjárhagslegar upplýsingar um þessi
kýpversku félög Samherja, líkt og
gildir almennt um eignarhaldsfélög
í skattskjólum.
DV gerði á mánudaginn tilraun
til að ná tali af Aðalsteini Helgasyni,
framkvæmdastjóra Polaris og áður
framkvæmdastjóra Kötlu Seafood.
DV fékk þær upplýsingar að Aðal­
steinn væri búsettur á Kanaríeyjum
þar sem höfuðstöðvar starfsemi Sjóla
voru þegar Katla keypti erlenda starf­
semi þess. Blaðið náði ekki í hann.
Þorsteinn ætlar ekki að tjá sig
Þorsteinn Már Baldvinsson, forstjóri
Samherja, segir aðspurður að hann
ætli ekki að tjá sig um þessi dóttur­
félög Samherja á Kýpur. Hann segir
rannsóknina á Samherja vera í gangi
og að hann sé að kynna sér gögnin
um rannsóknina sem útgerðarfyrir­
tækið hefur nú fengið aðgang að.
Aðspurður hvernig þessar miklu
eignir kýpversku dótturfélaganna,
um 8 milljarðar króna, hafi orðið til
segir Þorsteinn að hann muni ekki
tjá sig um það. „Ég ætla ekki að fara
að tjá mig um þessi mál. Ég ætla í
fyrsta lagi að fara yfir þau gögn sem
eru að berast og hafa borist. Þann­
ig að ég ætla nú ekki að tjá mig um
þessa rannsókn Seðlabankans fyrr
en ég hef komist í það að lesa þessi
gögn,“ segir Þorsteinn. Aðspurður
hvernig eignir þessara tveggja kýp­
versku félaga urðu til segir Þorsteinn
að hann muni ekki greina frá því. „Ég
ætla ekki að fara að greina frá því.“
Þegar Þorsteinn er spurður hvort
kýpversku félögin haldi ekki utan um
eignarhaldið á nokkrum erlendum
dótturfélögum Samherja fær blaðið
sama svar frá Þorsteini. n
Forstjórinn þögull
Þorsteinn Már Baldvinsson kýs
að tjá sig ekkert um dótturfélög
Samherja á Kýpur. Allt er því á
huldu hvað varðar 8 milljarða
eign þeirra.