Dagblaðið Vísir - DV - 23.04.2012, Page 3

Fréttir 3Mánudagur 23. apríl 2012
Spurningar bannaðar
n Ýtt við blaðamanni sem gerði tilraun til að spyrja um Bo Xilai n Wen Jiabao stóð óvænt upp frá kvöldverði í Hörpu
kvæmt heimildum DV snæddu um
hundrað manns á veitingastaðnum.
Þar á meðal ráðherrar ríkisstjórnar­
innar og formenn stjórnmálaflokka
með fulltrúa á þingi. Þar var þó Birg­
itta Jónsdóttir formaður Hreyfing­
arinnar ekki meðal gesta. Margrét
Tryggvadóttir, þingkona Hreyfingar­
innar, var boðið fyrir hönd Hreyfing­
arinnar.
Sjálf stóð Birgitta vaktina fyrir
utan bygginguna þar sem samtök­
in Vinir Tíbet, sem Birgitta er sjálf í
forsvari fyrir mótmæltu mannrétt­
indabrotum kínverskra yfirvalda.
Aðspurð hvers vegna henni var
ekki boðið til málsverðarins heldur
Margréti Tryggvadóttur fyrir hönd
Hreyfingarinnar sagði Birgitta: „Það
getur ekki hafa farið framhjá forsæt­
isráðuneytinu eða þinginu að ég sé
formaður. Ég er með starfsmann á
mínum snærum sem Alþingi borg­
ar laun. Það eru alltaf sendar út til­
kynningar og passað mjög vel upp
á að prótókollinn viti af því. Ég er
greinilega ekki velkomin,“ sagði
Birgitta á mótmælunum. Sam­
kvæmt heimildum DV var Birgittu
þó fullkunnugt á þeirri stundu sem
hún ræddi við blaðamann að boðs­
kortið var stílað á Margréti vegna
svars Alþingis til handa forsætis­
ráðuneytinu um að Margrét væri
skráð sem formaður.
Þetta staðfesti Birgitta í sam­
tali við DV á sunnudag og sagðist
hafa fengið símtal ofan úr forsætis­
ráðuneyti þar sem farið var yfir
málin. „Ég fékk símtal frá Hrann­
ari [Árnasyni, aðstoðarmanni for­
sætisráherra], þegar hann heyrði að
ég væri farin að tala um að ég skildi
þetta ekki. Við sendum svo auðvi­
tað formlega kvörtun inn í forsæt­
isráðuneyti. Þá bar hann því við að
einhver hafi hringt í skiptiborðið á
Alþingi og fengið þau svör að Mar­
grét væri formaður. Ég skil það ekki
af því að Margrét var fyrst formaður,
svo ég og svo Þór Saari,“ sagði Birg­
itta aðspurð hvers vegna hún hefði
ekki minnst á þessar skýringar við
mótmælin.
Fór inn um hliðarinngang
Wen Jiabao, forsætisráðherra Kína,
fór inn um hliðarinngang tónlist­
ar­ og ráðstefnuhússins Hörpu og
þurfti því ekki að horfast í augu við
hundrað mótmælendur sem voru
við húsið. Mótmælendur púuðu á
forsætisráðherrann og fylgdarlið er
hann sást ganga til lyftunnar sem
flutti hann upp á fjórðu hæð húss­
ins. Málsverðinum átti samkvæmt
áætlun að ljúka klukkan átta um
kvöldið en vegna sýningar á La Bo­
hème var ákveðið að teygja lítillega
úr honum svo leiðir óperugesta
Hörpu og gesta íslenskra stjórn­
valda sköruðust ekki.
Þær áætlanir gengu þó ekki eftir
þar sem Wen Jiabao lét sér ekki segj­
ast heldur stóð, samkvæmt upplýs­
ingum DV, upp nánast á slaginu og
gekk beint út úr salnum á svipuðum
tíma og eftirréttur var borinn á borð.
DV hefur eftir gestum á staðnum að
stór hópur sendinefndarinnar hafi
fylgt á eftir og urðu því færri þess að­
njótandi að snæða eftirrétt úr eld­
húsi Kolabrautarinnar.
„Snædrekinn“ kemur
Þrátt fyrir skjótan endi á kvöldverðin­
um vannst Wen þó tími til að afhenta
gjöf kínverskra yfirvalda til íslenskra
í tilefni af heimsókninni. Jóhanna
Sigurðardóttir veitti gjöfinni viðtöku,
en Wen afhenti íslenska ríkinu líkan
af ísbrjótnum „Snædrekanum“ sem
er væntanlegur til landsins á næsta
ári. Snædrekinn mun sigla yfir norð­
urskautið hingað til lands. n
Vakti athygli Blómastúlkan tilbúin til
að afhenda blóm við komu Wen. Hér sést
hún hinkra eftir rútunni til Keflavíkur.
Starfsmenn kínversku sendinefndarinnar
stilla sér upp með stúlkunni.
Kínverskir ríkisfjölmiðlar í forgang
Hér sést myndatökumaður CCTV stand-
andi á tröppum innan öryggissvæðisins,
beint fyrir framan fréttastúku almennra
fjölmiðlamanna á Keflavíkurflugvelli.
H
ópferðir í Kerið hafa verið
bannaðar í mörg ár til að
koma í veg fyrir áníðslu á
landinu og íslenskum yfir­
völdum og þeim sem eru
í ferðaþjónustu var tilkynnt þetta
með formlegum hætti,“ segir Óskar
Magnússon, talsmaður Kerfélagsins.
Eins og fram hefur komið þá var Wen
Jiabao, forsætisráðherra Kína, mein­
aður aðgangur að Kerinu í Gríms­
nesi á laugardaginn en Kerfélagið
tilkynnti að Wen og fylgdarlið hans
væri ekki velkomið þangað.
Hafa stjórnvöld ekki í hávegum
Forsætisráðherrann var á ferðalagi
um Suðurlandið með Jóhönnu Sig­
urðardóttur forsætisráðherra og
fylgdarliði og var ætlunin að koma
við í Kerinu en urðu þau frá að hverfa
vegna þessa. Óskar bendir á að fé­
laginu hafi ekki borist beiðni fyrir ferð
hópsins en aðspurður segist hann
ekki geta sagt til um hvort hópnum
hefði verið veitt leyfi ef félaginu hefði
slík beiðni borist. „Ég get ekki sagt
hvernig við hefðum brugðist við því.
Það liggur þó fyrir að Kerfélagið hefur
ekki haft þessi stjórnvöld í hávegum,
hvorug þeirra, og vegur þeirra hefur
ekki aukist við þetta.“
Skoðanafrelsi hér á landi
Aðspurður hvort hópnum hafi ver­
ið meinaður aðgangur vegna stjórn­
málaskoðana Kerfélagsins segir Ósk­
ar að hér sé skoðanafrelsi og að þeim
sé frjálst að hafa sínar skoðanir. „Það
liggur hins vegar opinberlega fyrir að
hópferðir í Kerið hafa verið bannaðar
í mörg ár og öllum ætti að vera það
ljóst. Það er ótrúlegt að menn skulu
engu að síður kjósa að virða ekki slík
tilmæli.“ Hann segir jafnframt að fé­
lagið hafi fullan rétt til að banna að­
gang hópa að Kerinu. Það sé auk þess
skylda allra að vernda þær náttúru­
perlur sem þeir hafa yfir að ráða.
Mönnum er heimilt
að fara um landið
Jónas Kristjánsson, fyrrverandi rit­
stjóri, vakti athygli á því á síðu sinni
að Kerfélagið hafi í raun engan rétt á
að banna umferð um landið og seg­
ir það brjóta gegn lögum. Lögin sem
um ræðir eru náttúruverndarlögin
en í 14. grein þeirra segir: „Mönnum
er heimilt, án sérstaks leyfis landeig­
anda eða rétthafa, að fara gangandi,
á skíðum, skautum og óvélknúnum
sleðum eða á annan sambærilegan
hátt um óræktað land og dveljast þar.
Á eignarlandi í byggð er eiganda eða
rétthafa þó heimilt að takmarka eða
banna með merkingum við hlið og
göngustíga umferð manna og dvöl á
afgirtu óræktuðu landi.“
Hrunasamfélagið endurreist
Málið hefur vakið umfjöllun og með­
al þeirra sem hafa tjáð sig er Lilja
Mósesdóttir en hún segir á Face­
book­síðu sinni að málið afhjúpi þá
staðreynd að hrunsamfélagið hafi
verið endurreist. Fram séu komnir
sömu leikendur og gildi og áttu leik­
sviðið fyrir hrun. Aftur sé réttur ein­
staklingsins settur ofar hagsmun­
um þjóðarinnar og að tryggja verði
aðgang þjóðarinnar að gersemum í
einkaeign.
Hafa stjórnvöld
ekki í hávegum
„Það liggur hins
vegar opinberlega
fyrir að hópferðir í Kerið
hafa verið bannaðar í
mörg ár og öllum ætti að
vera það ljóst.
Gunnhildur Steinarsdóttir
blaðamaður skrifar gunnhildur@dv.is
n Wen Jiabao meinaður aðgangur að Kerinu
Wen Jiabao og Jóhanna Sigurðardóttir Skoðuðu Suðurlandið á laugardaginn.
Óskar Magnússon
Talsmaður Kerfélagsins
segir yfirvöld hafa átt
að vita að umferð hópa
um Kerið væri bönnuð.
Mynd Sigtryggur Ari