Dagblaðið Vísir - DV - 14.09.2012, Page 8

8 Fréttir 14.–16. september 2012 Helgarblað
KENNITÖLUHOPP Á
HREINDÝRAVEIÐUM
Steingrímur þótti bestur
n Lesendur DV.is völdu þann sem flutti bestu ræðuna á Alþingi
R
æða Steingríms J. Sigfússonar,
formanns Vinstrihreyfingar-
innar – græns framboðs, þótti
skara fram úr þegar umræður
um stefnuræðu Jóhönnu Sigurðar-
dóttir forsætisráðherra fóru fram á
Alþingi á miðvikudagskvöld. Liðlega
fimm hundruð lesendur DV tóku þátt
í könnun á vefnum þar sem spurt var:
Hver flutti bestu ræðuna á Alþingi í
kvöld?
Steingrímur bar höfuð og herðar
yfir aðra en 27,5 prósent þeirra sem
tóku þátt völdu hann. Næstir komu
jafnir Sigmundur Davíð Gunnlaugs-
son, formaður Framsóknarflokksins,
og Guðmundur Steingrímsson, utan
flokka, en þeir fengu hvor um sig 10,8
prósent atkvæða. Árni Þór Sigurðs-
son, flokksbróðir Steingríms, fékk
fæst atkvæði, eða aðeins 0,4 prósent.
Tekið skal fram að könnunin endur-
speglar aðeins viðhorf þeirra sem
tóku þátt.
Steingrímur talaði tæpitungulaust
um Sjálfstæðisflokkinn í ræðu sinni
og sagði flokkinn þurfa á endurhæf-
ingu að halda. „Ég tel að aðrir flokkar
og framboð í landinu eigi að samein-
ast um að bjóða Sjálfstæðisflokknum
upp á fjögur ár í viðbót hið minnsta til
endurhæfingar og sjálfsskoðunar sem
enn virðist, vel að merkja, ekki hafa
farið fram.“ Hann sagðist mælast til
þess að flokknum yrði veitt skjól til að
finna fjölina sína á ný og þá yrði hann
ef til vill aftur stjórntækur og sæmi-
lega víðsýnn flokkur.
Steingrími varð einnig tíðrætt um
árangur ríkisstjórnarinnar í efnahags-
málum. „Nú rétt tæpum fjórum árum
eftir hrun hefur okkur óumdeilanlega
tekist að endurheimta tapað efna-
hagslegt sjálfstæði. Við stöndum á
eigin fótum.“ n
baldur@dv.is
Reykjavíkurmaraþon
Íslandsbanka:
Fögnuðu flott-
um árangri í ár
Uppskeruhátíð Reykjavíkurmara-
þons Íslandsbanka var haldin í
útibúinu á Kirkjusandi í vikunni.
Í ár söfnuðust tæpar 46 milljónir
króna til handa 130 góðgerðarfé-
lögum. Þetta er met í áheitasöfn-
un en um 3.400 hlauparar hlupu til
góðs. Kári Steinn Karlsson mara-
þonhlaupari afhenti þeim viður-
kenningar sem söfnuðu mestum
áheitum.
Í tilkynningu frá Íslandsbanka
kemur fram að sá einstaklingur
sem safnaði mestu var Viktor Snær
Sigurðsson en hann hljóp líkt og
síðustu tvö ár fyrir systur sína og
AHC samtökin. Hann safnaði rúm-
um 1,6 milljónum króna en aldrei
áður hefur einstaklingur safnað
jafn miklu í áheitasöfnuninni. Þá
safnaði Bjarný Þorvarðardóttir 1,3
milljónum króna til handa Mænu-
skaðastofnun Íslands. Að lokum
fékk Ína Ólöf Sigurðardóttir viður-
kenningu fyrir að hafa safnað 1,2
milljónum króna. Ína hljóp fyrir
Kraft, stuðningsfélag fyrir ungt fólk
sem greinst hefur með krabba-
mein og aðstandendur, og tileink-
aði Árna Sigurðssyni, eiginmanni
sínum, hlaupið en hann hefur
barist hefur við síðustu 2 ár.
Árni hélt einnig ræðu þar sem
hann fór yfir sögu sína og lýsti því
hvaða áhrif veikindin hafa haft á
líf hans og fjölskyldunnar. Hann
þakkaði fjölskyldu og vinum fyrir
stuðninginn en þau tóku sig saman
og mynduðu heilt hlaupalið sem
hljóp undir kjörorðunum Áfram
Árni – Við berjumst með þér. Ræða
Árna lét engan ósnortinn en hann
hefur tekist á við erfið veikindi
með húmorinn að vopni.
Að lokum fór Stefán Eiríksson,
lögreglustjóri og stjórnarmað-
ur í Krabbameinsfélagi Íslands,
nokkrum orðum um félagið og
söfnunina í Reykjavíkurmaraþoni
Íslandsbanka. Krabbameinsfé-
lagið hefur hvatt þá hlaupara sem
hlaupa fyrir félagið dyggilega og
hefur það skilað sér í áheitasöfn-
uninni. Stefán talaði einnig um þá
miklu stemmingu sem myndast
jafnan á deginum sjálfum.
Í áheitaskýrslu Reykjavíkur-
maraþonsins kemur fram að Kraft-
ur fékk mest, eða rúmlega 3,1
milljón króna, Krabbameinsfélagið
fékk tæpar 3 milljónir og Styrktar-
félag krabbameinssjúkra barna
tæpar 2,3 milljónir króna.
V
ið viljum gjarnan fá
ábendingar verði menn
varir við þetta. Við höfum
heyrt þetta eins og aðr-
ir,“ segir Bjarni Pálsson,
deildarstjóri hjá Umhverfisstofn-
un. Hreindýraveiðum lýkur í næstu
viku en núna á laugardaginn er síð-
asti dagurinn sem skjóta má tarfa.
DV hefur fengið ábendingar um að
veiðimenn reyni að misnota það
kerfi sem notað er við úthlutun
veiðileyfa en dregið er úr umsókn-
um ár hvert. Ábendingarnar lúta
að því að til þess að auka líkur sín-
ar í lottóinu fái þeir veiðifélaga sína
eða vini til að sækja einnig um dýr.
Þeir safni þannig kennitölum. Sá
sem fær úthlutun sé svo ekki sá
sem felli dýrið, heldur annar sem
ekki hefur fengið leyfi. Dæmi séu
um að leiðsögumenn líti fram hjá
þessu. Þessu er líst sem eins kon-
ar kennitöluhoppi á meðal veiði-
manna.
Eiga að framfylgja reglunni
Bjarni segir að engar traustar
ábendingar um slíkt misferli hafi
borist á borð stofnunarinnar – þó að
sögusagnir séu alltaf á kreiki. „Það
er alveg klárt að leiðsögumaður-
inn á að gæta þess að þetta sé ekki
gert. Það er hans verk að fylgjast
með því að réttur maður skjóti,“ seg-
ir hann og tekur fram að stofnunin
geri út eftirlitsmenn sem fari um og
taki stikkprufur. Ómögulegt sé þó að
fylgjast með öllum.
Elvar Árni Lund, formaður Skot-
veiðifélags Íslands, segir í samtali við
DV að hann hafi spurt leiðsögumenn
um þessi mál en að þeir hafi almennt
ekki orðið varir við þetta.
Svartur blettur á veiðunum
Jóhann Gunnarsson, sérfræðingur
Umhverfisstofnunar á Austur landi,
er ef til vill sá sem besta yfirsýn
hefur yfir veiðarnar á Austurlandi.
Hann segir að þetta sé svartur
blettur á skotveiðum. „Menn ætla
seint að hætta þessari vitleysu,“ seg-
ir hann. Jóhann segir að hann heyri
alltaf af og til af þessu en erfitt sé að
hafa hendur í hári manna. „Ég hélt
að þetta væri minna en áður út af
skotprófinu. Þú þarft þá að senda
alla [félagana, innsk. blm.] í skot-
prófið,“ segir hann en fyrir þetta
veiðitímabil var sú regla tekin upp
að veiðimenn undirgangist skotpróf
áður en til veiða er haldið. Þess má
geta að í fyrstu umferð féllu um 30
prósent veiðimanna á skotprófinu.
Markmiðið er að þeir sem haldi til
veiða séu betur undir það búnir.
„Mér finnst þetta ekki síst svartur
blettur á hreindýraveiðimönnum
sem geta ekki farið að leikreglum,“
segir hann en bætir við að erfitt sé
að ná þessum mönnum.
Veiðileyfi brenna inni
Þegar DV talaði við Jóhann á mið-
vikudaginn var búið að fella 830 dýr
af 1.009. Þá var útlit fyrir að ekki tæk-
ist að veiða upp í allan kvótann. Jó-
hann segir að nokkuð af leyfum hafi
komið til baka vegna þess að menn
féllu eða hættu við að taka skot-
prófin. „Við höfum verið með góðan
bunka á stærstu svæðunum. Það tek-
ur tíma að koma því út.“
Hann segist binda vonir við að
ekki fleiri en 20 veiðileyfi brenni inni.
Það gæti þó orðið minna. „Það geng-
ur illa að finna dýr í þoku og snjó-
komu og þess vegna eru menn treg-
ir til að kaupa leyfi þegar svona fáir
dagar eru eftir,“ útskýrir hann. Þeir
sem brenna inni með leyfi, án þess
að takist að framselja þau, sitja uppi
með mikinn kostnað. Veiðileyfi á tarf
kostar 135 þúsund krónur.
Hann segir að enginn hörgull hafi
verið á dýrum. Nóg hafi verið á öll-
um svæðum. Ástæða þess að menn
nái ekki dýrunum sé einfaldlega sú
að menn komi austur of seint. Margir
góðir dagar í ágúst hafi farið til spillis.
„Veður hafa verið misjöfn. Það hefur
verið þoka niður á fjörðum og þá geng-
ur illa að finna dýrin. Það er ekkert nýtt
að þau hverfi dag og dag.“ n
Baldur Guðmundsson
blaðamaður skrifar baldur@dv.is
„Mér finnst þetta
ekki síst svartur
blettur á hreindýraveiði-
mönnum.
n Þrálátur orðrómur um svindl í kerfinu n „Svartur blettur“ á veiðunum
Óveidd dýr Útlit er fyrir
að hátt í 20 dýr verði eftir af
kvótanum þessa vertíðina.
Sló í gegn Ræða Steingríms féll vel í
kramið hjá lesendum DV.