Dagblaðið Vísir - DV - 17.09.2012, Blaðsíða 8

Á ekkert eftir
8 Fréttir 17. september 2012 Mánudagur
Þ
etta er mjög skrýtin tilfinning,“
segir Sigurbjörn E. Viðars-
son en um helgina var brot-
ist inn á heimili hans í Vest-
mannaeyjum. Þjófurinn lét
sér ekki nægja að stela 46 tommu flat-
skjá heldur gerðist hann einnig svo bí-
ræfinn að kveikja í. Virðist hann hafa
verið staðráðinn í að láta elda loga því
hann kveikti bæði í sófanum í stofunni
og rúmi í herberginu. „Ég er eiginlega
dofinn ennþá, ég er ekki búinn að átta
mig á þessu en ætli mér bregði ekki í
kvöld þegar ég fer heim og sé þetta,“
segir Sigurbjörn sem er 35 ára gamall
og býr einn.
Allt brunnið
Klukkan var að ganga sjö á laugar-
dagsmorgun þegar lögreglan fékk til-
kynningu um að eldur logaði í íbúð
Sigurbjörns við Vestmannabraut 37.
Allt tiltækt slökkvilið var kallað út
en mikill hiti og reykur var á staðn-
um. Reykkafarar fóru inn til að leita
Sigurbjörns og annarra sem mögu-
lega gætu verið í íbúðinni en hann
var staddur í sumarbústað í Ölfus-
borgum og vaknaði við símtal frá lög-
reglunni. „Þeir voru að leita að mér og
héldu kannski að ég væri þarna inni.
Ég hefði alveg viljað vera heima þegar
viðkomandi kom.“
Greiðlega gekk að slökkva eldinn
og reykræsa íbúðina en miklar
skemmdir eru á íbúðinni af völdum
reyks og sóts. Íbúðin er á efri hæð
hússins sem er tvílyft en á neðri hæð-
inni er verslun sem virðist hafa slopp-
ið við skemmdir.
Sigurbjörn hefur ekki enn farið
heim og séð íbúðina en hann horfði
á myndskeið af brunanum í sjónvarp-
inu, bæði á RÚV og Stöð 2. „Það var
svolítið skrýtið,“ viðurkennir hann.
„Ég kemst ekki heim fyrr en í kvöld. Ég
er á bílnum og komst ekki með hann
yfir fyrr en þá. Það er allt brunnið
þarna heima, svo það er kannski lítið
sem maður getur gert hvort sem er,“
segir Sigurbjörn.
Nýuppgerð íbúð ónýt
Hann keypti íbúðina fyrir um tíu
mánuðum og var hún þá nýuppgerð,
en hann hafði búið þar í um hálft ár. Á
þeim tíma hafði hann komið sér upp
búslóð sem samanstóð fyrst og fremst
af nýjum húsgögnum. „Þetta var allt
spikk og span,“ segir hann.
„Ég var með allt mitt dót þarna og
það er farið. Þetta er að vísu bara dót
en samt, þetta var allt nýtt,“ segir hann
svekktur. „Ég tók tölvuna með mér í
land og hún er það eina sem ég á enn
og einhver föt, annað er ónýtt. Sem
betur fer tók ég nóg af fötum með mér
upp á land þannig að ég á allavega nóg
til skiptanna út vikuna og stend ekki
klæðalaus.“
Á ekkert sökótt við neinn
Rannsóknarmaður frá Selfossi kom á
vettvang ásamt tæknideildarmönn-
um frá lögreglunni á höfuðborgar-
svæðinu en enn liggur enginn und-
ir grun. Lögreglan biður þá sem gætu
haft upplýsingar um málið eða urðu
varir við mannaferðir á þessum slóð-
um á þessum tíma um að hafa sam-
band. Enginn vafi leikur á því að um
íkveikju var að ræða þar sem eldur
kom upp á tveimur stöðum í íbúðinni.
„Ég kem alveg af fjöllum,“ segir Sigur-
björn sem er augsýnilega brugðið. „Ég
veit ekki hver getur gert svona lagað.
n Brotist inn til Sigurbjörns og kveikt í n Íbúar óttast brennuvarg
Ingibjörg Dögg Kjartansdóttir
blaðamaður skrifar ingibjorg@dv.is „Ég
veit
ekki hver
getur gert
svona lagað
9. desember árið 2000 Eldur braust út í fiskvinnsluhúsi
Ísfélagsins í Vestmanneyjum laugardagskvöldið 9. desember.
Eldurinn var mjög umfangsmikill og slökkvistarfi lauk ekki fyrr en á
sunnudagskvöldið. Rannsókn málsins var hætt þar sem eldsupp-
tök voru óljós og enginn var grunaður um verknaðinn. Niðurstaða
rannsóknarteymisins var að líkur væru á íkveikju en aðrar ástæður
fyrir brunanum voru aldrei útilokaðar.
17. desember árið 2001 Tvívegis var reynt að kveikja í íbúðarhúsnæði í Vestmanna-
eyjum. Húsið var mannlaust en hugsanlegir kaupendur komu að húsinu og uppgötvuðu
þetta. Búið var að troða inn í bréfalúgu tusku sem kveikt hafði verið í og lá önnur á gólfinu.
Engar verulegar skemmdir urðu vegna eldsins, en útihurðin var aðeins sviðin og lítill reykur
var í húsinu. Enginn lá undir grun vegna málsins.
16. desember 2006 Kveikt í þró við fiskimjölsverksmiðju Ísfélags-
ins. Stuttu síðar sama kvöld var reynt að kveikja í húsnæði Fiskiðjunnar
skammt frá. Maður var grunaður vegna íkveikjunnar í Fiskiðjunni og
lögreglan taldi það liggja fyrir að brennuvargurinn væri fundinn. Ekki
tókst þó að sanna það á hann og hann neitaði sök.
24. október 2007 Eldur í húsi á Hilmisgötu í Vestmannaeyjum. Töluverðar skemmdir
urðu á húsinu. Kona á fertugsaldri var handtekin samdægurs grunuð um að hafa kveikt
eldinn. Hún neitaði sök og ekki tókst að færa sönnur á að hún hefði verið að verki.
28. ágúst 2008 Mannvirki þjóðhátíðarnefndar brunnu í eldsvoða og voru flest
talin ónýt eða mikið skemmd. Tjónið var mikið fyrir ÍBV en bruninn var flokkaður sem
meiriháttar. Enginn lá undir grun og málið er óupplýst en talið var víst að um íkveikju hefði
verið að ræða.
15. október 2009 Lifrarsamlagið í Vestmanneyjum varð alelda en miklar lýsisbirgðir
voru í húsinu og eldsmatur því mikill. Húsið var ónýtt eftir brunann og miklar skemmdir
urðu vegna reyks í einbýlishúsi við hliðina. Eldsupptök voru óljós og grunur lék á íkveikju en
eins var líklegt að eldsupptökin mætti rekja til gamals rafkerfis.
8. nóvember 2011 Milljóna tjón varð af völdum elds sem logaði í síldarnótum við
netaverkstæði Ísnets í Vestmannaeyjum. Ekkert hefði getað komið eldinum af stað nema
íkveikja og eftir rigningardaga hefur brennuvargurinn þurft að hafa talsvert fyrir því að
koma eldinum af stað. Sést hafði til ungra barna á svæðinu og lágu þau undir grun en
fundust aldrei.
16. júlí 2012 Tilkynnt var um bruna í veiðarfærum í opnum gámi á
geymslusvæði Skipalyftunnar á Eiðinu. Töluverður eldur var þegar
slökkviliðið kom á vettvang og tjónið hljóp á milljónum króna.
Eldsupptök voru óljós en talið var að annaðhvort væri um íkveikju
eða sjálfsíkveikju að ræða, það er að segja að hiti og sól hefði komið
eldinum af stað.
Ég á ekkert sökótt við einn né neinn.
Lögreglan var einmitt að spyrja mig út
í þetta í gær en ég hef engan grunað-
an. Það er líka skrýtið að sjónvarpið
var það eina sem var stolið, heimabíó-
ið og allt hitt var skilið eftir.
Það hefur ekki verið mikill um-
gangur þarna, ekki nema bara mín-
ir allra bestu vinir sem kíkja kannski
í kaffi. Þannig að ég gruna engan. Svo
getur vel verið að þetta sé einhver sem
ég þekki og kom kannski við í sum-
ar. Ég er mjög forvitinn að vita hver
þetta er,“ segir Sigurbjörn en hann
veit ekki hvort hann getur fyrirgef-
ið brennuvargnum. „Ég
stórefa það, og þó – ég
veit það ekki. Það er
erfitt að segja, þetta er
greinilega mjög veikur
einstaklingur.“
Í sófann til pabba
Það er mjög óþægi-
leg tilfinning að vita að
einhver hafi verið að
vandra um íbúðina í
leyfisleysi og skrýtið að
hugsa til þess að fara
þangað aftur. Enda
stendur það ekki til,
Sigurbjörn fer til föður
síns í kvöld og verður á
sófanum þar næstu mánuði. „Ég verð
ekki þarna næsta hálfa árið eða svo,
það tekur tíma að byggja þetta upp
aftur. Það þarf að gera þetta allt fok-
helt upp á nýtt. Ég veit ekki hve margir
gluggar sprungu í eldhúsi og stofu og
svo þarf að skipta öllu út, hurðum og
svoleiðis. Þetta er stór og mikil íbúð.“
Sigurbjörn setur það ekki fyrir sig
að fara aftur til pabba en hann er á sjó
flesta daga vikunnar. Hann þakkar þó
fyrir að vera vel tryggður. „Ég ætti að fá
þetta bætt. Það koma einhverjir gæjar
á morgun og taka þetta út. Þá veit ég
meira hvað verður gert.“
„Andskotans brennuvargar“
Faðir Sigurbjörns, Viðar Sigurbjörns-
son, býr líka í Eyjum og fór á vettvang
um helgina. Honum leist ekkert á
blikuna. „Ég held að hann verði svo-
lítið sjokkeraður þegar hann sér íbúð-
ina. Þetta er bara hörmung, hreint út
sagt skelfilegt.
Það var nýbúið að gera þessa íbúð
upp fyrir margar milljónir. Það var allt
saman splunkunýtt þarna. Hann er
búinn að búa þarna í nokkra mánuði.
Ég myndi segja að hún sé bara ónýtt,
það er ekkert flóknara en það. Þetta er
sorglegt því það var búið að taka hana
svo svakalega vel í gegn. Hann kom til
mín áðan, smiðurinn, og hann var í
sjokki yfir því að öll hans vinna var far-
in,“ segir Viðar svekktur. „Þetta er bara
leiðinlegt, þessir andskotans brennu-
vargar hérna. Ég skil ekkert í þessu.“
Óttast brennuvarg
Nágrannar Sigurbjörns voru slegnir
en ekki skelkaðir við brunann. Guð-
jón Sævar Jónsson sem býr beint á
móti sagði Eyjamenn bara vera orðna
svo vana brunum. „Það er alltaf ver-
ið að kveikja í hérna,“ segir hann. „Á
undanförnum árum hafa verið nokkr-
ir stórbrunar. Það er einhver brennu-
vargur hér, það vita það allir í Eyjum,“
sagði hann.
Margir smábrunar
Blaðamaður leitaði svara við því hvort
svo gæti verið en þeir embættismenn
sem rætt var við tóku allir fyrir það.
Þeirra á meðal var Karl Gauti Hjalta-
son, sýslumaður í Vestmannaeyjum,
sem benti á að langflest mál væru
upplýst. Óupplýst mál gerðust með
löngu millibili og væru mörg hver
smábrunar. „Mergur málsins er sá að
um þrír stærri brunar eru óupplýstir
og það er alvarlegt,“ sagði hann.
Undir þetta tók Jóhannes Ólafs-
son yfirlögregluþjónn og Tryggvi Kr.
Ólafsson rannsóknarlögreglu-
maður. Það gerði líka Elliði Vign-
isson, bæjarstjóri í Vestmanna-
eyjum.
31 óupplýst mál
Á árunum 2000–2009 urðu alls
163 brunar í Eyjum. Er talið víst
að um íkveikju hafi verið að
ræða í 64 málum. Af öllum þess-
um málum voru 17 brunar flokk-
aðir sem meiriháttar, aðrir sem
minniháttar. Alls eru 27 brunar á
þessu tímabili óupplýstir, þar af
þrír meiriháttar. Blaðamaður hefur
ekki nákvæmar tölur frá árinu 2009
en síðan hafa allavega komið upp
þrjú mál sem aldrei voru upplýst, auk
brunans sem varð nú um helgina.
Fyrr á árinu kviknaði í gamalli
sendibifreið sem stóð við trésmíða-
verkstæði og þegar brennuvargur-
inn fannst ekki var farið að tala um
brennuvarg sem gengi laus í Eyjum.
Síðar kom á daginn að fimmtán ára
drengur hafði verið að verki og játaði
hann brotið.
Ólíklegt að málin tengist
Elliði bendir á að þar sem Vestmanna-
eyjar séu stærsti þéttbýliskjarni á Ís-
landi á eftir Akureyri og höfuðborgar-
svæðinu sé ekki ólíklegt að þar verði
margir brunar. „Bruni er eitt það
óhugnanlegasta sem hægt er að lenda
í.
Þannig að þetta er ekki léttvægt
mál og of alvarlegt til að fólk geri því
skóna að brennuvargur gangi laus
þó að það hafi ekki tekist að upplýsa
alla bruna. Þessi mál koma upp á það
löngu tímabili, auk þess sem aðstæð-
ur eru ólíkar og árstíðir mismunandi
svo ég tel afar ólíklegt að hér gangi
brennuvargur laus.“ n
Eldar brenna í Eyjum
Er enn dofinn Sigurbjörn segist
ekki enn vera búinn að átta sig á
þessu en það sé greinillegt að þarna
hafi verið veikur maður á ferð.
Fyrir og eftir Sigurbjörn keypti íbúðina nýuppgerða fyrir nokkrum mánuðum og splæsti í ný húsgögn. Nú er allt ónýtt.