Dagblaðið Vísir - DV - 19.09.2012, Side 10

„Hann nýtist okkur Helling“
10 Fréttir 19. september 2012 Miðvikudagur
n Afplánunin á Vernd í samræmi við lög n Lex ekki vör við gagnrýni
Þ
etta hefur líklegast komið
upp í samtölum milli Baldurs
og verjanda hans,“ segir Örn
Gunnarsson, faglegur fram­
kvæmdastjóri Lex lögmanns­
stofu, hins nýja vinnustaðar Baldurs
Guðlaugssonar, fyrrverandi ráðuneytis­
stjóra fjármálaráðuneytisins.
Árið 2011 var Baldur dæmdur í
tveggja ára fangelsi í héraðsdómi fyrir
innherjasvik vegna sölu hans á hlutafé
í Landsbankanum. Bréfin seldi Bald­
ur þremur vikum fyrir efnahagshrunið
haustið 2008 en hann hafði setið í
samráðshópi á vegum ráðuneytanna
sem fjallaði meðal annars um aðgerðir
sem gripið yrði til ef einhver viðskipta­
bankanna færi í þrot. Þá sótti Bald­
ur fund með Björgvini G. Sigurðssyni,
þá efnahagsráðherra, ásamt Alastair
Darling fjármálaráðherra Bretlands í
byrjun september árið 2008. Á fund­
inum voru málefni Landsbankans til
umræðu.
Kátir karlar á Lex
Örn segir lögmannsstofuna ánægða
með þátttöku í atvinnuúrræðum
fanga. „Já, já, alveg absalútt og hann
nýtist okkur helling. Við erum bara
kátir með þetta.“ Hann hefur ekki
áhyggjur af því að vörumerki Lex
skaðist við ráðninguna. „Heiðar­
leiki, trúnaður, fagmennska,“ eru
einkunnarorð Lex. „Þetta úrræði
gengur út á að fyrirtækin í landinu
ráði til sín fólk í þessari stöðu. Það
er ekki oft sem þeir menn sem nýt­
ast okkur eru í þessari stöðu. Fyrir­
tækin verða að leggja sitt af mörk­
um ef þetta úrræði á að vera í boði.“
Á sínum tíma réð Lex til sín Valtý Sig­
urðsson, fyrrverandi ríkissaksóknara
áður en hann hafði lokið störf­
um sem saksóknari. Sú ráðning var
gagnrýnd enda talin hætta á trún­
aðarbresti. Meðal þeirra sem gagn­
rýndu ráðninguna var Ögmundur
Jónasson, innanríkisráðherra. „Varð­
andi þá spurningu, hvort hætta sé á
hagsmunaárekstrum þegar ríkissak­
sóknari fer að vinna á lögmanns­
stofu sem fæst við verkefni sem
snerta hans embætti, þá er það mjög
vægt til orða tekið,“ sagði Ögmund­
ur við DV um ráðningu Valtýs á sín­
um tíma. „Við sköðuðumst ekki af
því,“ segir Örn aðspurður um þá um­
deildu ráðningu stofunnar.
Ekki varir við gagnrýni
„Ég er ekki alveg klár á hvernig þeir
skipta þessu sín á milli en auðvit­
að hefur allt mál Baldurs verið rek­
ið í nánu samráði við hann,“ svarar
Örn um hvort starf Baldurs felist í eig­
in málsvörn. „Baldur er lögfræðingur
og með þekkingu á þessum hlutum.
Hann hefur haft innlegg í sína mál­
sókn allan tímann. Ég geri ráð fyrir að
það sé með svipuðum hætti. Án þess
að ég viti nákvæmlega hvernig að því
er staðið.“ Um gagnrýni á ákvörðun
eigenda Lex segist Örn ekki verða var
við slíkt. Spurður hvort hann hafi fylgst
með umræðu í fjölmiðlum segir Örn;
„Það hafa verið birtar fréttir af þessu
en ég hef ekki séð að umfjöllunin í fjöl­
miðlum hafi verið neikvæð.“ Örn bæt­
ir við að misskilningur um að störf
Baldurs fyrir stofuna teljist samfélags­
þjónusta hafi verið leiðrétt. Örn telur
ekki að Baldur hafi fengið sérmeðferð
í umsókn sinni um afplánun á Vernd.
„Eftir því sem ég best veit þá eru þess­
ar tímasetningar bara það sem kerfið
gerir ráð fyrir, hvorki betra né verra.“
Fulltrúi á Lex
Baldur starfar sem fulltrúi á stof­
unni og er meðal rúmlega fjörutíu
lögfræðinga sem aðstoða eigendur
stofunnar. „Eigendurnir taka bara
þá lögfræðinga, sér til aðstoðar, sem
þeir telja að passi inn í hvert verkefni.
Hann er bara í því hlutverki eins og
aðrir fulltrúar. Menn nýta hann og ég
geri ráð fyrir að það sé helst á sviði
stjórnsýslu og samninga sem hans
þekking nýtist. Þar held ég að hans
sérsvið hafi legið.“ Vinnur Baldur
upp í málsvarnarkostnað vegna eig­
in málssóknar? „Nei, nei, þetta ferli
gengur bara út á að þeir sem nýta sér
þessi úrræði þurfa að finna sér laun­
aða vinnu.“ Örn segir stjórn Lex hafa
tekið þessa ákvörðun og að sátt ríki
innan fyrirtækis með ákvörðunina.
Margir fara á Vernd
Tæplega þúsund afbrotamenn hafa
frá árinu 1996 afplánað hluta af dómi
sínum hjá Vernd. Fangelsismálastofn­
un er heimilt að veita fanga að ljúka
afplánun utan fangelsis enda stundi
hann vinnu eða nám. Fangelsismála­
stofnun hefur allt frá árinu 1995 vistað
fanga á áfangaheimilinu. „Markmið
þessa úrræðis er m.a. það að fangan­
um gefist kostur á því að aðlagast sam­
félaginu smám saman síðustu mánuði
refsivistarinnar,“ segir á vef stofnunar­
innar. Hjá Fangelsismálastofnun feng­
ust þær upplýsingar að vistun á Vernd
teljist afplánun og reiknist til jafns við
vistun í fangelsi.
Í reglum Fangelsismálastofnunar
um afplánun á Vernd segir að dvalar­
tíminn skuli að jafnaði ekki vera styttri
en þrjár vikur. Þá segir að dómþoli
skuli hafa afplánað að minnsta kost
þriðjung afplánunartímans í fangelsi
eða samfélagsþjónustu. Baldur var
árið 2011 dæmdur í tveggja ára óskil­
orðsbundið fangelsi fyrir innherjasvik
í héraðsdómi. Hæstiréttur staðfesti
dóminn í febrúar á þessu ári. Hann af­
plánaði hluta dómsins á Kvíabryggju.
Í reglum Fangelsismálastofnunar seg­
ir að sé dómur ár í fangelsi eða minna
geti dvalartíminn á Vernd orðið allt
að þremur mánuðum. Baldur sem
hlaut tveggja ára dóm hefur færi á að
afplána á Vernd í fjóra mánuði. Bald­
ur þarf að afplána að lágmarki tólf
mánuði áður en hann fer á reynslu­
lausn. Eftir vistina á Vernd býðst hon­
um meðal annars að gangast undir
rafrænt eftirlit. DV hefur ekki vitneskju
um hvað taki við hjá honum.
Strangar reglur
Fangar sem óska eftir dvöl á Vernd
verða að uppfylla nokkur skilyrði. Þar
á meðal eru ákvæði um að fanginn
hafi ekki gerst sekur um agabrot síð­
ustu sex mánuðina. Hann hafi ekki
gert tilraun til að strjúka úr fangavist
á síðustu tveimur árum og að ekki sé
til meðferðar mál þar sem dómþoli
er kærður fyrir refsiverðan verknað.
Í apríl greindi DV frá því að Baldur
hefði hafið afplánun á Kvíabryggju.
„Baldur er
lögfræðingur
og með þekkingu á
þessum hlutum
„Ég bara vinn eftir
reglum og lögum.
Páll Winkel
Á Vernd Baldur arkar á áfangaheimilið.
Vinnudegi lokið Baldur þarf að mæta á Vernd fyrir klukkan sex á hverjum morgni.
„Nei“
DV hitti Baldur Guðlaugs-
son eftir að vinnudegi
hans lauk og lagði fyrir
hann tvær spurningar.
Annars vegar var hann
spurður í hverju störf
hans á lögmannsstof-
unni fælust og hins
vegar hvort hann teldi
enn að hann væri
saklaus maður. Bald-
ur var þögull sem
gröfin. Aðspurður
hvort hann vildi
ekki ræða þessi
mál sagði hann
eitt orð: „Nei.“
Björn Valur Gíslason
Vinstri Grænum
„Þetta er eflaust í samræmi við lög en
þetta er samt ansi sérstakt á að líta
úr fjarlægð. Það hafa fylgt því ýmsir
erfiðleikar, fyrir fólk sem er dæmt, að
fóta sig aftur í lífinu. En þarna er tekið á
móti mönnum af verjendunum. Ég efast
um að margir sakamenn
hafi fengið vinnu hjá
verjendum sínum
eftir að hafa verið
sakfelldir. Kannski
nýtist það verj-
endum að hafa
dæmdan brota-
mann í starfi. Geir
H. Haarde fékk vinnu
á lögfræðistofu eftir
að hann var dæmdur. Það
virðist vera tröppugangur í samfélaginu
að vera dæmdur af æðstu dómstólum
og eiga greiða leið inn í lögfræðistéttina.
Þetta er einhver ný tegund af því að
hljóta uppreisn æru. Reglan sér um sína.
Menn þétta raðirnar og reglubræðurnir
hafa endurunnið eiðinn. Reglan blífur
alltaf. Reglubræðurnir eru mættir til
leiks og það kæmi mér ekki á óvart að
það ætti eftir að fjölga í hópnum.“
Kristján Þór Júlíusson
Sjálfstæðisflokknum
„Þetta er ofureinfalt í
mínum huga. Það á bara
eitt að ganga yfir alla. Ég
hef ekkert út á þetta að
setja ef þetta samræm-
ist þeim verklagsreglum
sem Fangelsismálastofn-
un vinnur eftir.“
Margrét Tryggvadóttir
Hreyfingunni
„Ég verð að viðurkenna að það fauk
mjög í mig þegar ég heyrði
þetta í gær. Maður
veltir því fyrir sér
hvort þetta
séu einhverjar
sérlausnir? Það
er mjög sérstakt
að hann sé
að vinna hjá
verjendum sínum.
Innanríkisráðherra
verður að svara fyrir
þetta og gefa skýr svör um
það hvað er þarna á ferðinni. Væntan-
lega verða fleiri dæmdir fyrir hvítflibba-
glæpi. Og ætlum við að hafa þá alla á
lögfræðistofunum? Er þetta það orð
sem lögfræðistofur vilja hafa á sér, að
þær séu einhvers konar skjól fyrir menn
sem hafa hlotið dóm?“
Mörður
Árnason
Samfylkingunni
„Baldur Guðlaugsson
kann ekki að skamm-
ast sín.“
Vigdís Hauksdóttir
Framsóknarflokknum
„Fangelsisrefsing er betrun. Það er mitt
grunnstef varðandi alla þá sem hljóta
dóm. Menn eiga að
koma betri úr
fangelsi en
þeir komu
inn. Vinna
samhliða
afplánun er
eitt af þeim
úrræðum sem
eru í gildi hér á
landi. Mér finnst
ekki aðalatriði hvar
menn fá vinnu heldur að þeim sé haldið í
vinnu um leið og tími gefst og refsiheim-
ildirnar leyfa. Það myndast eflaust gott
trúnaðarsamband milli skjólstæðinga
og verjenda í svona málum og Baldur
hefur menntun til þess að vinna þarna.“
Atli Þór Fanndal
blaðamaður skrifar atli@dv.is
Jóhann Páll Jóhannsson
blaðamaður skrifar johannpall@dv.is