Dagblaðið Vísir - DV - 19.09.2012, Síða 18

Sameina flottustu búðirnar
n Tinna Alavis og Brynja Norðfjörð halda opnunarpartí
F
yrirsætan Tinna Alavis og
förðunarfræðingurinn og stílist­
inn Brynja Norðfjörð ætla að
halda upp á opnun tískubloggs­
ins secrets.is með pompi og prakt en
stelpurnar ætla að halda opnunarpartí
á Hótel Borg á föstudagskvöldið.
„Við erum að sameina allar flott­
ustu tískubúðir Íslands undir eitt
þak,“ segir Brynja en á meðal versl­
ana sem munu sýna fatnað á glæsi­
legri tískusýningu í partíinu eru
Karen Millen, Day, Sautján, Eggert
feldskeri, Jack & Jones, Manía, Vero
Moda og GS skór auk þess sem hár­
og snyrtivörumerki munu auglýsa
sínar vörur. Gestgjafinn verður sjálf­
ur Heiðar „snyrtir“ sem verður kynn­
ir auk þess sem boðið verður upp á
veitingar og fordrykki.
Brynja og Tinna ætla að fjalla um
tísku, hönnun og heilsu á secrets.is.
„Mig langaði að gera eitthvað
skemmtilegt með skólanum og fékk
þá hugmynd að byrja með tískublogg,“
segir Tinna sem hefur unnið sem fyr­
irsæta um víða veröld en er flutt heim.
„Ég er að læra fatahönnun en
Brynja er stílisti og förðunarfræðingur
og okkur langaði að fjalla um áhuga­
málið okkar. Við höfum báðar mik­
inn áhuga á tísku en ég hef verið mik­
ið í kringum þennan bransa síðustu
ár og finnst allt sem viðkemur tísku,
hönnun og ljósmyndun einstaklega
spennandi. Okkur finnst báðum gam­
an að sýna falleg föt og gefa dömum
og herrum hugmyndir um vöruúrval í
verslunum á Íslandi í dag.“
Aðspurð neitar hún því að vinna
ennþá sem fyrirsæta. „Ég er alfarið að
einbeita mér að skólanum núna auk
þess að vinna í síðunni. Við komum til
með að sýna falleg föt úr ýmsum versl­
unum, gefa hollar og góðar uppskrift­
ir, setja inn áhugaverð vídeó og margt
fleira skemmtilegt.“ n
18 Lífsstíll 19. september 2012 Miðvikudagur
Tískubloggarar Stelpurnar skrifa um tísku, hönnun og heilsu á vefnum secrets.is.
10 atriði sem geta alveg
bjargað hjónabandinu
Samkvæmt sérfræðingnum og metsöluhöfundinum Harriet Lerner getum við gert kraftaverk fyrir hjónabandið með því að hætta að
bíða eftir að makinn taki af skarið. Í nýju bókinni hennar, Marriage Rules, bendir Lerner á 100 leiðir til að bæta hjónabandið. Hér eru þær
tíu sem koma mest á óvart:
1 Notaðu þrjár setningar (eða minna) Ef maki þinn er
líklegur til að segja „ég vil ekki tala
um þetta“ eða „ég er ekki góður að
tjá mig“ er vandamálið líklega það
að þegar þið „ræðið“ saman kemst
hann ekki að. Næst þegar þið ræðið
saman beittu þig þá hörku og leyfðu
honum að tala. Ekki draga allt það
sem hann hefur gert upp þegar þið
talið um eitthvert ákveðið atriði.
2 Ruglaðu hann með gull-hömrum Komdu makanum
á óvart með hrósi þegar hann síst
býst við því. Ef hann á til að vera yfir­
lætislegur við yngri bróður sinn og
þið hafið rifist út af því skaltu bíða
þar til þú heyrir þá spjalla saman
í síma. Þegar hann leggur á skaltu
segja eitthvað á þessa leið: „Það
er frábært hvernig þið getið grín­
ast ykkar á milli. Þið eruð ótrúlega
skemmtilegir.“ Slíkt kemur honum á
óvart og hvetur til nýrrar hegðunar.
3 Hættu að nota falskar „ég-setningar“ Mörg okk­
ar þekkja gildi „ég­setninga“, tækni
sem er notuð til að tala um eigin
tilfinningar í stað þess að ráðast á
hegðun annarra. Ef makinn leggur
í vana sinn óstundvísi skaltu ekki
segja: „Þú ert alltaf seinn. Það er svo
dónalegt.“ Prófaðu: „Ég á miklu erf­
iðara með að skipuleggja daginn ef
ég veit ekki hvenær þú kemur heim.“
Þannig geturðu talað um vandann
án þess að ráðast á hann. En farðu
varlega. Það eru nefnilega ekki allar
setningar sem byrja á „ég“ „ég­setn­
ingar“. Forðastu setningar á borð við:
„Mér finnst þú of stjórnsamur.“ eða
„Mér finnst þú koma fram við mig
eins og mömmu þína“. Það er, ef þú
vilt forðast alvarlegt rifrildi.
4 Bryddaðu upp á leiðin-legum samræðum Ef þú
ert kominn með nóg af endalausu
rausi makans um áhyggjur hans af
mömmu sinni á elliheimilinu skaltu
verða fyrri til að brydda upp á um­
ræðuefni. Þú óttast örugglega að
með því hafirðu opnað fyrir flóð­
gáttir og þurfir nú að ræða þetta það
sem eftir er. Raunin er hins vegar sú
að ef þú vekur vekur máls á þessu
mun hann líklega taka sér styttri
tíma til að útkljá málið. Þú þarft ekki
að bjóða upp á lausnir eða hvetja
hann áfram. Þú þarft bara að hlusta.
5 Aldrei nota orðið „forleik-ur“ Flest pör þyrftu að tala
meira um kynlíf sitt. Að tala um „for­
leik“ er þó undanskilið. Orðið er ekki
aðeins kynferðislega fráhrindandi
heldur gefur það í skyn að allt sem
gerist fram að samförunum sé ekki
„alvöru“ heldur aðeins til að hita
upp fyrir aðalleikinn.
6 Settu takmörk á hlustun Að hlusta er ein besta gjöf sem við
getum gefið maka okkar og þar þyrftu
margir að taka sig á. En stundum
verðum við að setja mörk. Ef makinn
vill tala um hvað þið eydduð miklum
pening í sumarfríinu á meðan þú
eldar, hjálpar börnunum að læra og
horfir á fréttirnar muntu ekki geta
einbeitt þér að neinu. Ekki segja: „Ég
get ekki hlustað á þetta núna. Ég er
að elda!“ Það virkar ekki. Láttu hann
rólega vita að þú viljir hlusta á hann
en bara ekki núna.
7 Elskaðu – og hrósaðu sér-staklega Það er ekkert rangt
við að segja: „Þú ert bestur og ég
elska þig.“ Það er bara ekki nógu
fullnægjandi. Mundu hversu ná­
kvæmur þú ert þegar þú gagnrýnir
makann: „Af hverju seturðu svona
mikið vatn í pastapottinn?“ eða „Af
hverju kemurðu heim með fimm
banana þegar þú veist að þrír þeirra
eiga eftir að skemmast?“ Vertu svona
nákvæm/ur með hrósið líka.
8 Hættu að leiðrétta óskyld-ar staðreyndavillur Það
hvort gestirnir hafi verið 50 eða 70
í brúðkaupinu sem þið fóruð í um
helgina kemur því ekki við hvort þú
hafir drukkið of mikið í móttökunni.
9 Ímyndaðu þér breskan næturgest Við höfum mun
meira vald yfir hegðun okkar en við
höldum. Ef við, til að mynda, mynd­
um hafa afar virðulegan breskan
næturgest í heimsókn í herberginu
við hlið hjónaherbergisins mynd­
um við rífast öðruvísi en vanalega.
Þú yrðir að vera almennileg/ur og
kurteis við makann jafnvel þótt hann
hefði selt gamla ljóta vasann hennar
mömmu þinnar sem þér þótti svo
vænt um – þótt það sé aðeins til að
viðhalda virðingu þinni. Svo næst
þegar þig langar að öskra og berja
skaltu ímynda þér að Bretinn í gesta­
herberginu heyri hvert orð.
10 Hunsaðu sérfræðingana Það er ótrúlegt hversu margir
borga hjónaráðgjöfum og öðrum sér­
fræðingum miklar upphæðir þegar
flestir vita nákvæmlega hvað þarf til
að gera makann hamingjusamari.
Flest okkar þekkja þau þrjú atriði sem
breyta öllu fyrir makann: „Henda
hamborgaraleifunum úr bílnum,
tæla hann áður en börnin vakna og
strauja skyrtuna hans,“ eða hvað sem
þarf til. Nefndu ykkar þrjú atriði – og
framkvæmdu þau, núna strax. n
Margar leiðir færar
Ýmislegt er hægt að gera til
að bæta hjónabandið. Gott
trix er að hrósa makanum
óvænt.