Dagblaðið Vísir - DV - 19.09.2012, Page 22

Kolfinna á forsíðu i-D
n Alexender Wang kynnir leðurstígvél nefnd eftir Kolfinnu
F
yrirsætan Kolfinna Kristófers-
dóttir, hjá Eskimo á Íslandi,
er á forsíðu i-D sem kemur út
bráðlega. Þetta er stór áfangi
fyrir Kolfinnu sem með þessu fest-
ir sig í sessi sem ein af heitustu fyr-
irsætum heims. i-D verður með 16
forsíður á blaði sínu og hefur áður
haft svipaðan hátt á. Á síðasta ári var
ofurfyrirsætan Lara Stone í sporum
Kolfinnu. Forsíðan með Kolfinnu
var kynnt í vikunni. Það var ljós-
myndarinn frægi Boo George sem
myndaði hana og hún klæðist jakka
eftir Margaret Howell.
Á sama tíma kynnir fatahönnuð-
urinn Alexander Wang leðurstígvél
sem hann nefnir eftir Kolfinnu.
Hún hefur því hefur heldur bet-
ur slegið í gegn í fyrirsætuheimin-
um en hún hefur gengið tískupall-
ana fyrir
hönnuði
á borð
við Marc
Jacobs,
Karl Lag-
erfeld og
Donatellu
Versace
á tísku-
vikunum.
Einnig var
Kolfinna
valin
flottasta
fyrirsæta
tískuvik-
unnar í
London af
lesendum
style.com. n
Flott svipbrigði Kolfinna vekur mikla athygli og er
orðin ein heitasta fyrirsætan í bransanum.
The Kolfinna
Boot Alexander
Wang er hrifinn af
Kolfinnu og hannaði
stígvél sem hann
nefndi eftir henni.
Ævisaga Svav-
ars væntanleg
Forlagið gefur út ævisögu Svavars
Gestssonar á næstu vikum. Bók-
in átti að koma út fyrir síðustu jól
en þeirri út-
gáfu var fre-
stað af ástæð-
um sem DV er
ekki kunnugt
um. Þá komu
hins vegar út
tvær bækur þar
sem framganga
Svavars Gests-
sonar í Icesave-viðræðunum var
harðlega gagnrýnd. Bók Sigurðar
Más Jónssonar um Icesave-málið
og bók Hannesar Hólmsteins Giss-
urarsonar, Íslenskir kommúnistar.
Vænta má að Svavar skýri í bók-
inni framgöngu sína sem svo harð-
lega var deilt um.
Yrði brenndur á
báli með Biblíu
í Kabúl
„Nokkuð til í þessu hjá Agli,“
segir Glúmur Baldvinsson
um bloggfærslu Egils Helga-
sonar um
viðbrögð
herskárra
íslamista
við haturs-
áróðri
í formi
heimildar-
myndar.
„Ef ég geng
um stræti Kabúl með Biblíu í
hönd yrði ég líklega drepinn
og brenndur á báli. Ef múslími
gengi með Kóraninn í hönd um
stræti Reykjavíkur eða NY eða
London held ég að hann fengi
leyfi fyrir mosku. Vandinn er
sá einsog í Afríku að þeir sem
drottna nærast og þrífast á fá-
fræði bræðra sinna og systra.“
Glúmur hefur verið að störf-
um í Kabúl í Afganistan á veg-
um utanríkisráðuneytisins
en að sögn fjölmiðlafulltrúa
ráðuneytisins starfar hann þar
ekki lengur og rann ráðningar-
samningurinn út í júlí. Tólf
menn voru drepnir í sjálfs-
morðssprengjuárás í Kabúl í
gær vegna myndbandsins, þar
af níu útlendingar.
Faðir í
þriðja
sinn
Leikkonan Bryndís Ásmundsdótt-
ir á von á sínu þriðja barni með
unnusta sínum Fjölni Þorgeirssyni.
Barnið verður einnig þriðja barn
Fjölnis sem á tvo drengi fyrir og því
verður fjölskyldan samsetta stór og
lífleg. Elsti sonur hans er Olive Erik
Solér Fjölnisson og býr hann með
móður sinni Mailinn í Noregi. Yngri
sonur hans er þriggja ára, Alex-
ander Óðinn. Hann á Fjölnir með
Sjöfn Sæmundsdóttur. Í viðtali við
DV fyrir ári sagðist Fjölnir endilega
vilja eignast stúlku. Ég vil endilega
eignast stelpu líka,“ segir hann. „Ég
er meira að segja búinn að kaupa á
hana fallegan kjól.“
„Var ekki
einu sinni
boðið á
myndina“
E
ngilbert Jensen í Hljóm-
um stendur í málaferl-
um vegna brots á sæmdar-
rétti flytjenda í myndinni
Svartur á leik. Lagið Þú og
ég var endurhljóðblandað fyrir kvik-
myndina en það var hljómsveitin
Hljómar sem flutti það upphaflega
og gerði frægt á sjöunda áratugnum.
Lagið sjálft er eftir Gunnar Þórðar-
son og Ólaf Gauk. 
Frank Hall endurhljóðblandaði
lagið og notaðist við upprunalegu
upptökuna.
Engilbert segir framleiðendur
ekki hafa haft nokkurt samráð við sig
um notkun á laginu eða myndbrot-
um úr upptöku af Hljómum sem þeir
hafi notað til kynningar á myndinni.
„Mér var ekki einu sinni boðið á
myndina,“ segir Engilbert í samtali
við DV.
Vill milljónir
Engilbert segist hafa gert kröfu um
fimm og hálfa milljón í bætur vegna
notkunar Zik Zak á lagi Hljóma.
„Þeir brjóta sæmdarrétt flytjenda
með því að nota lagið án samráðs.
Ekki nóg með það, þeir nota líka
upptöku af Hljómum í kynningar-
myndbandi fyrir Svartur á leik. Við
gerum einnig kröfu hvað það varð-
ar, þar er brotin friðhelgi einkalífs.
Þetta eru refsiverð brot og allt þetta
gera þeir án þess að hafa samráð við
nokkurn mann.“
Buðu ölmusu
Engilbert segir frá því að þeim hafi
borist óformlegt sáttaboð. „Þeir
buðu okkur ölmusu,“ segir Eng-
ilbert. „Sáttaboðið var 450 þúsund
krónur.“
Notkun lagsins vakti athygli og
gagnrýnendur voru margir hverjir
hrifnir af samhenginu sem það var
sett í. Dr. Gunni sagði eftirfarandi
um samhengið í kvikmyndarýni
sinni um Svartur á leik: „Rosa gott
hvernig Engilbert syngur Þú og ég
yfir klámkynslóðinni að sulla í sér.“
Sjálfur er Engilbert ósáttur við
samhengið og segir lagið dæg-
urperlu sem eigi skilið meiri
virðingu. „Þetta er lag sem hef-
ur staðist tímans tönn og á skilið
virðingu.“
Lögfræðingur Engilberts er Erla
Skúladóttir hjá Málþingi. „Málið er
enn í sáttaferli og við vonumst til að
ná lendingu,“ segir Erla. n
n Engilbert Jensen ósáttur við notkun lagsins Þú og ég í Svartur á leik
Ósáttur við samhengið Engilbert er ósáttur við samhengið og segir lagið dægurperlu sem eigi skilið meiri virðingu.
Ekkert samráð „Þeir
brjóta sæmdarrétt flytj-
enda með því að nota lagið
án samráðs. Ekki nóg með
það, þeir nota líka upptöku
af Hljómum í kynningar-
myndbandi fyrir Svartur á
leik,“ segir Engilbert Jensen
í Hljómum um framleiðend-
ur myndarinnar, Zik Zak.
22 Fólk 19. september 2012 Miðvikudagur