Dagblaðið Vísir - DV - 24.09.2012, Síða 2
2 Fréttir 24. september 2012 Mánudagur
„Hann er
óþverri“
É
g get ekki sagt að þetta komi
mér neitt á óvart, ég hef því
miður búist við að heyra af
einhverju svona. Þessi mað-
ur er ofbeldismaður að eðlis-
fari. Hann er óþverri,“ segir Gerð-
ur Berndsen, móðir Áslaugar Perlu
Kristjónsdóttur, sem Ásgeir Ingi Ás-
geirsson myrti á hrottalegan hátt
árið 2000. DV sagði frá því á föstudag
að Ásgeir Ingi hefði á mánudaginn
í síðustu viku verið dæmdur í Hér-
aðsdómi Reykjavíkur í 12 mánaða
fangelsi fyrir fólskulega líkamsárás
á sambýliskonu sína. Árásin átti sér
stað á heimili þeirra í miðbæ Reykja-
víkur, 21. febrúar 2011. Önnur kona
segir í bréfi til Gerðar að Ásgeir hafi
ráðist á sig árið 1998 á heimili sínu.
Það var þó aldrei dæmt í því máli.
Í bréfi sem konan sendi Gerði eftir
dauða Áslaugar Perlu, lýsir hún því
hvernig hann réðst á sig, ógnaði og
píndi.
Fékk bréf frá öðru fórnarlambi
Gerður hefur lengi barist fyrir endur-
upptöku á máli dóttur sinnar en hún
vill að morðingi Áslaugar verði líka
dæmdur fyrir að hafa nauðgað henni.
Gerður segir gögn málsins sýna fram
á það að Ásgeir hafi nauðgað Áslaugu
áður en hann drap hana en hann hef-
ur alltaf harðneitað því. Meðal annars
var hann með nærbuxur hennar rifn-
ar í buxnavasa sínum þegar hann
fannst eftir morðið.
Í viðtali við DV árið 2005 sagði
Gerður frá bréfi sem hún hafði fengið
frá ungri konu sem sagði Ásgeir hafa
ráðist á sig árið 1998. Gerður vildi
að bréfið yrði notað í málinu til þess
að sýna hvaða mann Ásgeir hefði að
geyma en því var neitað. Konan sem
skrifaði bréfið var, að sögn Gerðar, til-
búin til þess að bera vitni gegn hon-
um en því var vísað frá þar sem það
þótti ekki tengt máli Áslaugar.
Segir hann hafa ætlað að drepa sig
Í bréfinu segir konan frá árás sem
hún segist hafa orðið fyrir af hendi
Ásgeirs. Hún flutti í lítinn bæ úti á
landi með vinkonu sinni sem fór
fljótlega að vera með Ásgeiri. Hún
segir hann hafa verið ruddalegan við
þær vinkonur á heimili þeirra og í
vinnunni og illt hafi verið milli henn-
ar og hans. Hún hafi átt erfitt með
að sætta sig við hegðun hans og það
endaði í deilum þeirra á milli. Eft-
ir dansleik hafi þau farið að rífast og
hún sagt við vinkonu sína að annað
hvort færi hún eða Ásgeir. Vinkonan
hafi þá farið út og við það trylltist Ás-
geir. „Ásgeir réðst á mig, keyrði mig
fram og aftur um alla íbúð, henti mér
í veggi, sparkaði hvað eftir annað í
mig og reyndi að kyrkja mig,“ seg-
ir í bréfi hennar. Hún gat flúið und-
an honum inn á salerni þar sem hún
reyndi að hringja á hjálp, en hann
braut upp hurðina, þreif af henni
símann og mölbraut hann og hvarf á
brott. Hún lýsir því síðan hvernig hún
hafi farið í lost og verið sem lömuð
enda hafi hún aldrei upplifað neitt
þessu líkt áður. Ásgeir hafi svo far-
ið út úr íbúðinni en ruddist svo aft-
ur inn og þá með hníf. Þá hafi hann
keyrt hana niður í sófa og haldið
hnífnum að henni virtist í „heila ei-
lífð“. Hann sagðist myndi drepa hana
og það yrði gert á ákveðnum tíma,
taldi niður mínúturnar þar til hún
myndi deyja. „Jæja það eru þrjá-
tíu mínútur þar til þú deyrð, hlakk-
ar þú ekki til,“ hefur hún eftir hon-
um. Hann hélt áfram að telja niður
að dauðastund hennar, kemur fram
í bréfinu sem birt var í DV árið 2005.
„Allan þennan tíma gerði hann
mér allt til miska, drap í sígarettum
á mér, henti þeim í mig, lýsti hvernig
hann ætlaði að fara að því að drepa
mig og hvernig hann kæmist upp
með það,“ segir konan í bréfinu.
Sagðist hafa sambönd innan
lögreglunnar
Í sófanum kvaldi hann hana og píndi
í góða stund og sagði henni að hann
væri með góð sambönd innan lög-
reglunnar. Þegar hún hélt að hún
væri við það að deyja kom vinkona
hennar aftur heim og segir hún það
hafa orðið sér til bjargar.
Hún skreið, í miklu sjokki, grát-
andi inn í rúm en daginn eftir kom
móðir hennar austur og náði í hana.
Þær héldu rakleiðis til lögreglunnar
á Selfossi, sýndu þar áverka hennar
og óskuðu eftir að lögreglan færi og
skoðaði ummerki eftir atburðinn.
Í bréfinu segir hún að lögreglan
hafi ekki séð ástæðu til að fara á stað-
inn og hafi talið þeim trú um að þetta
lægi allt ljóst fyrir. Þrátt fyrir eftir-
n Móðir fórnarlambs Ásgeirs Inga segir ekki koma á óvart að hann sé dæmdur aftur
Viktoría Hermannsdóttir
blaðamaður skrifar viktoria@dv.is
16 ára fangelsi
Ásgeir Ingi var
dæmdur í Hæsta-
rétti í 16 ára fang-
elsi árið 2001 fyrir
morðið á Áslaugu
Perlu. Myndin er
frá árinu 2001.
Bréf frá fórnarlambi Gerður kom í
viðtal við DV árið 2005 þar sem hún talaði
um morðið á dóttur sinni og baráttuna við
að fá málið endurupptekið. Þar sagði hún
frá bréfinu sem stúlkan sendi henni en hún
segir Ásgeir hafa ætlað að drepa sig 2 árum
áður en hann drap Áslaugu Perlu.
Grunur um
ölvunar-
akstur
Bílvelta varð á Vatnsleysu-
strandarvegi aðfaranótt sunnu-
dags. Í bílnum voru tveir farþegar,
annar þeirra, 27 ára gömul kona,
var flutt á gjörgæslu. Grunur leik-
ur á að um ölvunarakstur hafi
verið að ræða. Mun líðan kon-
unnar vera stöðug. Málið er enn
til rannsóknar hjá lögreglunni á
Suðurnesjum.
Réðst á lög-
reglumann
Þrír menn, þar á meðal lögreglu-
maður, eru sárir eftir áflog og lík-
amsárásir í miðbæ Reykjavíkur að-
faranótt sunnudags, að því er fram
kemur í tilkynningu frá lögreglu.
Þannig réðust tveir menn á þann
þriðja á Bókhlöðustíg um þrjú-
leytið, spörkuðu ítrekað í hann þar
sem hann lá á götunni og hlupu
svo burt. Sá sem ráðist var á þekkti
annan ofbeldissegginn. Skömmu
fyrir fjögur var svo tilkynnt að
maður lægi meðvitundarlaus á
Hverfisgötu eftir líkamsárás. Ekki
er vitað hverjir unnu það illvirki.
Þá fékk lögreglumaður slæmt
höfuðhögg þar sem hann reyndi
að róa tvo áflogagikki í Pósthús-
stræti á sjötta tímanum í morgun.
Sá sem sló lögreglumanninn var
tekinn höndum. Þegar verið var
að færa árásarmanninn inn í lög-
reglubíl kom þriðji maður æðandi
að og veittist að honum. Sá var
einnig tafarlaust handjárnaður.
10 kindur
fundust á lífi
Bændur og björgunarsveitarmenn
í Mývatnssveit fundu tíu kindur
á lífi í fönn í viðamikilli leit í Gjá-
stykki, á Kröflusvæðinu og við Ei-
lífsvötn í gær. Einn leitarmanna
var hætt kominn þegar snjóbreiða
brast undan honum en minnstu
munaði að hann félli fimm til tíu
metra ofan í sprungu í Gjástykki.
Alls voru fjórir menn við leit í gær,
í snjóbíl björgunarsveitarinn-
ar Stefáns, og fóru þeir yfir stórt
svæði.
Gísli Rafn Jónsson björgunar-
sveitarmaður sagði í samtali við
RÚV að það væri ekki hættulaust
að ganga um þessar snævi þöktu
slóðir og hvatti aðra leitarmenn til
að fara að öllu með gát. Gísli Rafn
sagði menn ótrauða halda áfram
leit að fé í Mývatnssveit og víðar.
Enn finnist kindur á lífi, 10–20 á
dag, en féð fennti í hríðarveðrinu
mikla fyrir tólf dögum. Enn séu
allt að þúsund fjár í fönn.