Dagblaðið Vísir - DV - 24.09.2012, Page 6

Ú
tgerðarfyrirtækið Gjögur,
annar stærsti hluthafi Síldar­
vinnslunnar á Neskaupstað,
greiddi út ríflega 328 milljóna
arð til hluthafa sinna á síðasta
ári. Gjögur hagnaðist um rúmlega
tvo milljarða króna árið 2011. Þetta
kemur fram í ársreikningi félagsins
sem skilað var til ársreikningaskrár
ríkisskattstjóra þann 13. september
síðastliðinn. Tekjur félagsins námu
rúmlega 4,6 milljörðum króna, þar
af var seldur afli fyrir ríflega 4,3 millj­
arða króna. Arðgreiðslur inn í félagið
frá dótturfélögum þess námu ríflega
300 milljónum króna.
Stærstu hluthafar Gjögurs, sem
er fimmtánda stærsta sjávarút­
vegsfyrirtæki landsins miðað við
þorsk ígildistonn, eru Ingi Jóhann
Guðmundsson og Anna Guðmunds­
dóttir með nítján prósenta hlut
hvort. Félagið hefur yfir að ráða ríf­
lega 4 þúsund þorskígildistonnum.
Heimahöfn Gjögurs er Grenivík í
Grýtubakkahreppi í Eyjafirði og gerir
fyrirtækið út þrjú skip þaðan.
Há arðgreiðsla og kvótaaukning
Í ársreikningi Síldarvinnslunnar fyr­
ir síðasta ár kemur fram að til standi
að greiða hluthöfum félagsins ríf­
lega milljarð króna í arð vegna ársins
2011. Gjögur á rúmlega 34 prósenta
hlut í Síldarvinnslunni, á móti tæp­
lega 45 prósenta hlut Samherja, og
mun því fá ríflega 300 milljónir króna
frá Síldarvinnslunni á þessu ári
vegna reikningsársins 2011.
Nýlega vakti athygli að Síldar­
vinnslan festi kaup á útgerðarfé­
laginu Bergi Huginn af Magnúsi
Kristinssyni í Vestmannaeyjum. Með
Bergi Huginn kemst Síldarvinnslan
yfir tæplega 4 þúsund tonna kvóta til
viðbótar við þann tæplega sex þús­
und tonna kvóta sem fyrirtækið átti
fyrir. Samtals mun Síldarvinnslan
því ráða yfir nærri tíu þúsund tonna
kvóta.
Þá kemur jafnframt fram í árs­
reikningnum að Gjögur hafi keypt
aflaheimildir í fyrra fyrir ríflega 660
milljónir króna.
Gjögur stendur mjög vel en í
reikningum kemur fram að félag­
ið eigi rúmlega 12 milljarða eignir á
móti 9 milljarða skuldum.
Íhuga kaup á Helgu RE
Þá herma heimildir að Gjögur íhugi
kaup á öðru skipi, Helgu RE, sem
er með á annað þúsund þorsk­
ígildistonna kvóta, af útgerðarfé­
laginu Ingimundi hf., sem er í eigu
Ármanns Ármannssonar. Skipið er
nú í slipp í Reykjavíkurhöfn.
Njáll Þorbjarnarson, einn af stjórn­
armönnum Gjögurs, segir þó að
kaupin á skipinu hafi ekki gengið í
gegn. Aðspurður neitar hann því þó
ekki að félagið íhugi að kaupa skipið.
„Ja, það kemur bara í ljós. Menn eru
alltaf að pæla eitthvað,“ segir Njáll.
Gjögur hefur því bætt við sig tals­
verðum kvóta og íhugar að auka við
hann enn frekar. n
GjöGur Greiddi út
328 milljóna arð
Veglegur arður frá Síldarvinnslunni
Gjögur mun fá ríflega 300 milljóna arð
frá Síldarvinnslunni á þessu ári. Hluthaf-
ar Gjögurs greiddu sér út 328 milljóna
arð í fyrra. Gunnþór Ingvason er fram-
kvæmdastjóri Síldarvinnslunnar.
„Maður er bara gáttaður“
n Ekki er enn ljóst hvort reynt hafi verið að eitra fyrir hundunum
H
undasýning hundaræktunar­
félagsins Rex fór fram á
sunnu dag, en fresta þurfti
sýn ingunni um einn dag
vegna ótta við að eitraðri lifrarpylsu
hefði verið dreift um svæðið þar sem
sýningin átti upphaflega að fara fram.
Ásgeir Guðmundsson, formaður
Rex, sagðist á sunnudag í samtali við
DV, engu nær um innihald lifrarpyls­
unnar en beðið er eftir niðurstöðum
úr rannsókn lögreglunnar.
Ásgeir segir engan grunaðan í
málinu, og að félagið eigi sér ekki
óvildarmenn að honum vitandi. „Ég
held að við séum alveg jafn hissa og
öll þjóðin á þessu, maður er bara
gáttaður,“ sagði Ásgeir og bætti við að
félagsmönnum hefði verið talsvert
brugðið þegar það heyrði af atvikinu
á laugardag. Hann sagði jafnframt að
margir hundaeigendur væru nú var­
ari um sig en áður. „Auðvitað er fólki
brugðið, menn vilja ekki taka neinn
séns. Ef fólki dettur eitthvað svona í
hug, hverju öðru getur það þá tekið
upp á?“
Upphaflega átti að halda sýn­
inguna í reiðhöll Gusts í Kópavogi
en þegar ljóst var að einhver hafði
brotið sér leið inn í húsnæðið og
dreift þar litlum lifrarpylsubitum
um allt svæðið var afráðið að kalla
til lögreglu og fresta sýningunni
þar til á sunnudag. Samkvæmt Ás­
geiri hafði bitunum verið komið
fyrir á öllum göngum reiðhallar­
innar sem og inni á sýningarsvæð­
inu sjálfu og fyrir utan. „Það var
hátt í tvö kíló af lifrarpylsu sem
safnaðist saman.“ n
hanna@dv.is
6 Fréttir 24. september 2012 Mánudagur
n Hagnaðurinn í fyrra nam tæpum 2 milljörðum króna„Tekjur félagsins
námu rúmlega 4,6
milljörðum króna, þar af
var seldur afli fyrir ríflega
4,3 milljarða króna.
Ingi Freyr Vilhjálmsson
fréttastjóri skrifar ingi@dv.is
Áhugi á Helgu Gjögur hefur skoð-
að kaup á Helgu RE sem er nú í slipp í
Reykjavíkurhöfn.
Formaður Ágeir Guðmundsson formaður
hundaræktunarfélagsins Rex segir engan
grunaðan í málinu.
Mótmæla
skattahækkun
Stjórn Markaðsstofu Suðurlands
hvetur ríkisstjórnina til að hverfa
frá öllum áformum um hækkan­
ir á virðisaukaskatti á gistingu. Í
ályktun stjórnarinnar kemur fram
að á síðustu árum hafi verið reynt
að lengja ferðamannatímann. Við­
tökur hafi verið góðar en lítið megi
út af bregða ef kvikur markaður á
borð við neytendur ferðaþjónustu
eigi ekki að leita annað. Hækkun
virðisaukaskatts á gistingu sé til
þess fallin að grafa undan viðleitni
Sunnlendinga til að laða ferða­
menn að fjórðungnum.
Ástandið
slæmt
Fjórir kettlingar og tvær læður
fundust í tveimur pappakössum í
grennd við Kattholt við Stangarhyl
í Reykjavík á föstudag. Ein læða
fannst nálægt kössunum, en hún
hafði komist út. Kattavinafélag­
ið segir ástandið slæmt, oft séu
dýrin borin út með þessum hætti,
þar sem ætlunin sé beinlínis að
drepa þau.
„Það er ótrúlegt hvernig fólk
skilur við dýrin – að það geti
ekki komið með þau til okkar að
minnsta kosti eða leyft þeim að
sofna bara, það skil ég ekki,“ seg­
ir Halldóra Björk Ragnarsdóttir,
rekstrarstjóri Kattholts.