Dagblaðið Vísir - DV - 03.10.2012, Page 3

Kostnaður sýnilegur almenningi
n Sveitarfélög gera starf sveitarstjórna gagnsærri
R
eykjavíkurborg samþykkti á
þriðjudag að upplýsingar um
allar greiðslur borgarinnar
vegna kostnaðar verði gerðar
almenningi sýnilegar með rafræn-
um hætti á netinu, með svokallaðri
gagnsæisgátt. Tillagan var samþykkt
einróma, en hún kom frá sjálfstæðis-
mönnum í borgarstjórn. Borgarráði
hefur verið falið að skipa starfshóp
sem ákveður hvernig að þessu skuli
staðið. Starfshópurinn á að skila til-
lögum þann 15. mars næstkomandi.
Fram kemur í yfirlýsingu frá
Kjartani Magnússyni, borgarfull-
trúa Sjálfstæðisflokksins, að kostn-
aður við uppsetningu á kerfinu þurfi
ekki að vera mikill. Ef mið eru tek-
in af því hver kostnaður var við slík-
ar uppsetningar í Bandaríkjunum
kemur í ljós að gagnsæisgátt Texas-
ríkis kostaði um 47 milljónir króna
en talið var að á fyrsta árinu sem það
var starfrækt, hefði það sparað fylk-
issjóðnum um 1.079 milljónir króna
með aðgerðum sem gripið var til
í kjölfar ábendinga, meðal annars
frá almenningi. Í Nebraska kostaði
uppsetning gáttarinnar 3,7 milljón-
ir króna og í Oklahóma innan við
eina milljón króna. „Upplýsingar
um greiðslur hins opinbera vegna
kaupa á vöru og þjónustu verða því
öllum tiltækar en ekki einungis op-
inberum embættismönnum. Með
því að setja opinber útgjöld þannig
undir smásjá almennings og fjöl-
miðla er líklegt að meðferð opinbers
fjár batni og verulega dragi úr hvers
konar eyðslu, spillingu og svindli
í kerfinu. Tímabært er að Reykja-
víkurborg feti í fótspor framsæk-
inna sveitarfélaga og ríkja víða um
heim og veiti reykvískum skattgreið-
endum nákvæmar upplýsingar um
meðferð almannafjár á netinu,“ seg-
ir Kjartan í tilkynningunni. n
astasigrun@dv.is
Fréttir 3Miðvikudagur 3. október 2012
„Eins og að æpa
upp í vindinn“
Mér finnst þetta svo alvarlegt
því af því að þetta er keimlíkt öðr-
um málum sem hafa valdið styr um
Orkuveitu Reykjavíkur. Það verð-
ur aldrei sátt um Orkuveituna og
henni verður aldrei faglega stýrt ef
við ætlum ekki að virða leikreglurn-
ar í kringum hana. Það er forsenda
þess að hægt sé að koma þessu á
rétt ról.“
Langri sögu fylgt eftir
Þegar blaðamaður leitaði svara
hjá upplýsingafulltrúa borgar-
innar, Bjarna Brynjólfssyni, benti
hann á Eirík Hjálmarsson, upp-
lýsingafulltrúa Orkuveitunnar. Ei-
ríkur benti aftur á móti á að áhugi
fyrir virkjanakostum í Skjálfanda-
fljóti ætti sér nokkra sögu, sem væri
hægt að rekja aftur til ársins 2003.
Í ljósi þessa hefði umsóknin verið
endurnýjuð, eftir að Orkuveitunni
var tilkynnt að umsókn um rann-
sóknarleyfi frá í mars 2004 væri
fallin úr gildi sökum tómlætis um-
sækjanda. „Þessu hefur verið mót-
mælt í samræmi við það sem fyrr
segir. Orkustofnun fór fram á að fá
endurnýjaða umsókn frá Hrafna-
bjargavirkjun og var hún send
stofnuninni 12. júlí síðastliðinn.
Orkuveita Reykjavíkur mat það svo
að hagsmunum Hrafnabjargavirkj-
unar væri best borgið með endur-
nýjaðri umsókn og vógu þar þungt
skyldur OR gagnvart meðeigendum
sínum að félaginu að halda málinu
vakandi,“ sagði Eiríkur.
Haraldur Flosi Tryggvason for-
maður stjórnar Orkuveitu Reykja-
víkur hefur hins vegar látið hafa
eftir sér að Orkuveitan vilji gjarna
losna við sinn hlut í Hrafnabjargar-
virkun, enda sé það í samræmi við
eigendastefnu félagsins að fara í
virkjanir á þessu svæði. n
n Sóley Tómasdóttir ósátt við vinnubrögð Orkuveitu varðandi endurnýjun rannsóknarleyfis
V
redestein – eini dekkjafram-
leiðandi heims sem fram-
leiðir vetrardekk sérstaklega
hönnuð fyrir konur,“ segir í
auglýsingu frá BJB pústþjón-
ustunni sem hljómaði á Bylgjunni
í vikunni. „Dekkin eru sérstaklega
hönnuð með kvenmenn í huga,“ segir
Piero Segatta, framkvæmdastjóri BJB
Pústþjónustu sem nýlega fékk um-
boð fyrir dekk frá hollenska fyrirtæk-
inu Vredestein.
Hönnuð til að höfða til kvenna
„Dekkin voru sérstaklega hönnuð,
með útlit og annað í huga, fyrir
konur. Dekkið sem um ræðir heit-
ir Vredestein Snowtrac 3 og er dekk
sem á að höfða til kvenna. Þetta er
fall eg hönnun undir eftirliti frá hin-
um þekkta bílahönnuði Giugiaro
sem hannað hefur til dæmis fyr-
ir Ferrari og marga fleiri þekkta
bílaframleiðendur, “ segir Piero og
segir nokkra hluti sérstaklega skoð-
aða – sérstaklega útlit dekkjanna og
öryggiskröfur. „Þeirra hugmynd var
bara sú – í fyrsta lagi var það útlitið
og líka öryggið. Þeir gerðu markaðs-
könnun í Evrópu og þar eru alveg
gríðarlega margar konur sem búa
einar og hafa kannski engan til þess
að segja sér til, auðvitað eru ein-
hverjar konur sem eiga mann sem
hefur eitthvað vit á bílum eða þekkir
einhvern. En í Evrópu er þetta pínu-
lítið öðruvísi, þar er þetta þannig að
þú þarft meira að treysta á fagmann-
inn,“ segir Piero.
Hann segist þó ekki halda að kon-
ur hafi minna vit á bílum en karl-
ar. „Ég held þær hafi alveg eins vit á
bílum eins og karlar en ég held þær
hafi bara minni áhuga, ég held það
sé frekar það. Karlar sem hafa ekki
áhuga á bílum, þeir eru verri en kon-
ur sem vita ekkert um bíla. Konurn-
ar eru miklu duglegri að bjarga sér og
þannig, það er að minnsta kosti mín
reynsla.“
Hönnunin byggð á könnun
En hafa konur aðrar dekkjaþarfir en
karlar? „Nei, það held ég ekki. Þetta
er náttúrulega ekki á topp 10 yfir
það sem þær eru eru að hugsa um
þannig að þeir gerðu könnun til þess
að komast að hvað konur væru að
hugsa um þegar þær keyptu sér bíl,“
segir hann.
Piero segist ekki hafa séð eins
dekk áður. Eru þau öðruvísi í út-
liti?„Já, þau eru það nú reyndar.
Það eru held ég engin dekk eins.
Það eru mörg mynstur svipuð en
þetta er ekki líkt neinu dekki sem
ég hef séð,“ segir hann og seg-
ir mynstrið vera sérstakt en þó
smekksatriði hvaða mynstur fólki
finnist flott.
BJB Pústþjónusta hóf nýlega
að selja dekkin og Piero segir ekki
komna reynslu á hvort konur velji
frekar þessi dekk en önnur. „Þetta
er bara nýtt en við vonum það. Þess
vegna viljum við nú auglýsa þetta.
Vredestein hefur auglýst þetta
dekk mikið í tímaritum sem höfða
til kvenna og fengið gríðarlega
góðar móttökur og dóma hjá sín-
um viðskiptavinum sem keypt hafa
Snowtrac 3,“ segir hann. n
„Ég held þær hafi
alveg eins vit á bíl-
um eins og karlar en ég
held þær hafi bara minni
áhuga.
n Framleiðsla hjólbarðanna byggir á markaðskönnun í Evrópu
Viktoría Hermannsdóttir
blaðamaður skrifar viktoria@dv.is
Hönnuð fyrir konur Piero segir dekkin hafa verið sérstaklega hönnuð, hvað útlit og
annað varðar, með konur í huga. Mynd eyþór árnaSon
Vetrardekk fram-
leidd fyrir konur
opna gagnsæisgátt „Tímabært er að Reykjavíkurborg veiti reykvískum skattgreiðend-
um nákvæmar upplýsingar um meðferð almannafjár á netinu,“ segir Kjartan.