Dagblaðið Vísir - DV - 02.12.2011, Blaðsíða 8
8 Fréttir 2.–4. desember 2011 Helgarblað
Forsetinn neitar að svara
n Segist ekki hafa kynnt sér eigin eftirlaunarétt
F
orsetinn hefur ekki hugleitt eftir-
laun sín eða kynnt sér þau sér-
staklega, hvorki samsetningu
þeirra né upphæðir,“ segir í svari
Ólafs Ragnars Grímssonar, forseta Ís-
lands, við fyrirspurn DV varðandi eft-
irlaun hans. Svarið barst frá Örnólfi
Thorssyni, ritara forseta. Fjallað var
um eftirlaunaréttindi nokkurra núver-
andi og fyrrverandi ráðamanna þjóð-
arinnar á mánudag en þar kom meðal
annars fram að Ólafur Ragnar á rétt á
tvöföldum eftirlaunum.
Ólafur Ragnar var þingmaður og
ráðherra áður en hann var kjörinn
forseti lýðveldisins. Þar sem hann var
kjörinn fyrir afnám umdeildra eftir-
launalaga, sem sett voru í ríkisstjórn-
artíð Davíðs Oddssonar og Halldórs
Ásgrímssonar, nýtur hann réttinda
umfram það sem almennt gengur
og gerist hjá ríkinu og á almennum
vinnumarkaði. Ólafur Ragnar er hins
vegar sá eini af þeim ráðamönnum
sem áunnu sér þessi sérréttindi sem
nýtur tvöfaldra réttinda.
Íslenskir forsetar nutu enn meiri
sérkjara en þingmenn samkvæmt lög-
unum, sem afnumin voru 25. apríl
2009. Þar sem Ólafur Ragnar hefur
setið í meira en tvö kjörtímabil á hann
rétt á eftirlaunum sem nema áttatíu
prósentum af launum forseta eins og
þau eru ákveðin af kjararáði. Það hef-
ur því ekki áhrif á eftirlaunin að hann
hafi afsalað sér hluta launa sinna eftir
bankahrunið.
Í kjölfar umfjöllunar DV var ósk-
að eftir svörum Ólafs Ragnars við því
hvort hann ætlaði að afsala sér hluta
þeirra eftirlaunaréttinda sem hann
hefur áunnið þér í starfi sem þingmað-
ur, ráðherra og forseti og hvort hann
teldi eðlilegt að hann nyti eftirlauna
vegna allra þriggja starfanna í senn.
Þessu vildi forsetinn ekki svara.
adalsteinn@dv.is
www.xena.is
Mikið úrval af barnaskóm
Opið virka daga 11-18
laugardag 11-16
Grensásvegur 8 og Nýbýlavegur 12 - Sími 517 2040
BARNASTÍGVÉL
St. 22-35
Verð 7.995
St. 22-40
Verð 7.995 Á tvöfaldan rétt Ólafur Ragnar á rétt á
himinháum eftirlaunum vegna starfa sinna.
Mynd Sigtryggur Ari JóHAnnSSon
20 milljarða
afskriftir ÍaV
F
yrrverandi móðurfélag Ís-
lenskra aðalverktaka (ÍAV),
Drög ehf., hefur verið tekið til
gjaldþrotaskipta. Þetta kem-
ur fram í auglýsingu í Lög-
birtingablaðinu. Félagið skuldaði
rúmlega 20 milljarða króna umfram
eignir í árslok 2009 samkvæmt árs-
reikningi þess. Meðal eigenda Draga
voru forstjórar ÍAV, þeir Karl Þráins-
son og Gunnar Sverrisson. Drög var
tekið til gjaldþrotaskipta þann 17.
nóvember síðastliðinn. Meðal verk-
efna ÍAV síðastliðin ár er bygging
tónlistarhússins Hörpu.
Arion banki leysti Drög til sín út
af þessari skuldastöðu árið 2009.
Bankinn seldi Íslenska aðalverk-
taka svo til svissneska fyrirtækis-
ins Marti Holding í mars 2010 á um
400 milljónir króna. Marti Holding
hefur starfað með ÍAV um árabil. Í
ágúst sama ár keyptu fyrrverandi
eigendur Draga, þeir Karl og Gunn-
ar, svo 50 prósent í verktakafyrir-
tækinu af Marti Holding fyrir um
200 milljónir króna. Kaup þeirra
voru fjármögnuð með kúluláni frá
Marti Holding. Karl og Gunnar eru
eigendur að 50 prósenta hlut í móð-
urfélagi verktakafyrirtækisins, Ís-
lenskum aðalverktökum ehf., í dag.
Kúlulánið er til 30 ára.
20 milljarða afskriftir
Staðan er því sú að eftir að Íslensk-
ir aðalverktakar hafa gengið í gegn-
um skuldaafskriftir sem nema um
20 milljörðum króna eignast sömu
eigendur helmingshlut í fyrirtækinu
aftur eftir að allt hlutafé félagsins
hefur haft viðkomu hjá þriðja aðila,
Marti Holding. Þessi gerningur virð-
ist vera fyllilega löglegur þar sem
þriðji aðili, Marti Holding, keypti
fyrirtækið af bankanum með eðli-
legum hætti og ákvað svo að selja
fyrri eigendum hlut í því.
Ekki liggur enn fyrir hversu háar
upphæðir verða afskrifaðir hjá
Drögum ehf. þar sem svo stutt er
síðan fyrirtækið var tekið til gjald-
þrotaskipta. Skuldirnar nema þó
ekki minna en 20 milljörðum mið-
að við síðasta ársreikning félagsins
en þá námu eignirnar um 7,8 millj-
örðum á móti rúmlega 28 milljarða
króna skuldum.
Leynd yfir sögunni
Drög ehf. eignaðist allt hlutafé í Ís-
lenskum aðalverktökum árið 2004
eftir umdeilda einkavæðingu verk-
takafyrirtækisins árið áður. Eign-
arhaldsfélagið AV hafði keypt hlut
ríkisins í fyrirtækinu árið áður fyrir
um 2 milljarða króna og í kjölfarið
gert öðrum hluthöfum yfirtökutil-
boð sem þeir urðu að þiggja. Sömu
eigendur voru að eignarhaldsfélag-
inu AV og Drögum ehf., þeir Karl,
Gunnar, Stefán Friðfinnsson, þá-
verandi forstjóri ÍAV, og fleiri. Kaup-
verð Draga á ÍAV í þessum viðskipt-
um við AV liggur ekki fyrir. Meðal
þess sem fylgdi með í kaupunum
var Blikastaðalandið svokallaða,
150 hektara byggingarland á milli
Reykjavíkur og Mosfellsbæjar, sem
selt var til verktakafyrirtækisins
Eyktar fyrir rúma 6 milljarða króna
árið 2008.
Engir ársreikningar liggja fyrir
um rekstur Draga vegna ársins
2009, eftir að Arion banki hafði
leyst félagið til sín, og engir árs-
reikningar liggja heldur fyrir um
starfsemi eignarhaldsfélagsins AV.
Rekstrar saga Íslenskra aðalverktaka
frá einkavæðingunni og þar til eftir
bankahrunið 2008 er því á huldu.
Vitað er hins vegar að þessi rekstrar-
saga mun skilja eftir sig tugmilljarða
króna afskriftir fyrir Arion banka.
Ingi Freyr Vilhjálmsson
fréttastjóri skrifar ingi@dv.is
n Skuldir umfram eignir rúmlega 20 milljarðar n Sömu eigendurnir
eignuðust félagið eftir bankahrunið n Leynd yfir rekstrarsögu ÍAV„Rekstrarsaga Ís-
lenskra aðalverk-
taka frá einkavæðingunni
og þar til eftir bankahrun-
ið 2008 er því á huldu.
Byggðu Hörpuna Harpan er eitt helsta
verkefni Íslenskra aðalverktaka á liðnum árum.
Móðurfélag Íslenskra aðalverktaka, Drög ehf.,
hefur verið tekið til gjaldþrotaskipta.
Viskíið selt
á 175 þúsund
Viskíflaska frá stríðsárunum seld-
ist fyrir 175 þúsund krónur á upp-
boði sem fram fór á netinu. Vatns-
veitustarfsmenn fundu flöskuna í
Nauthólsvík fyrir tæplega tuttugu
árum en þeir seldu hana í góð-
gerðaskyni. Andvirði flöskunn-
ar rennur óskipt til Guðmundar
Felix Grétarssonar, fyrrverandi
starfsmanns Rafmagnsveitunnar,
en hann safnar nú fé fyrir kostn-
aðarsama handaágræðsluaðgerð
í Frakklandi. Uppboðsfrestur-
inn rann út á miðnætti síðast-
liðinn miðvikudag en uppboðið
hafði þá staðið frá 16. nóvember
síðastliðnum. Í fréttatilkynningu
vegna uppboðsins kemur fram
að lengst af hafi tveir aðilar barist
um flöskuna en kaupandinn, sem
hefur staðfest tilboðið, vill njóta
nafnleyndar.
Fagna tillögum
starfshópsins
Sveitarstjórn sveitarfélagsins
Skagafjarðar hefur samþykkt
ályktun þar sem tillögum um ráð-
stöfun veiðileyfagjalds, frá starfs-
hópi Jóns Bjarnasonar, sjávarút-
vegs- og landbúnaðarráðherra, er
fagnað. „Ekki síst er þetta mikil-
vægt á tímum þar sem gríðar-
legur niðurskurður á sér stað víða
um land, m.a. í heilbrigðis- og
samgöngumálum, á sama tíma og
atvinnulífið og ekki síst fyrirtæki
á landsbyggðinni eru látin bera æ
meiri skattbyrði,“ segir í ályktun-
inni en vísað er til að í skiptingu
veiðileyfagjaldsins er gert ráð fyrir
því að fjörutíu prósent fari til sjáv-
arbyggða.