Dagblaðið Vísir - DV - 02.12.2011, Qupperneq 70
70 Sport 2.–4. desember 2011 Helgarblað
T
sjetsjeninn Bulat Chagaev
yfirtók svissneska knatt-
spyrnufélagið Neuchatel
Xamax um miðjan maí.
Liðið var á kafi í skuldum
og fyrri eigandi, heimamaður úr
byggingageiranum, var búinn að fá
nóg. Tilboð Chagaevs var hið eina á
borðinu. Hálfu ári og fimm þjálfur-
um síðar er það hann sjálfur sem er
í mestu vandræðunum.
Yfirtakan olli strax mikilli ólgu
meðal stuðningsmanna sem fannst
liðinu sínu hafa verið rænt. Yfirlýs-
ingar hans um að rússneska orðinu
Vainakh yrði bætt við nafn félagsins
til að minna hann á uppruna sinn
voru óvinsælar. „Mér finnst að nýr
eigandi eiga fullan rétt á að endur-
nefna félagið,“ sagði Chagaev. Því
hafnaði svissneska knattspyrnu-
sambandið.
„Ég drep ykkur alla“
Chagaev tók strax til óspilltra málanna
og rak þjálfarann Didier Olle-Nocolle
fyrsta daginn. Í stað hans var ráðinn
Bernard Challandes, reyndur sviss-
neskur þjálfari. Hann hafði þrjá leiki
til að bjarga liðinu frá falli, sem tókst.
Challandes tókst hins vegar ekki að
bjarga sér frá fallöxi Chagaevs og fékk
varla að stýra liðinu í friði. Þegar lið-
ið var 0–2 undir í hálfleik gegn Sion
í úrslitaleik bikarkeppninnar birtist
Chagaev í búningsklefanum og flutti
einfalda hvatningarræðu: „I’ll kill you
all!“ (Ég drep ykkur alla.)
Chagaev hét fé til leikmanna-
kaupa enda markmiðið að komast í
Meistaradeildina. Til sögunnar voru
nefndir menn eins og David Tre-
zeguet og Gabriel Heinze. Þótt minni
spámenn væru keyptir komu þeir frá
stórliðum, eins og Barcelona og Val-
encia, sem telst gott á svissneskan
mælikvarða.
Brasilíumaðurinn Sonny Ander-
son tók sæti Challandes. Framherj-
inn er þekktur fyrir feril sinn með
Barcelona, Lyon og Mónakó en ekki
fyrir þjálfun, enda kom á daginn
að hann hafði ekki tilskilin réttindi.
Anderson var því gerður að fram-
kvæmdastjóra og Francois Ciccolini
ráðinn sem þjálfari.
Ciccolini stýrði því liðinu í fyrsta
deildarleiknum. Í byrjunarliðinu var
brasilískur markvörður, Rodrigo Ga-
latto. Sá kom til Xamax tveimur dög-
um fyrr og hafði aldrei spilað á gervi-
grasi. Það varð líka hans fyrsti og eini
leikur fyrir Xamax því gestirnir í Lu-
cerne unnu 3–0. Vandræðin voru ekki
minni utanvallar. Chagaev rak nefni-
lega allt starfsfólk félagsins, skrifstofu-
menn og þjálfara, eftir bikarúrslitin.
„Miðarnir“ voru því pappírssnifsi sem
verðið hafði verið krotað á.
Kaus sjálfan sig
Liðinu gekk ekki betur í annarri um-
ferð og tapaði 0–2 fyrir meisturunum
Basle. Chagaev taldi þá tíma kom-
inn á að taka til meðal leikmanna og
þjálfara. Ciccolini og Anderson voru
báðir reknir og allir þeirra aðstoðar-
menn. Miðjumaðurinn Gilles Binya,
sem skoraði sjálfsmark, og framherj-
inn Carlao fóru sömu leið.
Forsetinn, Andrei Rudakov, slapp
ekki heldur. Chagaev boðaði til auka-
aðalfundar, sem hann mætti ekki á
heldur sendi fulltrúa sinn með um-
boð. Chagaev kaus sjálfan sig sem for-
mann félagsins og vin sinn, Islam Sa-
tujev, sem varaformann. Fleiri sitja
ekki í stjórn félagsins, en þar hafa alla
jafna setið um tíu manns. Satujev kom
til Sviss árið 2002 frá Tsjetsjeníu og
sótti þá um pólitískt hæli.
Höfuð Marcs Imwinkelried var það
síðasta sem fauk í þessari tiltekt. Hann
hafði verið forstjóri félagsins í viku.
Imwinkelried sætir rannsókn vegna
brota í fyrra starfi sem borgarstjóri Sa-
int-Blaise.
Inn í klefa í fylgd vopnaðra varða
Við þjálfarastarfinu tók Joaquin
Caparros, sem í fyrra kom Athle-
tic Bilbao í sjötta sæti spænsku úr-
valsdeildarinnar. Chagaev kom yf-
irlýsingaglaður fram í fjölmiðlum,
sagði illt umtal um sig vera vegna
þjóðernis síns og að Anderson hefði
hagnast persónulega á leikmanna-
kaupum félagsins. Hann bætti því
einnig við að Xamax yrði meist-
ari 2013 og þjálfarinn myndi halda
starfinu út leiktíðina.
„Ég er baráttuhundur,“ sagði
Caparros þegar hann tók við starf-
inu í lok júlí. Liðið vann fjóra fyrstu
leikina undir hans stjórn en eftir
þann fimmta, 2-2 jafntefli við botn-
lið Lausanne, mætti eigandinn aft-
ur inn í klefa með hvatningarræðu.
Honum fylgdu vopnaðir verðir. Að
þessu sinni var þó bara einum leik-
manni, Kamerúnanum Bikaner,
hótað lífláti.
Chagaev neitar reyndar að hafa
sent lífverðina. „Ég þarf ekki vopn til
að hræða leikmenn mína.“ Viðbrögð
leikmannanna, sem flestir reyndu
að komast í veikindaleyfi, styðja ekki
endilega þá fullyrðingu og Caparros
hvarf á braut. Aðrir ypptu öxlum. „Við
erum farnir að venjast svona upp-
ákomum,“ sagði einn þeirra.
„Ég treysti herra Chagaev,“ sagði
arftaki Caparros, Victor Munoz, þegar
hann tók við. Hann þjálfar liðið enn
þótt Xamax hafi tapað nokkrum leikj-
um illa og sé aðeins í sjötta sæti af tíu
í svissnesku deildinni. Munoz þekk-
ir líka hvernig lífið gengur fyrir sig í
Tsjetsjeníu þar sem hann þjálfaði áður
Terek Grozny. Það gerði hann í eitt ár
áður en hann steig til hliðar fyrir Ruud
Gullit. Chagaev er varaforseti Terek en
forsetinn heitir Ramzan Kadyrov. Sá er
forsætisráðherra Tsjetsjeníu og vinur
Vladimirs Pútin Rússlandsforseta.
Vona að hann fái leið á félaginu
Það kann að skipta Munoz máli að
síðustu vikurnar hefur Chagaev haft
um annað að hugsa. Svissneska lög-
reglan yfirheyrði hann fyrir viku vegna
gruns um skjalafals og peningaþvætti.
Við húsleit í byrjun mánaðarins gat
hann ekki framvísað gildu dvalarleyfi.
Venjulega vegabréfsáritun til Sviss þarf
að endurnýja á sex mánaða fresti og
má viðkomandi þá ekki vera í landinu.
Lögreglan hefur leitað á skrif-
stofum Chagaevs í Genf, heimili hans
í nágrenni Lausanne og skrifstofum
Neuchatel Xamax. Meðal þess sem
vakti athygli lögreglunnar var bréf frá
Bank of America til svissneska knatt-
spyrnusambandsins. Undir það skrif-
aði Tomas Milller – með þremur l-um!
Lögreglan er einnig með yfirlýsingu frá
bankanum um að Chagaev eigi þar 35
milljónir dollara inni á bók.
Stuðningsmenn Neuchatel og bæj-
aryfirvöld hafa áhyggjur af liðinu. Þau
vonast til að eigandinn fái fljótt leið
á nýja leikfanginu sínu og selji það.
Reyndar hefur Chagaev lýst því yfir
að hann sé tilbúinn að selja félagið
linni sífelldum árásum fjölmiðla ekki.
Stuðningsmennirnir vonast jafnvel til
að félagið verði gjaldþrota þannig að
hægt verði að byggja það aftur upp frá
grunni, eins og gert hefur verið með
fleiri slík lið í Sviss með ágætum ár-
angri. Og fótboltinn heldur áfram, að
sinni, því um helgina tekur Xamax á
móti Lausanne í næstsíðasta leik sín-
um fyrir vetrarfrí.
Gunnar Gunnarsson
n Fimm þjálfarar á hálfu ári n Hvetur leikmennina áfram með því að hóta þeim
lífláti í hálfleik n Hirtur án gilds dvalarleyfis, grunaður um peningaþvætti og skjalafals„Chagaev kaus
sjálfan sig sem
formann félagsins og vin
sinn, Islam Satujev, sem
varaformann.
Eigandinn sem
enginn þjálfari vill
Stórfurðulegur Bulat
Chagaev er eigandi sem
enginn vill hafa yfir sér.
Rekinn Þjálfarinn Ciccolini var rekinn eftir tvær umferðir.