Dagblaðið Vísir - DV - 02.12.2011, Blaðsíða 22

Lárus Welding
Kúgaði forstjórinn
Lárus Welding, fyrrverandi forstjóri
Glitnis, var hnepptur í vikulangt
gæsluvarðhald á miðvikudaginn
þegar rassía sérstaks saksóknara
í Glitnismálinu hófst. Lárus varð
forstjóri Glitnis eftir dramatískar
vendingar innan hluthafahóps Glitnis
í apríl 2007. Þá var Bjarna Ármanns-
syni skipt út sem forstjóra og Lárus
settur í staðinn þrátt fyrir ungan
aldur – Lárus var einungis rúmlega
þrítugur. Lárus fékk 300 milljónir
króna fyrir það eitt að skrifa undir hjá
Glitni og var með 84 milljónir króna í
laun á mánuði út árið 2007.
Tölvupóstsamskipti á milli Lárusar og
Jóns Ásgeirs Jóhannessonar, stjórnar-
formanns FL Group, stærsta hluthafa
Glitnis, sýna fram á það að Lárus hafi
tekið við skipunum frá Jóni Ásgeiri og
oft framkvæmt þær gagnrýnislaust.
Í tölvupósti til Jóns Ásgeirs í júní 2007
sagði Lárus að sá fyrrnefndi kæmi
fram við hann „eins og útibússtjóra
frekar en forstjóra“. Vinnubrögð í
Glitni versnuðu nokkuð eftir að FL
Group og Lárus tóku við bankanum,
meðal annars fengu starfsmenn
bónusa fyrir að lána, enda snýst
rannsókn sérstaks saksóknara að
mestu um mál sem áttu sér stað á
árunum 2007 og 2008.
Í stefnu skilanefndar Glitnis í
Aurum-málinu svokallaða er dregin
sú ályktun út frá staðreyndum um
samband Lárusar og Jóns Ásgeirs að
forstjóri Glitnis hafi ekki verið mjög
burðugur forstjóri: „Bersýnilegt er
af framangreindum tölvupóstsam-
skiptum að Jón Ásgeir var álitinn „eig-
andi“ bankans af yfirmönnum hans
og að hann gaf forstjóra bankans
bein fyrirmæli um að ráðstafa fjár-
hagslegum hagsmunum bankans í
sína þágu og félaga í fjárhagslegum
tengslum við hann, …“
DV hefur heimildir fyrir því að rætt
hafi verið að skipta Lárusi strax aftur
út sem forstjóra á árinu 2007 og
setja Bjarna Ármannsson aftur yfir
bankann en að hugmyndin hafi dáið í
fæðingu.
Heimildir DV
herma að
ekki standi
til að yfir-
heyra Jón
Ásgeir Jó-
hannesson
í þessari
rassíu.
Jóhannes Baldursson
Stímmaðurinn
Jóhannes Baldursson, fyrrverandi
framkvæmdastjóri markaðsviðskipta
hjá Glitni, var hnepptur í gæsluvarð-
hald á miðvikudagskvöldið. Jóhannes
starfar í Íslandsbanka.
Hann var sendur í leyfi frá störfum í
bankanum í október síðastliðnum,
ásamt nokkrum öðrum starfsmönn-
um Íslandsbanka, vegna meintrar
aðildar að hugsanlegum brotamálum
sem embætti sérstaks saksóknara
rannsakar. Jóhannes hélt svo
aftur til starfa eftir þetta. Jóhannes
tengist Stímmálinu svokallaða og
ýmsum öngum þess, meðal annars
kaupum Glitnis á 1.200 milljóna króna
skuldabréfi af Saga Capital í ágúst
2008. Tengsl Jóhannesar við Stím-
málið voru þau að hann átti þátt í að
koma hluthafahópnum saman.
Jóhannes var einn þeirra starfs-
manna Glitnis, fyrirrennara
Íslandsbanka, sem fékk kúlulán frá
bankanum til að kaupa hlutabréf í
honum árið 2008. Kúlulánið, 800
milljónir króna, hefur verið afskrifað.
Jóhannes er sömuleiðis einn þeirra
fyrrverandi starfsmanna Glitnis sem
gert hafa launakröfu í bú Glitnis. Mál
Jóhannesar er nú rekið fyrir dóm-
stólum. Hann vill fá 68 milljónir króna
úr þrotabúi Glitnis vegna samnings-
bundinna launa. Málið er ennþá
rekið í dómskerfinu. Jóhannes var
með rúmar 14 milljónir króna í laun á
mánuði árið 2008.
22 Fréttir 2.–4. desember 2011 Helgarblað
Bjarni í sigti
saksóknarans
n Tveir af samstarfsmönnum Bjarna Ármannssonar yfirheyrðir n Bjarni er á suðurskaut-
inu en til stendur að ræða við hann n Högnuðust á viðskiptum með hlutabréf í Glitni
B
jarni Ármannsson, fyrrver-
andi bankastjóri Glitnis, mun
að öllum líkindum verða kall-
aður til yfirheyrslu hjá sér-
stökum saksóknara vegna
viðskipta bankans með hlutabréf í
bankanum á árunum 2004 til 2007,
samkvæmt heimildum DV. Tveir af
fyrrverandi undirmönnum Bjarna
hjá Glitni, Helgi Logason, fyrrverandi
verðbréfamiðlari hjá Glitni, og Finn-
ur Reyr Stefánsson, fyrrverandi fram-
kvæmdastjóri rekstrarsviðs Glitnis,
voru kallaðir til yfirheyrslu hjá sér-
stökum saksóknara á miðvikudaginn.
Bjarni er hins vegar staddur erlendis,
nánar tiltekið á suðurskautinu, og var
ekki kallaður til yfirheyrslu.
Þeir Finnur Reyr og Helgi voru
hins vegar ekki hnepptir í gæsluvarð-
hald ásamt þremur öðrum starfs-
mönnum Glitnis, þeim Lárusi Weld-
ing, fyrrverandi forstjóra Glitnis,
Jóhannesi Baldurssyni, fyrrverandi
framkvæmdastjóra markaðsviðskipta
og Inga Rafnari Júlíussyni, fyrrverandi
verðbréfamiðlara. Rannsókn sérstaks
saksóknara á Glitnismálinu nær allt
aftur til ársins 2004 en þá var Bjarni
forstjóri bankans. Þá herma heimild-
ir DV að Tómas Kristjánsson, fram-
kvæmdastjóri markaðsviðskipta hjá
Glitni, sé einnig til skoðunar í málinu.
Líkt og kunnugt er hætti Bjarni
sem forstjóri Glitnis eftir yfirtöku FL
Group á bankanum í apríl 2007. Finn-
ur Reyr og Tómas hættu í bankanum
um svipað leyti. Finnur vildi ekki ræða
blaðamann DV þegar blaðið hafði
samband við hann á fimmtudags-
kvöld. Aðspurður hvort hann hefði
verið yfirheyrður segir Finnur Reyr.
„Ég ætla hvorki að játa því né neita.“
Finnur vildi ekkert ræða um málið í
samtali við DV. Sömu sögu er að segja
um Helga Logason. „Ég ætla ekkert
að tjá mig um þessi mál.“ Ekki náðist í
Bjarna Ármannsson á fimmtudaginn.
Rannsaka markaðsmisnotkun
Embættið mun meðal annars hafa
einnig hafa áhuga á meintri mark-
aðsmisnotkun í viðskiptum með
hlutabréf í Glitni á árunum 2007 og
2008 þar sem bankinn seldi hlutabréf
í bankanum með óeðlilegum hætti
til ýmissa fjárfesta með það fyrir aug-
um að halda uppi hlutabréfaverðinu í
bankanum. Stímmálið svokallað kom
upp á seinni hluta árs 2007 þar sem
bankinn seldi hlutabréf í bankanum
og stærsta hluthafa hans, FL-Group,
inn í eignarhaldsfélagið Stím með
lánveitingu frá bankanum. Grunur
leikur á að þessi viðskipti Stíms hafi
verið markaðsmisnotkun. Grunur
leikur einnig á að slík markaðsmis-
notkun hafi átt sér stað í fleiri málum
og beinist rannsóknin sem snýr að
Bjarna, Finni og Helga meðal ann-
ars að þessu, eftir því sem DV kemst
næst.
Í yfirlýsingu frá sérstökum sak-
sóknara á miðvikudag kom fram að
þessar lánveitingar út úr bankanum
til kaupa á hlutabréfum í honum hafi
numið 37 milljörðum króna frá því í
lok árs 2007 og á árinu 2008. Orðrétt
sagði í yfirlýsingunni: „Lánveitingar
til ýmissa félaga vegna kaupa á hluta-
bréfum útgefnum af bankanum í lok
árs 2007 og á árinu 2008. Upphafleg-
ur höfuðstóll nefndra lánveitinga er
talinn nema samtals tæpum 37 millj-
örðum króna.“
Keyptu bréfin eftir sölu Sjóvár
DV hefur heimildir fyrir því að sér-
stakur saksóknari hafi einnig áhuga
á hlutabréfaviðskiptum lykilstjór-
nenda Glitnis með bréf í bankan-
um í maí árið 2005. Fjallað er um
þessi viðskipti í skýrslu rannsóknar-
nefndar Alþingis og er þau gagnrýnd
í henni. Í hlutabréfaviðskiptunum
árið 2005 lánuðu dótturfélag Mile-
stone og Kaupþing banki, átta eignar-
haldsfélögum sem voru í eigu starfs-
manna Glitnis, 2,5 milljarða króna til
að kaupa hlutabréf í bankanum. Allir
þeir starfsmenn Glitnis sem keyptu
bréfin í bankanum á þessum tíma
voru fruminnherjar. Um þetta segir í
skýrslunni: „Um er að ræða viðskipti
átta eignarhaldsfélaga í eigu for-
stjóra bankans, formanns bankaráðs,
framkvæmdastjóra Sjóvár-Almennra
trygginga hf. og fimm framkvæmda-
stjóra bankans sem allir voru frum-
innherjar á þeim tíma er viðskiptin
fóru fram.“
Gagnrýni rannsóknarnefndar-
innar snérist meðal annars um það
að tólf dögum áður en tilkynnt var
um að helstu stjórnendur Glitnis,
meðal annars Bjarni Ármannsson,
hefðu keypt þessi hlutabréf í bankan-
um seldi bankinn 66 prósenta hlut í
tryggingafélaginu Sjóvá til Milestone
með miklum hagnaði og lánaði fé-
laginu fyrir rúmlega 50 prósentum
af kaupverðinu. Eftir að starfsmenn
Glitnis keyptu bréfin skilaði bankinn
hálfsársuppgjöri sem sýndi hagnað,
meðal annars vegna sölunnar á Sjóvá
skömmu áður, og hækkuðu bréfin í
bankanum nokkuð vegna þess.
Högnuðust á viðskiptunum
Þeir stjórnendur Glitnis sem keyptu
bréf í bankanum með lánveiting-
unum frá Kaupþingi og Milestone á
þessum tíma á genginu 13,41 seldu
þau þremur mánuðum síðar árið
2005 á genginu 15,25. Stjórnendur-
nir græddu því nokkuð á hlutabréfa-
viðskiptunum þar sem sölugengið
var hærra en kaupgengið. Um þetta
segir í rannsóknarskýrslunni: „Ef
einungis er tekið tillit til þess fjölda
hluta sem keyptur var þann 31. maí
2005 hefur félag forstjóra bankans,
Bjarna Ármannssonar, hagnast um
184 milljónir króna. Eins hafa félög
framkvæmdastjóra bankans hagnast
um um 31,3 milljónir króna.“
Stjórnendur bankans bjuggu sér
því til tugmilljóna króna hagnað
á nokkurra mánaða tímabili með
hlutabréfaviðskiptunum í fjármála-
fyrirtækinu sem þeir stýrðu og voru
fruminnherjar í. Þeir hafa svo not-
að hagnaðinn til að greiða vexti til
Kaupþings og Milestone og þóknun
til bankans fyrir að miðla bréfunum,
en lánin voru til þriggja mánaða og
báru 11,3 prósenta vexti. Afgang-
inn af söluhagnaði hafa þeir svo hirt
sjálfir. Tekið er fram sérstaklega í
skýrslunni að „engar sérstakar trygg-
ingar hafi verið fyrir lánveitingunni“.
Lánunum hefur því ekki fylgt nein
áhætta fyrir Bjarna Ármannsson og
aðra stjórnendur Glitnis.
Einn ljótasti „snúningurinn“
Heimildarmaður DV í bankakerfinu
segir að þessi viðskipti Bjarna Ár-
mannssonar og annarra stjórnenda
Glitnis séu „einsdæmi“ hér á landi
og að viðskiptin hafi vakið mikla at-
hygli meðal fjármálamanna á sínum
tíma. „Það tíðkast ekki neins staðar í
heiminum að stjórnendur fjármála-
fyrirtæka séu að kaupa hlutabréf í
fyrirtækinu sem þeir starfa hjá til
skemmri tíma en eins ár.“
Hann segir að viðskiptin hafi verið
einn ljótasti „snúningurinn“ í góðær-
inu. „Þetta er einn af ljótustu snún-
ingum síðustu ára í bankageiranum.
Þessi viðskipti eru algjört einsdæmi.“
Sjávarsýn Bjarni Ármannsson Forstjóri Glitnis
Coot ehf. Þorgils Óttar Mathiesen Framkvæmdastj. Sjóvár
Gani ehf. Tómas Kristjánsson Framkvæmdastj. hjá Glitni
Snæból ehf. Finnur Reyr Stefánsson Framkvæmdastj. hjá Glitni
Eignarhaldsfél. Teitur ehf. Haukur Oddsson Framkvæmdastj. hjá Glitni
ÞJDJ ehf. Jón Diðrik Jónsson Framkvæmdastj. hjá Glitni
Fausken ehf. Frank Ove Reite Framkvæmdastj. Glitnis í Noregi
Hrómundur ehf. Einar Sveinsson Formaður bankaráðs
Félögin sem keyptu í Glitni með lánum frá Milestone og Kaupþingi
og eigendur þeirra árið 2005:
Viðskiptin í maí 2005Ingi Freyr Vilhjálmsson
fréttastjóri skrifar ingi@dv.is
„Ég ætla
hvorki
að játa því né
neita
Allt til 2004
Rannsókn sérstaks
saksóknara nær
aftur til ársins
2004 en þá var
Bjarni Ármannsson
forstjóri Glitnis.
Tveir af samstarfs-
mönnum Bjarna
voru yfirheyrðir á
miðvikudaginn.