Dagblaðið Vísir - DV - 11.05.2012, Page 2

2 Fréttir 11.–13. maí 2012 Helgarblað
Græða á rányrkju
Nokkrir
af
stærstu líf-
eyrissjóðum
landsins eiga
verksmiðju-
togarann Blue
Wave sem
veitt hefur fisk
við vestur-
strönd Afríku
frá árinu 2007.
Lífeyrissjóðirnir sem um ræðir eru
Gildi, Lífeyrissjóður starfsmanna
ríkisins, Lífeyrissjóður verslunar-
manna, Stapi, Stafir og Sameinaði
lífeyrissjóðurinn. Togarinn er því á
endanum að hluta til í eigu þeirra
einstaklinga – tugþúsunda Íslend-
inga – sem greiða af tekjum sínum í
þessa lífeyrissjóði. DV hefur síðustu
daga fjallað ítarlega um veiðar nokk-
urra íslenskra útgerðarfyrirtækja við
strendur Vestur-Afríku.
Plott í rannsókn
Lýður
Guð-
mundsson,
eigandi Ex-
ista og hlut-
hafi í Kaup-
þingi, kom
að því með
beinum hætti
að selja rúm-
lega þriggja
prósenta hlut
í bankanum til fjárfestingarfélags-
ins Giftar í desember 2007, sam-
kvæmt heimildum DV sem fjallaði
um málið á miðvikudag. Söluverð
hlutabréfanna var um 20 milljarðar
króna. Átti Lýður í beinum sam-
skiptum um viðskiptin við forsvars-
menn Giftar á Sauðárkróki . Við-
skipti Giftar við Kaupþing hafa verið
til rannsóknar hjá embætti sér-
staks saksóknara vegna gruns um
markaðsmisnotkun.
Á góðum batavegi
Skúli
Eggert
Sigurz, sem
varð fyrir
alvarlegri
hnífsstungu-
árás á lög-
manns-
stofunni
Lagastoð
þann 5. mars
síðastliðinn,
er á góðum
batavegi. Skúli dvelur enn á Land-
spítalanum en á dögunum fékk hann
þó bæjarleyfi og fór í bíltúr með eig-
inkonu sinni og vini. Í DV á miðviku-
dag kom fram að læknum sem komið
hafa að meðferð Skúla frá árásinni,
þyki ekkert annað en kraftaverk
hversu góðum bata hann hefur náð.
Ljóst er að Skúli býr yfir miklum bar-
áttuanda og leggur mikið á sig til að
ná framförum.
Fréttir vikunnar í DV
1 2 3
Á
tök voru fyrir utan Bauhaus
á sunnudag þegar fjöldi fólks
reyndi að komast út af bíla-
stæði verslunarinnar. Bygg-
ingavöruverslunin var opnuð
við hátíðlega athöfn daginn áður en
stöðugur straumur var í verslunina
alla helgina. Mikið umferðaröng-
þveiti myndaðist fyrir framan versl-
unina, og á veginum sem tengir hana
við Vesturlandsveg voru sumir öku-
menn sem lentu í hnútnum veru-
lega pirraðir. Það varð meðal annars
til þess að tveir ökumenn óku utan í
hvorn annan.
Orðaskipti út um gluggann
Ökumennirnir tveir voru báðir að
reyna að koma sér út af bílastæðinu
fyrir framan Bauhaus þegar árekst-
urinn varð. Báðir voru þeir að reyna
að koma sér úr bílastæði og inn í
röð bíla sem ekið var frá húsinu. Það
gekk þó ekki vel og voru fáir tilbúnir
að hleypa ökumönnunum inn í röð-
ina. Þegar annar þeirra komst loksins
inn í röðina varð hinn ökumaðurinn
ósáttur við að sá hinn sami ætl-
aði ekki að hleypa sér líka í röðina.
Mennirnir skiptust á orðum, að sögn
sjónarvotts, sem enduðu í öskrum út
um opna bílgluggana.
Þegar röðin mjakaðist svo áfram
héldu báðir bílarnir akstrinum áfram
og endaði það með því að mennirn-
ir óku á hvorn annan. Ökumennirnir
létu ekki segjast þegar bílarnir snert-
ust og héldu akstrinum áfram. Starfs-
maður byggingavöruverslunarinnar
var á þessum tímapunkti kominn á
bílastæðið til að reyna að tala menn-
ina til.
Ekki liggur fyrir hvort lögreglan
hafi verið kölluð á staðinn en ekki
er færsla um málið í dagbók lögregl-
unnar frá því um helgina.
Ekki á borð framkvæmdastjórans
Eins og áður hefur verið greint frá
lögðu þúsundir manna leið sína í Bau-
haus um helgina og er talað um að
6.000 einstaklingar hafi mætt á opn-
unina sjálfa, sem haldin var hátíð-
lega síðastliðinn laugardagsmorgun
klukkan 8.00. Það samsvarar tæplega
tveimur prósentum þjóðarinnar. Hall-
dór Óskar Sigurðsson, framkvæmda-
stjóri Bauhaus, segist ánægður með
viðtökurnar og segir að stöðugur
straumur fólks hafi verið í verslunina
í vikunni. „Það er náttúrulega ekkert
miðað við það sem var um opnunar-
helgina,“ segir hann og bætir við að
aðsóknin hafi verið jöfn og góð frá því
að verslunin var opnuð. „Hér eru allir
með bros á vör og virkilega sáttir.“
Halldór kannast ekki við átökin
á bílastæðinu en segir að vissulega
hafi verið mikil örtröð á bílastæðinu.
„Það má vel vera að menn hafi ver-
ið ósáttir við eitthvað en ég hef ekki
heyrt af þessu,“ segir hann aðspurður
um málið. „Allir sem ég sá úti á plani,
og ég fór oft út á plan, voru bara með
bros á vör og kátir að komast í þessa
nýju verslun og kynnast þessu hjá
okkur. Ég held að það hafi verið já-
kvæðni almennt hjá fólki en auðvi-
tað eins og gengur og gerist geta verið
alltaf svartir sauðir inn á milli en ég sá
þá ekki.“
Átök í Bauhaus
n Tveir menn tókust á á bílastæðinu n Óku utan í hvorn annan„Hér eru
allir með
bros á vör og
virkilega sáttir
Aðalsteinn Kjartansson
blaðamaður skrifar adalsteinn@dv.is
Pakkað Mikið umferðaröngþveiti
myndaðist í kringum Bauhaus um
helgina. Mikil aðsókn var og talaði
framkvæmdastjórinn um þjóð­
hátíðarstemmingu. Mynd Eyþór ÁrnasOn
Til fundar við
gamla kærustu
Ástin fær fólk til að gera furðuleg-
ustu hluti og stundum leggur það
sig í hættu hennar vegna. Þannig
var um mann sem fór til fundar við
gamla kærustu í ónefndri blokk
eina nóttina. Vonbiðillinn lét ógert
að hringja dyrabjöllunni en klifr-
aði þess í stað upp á svalir íbúðar á
þriðju hæð og barði þar í rúðuna.
Heimilisfólkið vaknaði við lætin
og sá manninn á svölunum. Í til-
kynningu frá lögreglu kemur fram
að honum hafi ekki verið boðið
til stofu enda kannaðist enginn á
heimilinu við gömlu kærustuna
né hinn óboðna nátthrafn. Mað-
urinn fór því aftur sömu leið og
hann kom og gekk síðan nánast í
flasið á lögreglunni. Ekki raskaði
hann næturró fleiri manna þessa
nótt og engum frekari sögum fer af
endurfundum mannsins og gömlu
kærustunnar. 
Tuttugu
árekstrar
Árekstur.is fékk á miðvikudag til-
kynningar um tæplega tuttugu
óhöpp í umferðinni. Þar af voru
tvö umferðaróhöpp sem urðu
vegna umferðar hjólreiðafólks.
Fyrra óhappið varð með þeim
hætti að hjólreiðamaður var á
ferð á Miklubraut til austurs á
hægri akrein þar sem leyfilegur
hámarkshraði er 80 kílómetrar á
klukkustund. Ökumaður þurfti að
nauðhemla til þess að lenda ekki á
hjólreiðamanninum og í kjölfarið
náði bifreiðin fyrir aftan ekki að
hemla í tæka tíð og varð því all-
harður árekstur.
Þá varð einnig óhapp í Hafnar-
firði þar sem hjólreiðamaður hjól-
aði á mikilli ferð yfir gangbraut
sem varð til þess að bíll sem kom
aðvífandi þurfti að nauðhemla til
að aka ekki á hjólreiðamanninn.
Við það fékk hann annan bíl aftan
á sig.
Árekstur.is hvetur ökumenn
og ekki síður hjólreiðafólk til að
vanda sig betur í umferðinni og
sýna tillitssemi. Hjólreiðafólk sést
oft og tíðum ekki vel í umferðinni
og á ekki heima á stofnbrautum
þar sem hámarkshraði er mikill.