Dagblaðið Vísir - DV - 11.05.2012, Qupperneq 12

Í
umræðunni reikna menn frekar
með því að það verði breytingar,“
segir Árni Páll Árnason, þingmað-
ur Samfylkingarinnar, aðspurður
hvort hann telji nauðsynlegt að
Samfylkingin skipti um formann
fyrir næstu kosningar. Margt þykir
benda til þess að Árni Páll ætli sér að
taka slaginn við Jóhönnu Sigurðar-
dóttur um formannsstólinn, fari svo
að hún sækist eftir endurkjöri. Jó-
hanna hefur frekar talað á þeim nót-
um að hún ætli sér að leiða Samfylk-
inguna í næstu kosningum. Árni Páll
hefur forðast að lýsa með afgerandi
hætti yfir formannsframboði.
Árni Páll var til að mynda spurður
hvort hann teldi sjálfur að skipta ætti
um formann í Sprengisandi, þætti
Sigurjóns M. Egilssonar á Bylgjunni.
Þar sagði hann staðreynd að talað
væri um nauðsyn þess að Jóhanna
viki og vitnaði í orð Össurar Skarp-
héðinssonar utanríkisráðherra sem
talað hefur fyrir breytingum í forystu
flokksins.
Árni Páll hefur raunar ekki gefið
skýr svör um hvort hann ætli í slag-
inn um formanninn eða ekki. Þó má
greina að innan Samfylkingarinnar
eru afar fáir sem efast um metnað
hans til starfans. Segja margir raun-
ar að hann hafi þegar hafið eigin
kosningabaráttu og að persónulegur
metnaður Árna Páls sé farinn að
hafa veruleg áhrif á trúverðugleika
stjórnarmeirihlutans á tíma þegar
ríkisstjórn með eins manns meiri-
hluta reyni að koma mörgum sínum
stærstu málum í gegn.
Kemur af fjöllum
„Við erum bara í öðrum fasa núna og
erum að vinna mál í gegnum þing-
ið,“ segir Árni Páll aðspurður hvenær
megi búast við formlegri tilkynn-
ingu frá honum um framboð til for-
manns. „Ég hef ekki tekið ákvörðun
um það. Það er erfitt að gera fyrr en
fyrir liggur, hvort og með hvaða hætti
til formannskjörs kemur.“ Árni gaf lít-
ið fyrir vangaveltur um hvort hann sé
meðvitað að fresta formlegri tilkynn-
ingu um framboð á meðan stjórn-
armeirihlutinn glímir við mörg og
umdeild mál. „Nú kem ég bara af
fjöllum, ég er ekki í neinni baráttu,“
segir Árni Páll um það hvort hann
viti til þess að pirrings gæti innan
þingflokks Samfylkingarinnar vegna
gagnrýni hans á einstaka stefnu-
mál ríkisstjórnarinnar sem tengd
hefur verið við hugsanlegt for-
mannsframboð hans. „Ég skil ekki af
hverju nokkur maður á að hafa horn
í síðu minni út af nokkrum sköpuð-
um hlut,“ segir Árni Páll aðspurður
hvort hann greini óánægju með hans
störf innan þingflokksins. Hann seg-
ist ekki hafa vitneskju um persónu-
legan pirring eða ósamstöðu innan
þingflokks Samfylkingarinnar. Ólík-
ar skoðanir séu innan hópsins en að
ágreiningur sé eðlilegur og málefna-
legur. „Ég skynja enga óvild í minn
garð og ég ber ekki kala til nokkurs
manns.“
„Sorrí Stína“
„Árni Páll er að máta formannsbræk-
ur,“ svaraði Össur Skarphéðinsson,
utanríkisráðherra og fyrrverandi for-
maður Samfylkingarinnar, vangavelt-
um lesenda DV á Beinni línu síðast-
liðinn miðvikudag. Össur sagði þá
fleiri nöfn hafa verið nefnd til dæmis
Katrínu Júlíusdóttur iðnaðarráðherra
og Dag B. Eggertsson, varaformann
flokksins og oddvita í í Reykjavík. „En
formaðurinn heitir Jóhanna,“ sagði
Össur sem tók af allan vafa um hvort
hann sækist sjálfur eftir formanns-
embættinu. „Ég er saddur formanns-
daga. Það er afgreitt mál. Sorrí Stína,“
svaraði hann vangaveltum um að
hann fari fram gegn Jóhönnu Sigurð-
ardóttur, sitjandi formanni.
Össur virðist svartsýnn á gengi
ríkisstjórnarflokkanna í næstu kosn-
ingum. „Ef kraftaverk eru undanskil-
in gæti Samfylkingin tæpast myndað
tveggja flokka stjórn með nema ein-
um. Mér finnst hins vegar skemmti-
legast í margflokka stjórnum, eða
minnihlutastjórnum.“ Hann telur
þó ekki útilokað að Samfylkingin og
Sjálfstæðisflokkur gætu myndað rík-
isstjórn saman og sagðist vera á móti
kosningabandalögum.
Bæði Steingrímur J. Sigfússon,
formaður VG, og Jóhanna hafa lýst
yfir vilja sínum til að Samfylking og
VG gangi bundin til næstu kosninga.
Guðfaðir uppreisnarinnar
„Ég tel að þegar við endurnýjum for-
ystuna eigi að fara niður um tvær kyn-
slóðir og tefla fram ungum en reynd-
um leiðtoga,“ sagði Össur við Áramót
Viðskiptablaðsins. Hann sagði ljóst
að afar erfitt yrði fyrir fyrir Samfylk-
inguna að ganga til kosninga eftir
erfið ríkisstjórnarár og ákvarðanir í
kjölfar efnahagshrunsins án þess að
hafa endurnýjað forystu flokksins. Af
þessum sökum hefur Össur gjarnan
verið talinn guðfaðir uppreisnarinn-
ar gegn Jóhönnu á flokkstjórnarfundi
Samfylkingarinnar um áramótin. Þá
vakti nefnilega athygli að tillaga fyrir
flokkstjórnarfundi um síðustu áramót
var að mestu bein tilvitnun í orð Öss-
urar í viðtalinu.
Lagt var til að landsfundi yrði
flýtt og hann haldinn að hausti árs-
ins 2012 en ekki í ársbyrjun 2013, líkt
og venjur flokksins segja til um. Þótt
talsmenn hópsins hafi þá ekki viljað
túlka tillöguna sem vantraustsyfir-
lýsingu á Jóhönnu er óhætt að full-
yrða að sérstök áhersla hópsins á að
ekki væri kallað eftir aukalandsfundi,
heldur tilfærslu á landsfundi gefi vís-
bendingu um raunveruleg tildrög
tillögunnar. Lög Samfylkingarinnar
heimila nefnilega ekki að fram fari
kosningar til æðstu stjórnar flokksins
á svokölluðum aukalandsfundum.
Árni PÁll mÁtar
formannsbrækur
12 Fréttir
„Nú kem ég bara af
fjöllum, ég er ekki í
neinni baráttu.
n Formannsslagur getur veikt ríkisstjórnina n Fimm mögulegir arftakar Jóhönnu
Atli Þór Fanndal
blaðamaður skrifar atli@dv.is
Arftakar
Jóhönnu?
Guðbjartur Hannesson
n Er tiltölulega
óumdeildur og nýtur
velvildar innan Sam-
fylkingarinnar. Þá þykir
Guðbjartur líklegri en
Dagur og Árni Páll til að
sækja fylgi á landsbyggðinni. Stjórn-
málaferill Guðbjarts er þó ekki flekklaus
því þáttur hans í Árbótarmálinu og
það sem margir töldu ófullnægjandi
niðurstöðu úr starfi sáttanefndar um
breytingar á fiskveiðistjórnarkerfinu,
styrkir stöðu hans líklega ekki. Þá má
nefna að Guðbjartur hefur orð á sér fyrir
að vera ekki nægilega framtakssamur.
Árni Páll Árnason
n Kunnugir innan flokksins
þykjast vita að Árni
Páll hafi metnað til
formannsstöðunnar.
Árni þykir ekki líklegur
til að höfða til þeirra sem
vinstra megin eru í flokknum
en sækir þó töluverðan styrk hægra
megin í Samfylkingunni. Hann þykir
einnig njóta nokkurs fylgis út fyrir Sam-
fylkinguna. Hlutur hans í Árbótarmálinu
sem og gagnrýni á kjarasamninga eru
ekki til þess fallin að styrkja stöðu hans.
Þá hefur Árni orð á sér fyrir að reyna um
of að hanna atburðarásina og er sagður
stunda klækjastjórnmál langt umfram
það sem góðu hófi gegnir.
Dagur B. Eggertsson
n Þykir góður verks-
stjóri og þægilegur
að vinna með. Dagur
sækir þó fylgi sitt
nánast eingöngu
frá Reykjavík. Þá hafa
tengsl hans við Ingibjörgu Sólrúnu
Gísladóttur, fyrrverandi formann Sam-
fylkingarinnar, oft verið talið honum
til vansa. Afar ólíklegt er að Dagur nái
að sækja fylgi utan Samfylkingarinnar,
eitthvað sem ekki er líklegt til að
teljast styrkur fyrir formann sem leiða
þarf flokkinn beint í kosningar eftir
erfitt starf í ríkisstjórn.
Katrín Júlíusdóttir
n Iðnaðarráðherra í
barneignarleyfi. Katrín
er vel liðin innan Sam-
fylkingarinnar og þykir
hafa staðið sig vel sem
ráðherra. Katrín hefur
setið á þingi fyrir Samfylkinguna frá
árinu 2003. „Gleymum því ekki að í
Samfylkingunni eigum við konu sem
er tiltölulega kornung í pólitísku tilliti
en hefur meiri ráðherrareynslu en jafn-
aldrar hennar á þingi,“ sagði Össur um
Katrínu í áramótariti Viðskiptablaðs-
ins og lagði áherslu á ágæti hennar.
Sigríður Ingibjörg Ingadóttir
n Formaður fjárlaga-
nefndar Alþingis fyrir
hönd Samfylkingar.
Hún var nefnd sem
einn fjórmenninganna
í Samfylkingunni sem
hefðu ráðið úrslitum um ákærurnar
gegn Geir H. Haarde en hún vildi
ákæra þrjá ráðherra af fjórum. Össur
nefndi Sigríði Ingibjörgu sem dæmi
um aðila innan flokksins sem í búi gott
forystuefni. Þá mun Sigríður Ingibjörg
hafa komið til tals sem hugsanlegt
formannsefni á fundi kvennahreyf-
ingar Samfylkingarinnar.
Árni Páll Árnason Þykir hafa persónulegan metnað til að taka slaginn við Jóhönnu
Sigurðardóttur um formann Samfylkingarinnar.
11.–13. maí 2012 Helgarblað