Dagblaðið Vísir - DV - 07.01.2013, Qupperneq 13

Erlent 13Mánudagur 7. janúar 2013
n Faðir nauðgunarfórnarlambs á Indlandi opnar sig n Vill dauðarefsingu
Bílaverkstæði
Varahlutaverslun
Smurstöð
Dekkjaverkstæði
Bremsur,
spindilkúlur,
stýrisendar,
o.fl., o.fl.
Allar gerðir
bætiefna fyrir
vél, drif
og gírkassa
www.bilaattan.is
Allt á einum stað
Aftur hitnar í kolunum
V
ið viljum fá Falklandseyj-
arnar aftur, var í megin-
dráttum krafa Christinu
Fernandez de Kirchner, sitj-
andi forseta Argentínu, til
bresku ríkisstjórnarinnar í ársbyrjun.
Nú, þegar þrjátíu ár eru liðin frá lok-
um Falklandseyjastríðsins, er spenna
aftur komin upp á milli breskra og
argentínskra stjórnvalda. Það stríð
endaði með ótvíræðum sigri Breta.
Christina Fernandez de Kirch ner
segir í opnu bréfi til Davids Camer-
on, forsætisráðherra Bretlands, sem
ritað var þann 3. janúar, að Bretum
beri að skila eyjunum en þeir tóku
þær með herafli fyrir 180 árum. Þá
voru þær undir yfirráðum Argent-
ínumanna, en Bretar höfðu sett upp
skilti á eyjunum þar sem fullyrt var
að þær tilheyrðu bresku krúnunni.
Forsetinn ásakaði Breta um að reka
hömlulausa nýlendustefnu á svæð-
inu.
„Það verða engar viðræður“
Svar Breta var ekki lengi að berast.
Sama dag og forsetinn birti opna
bréfið sendi breska utanríkisráðu-
neytið frá sér yfirlýsingu þar sem
þvertekið var fyrir að hefja samn-
ingaviðræður um yfirráð yfir eyjun-
um. Bretar vitnuðu í kosningu íbúa
eyjanna, sem leiddi í ljós vilja þeirra
til að vera undir stjórn Breta. Eyja-
skeggjar munu kjósa aftur um mál-
ið í mars.
„Það eru þrjár hliðar á þessari
deilu, ekki bara tvær eins og Argent-
ínumenn vilja vera láta. Taka verð-
ur tillit til eyjaskeggja. Það verða
því engar viðræður um fullveldi
Falklandseyjanna nema eyjaskeggj-
ar óski þess sjálfir,“ segir í yfirlýsingu
utanríkisráðuneytisins.
„Ekki nýlenda“
„Við erum ekki nýlenda,“ segir Barry
Elsby, þingmaður Falklandseyja,
við CNN: „Við höldum sambandi
við Bretland af fúsum og frjálsum
vilja.“ Annar þingmaður, Gavin
Short, segir að ekki kæmi til greina
að Falklandseyjarnar færðust undir
stjórn Argentínu: „Við höfum svo
sannarlega enga löngun til að láta
stjórna okkur frá Buenos Aires,“ segir
Short: „Það væri hverjum manni ljóst
sem heimsækti eyjarnar og heyrði
okkar hlið á málinu.“
Þess skal getið að mikill meirihluti
íbúa er af bresku bergi brotinn, um
sjötíu prósent þeirra eru frá Bret-
landseyjum.
Ólympíufarar setja sig í
stellingar
Argentínumenn hafa sífellt ögrað
Bretum vegna eyjanna í gegnum tíð-
ina, nú síðast fyrir Ólympíuleikana
í fyrra. Þá var tekið upp myndband
á eyjunum þar sem Ólympíufarar
Argentínu sáust æfa sig. Undir lokin
birtust textaskilaboð: „Til þess að búa
sig undir keppni á breskri grundu,
þá æfum við okkur á argentínskri
grundu.“
Óneitanlega komst deilan í há-
mæli þegar argentínska herstjórnin
gerði innrás í eyjarnar árið 1982.
Stríðið um eyjarnar stóð í 74 daga, en
þar féllu 645 Argentínumenn og 255
Bretar. Því lauk sem áður segir með
sigri Breta.
Deilan ristir djúpt
Deilan á sér djúpar rætur en Bretar
gerðu tilkall til eyjanna á átjándu
öld, en vissu ekki að Frakkar voru
þá þegar búnir að setjast þar að. Síð-
ar eignuðust Spánverjar eyjarnar frá
Frökkum. Raunar var því spænska
tilkallið eldra, en báðar byggðir
höfðu þó lagst af í byrjun nítjándu
aldarinnar, eftir stóðu mannlaus-
ar kröfur – spjöld þar sem spænska
krúnan annars vegar og breska hins
vegar lýsti yfir yfirráðum sínum á eyj-
unum.
Stuttu eftir að Argentínumenn
lýstu yfir sjálfstæði árið 1816 gerðu
þeir tilkall til eyjanna og komu sér
þar fyrir. Bretar snéru aftur til eyj-
anna árið 1833, sögðu argentínska
setuliðinu að taka föggur sínar og
fara, sem þeir gerðu – en ekki mót-
mælalaust. Síðan hafa Argentínu-
menn sagt eyjarnar sínar og kalla
þær Las Malvinas. n
n Deilan um Falklandseyjar magnast aftur n Bretar yppta öxlum
Símon Örn Reynisson
blaðamaður skrifar simon@dv.is
Kemur ekki til greina Bretar segja það ekki koma til greina að Argentínumönnum verði
veitt yfirráð yfir eyjunum, nema eyjaskeggjar krefjist þess sjálfir. Það er mjög ólíklegt, enda
eru þeir langflestir af bresku bergi brotnir.
Vill eyjarnar aftur Christina Fernandez de Kirchner, forseti Argentínu, sagði í opnu bréfi
að Bretar stunduðu hömlulausa nýlendustefnu í Suður-Atlantshafi og krafðist þess að
Argentína fengi yfirráð yfir Falklandseyjum.
Hörmuleg
slys á Ítalíu
Snjóflóð varð tveimur að bana í
Fiemma-dalnum í Trento-héraði
á norðausturhluta Ítalíu á laugar-
dag. Daginn áður létust sex Rússar
þegar snjóbíll sem þeir voru í valt
fram af hengju. Fiemma-dalurinn
er vinsæll meðal ferðamanna yfir
vetrartímann enda þykja skíða-
brekkurnar þar með þeim bestu í
Evrópu.
Ítölsku skíðamennirnir voru
báðir vanir skíðamenn og hafði
annar þeirra unnið sem leið-
sögumaður á svæðinu. Rúss-
nesku ferðamennirnir voru á ferð
í myrkri þegar slysið varð og að
sögn ítölsku lögreglunnar er talið
að þeir hafi tekið ranga beygju
með fyrrgreindum afleiðingum.
Árásum á
kennara fjölgar
Grunnskólabörn í Bretlandi virð-
ast vera árásargjarnari en áður
ef marka má tölur yfir árásir sem
breskir kennarar urðu fyrir af
hálfu nemenda sinna árið 2011.
Rétt rúmlega átta þúsund tilvik,
þar sem nemendur beittu kennara
sína líkamlegu ofbeldi, voru til-
kynnt til breska kennarasam-
bandsins á síðasta ári en tölurn-
ar ná yfir nemendur á aldrinum
fjögurra til ellefu ára. Aldrei áður
hefur fjöldinn verið svona mikill
en kennarasambandið óttast þó
að árásirnar hafi verið mun fleiri
þar sem því fari fjarri að öll atvik
séu tilkynnt. 7.800 nemendur voru
reknir úr skóla tímabundið en 200
hlutu varanlega brottvikningu.