Dagblaðið Vísir - DV - 14.01.2013, Page 22

22 Menning 14. janúar 2013 Mánudagur
„Óður minn til náttúrunnar“
n Ljósmyndasýningin Eldur-Ís í Ráðhúsi Reykjavíkur
Þ
etta er óður minn til nátt-
úrunnar og þess sem við
eigum dýrmætast á þessu
fallegu landi okkar, seg-
ir ljósmyndarinn Einar Ólafsson
um ljósmyndasýningu sína Eldur
– Ís sem var opnuð í Tjarnarsal í
Ráðhúsi Reykjavíkur síðastliðinn
laugardag. Þetta er fyrsta einka-
sýning Einars sem hefur langa
reynslu að baki í ljósmyndun. Við-
fangsefni sýningarinnar er há-
hitasvæði Íslands sem er sýnt frá
óvenjulegu sjónarhorni.
„Þetta er tekið á háhita- og jarð-
varmasvæðum, nánar tiltekið á
fjórum stöðum á landinu. Þetta er
tekið í Mývatnssveit og þar í kring,
á Snæfellsnesi, í Hveragerði og á
Reykjanesi,“ segir Einar í samtali
við DV um sýninguna en hann seg-
ir henni vera ætlað það hlutverk að
stuðla að ákveðinni vitundarvakn-
ingu varðandi umgengni við há-
hitasvæðin á Íslandi sem var að
sögn Einars frekar slæm að hluta
til hér áður fyrr en til mikillar prýði
í dag.
„Þetta er til að sýna fram á skyn-
samlega nýtingu þessara svæða án
þess að skemma neitt. Sem betur
fer hefur orðið mikil vitundarvakn-
ing í landinu og hjá þessum fyrir-
tækjum sem sinna nýtingu þessara
orkugjafa okkar. Þau hafa öll stað-
ið sig með miklum sóma undan-
farin ár. Það sést best á nokkrum
stöðum á landinu. Ef maður fer til
dæmis suður á Reykjanesið þá sést
hvernig þeir standa virkilega vel að
virkjun jarðvarma. Eins og hvernig
Landsvirkjun lætur þessa nýtingu
falla inn í náttúruna. Það er fallega
gengið frá þessu og með mikilli
virðingu.
Sýningin er opin á opnunar-
tíma Ráðhússins í Reykjavík til 20.
janúar næstkomandi sem verður
síðasti sýningardagurinn.
birgir@dv.is
I
‘m Talking About You ku vera
fimmta plata Geirs Ólafssonar
og allir sem þekkja til íslenskrar
tónlistar vita að þar er enginn
nýgræðingur á ferð. Fyrir ein-
hverra hluta sakir hefur hann gjarna
verið talinn skemmtikraftur eða „per-
former“ frekar en listamaður sem
bæri að taka alvarlega. Hvað sem
vangaveltum þar að lútandi líður er
Geir gæddur eiginleika sem ég hef
ávallt dáðst að í fari þeirra sem hafa
lagt fyrir sig list af einhverju tagi;
heiðarleika og tryggð gagnvart sjálf-
um sér og sinni sköpun. Geir hefur
aldrei reynt að þóknast öðrum með
það það að markmiði að hljóta náð í
þeirra augum og fyrir þær sakir, hugs-
anlega, sætt fordómum í tónlist sinni.
En allt að einu. I‘m Talking About
You verður seint talið tímamóta-
verk enda er mér til efs að slíkt hafi
vakað fyrir Geir er hann lagði upp í
þá vegferð sem vinna við hljómplötu
er. Upphafslag plötunnar er smellur
Michaels Jackson heitins Beat It og
óhætt að segja að upphafið lofar góðu.
Útsetningin er skemmtilega ólík því
sem fólk á að venjast. Einhverra hluta
vegna datt mér Tom Jones í hug er ég
hlýddi á Beat It Geirs án þess þó að
nokkur líkindi væru með rödd þeirra
tveggja.
Síðan koma þau hvert af öðru lög-
in; titillagið eftir meistara Jóhann G.
Jóhannsson, Lady in Red sem Chris
de Burgh gerði frægt hér fyrr meir og
In the Still Of the Night eftir Cole Port-
er og sex lög að auki, öll ágætlega flutt.
Besame Mucho hefur löngum ver-
ið í uppáhaldi hjá mér, en ég varð fyrir
örlitlum vonbrigðum er ég hlýddi á
Geir flytja það lag. Einhvern veginn
var eins og hann væri helst nískur á
lengd orðanna, eins og hann hyggi á
enda þeirra í stað þess að leyfa þeim
að lifa eilítið lengur. Reyndar fannst
mér í mörgum lögum svo augljóst að
þar væri Íslendingur að syngja á er-
lendu tungumáli, sem eðli málsins
samkvæmt er jú staðreynd.
Geir hefur löngum verið talinn
Frank „Bláskjár“ Sinatra okkar Ís-
lendinga og oftar en ekki aflað fanga
í smiðju hans og annarra tónlistar-
manna af sama meiði. Enginn skyldi
velkjast í vafa um að á því sviði liggja
hæfileikar Geirs og þessi plata er í
anda þess sem aðdáendur hans hafa
vænst og krefst ekki mikils af hlust-
endum. Hún rennur ágætlega ljúft
frá fyrsta lagi til þess hinsta, hljóð-
færaleikur allur hinn áheyrilegasti og
ljóst að þar er valinn maður í hverju
rúmi. Umslag er í anda innihaldsins
og skírskotun til söngvara sem kall-
aðir voru „crooners“ áður fyrr og eru
enn. Frank Sinatra þvertók þó fyrir
það í viðtali að hann tilheyrði þeim
hópi söngvara. Hvað sem því líður þá
er platan I‘m Talking About You fín-
asti gripur, ærleg plata ærlegs lista-
manns. n
Ég er að tala um þig
Tónlist
Kolbeinn Þorsteinsson
kolbeinn@dv.is
I‘m Talking About You
Geir Ólafs
Útgefandi: Zonet/Stef 2012
32 mínútur
Beat It Geir leitar á plötu sinni í smiðju margra þekktra listamanna – meðal annarra
Michaels heitins Jackson.
Geir Ólafsson „Ærleg
plata ærlegs listamanns“
Ein besta
sýning ársins
Aftenposten í Noregi útnefndi
Hamskipti, sýningu Vesturports,
sem eina af bestu sýningum ársins
í nýlegri menningarúttekt.
Í sýningunni léku þau Gísli Örn
Garðarsson, Nína Dögg Filippus-
dóttir og Ingvar E. Sigurðsson og
sá Gísli Örn um leikstjórn. Sýn-
ingin gekk fyrir fullu húsi í Noregi í
nokkrar vikur í byrjun árs 2012.
Enter 4 plata
ársins hjá
Grapevine
Tímaritið Grapevine hefur
valið plötu hljómsveitarinnar
Hjaltalín, Enter 4, bestu plötu
ársins. Þetta er í fyrsta sinn sem
tímaritið velur plötu ársins og
fékk það dómnefnd til liðs við
sig. Í dómnefndinni sátu þau
Andri Freyr Viðarson, Kamilla
Ingibergsdóttir og Bob Clunes,
blaðamaður Grapevine, sem
sammæltust um að platan
væri tímamótaverk sem myndi
verða klassískt með tímanum.
Enter 4 fékk fjóra og hálfa
stjörnu hjá gagnrýnanda DV.
Aukasýning
á Macbeth
á miðvikudag
Þeir sem vilja sjá eina umtöl-
uðustu sýningu landsins verða
að tryggja sér miða sem allra
fyrst. Macbeth, sýning Benedicts
Andrews verður aðeins sýnd til 1.
febrúar næstkomandi. Á miðviku-
dag er aukasýning vegna eftir-
spurnar. Valur Grettisson í Djöfla-
eyjunni, segir á heimasíðunni
reykvelin.is að sýningin sé frábær.
„Stjarna sýningarinnar er Bene-
dict Andrews sem tekst að virkja
alla þá hæfileika sem finna má í
Þjóðleikhúsinu og samstilla þá
með þeim hætti að úr verður frá-
bær leiksýning.“
Háhitasvæði Á
sýningu Einars má finna
myndir sem hann tók af
háhitasvæðum á Íslandi.