Dagblaðið Vísir - DV - 11.03.2013, Page 6

6 Fréttir 11. mars 2013 Mánudagur
n Aðeins örfáir úr hópi nýútskrifaðra lögreglumanna komnir með vinnu
Fá ekki vinnu
vegna fjárskorts
A
f tuttugu nemendum sem
útskrifuðust frá Lögreglu­
skóla ríkisins í desember
síðastliðnum eru aðeins sjö
komnir með störf sem lög­
reglumenn. Fimm af þeim störfum
eru tímabundnar ráðningar og ekk­
ert þeirra er á höfuðborgarsvæðinu.
Nýútskrifaðir lögreglumenn sem DV
hefur rætt við óttast að fá ekki vinnu
og segja ástandið vera slæmt. Þrátt
fyrir það virðist vanta lögreglumenn.
Starfsmannastjóri lögreglunnar á
höfuðborgarsvæðinu segir lögreglu­
mönnum hafa fækkað mikið undan­
farin ár vegna niðurskurðar og fjár­
skorts.
Vita ekki hvort þau verði ráðin
„Við höfum verið að reyna fá svör frá
starfsmannahaldinu um sumarráðn­
ingar en fáum engin nema bara að
það sé hvorki vitað hvernig þetta verð­
ur né hve margir verði ráðnir inn,“
segir kona sem er á meðal þeirra sem
útskrifuðust í desember. Hún segir
útskriftarnema hafa áhyggjur af því
að fá ekki vinnu en flestir þeirra hafi
verið án atvinnu síðan þeir útskrif­
uðust. Þó hafi dregið til tíðinda nú í
mánuðinum þegar að þrír voru ráðnir
við landamæraeftirlit í Keflavík. Tve­
ir hafa svo fengið vinnu tímabundið á
Ísafirði og aðrir tveir hafa fengið fimm
ára skipun á Ólafsfirði annars vegar
og Patreksfirði hins vegar.
Erfitt með að ráða sig annað
Þeir sem eftir sitja eiga erfitt með að
ráða sig í önnur störf tímabundið þar
sem þeir vonist eftir að fá að starfa
sem lögreglumenn og vilja vera
reiðubúnir ef kallið berst. Undan­
farin ár hafi það verið þannig að það
hafi ekki allir útskriftarnemar feng­
ið vinnu strax að lokinni útskrift en
flestir hafi komist í sumarafleysingar
og yfirleitt í áframhaldandi störf að
því loknu en þá sé ráðið til þriggja
mánaða í senn og því starfsöryggið
ekki mikið. Ástandið sé þó sérlega
slæmt í ár þar sem fáir séu komnir
með vinnu og ekki vitað hvort allir
verði ráðnir inn í sumarafleysingar.
„Fólk er oft lausaráðið í nokkur ár
áður en það fær fastráðningu.“ Nú
hafa þau hins vegar áhyggjur af því
að fá ekki heldur sumarráðningu.
„Ég held að flestir úr hópnum séu
búnir að vera á atvinnuleysisbótum
síðan við útskrifuðumst,“ segir kon­
an sem finnst það afar sorgleg stað­
reynd þar sem fólkið vilji gjarnan
komast í vinnu en eigi erfitt með að
ráða sig annað þar sem það vonist
eftir ráðningu. Auk þess haldist það
ekki í æfingu á meðan.
Ekkert samstarf á milli
„Það er sérstakt að fara í svona sér­
hæfðan skóla með miklar vonir svo er
maður bara skilinn eftir í atvinnuleysi
og ekkert í boði. Ég held að þeir séu
allir af vilja gerðir, þeir vilja fá okkur
en þetta er bara spurning um pen­
inga,“ segir maður úr sama útskriftar­
árgangi. Þau segjast bæði vita til þess
að það vanti lögreglumenn og þeir
sem fyrir eru séu undir miklu álagi.
Þetta strandi hins vegar á fjármagni.
Þeim þykir einkennilegt að svo
margir séu teknir inn í skólann ef það
er ekki öruggt að allir fái vinnu þar
sem tilgangurinn með náminu sé að
starfa sem lögreglumaður á Íslandi.
„Lögregluskólinn er sérembætti. Þeir
taka bara inn og það er í raun ekkert
samstarf þarna á milli um hvað vanti
af lögreglumönnum,“ segir konan og
heldur áfram: „Mér finnst að það ætti
ekki að taka svona marga inn ef það
er ekki öruggt að þeir fái vinnu. Það
er kostnaður fyrir ríkið að hafa svona
marga nema við nám sem nýtist svo
kannski ekki.“
Gleymist fljótt
Námið í Lögregluskólanum er þungt
og keyrt á miklum hraða á einu ári en
áður var námið tvö ár. Þau eru bæði
sammála um að það sé erfitt að bíða
jafnvel í fimm mánuði með að fara
vinna við það sem þau voru að læra.
„Við erum heilt ár að æfa okkur og
þetta gleymist fljótt ef maður held­
ur þessu ekki við,“ segir maðurinn.
„Við erum líka afar ósátt við af hverju
ekki er hægt að horfa fram á sumarið
aðeins fyrr. Við vitum í rauninni ekki
hvað bíður okkar. Við höfum heyrt
utan af okkur að það verði kannski
ráðnir inn tíu en við vitum ekkert um
það, þannig að þetta er mjög óþægi­
legt staða sem við flest erum í.“
Fjárskortur og niðurskurður
Sigríður Hrefna Jónsdóttir, starfs­
mannastjóri lögreglunnar á höfuð­
borgarsvæðinu, segir í svari við fyrir­
spurn DV að vegna niðurskurðar
undanfarin ár þá hafi lögreglu­
mönnum fækkað mikið. „Vegna fjár­
skorts og niðurskurðar hefur lög­
reglumönnum fækkað umtalsvert á
undanförnum árum, bæði á höfuð­
borgarsvæðinu sem og annars stað­
ar á landinu. Með hliðsjón af þessu er
ekki svigrúm til að ráða fleiri til starfa
en raun ber vitni.“ n
Viktoría Hermannsdóttir
blaðamaður skrifar viktoria@dv.is
„Ég held að
flestir úr
hópnum séu búnir
að vera á atvinnu-
leysisbótum síðan
við útskrifuðumst
Fá ekki vinnu
Meirihluti út-
skriftarnema frá
síðustu útskrift
í Lögregluskóla
ríkisins hafa ekki
fengið vinnu sem
lögreglu-
menn.
Auka þarf fjárveitingar
n Niðurskurður hjá lögreglu hefur numið 2,8 milljörðum frá hrunárinu 2008
Auka þarf verulega fjár-
veitingar til lögreglu á næstu
misserum. Þetta segir í svari
embættis ríkislögreglustjóra
við fyrirspurn DV. Athygli
vakti fyrir helgi þegar lög-
reglumaður á Þórshöfn, Jón
Stefánsson, fullyrti að koma
hefði mátt í veg fyrir dauða
manns sem varð úti eftir
þorrablót á Kópaskeri í lok
janúarmánaðar. Sagði lög-
reglumaðurinn að fjársvelti til
lögreglu hefði haft þau áhrif
að enginn lögreglumaður
var á vakt kvöldið þegar þorrablótið fór fram. Svavar Pálsson, lögreglustjóri á Húsavík,
vísaði þessu þó á bug í samtali við DV.is á föstudag.
Þó Svavar telji að ómögulegt sé að fullyrða um að bjarga hefði mátt lífi mannsins
tekur hann undir að ástandið í löggæslumálum í umdæminu sé mjög alvarlegt. Yfirstjórn
embættisins sé og hafi verið að vinna í því undanfarið. Lögreglustjórinn tekur undir að
ekki sé boðlegt að geta ekki haft lögreglumenn á vakt á mannamótum. „Það segir sig
sjálft,“ segir Svavar.
Niðurskurður hjá lögreglu hefur numið um 2,8 milljörðum króna frá árinu 2008, á
verðlagi ársins 2013 samkvæmt tölum ríkislögreglustjóra. Aðspurður segir Svavar að
embætti hans hafi fundið fyrir þessum niðurskurði eins og önnur.
„Við höfum einfaldlega ekki mannskap til þess að sinna öllu því sem við vildum sinna.
Það er bara staðreynd málsins. Það sem meira er er að ekki er heldur til reiðu mann-
skapur hjá nágrannaembættum til að styðja við sérstakar uppákomur í öllum tilvikum.
Stundum er það hægt, stundum ekki,“ segir Svavar.
Á síðasta ári átti Haraldur Johannessen ríkislögreglustjóri fundi með öllum lögreglu-
liðum landsins til að fara yfir stöðu lögreglumála og gerði hann innanríkisráðherra grein
fyrir stöðunni. Lagði hann áherslu á að niðurskurður hjá lögreglunni væri orðinn svo
mikill að í óefni stefndi og lagði hann til að fé yrði veitt sérstaklega til lögreglunnar með
áherslu á löggæsluna utan höfuðborgarsvæðisins.
Í fangelsi
í Tyrklandi
Davíð Örn Bjarnason, 28 ára Ís­
lendingur, var handtekinn á flug­
velli í Tyrklandi á föstudaginn og
verður leiddur fyrir dómara í dag,
mánudag. Hann er sakaður um
fornmunasmygl. Kærasta Davíðs,
Þóra Birgisdóttir, segir að hans bíði
þriggja til tíu ára fangelsisvist eða
8–24 milljóna króna sekt. Davíð
keypti marmarastein á markaði
í Tyrklandi og hugðist hafa hann
með sér heim til Svíþjóðar þar sem
hann er búsettur en tyrknesk yfir­
völd líta svo á að um hafi verið að
ræða smygl á fornminjum.
Þóra sagði frá því í fjölmiðlum á
sunnudaginn að þeim hefði aldrei
dottið í hug að ekki mætti flytja
steininn úr landi. Það hafi þeim
aldrei verið sagt. Þóra neyddist til að
skilja við Davíð þar sem hún þurfti
að snúa heim til þriggja barna.
„Ég er eiginlega bara dofin og veit
ekki almennilega hvernig mér líð­
ur. Þetta er eins og úr bíómynd og
maður hélt að svona lagað gæti ekki
hent mann,“ segir Þóra í samtali við
fréttavefinn Mbl.is. Hún er stödd í
Svíþjóð en hyggst halda til Íslands
eins fljótt og auðið er.
Endurkjörinn
formaður
Guðmundur Franklín Jónsson var
á sunnudag endurkjörinn formað­
ur Hægri grænna. Formannskjörið
fór fram á landsfundi flokks­
ins í gamla Heilsuverndarhúsinu
við Barónsstíg. Á fundinum voru
kosningaáherslur flokksins sam­
þykktar. Meðal þess sem samþykkt
var á fundinum var að tryggja ætti
nægilegt framboð félagsíbúða fyrir
tekjulágar fjölskyldur en einnig að
lífeyrissjóðirnir hafi aðkomu að
rekstri og útleigu íbúða fyrir eldri
borgara. „Flokkurinn vill strangt
aðhald í ríkisfjármálum og að fé,
sem greitt er úr ríkissjóði verði
sundurliðað og birt á hverjum degi
á sérstakri heimasíðu: fyrir hvað,
hver heimilaði útgjöldin og hverj­
um var greitt,“ sagði Guðmundur í
ræðu sinni sem formaður.
Mannorð svívirt
af samherjum
„Merkilegt hvað mörgum
finnst þeir eiga mikið erindi
inn á þing. Skyldi þetta fólk
vita að þingmennska er fyrir
flesta þingmenn valdalaust
tímabundið embætti nema þú
látir undan gífurlegum þrýstingi
og svíkir allt sem þú lofaðir
kjósendum,“ segir þingkonan
Lilja Mósesdóttir í stöðuupp­
færslu sem vakið hefur mikla
umræðu á Facebook. Lilja segir
að fyrir vikið hati kjósendur
þingmenn og að mannorð
þeirra fáu sem hafa kjark til að
halda í stefnumál sín sé svívirt.
„Oft með aðstoð samherja við­
komandi sem eru blindir af eig­
in hégómagirnd,“ segir hún.