Dagblaðið Vísir - DV - 22.07.2013, Blaðsíða 26

F
jölmiðlar í Bandaríkjunum og
víðar hafa logað síðustu daga
vegna sviplegs fráfalls hins
unga leikara Corey Monteith.
Corey fannst látinn á hótel-
herbergi í Vancouver laugardaginn
13. júlí og er talinn hafa látist úr of
stórum skammti af heróíni, aðeins
31 árs að aldri.
Corey er þekktastur fyrir hlutverk
sitt sem Finn Hudson í dramatísku
gamanþáttunum Glee. Hann hef-
ur glímt við áfengis- og lyfjafíkn um
margra ára skeið en langaði til að
sigrast á fíkninni og skráði sig til að
mynda í meðferð í apríl síðastliðn-
um með stuðningi frá kærustu sinni
og meðleikkonu í Glee, Leu Michele.
Vandræðaunglingur
Corey fæddist 11. maí 1982 í borginni
Calgary í Alberta í Kanada. Foreldrar
hans skildu er hann var sjö ára gam-
all svo hann og bróðir hans ólust upp
hjá móður sinni í Victoria í Bresku
Kólumbíu. Faðir Corey var hermað-
ur og hitti hann föður sinn því lítið
eftir skilnaðinn.
Corey var sannkallaður vand-
ræðaunglingur. Vímuefnaneysla
hans hófst strax á táningsaldri, en
13 ára gamall var hann byrjaður að
neyta bæði áfengis og kannabisefna
og varð strax háður efnunum. Hon-
um leið ekki vel í skóla og skrópaði
mikið, en 16 ára gamall gafst hann
upp á námi eftir að hafa flakkað á
milli 16 mismunandi skóla og hvergi
fundið sig. Árið 2011 lauk hann loks
stúdentsprófi frá einum af þeim 16
skólum í Victoria sem hann hafði
gengið í sem unglingur.
Komið í meðferð
Þegar hann var 16 ára var áfengis- og
vímuefnaneyslan orðin svo mikil að
Corey var farinn að snúa sér að smá-
glæpum til að fjármagna neysluna,
en hann stal til að mynda peningum
frá vinum og vandamönnum. 19 ára
gömlum var honum komið í með-
ferð af móður sinni og bestu vinum
og náði í kjölfarið að halda sér edrú
í nokkur ár. Corey hefur talað um að
hann hafi verið afar þakklátur fyrir að
hafa verið sendur í meðferð, hún hafi
hreinlega bjargað lífi hans, en eftir
meðferðina hóf hann að endurskoða
líf sitt og vinna í starfsframa sem leik-
ari og tónlistarmaður.
Hæfileikaríkur
Corey hóf ferilinn í Vancouver þar
sem hann náði að landa litlum hlut-
verkum í ýmsum sjónvarpsþáttum
og birtist auk þess í myndum á borð
við Final Destination 3, Whisper og
Deck the Halls. Það var ekki fyrr en
upptaka með honum að syngja 80‘s
slagarann Can‘t Fight This Feeling
sem honum tókst að næla í stærsta
hlutverk ferilsins sem íþróttastrák-
urinn Finn Hudson í söngþáttun-
um Glee. Þættirnir hófu göngu sína
árið 2009 og eru gríðarlega vinsælir
í Bandaríkjunum, en alls hafa verið
gerðar fjórar seríur og er sú fimmta
væntanleg í haust. Óvíst er þó hvern-
ig framleiðendur þáttanna munu
snúa sér í ljósi þess að einn aðalleik-
aranna er nú fallinn frá.
Lifði tvöföldu lífi
Fjölmiðlar greindu frá því nýverið að
Corey hafi í raun lifað tvöföldu lífi.
Hann hafi náð að halda fíkninni í skefj-
um á meðan hann var við tökur á Glee
í Los Angeles, en um leið og hann fór
aftur til heimaborgar sinnar, Vancou-
ver í Kanada, hafi hann djammað mik-
ið og neytt áfengis og fíkniefna svo
dögum skipti. Það er því ekki ólíklegt
að eitt slíkt djamm hafi dregið þennan
hæfileikaríka leikara til dauða. n
26 Fólk 22. júlí 2013 Mánudagur
B
reski Oasis-rokkarinn Liam
Gallagher hyggst stefna
bandaríska dagblaðinu New
York Post fyrir að skrifa frétt
um barn sem Gallagher á að hafa
átt utan hjónabands á síðasta ári.
Það er breska blaðið The Guardian
sem greinir frá þessu.
Í grein New York Post er sagt frá
því að Gallagher hafi verið stefnt
fyrir fjölskyldudómstól á Man-
hattan vegna stúlku sem hann á
að hafa eignast í leynilegu ástar-
sambandi. Stúlkan eigi nú að vera
tæplega ársgömul og hafi orðið til í
framhjáhaldi Gallagher við dular-
fulla konu sem sérhæfi sig í að taka
viðtöl við frægt fólk. Samkvæmt
grein blaðsins fer konan fram á
þrjár milljónir bandaríkjadollara,
en það samsvarar tæpum 365
milljónum íslenskra króna. Gallag-
her, sem áður var söngvari rokk-
hljómsveitarinnar Oasis, er giftur
kanadísku söng- og leikkonunni
Nicole Appleton, en þau gengu
í það heilaga árið 2008. Saman
eiga þau eitt barn auk þess sem
Gallagher á tvö önnur börn úr fyrri
hjónaböndum.
Ósáttur Liam Gallagher er ekki
ánægður með umfjöllun um mögulegt
framhjáhald.
Stefnir New York Post
n Ósáttur við umfjöllun um meint framhjáhald
Jason Biggs
að verða faðir
Bandaríski leikarinn Jason Biggs
á von á sínu fyrsta barni ásamt
eigin konu sinni, Jenny Mollen.
Þetta tilkynnti leikarinn í sjón-
varpsþættinum Chelsea Lately
í síðustu viku. Biggs er hvað
þekktastur fyrir hlutverk sitt sem
Jim Levenstein í hinum sívin-
sælu American Pie-myndum, en
hann kynntist Mollen við tökur á
myndinni My Best Friend‘s Girl og
gengu þau í það heilaga árið 2008.
„Síðustu orð
hans til mín
voru: „Ég vil
ná bata“
„Síðustu orð hans til mín voru:
„Ég vil ná bata,“ og mér hefur
alltaf fundist eins og þetta hafi
átt við alveg þar til hann lést,“
segir Ryan Murphy, framleið-
andi Glee-þáttanna sem Cory
Monteith fór með aðalhlut-
verk í.
Murphy er í viðtali við sjón-
varpsstöðina E! þar sem hann
ræðir sviplegt fráfall leikarans.
Monteith glímdi lengi við eitur-
lyfja- og áfengisfíkn og dró það
hann að endingu til dauða.
„Mér hefur alltaf fundist eins og
hann hafi viljað sigra fíknina en
að hann hafi verið sakbitinn og
niðurlægður af því að honum
tókst það ekki,“ segir Murphy.
Ryan Murphy Framleiðandinn á bak
við Glee-þáttaröðina. Mynd: ReuteRs
Cory Monteith Lést eftir að hafa
tekið inn of stóran skammt af heróíni.
Sorgarsaga
Corey Monteith
n Heróín dró Glee-stjörnu til dauða n Lifði tvöföldu lífi og faldi neysluna
Ástfangin Monteith ásamt unnustu sinni og meðleikkonu, Leu Michele.