Dagblaðið Vísir - DV - 01.11.2013, Qupperneq 6

H
ópur dýraverndunarsinna
hefur lagt fram kæru á hend­
ur Bergi Bjarnasyni, bónda á
Flatey á Mýrum, og sveitar­
stjórn Hafnar í Hornafirði
vegna brota á girðingarlögum og
meintra brota á dýraverndarlögum
en hópurinn segir fjölda hreindýra
hafa drepist eftir að hafa flækt horn
sín í ólöglegum rafmagnsgirðingum
í eigu Bergs. Sjálfur kannast Bergur
lítið við málið og segir engin dýr
hafa drepist eftir að hafa flækst í
girðingunni. Meðfylgjandi myndir
gefa annað til kynna.
Lögreglan mætti
Lögreglustjóranum á Eskifirði
barst kæran síðastliðinn miðviku­
dag en þar eru Bergur og sveitar­
stjórn Hafnar á Hornafirði kærð fyr­
ir brot á 11. grein girðingarlaga og 2.
grein dýraverndunarlaga með því að
hafa látið ógert að hreinsa upp raf­
magnsgirðingar og þannig orsak­
að kvalafullan og langvarandi dauð­
daga margra hreindýra og ofboðið
kröftum þeirra og þoli. Að auki er
Bergur kærður fyrir brot á almennum
hegningarlögum fyrir að hafa ógnað
konu úr hópnum með girðingarstaur
úr járni og gert sig líklegan til að slá til
hennar í viðurvist vitna, þar á meðal
lögreglumanns.
Forsaga málsins er sú að laugar­
daginn 26. október fór hópur dýra­
verndunarsinna að Flatey á Mýrum
til að rífa upp girðingu í eigu Bergs
en hópurinn telur umrædda girðingu
ólöglega og auk þess hafa valdið
dauða fjölda hreindýra á síðustu
árum, sem flækt hafa horn sín í
henni. Bergur var ósáttur við fram­
göngu hópsins og þurfti lögreglu til
að skakka leikinn og leita sátta máls­
aðila. Sexmenningarnir létu svo fjar­
lægja skrokk hreindýrs sem flækst
hafði í girðingunni og legið þar í um
tvær vikur.
Ljót aðkoma
„Við fórum þarna hópur dýravina
austur á Höfn í Hornafirði eftir að
hafa fengið hringingu frá tveim­
ur bændum sem lýstu yfir áhyggj­
um sínum á ástandi mála. Við fórum
sex manna hópur þangað austur og
fórum í þetta verk af þeirri einföldu
ástæðu að við teljum að það hafi ver­
ið gengið á rétt dýra til þess að fá að
vera í friði,“ segir Árni Stefán Árna­
son, lögfræðingur og dýraverndunar­
sinni. Hann segir aðkomuna hafa
verið ljóta og að ekki hafi komið ann­
að til greina en að leggja fram kæru.
„Þú sérð náttúrulega bara mynd­
irnar sem fylgja með kærunni, þetta
lýsir sér að mestu sjálft. Þetta er ekki
falleg sjón og það lá við að maður
þyrfti áfallahjálp þegar maður kom
og sá þetta svo það var ekki um annað
að ræða en að ljúka málinu með
þessum hætti.“
Girðingarnar eins og gildra
Árni segir Berg hafa verið afar
óánægðan með afskipti sexmenning­
anna af girðingunni.
„Hann Bergur er aldrei ánægður
með það þegar menn eru í dýravernd
þarna fyrir austan og sýnir ávallt í sér
tennurnar þegar þar að kemur, þær
fáu sem eftir eru. Hann er búinn að
vera afskaplega erfiður viðfangs, því
miður, og ekki sýnt þessu neinn skiln­
ing og er eiginlega sá eini sem hefur
ekki gert það en hann smitar dálítið
mikið út frá sér í því.“
Árni segir flesta aðra bændur á
svæðinu passa upp á sínar girðingar
af umræddum ástæðum.
„Þetta er eiginlega aðalhættu­
svæðið, Flatey á Mýrum, og þessi
girðing í eigu Bergs hefur verið að
fella þarna mörg hreindýr,“ segir Árni
og vísar í fylgiskjal með kærunni sem
er samantekt yfir dauða hreindýra á
svæðinu. Þar kemur fram að frá ár­
inu 2010 hafi ellefu dýr drepist vegna
girðingar í eigu Bergs.
„Það sem hefur gerst í þessu áður
hefur oft verið tengt gömlum síma­
línum sem hafa legið neðanjarðar
eða annars konar drasli sem menn
hafa sannarlega ekki skilið eftir að
ásettu ráði, en vandamálið í þessu til­
viki er að Bergur er meðvitaður um að
þessar girðingar valda dýrum hættu
og hann gerir ekkert í því að taka þær
upp. Þær liggja bara þarna og eru eins
konar gildra fyrir dýrin vegna þess að
um leið og tarfur er búinn að komast í
snertingu við svona vír þá vefur hann
honum eins og skot utan um hornin á
sér. Ef illa fer þá festist hann og ef eins
illa fer og mögulegt er að hugsa sér þá
drepst hann bara.“
Kannast ekki við dýrin
Bergur Bjarnason kannaðist ekki við
umrædda kæru þegar blaðamaður
hafði samband við hann en segir ekk­
ert hreindýr hafa drepist eftir að hafa
flækst í girðingu í hans eigu.
„Það er ekki rétt. Það voru engin
hreindýr flækt þarna í girðingunni og
það er nú svo slæmt að það var búið
að draga afgamlan haus af einhverj­
um úldnum kálfi og setja hann þarna
við girðingu og vefja vír um hann til
að eigna girðingunni það,“ segir hann
og bætir við að hausinn hafi verið
skorinn af með hníf og því sé klárt
mál að einhver hafi komið hausnum
fyrir á girðingunni. Hann kannaðist
ekki við að hafa séð heilan skrokk
af dauðu hreindýri við umrædda
girðingu.
„Ég hef ekkert um þetta að segja.
Þeir óðu þarna inn án þess að hafa
nokkurt leyfi og rifu niður girðingu
hjá mér.“
Bergur er ekki sáttur við fram­
göngu sexmenninganna en neitar þó
að hafa ógnað konu í hópnum.
„Það er ekki satt. Hún var að taka
staur sem ekki var alveg brotinn og
fleygði honum svo frá sér. Ég tók
hann upp, gekk fram með hliðinni
á henni og sagði að hún ætti ekki að
vera að saga þetta niður, hún ætti
ekkert í þessu. Þetta var nú svo ömur­
legt.“
Að öðru leyti segist Bergur lítið
geta tjáð sig um málið að svo stöddu,
enda hafi hann enn ekki séð kæruna
og viti því ekki hvað hann sé sakað­
ur um. n
6 Fréttir 1.–3. nóvember 2013 Helgarblað
Vorum að taka
upp nýjar vörur
Mörkinni 1 | Sími: 568 2200 | www.babysam.is
„Lá við að maður
þyrfti áfallahjálp“
n Dýraverndunarsinnar kæra bónda fyrir girðingar n Vændur um að ógna konu með staur
Hörn Heiðarsdóttir
blaðamaður skrifar horn@dv.is
„Þetta er ekki
falleg sjón og það
lá við að maður þyrfti
áfallahjálp þegar maður
kom og sá þetta.
Dauðagildra Dýrin hafa þurft
að þola hægan og kvalafullan
dauðdaga. MynDir Árni StefÁn ÁrnaSon
fjarlægt Sexmenningarnir
létu fjarlægja hræ dýrsins.
MynDir Árni StefÁn ÁrnaSon
Dautt hraundýr Við teljum
að það hafi verið gengið á rétt
dýra til þess að fá að vera í friði.
fór í leiðangur Árni Stefán Árnason
segir að að koman hafi verið ljót.