Dagblaðið Vísir - DV - 01.11.2013, Side 12

12 Fréttir 1.–3. nóvember 2013 Helgarblað
Þ
að er auðvitað hægt að líta
á þetta sem einn stórkost­
legasta gjörning í íslenskri
stjórnmálasögu, og með því
að pakka þessu svona inn í
þetta eina kjörtímabil verður fyrir­
bærið einstæðara fyrir vikið, og nátt­
úrulega bara meira afgerandi,“ segir
stjórnmálafræðingurinn Eiríkur Berg­
mann Einarsson um Besta flokk­
inn. Hann segir að með því að stíga
af sviðinu svo að segja á toppi stjórn­
málaferils síns, hafi Jón Gnarr enn á
ný tekist að skapa ný viðmið í íslensk­
um stjórnmálum: „Þessi útganga
hans var þvert á allt það sem að menn
áttu von á. Það er nú yfirleitt þannig í
stjórnmálum að þegar menn hafa kló­
fest þessa stóla þá vilja þeir helst ekki
gefa þá eftir. Þannig að það gerir þetta
allt saman mjög flott.“
Jón Gnarr, borgarstjóri Reykjavík­
ur, lýsti því yfir í útvarpsþættinum Tví­
höfða á miðvikudagsmorgun, að hann
hygðist ekki gefa kost á sér í komandi
borgarstjórnarkosningum, og það
þrátt fyrir að nýlegar skoðanakannan­
ir sýni fram á aukið fylgi Besta flokks­
ins. „Ég kom til að koma ákveðnum
skilaboðum á framfæri, sanna ákveðin
mál og leggja mitt af mörkum. Mér
finnst minn tími búinn á þessu sviði.
Ef ég ætlaði að endurtaka þetta yrði
ég að verða stjórnmálamaður sem ég
er ekki. Ég er einfaldlega ekki stjórn­
málamaður – ég er grínisti,“ sagði Jón
Gnarr í þættinum. Spurningin er síðan
hvort honum hafi tekist þetta ætlunar­
verk sitt. DV ræðir við fleiri álitsgjafa,
þar á meðal rithöfundinn Andra Snæ
Magnason og Guðmund Odd Magn­
ússon, prófessor við Listaháskólann,
um þann listgjörning sem Besti flokk­
urinn var óneitanlega í upphafi og er
kannski enn?
Kjósendur fullkomna verkið
Besti flokkurinn kom eins og storm­
sveipur inn í íslensk stjórnmál árið
2010 í formi eins konar gjörningalistar,
en flokkurinn var augljós háðsádeila
á íslensk stjórnmál. Með grín og súr­
realisma að vopni sópaði flokkurinn
til sín fylgi með þeim afleiðingum að
úr varð stærsta stjórnmálaafl borgar­
innar, með sex kjörna borgarfulltrúa.
Sigurinn var sögulegur og stjórnmála­
spekúlantar klóruðu sér sumir hverjir
í hausnum. Margir efuðust um færni
þeirra í Besta flokknum til þess að
koma að stjórn borgarinnar þar sem
þau höfðu enga reynslu af stjórnmál­
um. Þá var ítrekað reynt að gera lítið
úr framboðinu á þeirri forsendu að
þar væri einungis um grín að ræða.
Eiríkur Bergmann segir í samtali við
DV að reynslan hafi nú afsannað allar
slíkar hrakspár: „Það er bara augljóst
mál, borgin er ekki í kaldakoli, þetta
gekk bara prýðilega hjá þeim, ég held
að það sé voðalega erfitt að halda öðru
fram.“
Það að gjörningur Besta flokks­
ins hafi gengið upp, segir Eiríkur að
sé ákveðið kjaftshögg fyrir klassísk
stjórnmál. „Þetta er allt mjög á skjön
við hefðir í íslenskum stjórnmálum, og
hefur brotið upp kerfið. Menn fengu
svona einn á lúðurinn með þessu öllu
saman.“ Þó að Jón Gnarr og fulltrúar
Besta flokksins eigi vissulega heiður­
inn af framboðinu megi ekki gleyma
því að borgarbúar tóku undir og full­
komnuðu þannig verkið. „Ef maður
tekur þetta sem atburð eða gjörning
þá er þetta algjörlega einstakt og nán­
ast eins og listviðburður inni í stjórn­
málunum. Þetta var þátttökuvið­
burður sem fólkið tók þátt í, þar sem
tilgangurinn var að lýsa ákveðnu frati
á hefðbundin stjórnmál. Það er mikil­
vægt að átta sig á því að þau gátu þetta
ekki ein. Þessi gjörningur heppnaðist
og varð svona stór vegna þess að fólkið
í landinu var tilbúið.“
Varnarmúrar brotnir
Eiríkur er þeirrar skoðunar að eitt
helsta framlag Besta flokksins til ís­
lenskrar stjórnmálamenningar sé það
Stærsti gjörningur
Íslandssögunnar
Úttekt
Jón Bjarki Magnússon
jonbjarki@dv.is
Gjörningur Gnarr
Jóni Gnarr tókst ætlunarverk
sitt með Besta flokknum,
sem var að verða borgarstjóri
Reykjavíkur út heilt kjörtímabil.
Álitsgjafar blaðsins eru sam-
mála um að lokaútspilið sé flott,
gjörningurinn hafi að vissu leyti
verið fullkomnaður.
mynd SiGtryGGur ari
n Álitsgjafar DV greina áhrif Besta flokksins n „Algjörlega einstakt“