Dagblaðið Vísir - DV - 29.12.2010, Blaðsíða 44

Í Gjástykki og þar í grennd gengur á með
miklum skjálftum á nýju ári. Engin eldsumbrot
verða en völvan sér gjá opnast á botni Mývatns
og vatn rennur þar niður í stórum stíl og dreg-
ur úr rennsli Laxár í kjölfarið. Yfirborð vatnsins
lækkar og menn óttast áhrifin á ferðamanna-
straum en alger örtröð verður af ferðamönnum
við vatnið vegna þessa.
Hætt við jarðgöng undir Vaðlaheiði
Í upphafi nýs árs verður tilkynnt að vinna við
gerð Vaðlaheiðarganga eigi að hefjast á nýja ár-
inu. Þau áform verða að engu þegar uppvíst
verður um meint mútumál sem tengist gerð
ganganna. Inn í málið dragast verktakar fyrir
norðan og einn af þingmönnum kjördæmisins
og fyrrverandi ráðherra. Í kjölfarið verða áform-
in um Vaðlaheiðargöng lögð til hliðar.
Jón Gnarr
Jón Gnarr, borgarstjóri í Reykjavík, mun ítrek-
að koma borgarbúum á óvart á nýju ári. Til þess
beitir Jón einkum undarlegri framkomu í við-
tölum og sérkennilegum yfirlýsingum. Hann
móðgar erlendan sendimann svo heiftarlega
snemma árs 2011 að utanríkisráðuneytið neyð-
ist til að ganga í málið.
Vinsældir Jóns meðal borgarbúa haldast
miklar en óþol pólitískra andstæðinga hans vex
jafnt og þétt.
Völvan sér á miðju sumri koma upp mál þar
sem hriktir í samstarfi Besta flokksins og Sam-
fylkingarinnar þegar einn fulltrúa Besta, Einar
Örn Benediktsson, gagnrýnir Dag B. Eggerts-
son mjög harkalega. Þá mun Jón enn einu sinni
koma á óvart með frumlegri aðferð við lausn
málsins og tekur afstöðu með Degi gegn Einari.
Nokkurt uppnám verður síðla árs þegar hinn
sami Einar Örn stendur upp úr stól sínum, yfir-
gefur borgarmálin og flytur úr landi. Erfiðlega
gengur að finna eftirmann hans því varamenn
Besta flokksins reynast vera tregir til þess að taka
verkið að sér.
Völvan sér Ólaf F. Magnússon, lækni og fyrr-
verandi borgarfulltrúa, í einhverju undarlegu
hlutverki á vegum Besta flokksins á nýja árinu.
Sjálfstæðisflokkurinn í Reykjavík
Hanna Birna Kristjánsdóttir heldur áfram að
berjast í stjórnarandstöðu í Reykjavíkurborg.
Sjálfstæðismenn þrýsta mjög á hana að koma
Besta flokknum í vandræði en verða að sama
skapi sífellt gramari þegar það tekst ekki. Völv-
an sér Hönnu Birnu sæta mikilli gagnrýni frá
eigin flokki seinni hluta ársins. Svört skýrsla um
stjórntök Hönnu Birnu veldur uppnámi innan
Sjálfstæðisflokksins. Gísla Marteini Baldurssyni
er legið á hálsi fyrir að hafa handstýrt skýrsluhöf-
undi og hann yfirgefur flokkinn í framhaldi þessa
máls.
Gísli Marteinn fer að heiman
Gísli Marteinn borgarfulltrúi vekur mikla at-
hygli á árinu þegar hann segir sig úr lögum við
Sjálfstæðisflokkinn og tekur að starfa sjálfstætt
í borgarstjórn Reykjavíkur. Gísli berst ákaflega
fyrir málefnum hjólreiðamanna og umhverf-
isvernd og mætir hlýju og skilningi borgarbúa.
Flokkssystkini hans henda gaman að honum og
kalla hann græna sjálfstæðismanninn.
Logatungur
Logi Bergmann sjónvarpsmaður verður sann-
arlega í miðdepli saumaklúbbaumræðunnar á
miðju ári. Þetta verður eitt af þessum málum þar
sem allir líta hver á annan í lokin og spyrja: Kem-
ur okkur þetta við?
Sveppi, Sverrir Þór Sverrisson, lendir í
miklu hneykslismáli sem tengist fjárhættu-
spili. Bylgja hneykslunar og reiði fer um sam-
félagið. Völvan sér hóp ævareiðra foreldra
krefjast þess að hann verði látinn hætta með
barnatímann á Stöð 2.
Helgi fer á hausinn
Gjaldþrot Helga Björnssonar söngvara í atvinnu-
rekstri í Berlín kemst í fréttirnar á nýju ári og
Helgi flytur endanlega heim til Íslands í kjölfarið
og sinnir ferli sínum sem vinsæll hestasöngvari
af alúð.
Helgi og eiginkona hans verða bæði í opin-
skáum viðtölum í fjölmiðlum og sumar yfirlýs-
inga þeirra vekja mikla athygli og umtal.
Fjögur brúðkaup og jarðarför
Magnús Geir Þórðarson leikhússtjóri gengur í
hjónaband á árinu og þarf ekki að koma á óvart
að talsverður leikhúsbragur verður á athöfn-
inni. Ekki síst vegna þess að eiginkona Magn-
úsar er þekkt leikkona sem skildi árið 2010.
Ekki síðri athygli vekur brúðkaup Bjark-
ar Guðmundsdóttur sem fer fram á Íslandi um
sumarsólstöður með þátttöku margra heims-
frægra listamanna. Stærsti atburður síðan leið-
togafundurinn í Höfða var haldinn, segja menn.
Hrafn Jökulsson kemst einnig í fréttirnar á árinu
þegar hann gengur enn einu sinni í hjónaband
og hefur nýtt líf, líklega á norðausturhorni lands-
ins.
Það gerir líka hinn umtalaði Egill Einars-
son, eða Gilzenegger, sem mun einnig halda
brúðkaup sitt um mitt sumar. Það vekur ekki
síst athygli því brúðurin er talsvert eldri en Eg-
ill og þjóðþekkt fyrir störf sín á sjónvarps-
skjánum. Óhætt er að segja að þetta verði
umtalaðasta brúðkaup ársins enda brúð-
guminn óspar á stórar yfirlýsingar að vanda
en þær þykja ekki alltaf nógu smekklegar.
Þjóðþekktur rithöfundur fellur frá og jarðarför
hans kemst í fréttirnar vegna deilna aðstand-
enda um ólíklegustu smáatriði. Til ryskinga
kemur við útförina og verður mikið fjallað um og
veldur hneykslun.
Hannes vill ekki birtingu
Hannes Hólmsteinn Gissurarson verður í sviðs-
ljósinu snemma á nýju ári þegar tölvupóstar sem
hann hefur skrifað komast í hendur fjölmiðla.
Þar er fjallað á opinskáan hátt um fyrirgreiðslu
af ýmsu tagi þar sem Hannes er milligöngumað-
ur. Af verður mikið havarí og það vekur talsverða
kátínu þegar Hannes reynir að beita ákvæðum
höfundarréttar til þess að stöðva birtingu tölvu-
póstanna.
SÁÁ þarf að verja sig
Meðferðarheimilið á Vogi kemst í fréttir á ár-
inu þegar viðkvæmum gögnum úr fórum starfs-
manna er lekið á netið. Þar eru birt nöfn þeirra
sem eru í meðferð á Vogi og ýmsar athugasemd-
ir meðferðaraðila um ástand þeirra og batalík-
ur. Nokkrir þeirra sem nefndir eru reynast vera
þjóðþekktar persónur. Allt verður þetta mál hið
vandræðalegasta fyrir SÁÁ og mörgum þykir
Þórarni Tyrfingssyni yfirlækni takast illa upp við
málsvörn fyrir stofnunina.
Bubbi eignast bróður
Bubbi Morthens verður vinsælli en nokkru sinni
fyrr á nýja árinu. Enn einu sinni tekst honum að
semja tónlist sem þjóðin elskar. Lag sem kemur
frá Bubba á nýju ári verður svo vinsælt að annað
eins hefur ekki sést eftir Stál og hníf. Í kjölfarið
stofnar kóngurinn nýja hljómsveit og túrar um
landið eins og í gamla daga. Hann lætur ásakan-
ir öfundarmanna um lagastuld frá Sam heitnum
Cooke sem vind um eyru þjóta.
Bubbi verður í sérkennilegu sviðsljósi um
mitt ár þegar þjóðþekktur maður leggur fram
sannanir þess efnis að hann sé í rauninni sonur
Kristins Morthens og þannig hálfbróðir Bubba.
Völvan sér Bubba, Tolla og þennan þekkta
mann saman á forsíðu tímarits.
Gunnar og Jónína
Gunnar Þorsteinsson í Krossinum mun ganga
mikil svipugöng á árinu er sífellt fjölgar sög-
um af fjölþreifni hans við ungar stúlkur. Hann
44 | Völvuspá 29. desember 2010 Áramótablað
Það sem rættist
á árinu 2010
Eins og venja er lítum við á nokkur dæmi
úr spá síðasta árs sem hafa gengið eftir.
„Völvan sér forráðamenn gömlu bankanna
í handjárnum vegna uppgjörsmála í kjölfar
hrunsins.“
Forsvarsmenn Kaupþings sátu í gæsluvarðhaldi á
árinu.
„Völvan sér hann (Jón Ásgeir) hafðan að háði og
spotti erlendis fyrir einkaneyslu sína.“
Erlend blöð skopast um þessar mundir að kaupum
Jóns og Ingibjargar á IKEA-húsgögnum í rándýra
íbúð í New York.
Í stjórnmálum spáði völvan fyrir um vistaskipti
Þráins Bertelssonar, brotthvarf Kristjáns Möller
úr ráðherrastól og endurkomu Ögmundar á sama
vettvang.
„Bjarni Benediktsson, formaður Sjálfstæðis-
flokksins, á erfitt uppdráttar á nýju ári. Hans
verður getið í tengslum við fjárhagserfiðleika
N1 og við það tækifæri mun reyna mjög á hann
sem formann … Illugi Gunnarsson þingmaður og
vonarstjarna Sjálfstæðismanna mun hverfa af
sviði stjórnmála á nýju ári.“
Þarf nokkuð að ræða þetta?
„Völvan sér Jón Kaldal í stól ritstjóra á hinu nýja
blaði.“
Fréttatíminn hóf göngu sína síðla árs og þar er Kaldal
ritstjóri.
„Baldur Guðlaugsson mun vekja gríðarlega
athygli á árinu. Hann kemst á spjöld sögunnar
sem fyrsti maðurinn til að sæta eignaupptöku
og fá fangelsisdóm vegna innherjaviðskipta.“
Mál Baldurs er nú fyrir dómi og eignir hans enn í frosti.
„Eiður Guðjohnsen knattspyrnumaður verður
áfram í fréttum vegna persónulegra vandræða
sem ekki tengjast fótbolta.“
„Árni Mathiesen fyrrverandi ráðherra kemst
aftur í fréttir á nýju ári.“
Bókin um Árna Matt var á metsölulistum.
„Völvan sér Benedikt Jóhannesson,
stærðfræðing og atvinnurekanda, í sviðsljósinu
þegar líða fer á árið.“
Benedikt hefur beitt sér mjög fyrir inngöngu Íslands
í ESB.
„Völvan sér Björk tengjast íslensku atvinnulífi
og leggja fé í atvinnurekstur á sviði iðnaðar.“
Innkoma Bjarkar í baráttuna gegn
Magma-samningnum hefur ekki farið lágt.
„Ómar Ragnarsson mun halda vel heppnaða
afmælistónleika á nýju ári og í framhaldinu
verður efnt til mikillar fjársöfnunar sem gerir
Ómari kleift að ljúka einhverju áríðandi verkefni
sem hann er að vinna að.“
Ómar var í forsíðuviðtali í DV, undir yfirskriftinni Ómar
fórnar öllu. Í framhaldinu efndi Friðrik Weisshappel
athafnamaður til landssöfnunar fyrir hann. Ómar fékk
risatékka sem hreinsaði skuldir hans upp og hann gaf
Grensásdeild afganginn og fékk knús frá þjóðinni á
afmælinu sínu.
„Völvan sér myndir af Reykjavík með gosmökk í
baksýn á forsíðum heimspressunnar á nýju ári.“
Ekkert hefur komið Íslandi jafn rækilega í
heimspressuna fyrr eða síðar eins og gosið í
Eyjafjallajökli og afleiðingar þess.
Jónína og Gunnar Fleiri sögur af fjölþreifni eyði-
leggja mannorð Gunnars og Jónína verður áhrifameiri í
rekstri trúfélagsins.
Mögnuð brúðkaup Magnús Geir Þórðarson leikstjóri
gengur að eiga leikkonu sem skildi á árinu 2010 og Björk
giftir sig á Íslandi.
Sjaldgæfar náttúruhamfarir
Völvan spáir dyngjugosi norðan Vatnajökuls.