Dagblaðið Vísir - DV - 30.09.2014, Síða 22

22 Umræða Vikublað 30. september–2. október 2014
Draugabærinn Akureyri
N
ú er Svarthöfði ekki ættaður úr
Eyjafirðinum en væri það svo
yrði hann afskaplega móðgað­
ur yfir því hversu aumingjagóð
yfirvöld eru í garð Akureyringa. Þetta
byggðarlag státar af einni öflugustu
útgerð Evrópu í dag og einstakri fram­
takssemi vaskra íbúa og ætti hverjum
manni að vera það ljóst að stoltir Ak­
ureyringarnir þurfa enga einustu ölm­
usu frá yfirvöldum.
En samt virðast öll vötn renna til
Eyjafjarðar og ekki heyrist múkk frá
Akureyringum sem virðast sáttir við
allt þetta tal ríkisstjórnarinnar um að
það verði að fjölga störfum á Akur­
eyri. Ástandið hlýtur hreinlega að
vera virkilega slæmt í þessu byggðar­
lagi miðað við hvernig ríkisstjórnin
talar. Allavega virðist ríkisstjórnin sjá
sig knúna til að grípa til einhvers kon­
ar neyðaraðgerðar fyrir Akureyringa
með því að flytja alla starfsemi Fiski­
stofu á ljóshraða norður. Og ekki batn­
ar ímyndin Akureyrar þegar starfs­
menn stofunnar eru svo afhuga því
að flytja norður í þennan bæ að sjáv­
arútvegsráðherra reynir að lokka þá
með þriggja milljóna króna styrk fyrir
hvern þann sem getur umborið það
að búa í þessu bágstadda sveitarfé­
lagi. Þetta minnir á foreldra sem múta
börnum sínum með sælgæti til að fá
þau til að kíkja í heimsókn til háaldr­
aðrar frænku þeirra sem er að farast úr
bitur­ og ömurleika.
Og þessari þróunaraðstoð ríkis­
stjórnarinnar handa Akureyringum,
sem virðast lepja dauðann úr skel, er
hvergi nærri lokið með flutningi Fiski­
stofu þangað. Háttvirtur forsætis­
ráðherra lýsti því yfir fyrr í sumar á
ársfundi Atvinnuþróunarfélags Eyja­
fjarðar að í skoðun sé að flytja fleiri
stofnanir norður á Akureyri. Það er
sem sagt ekki nóg að flytja sjötíu störf
með Fiskistofu til Akureyrar til að
bæta stöðuna. Svarthöfði fær það á til­
finninguna að ráðherrar ríkisstjórnar­
innar hafi litið við í heimsókn til Akur­
eyrar skömmu eftir að hafa tekið við
embætti og þeim mætt hrollvekjandi
sýn. Svona ekki ósvipað því og að aka
inn í úkraínsku borgina Pripyat sem
varð mannlaus og rústir einar eftir
kjarnorkuslysið í Tsjernobyl. Drauga­
bær þar sem eymdin drýpur af hverju
strái.
Til hamingju Akureyringar með þá
ímynd sem ríkisstjórnin hefur dregið
upp af ykkar áður fallega bæjarfélagi.
Þið getið verið stoltir. n
Leyndó hjá Bjarna Umsjón: Henry Þór Baldursson
Vinsæl
ummæli
við fréttir DV í vikunni NÝ FRAMTÍÐ – ÁN NATO
Í
síðustu viku mælti ég fyrir þings­
ályktunartillögu á Alþingi um
þjóðaratkvæðagreiðslu um að­
ild Íslands að Norður­Atlants­
hafsbandalaginu, NATO. All­
ir þingmenn Vinstri grænna ásamt
einum þingmanni Pírata standa
að tillögunni þar sem lagt er til að
þjóðaratkvæðagreiðslan fari fram
á næsta ári. Í greinargerð með til­
lögunni er rakin saga NATO­aðild­
ar Íslands og hvernig hún klauf þjóð­
ina í herðar niður í nær hálfa öld. Allt
þetta rakti ég einnig í umræðunni á
þingi og minnti á hve óvæginn og hat­
rammur þessi slagur var.
Breytt heimsmynd
Með þessari tillögu er gerð tilraun
til að stíga út úr þessari fortíð og
meta öryggishagsmuni Íslands í ljósi
breyttrar heimsmyndar. Einmitt þetta
var hugmyndin að baki því að sett
var á laggirnar þverpólitísk nefnd í
byrjun árs 2012 um mótun þjóðar­
öryggisstefnu fyrir Ísland. Nefndin
skilaði frá sér skýrslu síðastliðið vor.
Þar kom fram að samstaða var með
nefndarmönnum að forgangsverk­
efni í þjóðaröryggisstefnu Íslands eigi
að snúa að borgaralegum verkefnum
svo sem umhverfisvá, netógn og nátt­
úruhamförum. Þá þurfi að huga að
skipulagðri glæpastarfsemi, fjármála­
og efnahagsöryggi, matvælaöryggi
og heilbrigðisöryggi, en ólíklegast sé
hins vegar að Íslandi steðji hætta af
hernaði eða hryðjuverkum. Með þetta
í huga er eðlilegt að skoða NATO­að­
ild Íslands, sem meðal annars fel­
ur í sér aðild að hernaðar aðgerðum
bandalagsins um víðan heim og þá
hvort kröftum Íslands væri ekki bet­
ur varið í borgaraleg verk efni á borð
við þau sem samstaða náðist um í
nefndinni í stað þess verja hundruð­
um milljóna til reksturs hernaðar­
bandalags.
Herlaus framtíð
Í fyrrnefndri nefnd um þjóðaröryggis­
mál var bókað af hálfu Vinstri grænna
að „áherslan á aðild að Atlantshafs­
bandalaginu og þátttöku m.a. í loft­
rýmiseftirliti rími illa við þá breiðu
nálgun á þjóðaröryggisstefnu sem að
öðru leyti er samstaða um. Það er skýr
stefna VG að Ísland sé herlaust land
og standi utan hernaðarbandalaga
en efli frekar þátttöku sína í stofnun­
um Sameinuðu þjóðanna þar sem öll
ríki eiga aðild, svo og í stofnunum eða
samtökum eins og Norðurlandaráði,
Evrópuráðinu og Öryggis­ og sam­
vinnustofnun Evrópu.“ Um breytt eðli
NATO á undangengnum hálfum öðr­
um áratug má hafa mörg orð þótt ekki
gefist svigrúm til þess í stuttri blaða­
grein. En hugleiðum hvort það sam­
ræmist góðu siðgæði að telja það sér
til tekna að vera herlaus og óvopnuð
þjóð en taka síðan þátt í því að senda
annarra þjóða unglinga í stríðsrekstur.
Siðlegra þætti mér af okkar hálfu – ef
við á annað borð ætlum að vera inn­
an NATO – að við hreinlega hervædd­
umst og værum að því leytinu sjálfum
okkur samkvæm þegar við berjum
stríðsbumburnar. En viljum við það?
Ég held að almennt vilji Íslendingar
feta aðrar slóðir og friðsamlegri inn í
framtíðina.
Rökrétt að efna til þjóðar-
atkvæðagreiðslu
Utanríkisráðherra hefur lýst yfir vilja
til að ná þverpólitískri samstöðu um
þjóðaröryggisstefnu Íslands. Í ljósi
þess má spyrja hvort ekki sé rökrétt að
vísa þeim hluta tillagna nefndarinn­
ar sem snýr að veru Íslands í NATO
til þjóðarinnar og marka þess í stað
stefnu um borgaraleg þjóðaröryggis­
mál sem ætla má að náist breiðari
samstaða um. n
Ögmundur Jónasson
þingmaður Vinstri grænna
Kjallari
„En hugleiðum hvort það samræmist góðu
siðgæði að telja það sér til tekna að vera
herlaus og óvopnuð þjóð en taka síðan þátt í því að
senda annarra þjóða unglinga í stríðsrekstur.
Svarthöfði
Pripyat í Úkraínu, eða Akureyri við Eyjafjör. Svarthöfði er ekki viss miðað við
neyðaraðstoð ríkisstjórnarinnar handa Akureyringum. Mynd REUtERs
„Thank you all again
for sharing our story.
We are so humbled
by the generosity of Sigur Rós
and all of the kind people from
Iceland who have donated to
our girl. Thank you from the
bottom of our hearts!“
Megan Alethea Brown Hull,
móðir Pippu sem vill komast
til Íslands áður en hún deyr,
þakkar Sigur Rós og Íslendingum fyrir að
styrkja ferð hennar.
„Fyrir alla sem
halda því virkilega
fram að fjöldi
kvenna noti fóstureyðingu sem
getnaðarvörn þá vil ég bara
skilja þetta quote eftir hér. „No
one wants an abortion as she
wants an ice-cream cone or a
Porsche. She wants an abortion
as an animal, caught in a trap,
wants to gnaw off its own leg.“
Eva Rut skrifaði athugasemd
við frétt um bænarefni á
Kristsdegi þar beðið var fyrir
„breyttum viðhorfum til fóstureyðinga,
hugarfarsbreytingu og endurnýjaðri
ábyrgðartilfinningu.“
„Til hamingju. Þú
varst rétt í þessu
að vinna titilinn
„heimskulegasta komment
veraldarsögunnar“.“
Hallveig Rúnarsdóttir gerði
grín að Gunnari Þórólfssyni
sem skrifaði „Hjóla hægar
kannski?“ við frétt um að vír hafi verið
strengdur yfir hjólreiðabrú við Elliðaár
og stórslasað mann.
„Eða þú veist,
kannski bara kenna
ungum drengjum og
öðrum að svoleiðis myndatökur
eru kynferðisbrot …“
Gunnar B. svavarsson var
ekki sammála Ragnheiði Jóns-
dóttur sem taldi ástæðuna
fyrir að stúlkum væri bannað að vera í
efnislitlum fötum á skólaböllum vera
vegna myndatöku drengja „undir pils og
ofan í skoru“.
„Sturla á hrós skilið
fyrir eljusemi og
baráttuþrek. Það er
aðdáunarvert að maður eins og
hann fari að lesa lögin og sýna
fram á að oft og iðulega eru þau
brotin – af því bara.“
sigurður Hr.
sigurðsson hrósaði Sturlu
Jónssyni.
16
20
84
63
23