Dagblaðið Vísir - DV - 23.08.2013, Blaðsíða 39

Lífsstíll 39Helgarblað 23.–25. ágúst 2013
Þ
að eru aðeins rúmar tvær
vikur þar til ég læt reyna á
næstum þriggja ára gam­
alt markmið um að leggja
til atlögu við Mont Blanc,
Hvíta fjallið sem rís hærra en öll
önnur fjöll innan Evrópusam­
bandsins. Þessari flugu um að
klífa 4.800 metra fjall skaut niður í
hausinn á mér í árslok 2010 þegar
ég glímdi við það að vera næstum
140 kíló að þyngd og varla fær um
að ganga á Úlfarsfellið, hvað þá
Esjuna eða hærri fjöll.
Í upphafi þjálfaði ég ásamt fé­
laga mínum sem hafði nokkrum
árum fyrr klifið Mont Blanc og var
í rauninni sá sem gaf mér hug­
myndina. Árið 2011 þræluðum
við okkur upp hæstu fjöll til að ná
upp styrk. Fjöll á borð við Baulu
féllu að fótum okkar. Og við þræl­
uðum okkur yfir jökla og heiðar.
Árangurinn varð sá að ég styrkt­
ist og léttist um hartnær 40 kíló.
Á göngum okkar ræddum við um
fyrirheitna fjallið. Ég var við fót­
skör meistarans og reyndi að til­
einka mér sem flest það sem
kæmi að gagni. Um tíma stefndi
10 manna hópur á fjallið. Það var
hugur í mönnum.
Á árinu 2012 hélt þjálfunar­
ferlið áfram. Að þessu sinni æfði
ég með 52ja fjallahópi Ferða­
félags Íslands. Og enn fjölgaði í
hópnum. Í árslok 2012 hafði enn
einn félaginn bæst í hópinn. Þetta
var vanur göngumaður, Ólafur
Sveinsson, sem hafði reynt ýmis­
legt milli fjalls og fjöru. Þá voru
að vísu nokkuð margir af upp­
hafsfólkinu hættir við, nýir höfðu
komið í staðinn. Við Ólafur tókum
verkefnið alvarlega í ársbyrjun
2013 og hörkuðum á hvert fjall­
ið af öðru í fannfergi og frosti. Og
það var einmitt í slíkri æfingaferð
á Esjuna sem skelfingin dundi yfir.
Við höfðum farið Ráðherraleiðina
upp Þverfellshornið með ísaxir og
brodda í öryggisskyni. Ferðin upp
gekk vel eins og gjarnan vill vera.
En niðurleiðin reyndist með öðr­
um hætti. Við vorum komnir ör­
fáa metra niður frerann þegar
göngufélaginn hrapaði með þeim
ósköpum að ég taldi útilokað að
hann lifði af.
En það fór betur en á horfðist.
Hann fékk slæmar byltur þar
sem hann fór í kollhnísum niður
kletta og fannir. Þyrla flutti hann
á sjúkrahús þar sem hann fékk að­
hlynningu og var saumaður tug­
um spora. Svo tók við erfið endur­
hæfing. Á þessum tíma taldi ég
einsýnt að Ólafur væri ekki að fara
á Mont Blanc. Maður sem hafði
hrapað fyrir björg gat varla verið
ginnkeyptur fyrir því að klífa 4.800
metra fjall þar sem á köflum er
þverhnípi á báðar hendur.
En annað kom á daginn. Það
var ekki búið að taka saumana úr
þegar hinn slasaði tók upp um­
ræðuna um fyrirhugaða ferð. Og
harkið hélt áfram strax og hann
var sæmilega rólfær. Við fórum
á Eyjafjallajökul, Eiríksjökul og
sjálfan Hvanndalshnúk. Þremur
mánuðum eftir fallið á Esjunni
var hann kominn í toppform. Og
til þess að loka atvikinu á Esjunni
fórum við í fylgd tveggja annarra
upp Þverfellshornið til að sigrast á
óttanum. Sú för var mögnuð.
Í byrjun júní virtist hópurinn
sem stefndi á Mont Blanc vera sjö
manns. En smám saman kvarnað­
ist úr honum. Eftir örlagafund á
kaffihúsinu Mílanó var ljóst að
við vorum tveir eftir. Fjallagarp­
ur, nýkominn af Hvíta fjallinu,
sagði okkur upp og ofan af göngu
sinni. Lýsingar voru hrikalegar og
þær létu engan ósnortinn. Eftir að
fyrir lesarinn var farinn var ljóst að
ekki voru lengur allir á leiðinni á
fjallið. Og það var staðfest á næstu
vikunum. Við vorum aðeins tveir
eftir, ég og maðurinn sem hrap­
aði. Eftir þrjár vikur kemur í ljós
hvort við náum að toppa. n
Ég og sá sem hrapaði
Reynir
Traustason
Baráttan
við holdið
Æfingarferð
Áð við Steininn
á Esjunni. Mynd:
ReyniR TRausTason
Níu hlutir til að huga
að í eldhúsinu þínu
n Notaðu náttúruleg hreinsiefni n Skolaðu matinn og þrífðu hendurnar n Ekki spara þegar þú kaupir potta
9 Veldu „hreinan“ mat Þó umræðan um lífrænt
ræktaðan mat sé oft keyrð á
öfgum á báða bóga þá borgar sig
að huga að því hvaðan maturinn
kemur. Fjöldi rannsókna hefur
tengt skordýraeitur og önnur
kemísk efni sem notuð eru í
matvælaframleiðslu við sjúkdóma.
Því hreinni sem matvælin eru því
minni áhættu ertu að taka. Þá hafa
fjölmargar rannsóknir sýnt fram á
að mikið unnin matvæli geti verið
heilsuspillandi. Sérstaklega hafa
unnar kjötvörur komið illa út úr
slíkum rannsóknum.
8 Veldu kaffipoka Kaffipokar sem hafa verið þvegnir
upp úr klór til að fá fram hvíta
litinn geta innihaldið lítið magn
af varasömum efnum. Veldu því
frekar poka sem hafa ekki verið
meðhöndlaðir með klór. Þegar
sjóðandi vatni er hellt í gegn geta
efni skilað sér með í kaffið. Svo er
hægt að sleppa pokunum alfarið
og kaupa sér pressukönnu eða
espresso­vél.