Dagblaðið Vísir - DV - 23.08.2013, Blaðsíða 19

Of mikið vinnuálag
n Möguleg tengsl milli dauða lærlings og gíðarlegs vinnuálags
D
auði ungs Þjóðverja, Moritz Er-
hardt, sem var lærlingur hjá
Merrill Lynch-fjárfestingabank-
anum, hefur vakið umræðu um
vinnuskilyrði fyrir ungt fólk sem vill ná
frama í atvinnulífinu. Erhardt, sem var
21 árs, starfaði á skrifstofu bankans í
Lundúnum en fannst látinn þann 15.
ágúst. Breskir fjölmiðlar greindu frá
því í vikunni að Erhardt hefði unnið
baki brotnu á skrifstofum fjárfestinga-
bankans í nærri þrjá daga áður en lík
hans fannst á heimili hans. Talsmenn
bankans hafa ekki viljað staðfesta
hversu lengi Erhardt vann áður en
hann lést en vinnufélagar hans, sem
breska blaðið Evening Standard ræddi
við, voru sammála um að hann hefði
lagt gríðarlega hart að sér í þeirri von
að verða fastráðinn við bankann.
„Hann lagði ótrúlega mikið á sig og
var mjög einbeittur í starfi sínu. Dæmi-
gerður vinnudagur hjá okkur var 15
klukkustundir en stundum lengur en
það. Það var enginn sem lagði jafn hart
að sér og hann,“ segir ónafngreindur
samstarfsmaður.
Ýmis baráttusamtök fyrir heil-
brigðari vinnumarkaði hafa látið sig
málið varða á síðustu dögum. Eitt
þeirra er Intern Aware sem berst fyrir
réttindum ungs fólks á vinnumarkaði,
svo sem lærlinga eins og Erhardt var
hjá Merrill Lynch. Framkvæmdastjóri
þeirra, Ben Lyons, segir að fyrirtæki
verði að taka ábyrgð. „Mannauðs-
ráðgjafar fyrirtækja verða að tryggja
að réttur ungra starfskrafta sé virtur.“
Chris Roebuck, prófessor við Cass-við-
skiptaháskólann í Lundúnum, segir að
of mikið vinnuálag á ungt fólk sé vax-
andi vandamál í Lundúnum. Hann
hefur haldið fjölda fyrirlestra um
mannauðsmál í Bretlandi. „Staðan á
vinnumarkaði er þannig að fólk virðist
vera tilbúið til að leggja allt á sig til að
landa starfi. Sumir yfirmenn nýta sér
þetta ástand,“ segir hann í viðtali við
The Guardian.
Samtökin FinanceInterns, sem
veita ungum háskólanemendum
ráðgjöf um störf að námi loknu, hafa
farið þess á leit við bresk yfirvöld að
sjálfstæð nefnd verði skipuð til að
gefa lærlingum líkt og Erhardt rödd
og tryggja að vinnuálagið geri ekki út
af við þá. n
Hörmungar í Sýrlandi
F
lest bendir til þess að gripið
verði til aðgerða gegn Sýr-
landsstjórn ef það sannast
að efnavopnum hafi verið
beitt gegn óbreyttum borg-
urum líkt og uppreisnarmenn í
landinu halda fram. Fullyrt er að
um 1.400 manns, þar á meðal kon-
ur og börn, hafi látist í árásinni sem
var gerð í grennd við höfuðborgina
Damaskus á miðvikudag – á svæði
sem er stjórnað af uppreisnar-
mönnum. Öryggisráð Sameinuðu
þjóðanna hefur fjallað um málið og
óskað eftir nánari upplýsingum frá
stjórnarandstæðingum um árásina.
Vill valdbeitingu
Vaxandi þrýstingur er á alþjóða-
samfélagið um að bregðast við
ástandinu sem verið hefur í Sýr-
landi undanfarin misseri. Meint
efnavopnaárás, sem uppreisnar-
menn segja að hafi verið tauga-
gas, hefur aukið þann þrýsting
enn frekar og kallaði utanríkisráð-
herra Frakklands, Laurent Fabius,
á fimmtudag eftir því að „valdi“ yrði
beitt ef ásakanirnar eigi við rök að
styðjast.
Myndir og myndbönd sem sýna
fórnarlömb árásarinnar hafa vakið
mikla athygli á veraldarvefnum
undanfarna daga. Þar má meðal
annars sjá ung börn froðufella og
engjast um sem bendir til þess að
einhvers konar efnavopnum hafi
verið beitt.
Vilja fá aðgang
Þó svo að Fabius hafi kallað eftir því
að valdi yrði beitt segir hann það
ekki koma til greina að senda land-
hermenn til Sýrlands. Líkt og ör-
yggisráðið kallaði hann eftir því að
ásakanirnar um efnavopnanotkun
yrðu rannsakaðar betur og að full-
trúar Sameinuðu þjóðanna í Sýr-
landi fengju aðgang að svæðinu
þar sem árásin var gerð. Það ætti
að vera lítið mál fyrir yfirvöld í Sýr-
landi að veita þann aðgang ef þau
hefðu ekkert á samviskunni. „Ef
þau neita þeirri beiðni þá vita þau
upp á sig skömmina,“ sagði hann.
Ríkisstjórn Assads Sýrlandsforseta
hefur hafnað ásökununum og sagt
þær „tilhæfulausar“.
Rauða strik Obama
Augu margra beinast að Banda-
ríkjunum og viðbrögðum þeirra
við ásökunum uppreisnarmanna.
Barack Obama Bandaríkjaforseti
sagði fyrir ári að ef yfirvöld í Sýr-
landi færu yfir „rauðu strikið“
og notuðu efnavopn myndi það
breyta sýn hans á ástandið í Sýr-
landi svo um munar. Hvíta hús-
ið sendi frá sér yfirlýsingu vegna
málsins á miðvikudag þar sem
kom fram að bandarísk yfirvöld
hefðu „áhyggjur af tíðindunum“. Ef
ásaknirnar reynast á rökum reist-
ar er þetta alvarlegasta dæmið um
notkun efnavopna frá því stjórn
Saddams Hussein, Íraksforseta,
beitti efnavopnum á Kúrda fyrir
aldarfjórðungi.
Aukinn þungi gegn
uppreisnarmönnum
Árásin var gerð meðan flestir voru
í fastasvefni, að sögn uppreisnar-
manna. Fullyrða þeir að eldflaug-
um, sem innihéldu baneitruð
efni, hafi verið skotið yfir fjöl-
mennt svæði í úthverfi Damaskus,
Ghouta. Hverfinu hefur verið
stjórnað af uppreisnarmönnum
en á undanförnum vikum hefur
Sýrlandsstjórn lagt meiri þunga í
baráttuna gegn uppreisnarmönn-
um og virðist þessi þungi hafa
náð hámarki á miðvikudag. Al-
þjóðasamfélagið hefur kallað eftir
því að eitthvað verði gert og sagði
William Hague, utanríkisráðherra
Bretlands, að ríki sem styðja Sýr-
landsstjórn „þyrftu að vakna“
og opna augun fyrir ástandinu í
landinu. Rússar, sem eru fasta-
fulltrúar í öryggisráði Sameinuðu
þjóðanna, eru bandamenn Sýr-
landsstjórnar og hafa þeir vísað
ásökunum um efnavopnanotk-
un á bug. Óvíst er hvað tekur við
en ljóst er að nokkrar vikur gæti
tekið fyrir öryggisráð Sameinuðu
þjóðanna að fá fullnægjandi sann-
anir fyrir notkun efnavopnanna.
David Aaronovitch, rithöfundur
og pistlahöfundur fyrir The Times,
komst ágætlega að orði á Twitter-
síðu sinni í vikunni þegar hann
sagði þetta um ástandið í Sýrlandi:
„Ef Assad drepur fleiri hundruð
manns í efnavopnaárás og heims-
byggðin gerir ekki neitt, þá erum
við í vondum málum.“ n
n Frakkar vilja beita valdi gegn Sýrlandsstjórn n Fullyrt að efnavopnum hafi verið beitt
Einar Þór Sigurðsson
blaðamaður skrifar einar@dv.is
Fréttir 19Helgarblað 23.–25. ágúst 2013
Taugagas Uppreisnarmenn í Sýrlandi
segja að herinn hafi beitt efnavopnum gegn
óbreyttum borgurum. Hér sjást læknar hlúa
að ungum manni í úthverfi Damaskus.
Voðaverk
Fullyrt er að um
1.400 manns
hafi látist í
árásinni.
Fannst látinn Greint var frá því að
Erhardt hefði unnið sleitulaust í nærri þrjá
sólarhringa áður en hann lést.