Dagblaðið Vísir - DV - 04.09.2013, Blaðsíða 3

Fréttir 3Miðvikudagur 4. september 2013
„Verið að
ráðast á mig“
M
ikil umræða hefur
sprottið upp í kjölfar þess
að ljósmyndir af Range
Rover sem er ólöglega lagt
birtust á samskiptavefn-
um Facebook. Þar má meðal annars
sjá bifreiðinni lagt þversum yfir bíla-
stæði ætluð fötluðum einstakling-
um. Að sögn ónafngreinds kunn-
ingja eiganda bifreiðarinnar, Sveins
Elíasar Elíassonar, er Sveinn vinnu-
samur ungur maður sem hvorki
reykir né drekkur áfengi. Hann hafi
bara vilja vernda bílinn sinn gegn
skemmdarverkum.
Þegar DV hafði samband var
Sveinn Elías fremur stuttorður um
málið og vildi lítið segja. „Mér er
bara sama hvað öðrum finnst og
þarf ekkert að útskýra mál mitt neitt
frekar. Það eru margir að stunda
þetta að leggja svona í bílastæðin
en svo er ráðist á mig af því að ég er
á óvenjulegum Range Rover með
einkanúmerum.“
Sveini Elíasi finnst viðbrögðin
við athæfi sínu ýkt. „Fólk er að láta
eins og að ég sé að beita fatlað fólk
ofbeldi, eins og að ég sé hrein-
lega að draga það út úr bílnum og
meiða það á staðnum.“ Sveinn Elías
vildi ekki tjá sig frekar um málið en
sagðist ekki sjá neitt rangt við það
að leggja í stæðin eins og hann hef-
ur verið að gera. Eins og fram hefur
komið telur hann sig vera að vernda
bíl sinn gegn höggum frá öðrum bif-
reiðum með því að leggja með þess-
um hætti.
Þörf á beitingu sekta
við lögbroti
Freyja Haraldsdóttir, þingkona og
framkvæmdastýra NPA-miðstöðv-
arinnar, segir í samtali við DV að því
miður sé það nokkuð algengt að fólk
nýti sér bílastæði ætluð fötluðu fólki.
„Maður sér oft að fólk sem þarf ekki á
þeim að halda er að nota þessi stæði,
oftar en ekki svona stóra og flotta
jeppa. Fólk er greinilega að reyna að
vernda bílana sína en þetta er ekki
rétta leiðin til þess. Ef fólk er óánægt
með bílastæði almennt í borginni þá
verður að takast á við það með öðr-
um hætti. Það leysir ekki vandann
að brjóta á mannréttindum fólks.“
Freyja bendir á að ástæðan fyrir
sérmerktum bílastæðum sé sú að
fatlaðir komist ekki leiðar sinnar
öðruvísi en að geta lagt í þessi bíla-
stæði. „Til dæmis ef ég fer niður í
bæ og það eru engin sértæk bíla-
stæði laus þá þarf ég bara að hverfa
frá mínum upprunalega áformum.“
Freyja lítur á málið sem lögbrot og
vill sjá lögreglu gera slíkt hið sama
með viðeigandi sektum. „Það eru
mjög háar sektir í Danmörku til
dæmis og tekið fast á þessu þar. Á
Íslandi er ekki mikið gert. Það er
kannski hringt í bílstjórann og hann
beðinn um að færa bílinn en hann
er náttúrulega að gera sig brotlegan.
Hann er að brjóta mjög alvarlega á
rétti fatlaðs fólks,“ útskýrir Freyja
og segist ekki geta annað gert en að
finna til með fólki sem eigi erfitt með
að setja sig í spor annarra. Hún telur
að lögreglusektir geti hjálpað til með
að leysa vandann.
Lélegar afsakanir
Ómar Ragnarsson fréttamaður
hefur vakið athygli á bílum sem er
illa lagt og misnotkun á bílastæðum
ætluð einstaklingum með skerta
hreyfigetu. Hann segir ástandið
mjög slæmt á Íslandi í samanburði
við aðrar þjóðir og að þörf sé á vit-
undarvakningu á meðal almenn-
ings. „Ég á alveg sæg af myndum
þar sem menn fara sínu fram og eiga
bara það sem þeir taka sér og að það
þyki bara sjálfsagt mál. Ég versla yfir-
leitt í Hamraborg og þar standa bíl-
ar oft í mörgum stæðum. Þeir geta
ekki afsakað sig með neinu,“ segir
Ómar sem hefur stundum gert það
að gamni sínu að spyrja bílstjórana
hvers vegna þeir notfæri sér bíla-
stæði ætluð fötluðum. „Afsakan-
irnar eru ótrúlegar. Fólk segist bara
rétt ætla að skreppa inn en fatlað-
ir sem keyra inn á bílastæðaplanið í
millitíðinni geta auðvitað ekki lesið
hugsanir og vitað fyrirfram hvenær
stæðið losni,“ segir Ómar.
Hann telur ástæðuna fyrir þess-
um skorti á tillitsemi vera ákveðna
grunnhyggju í umferðinni almennt
og að Íslendingar séu of upptekn-
ir við að hugsa um eigin hag fyrst og
fremst. „Íslendingar haga sér bara al-
mennt svona í umferðinni. Þar sem
umferð þrengist, hjá aðreinum og í
hringtorgum sem dæmi, er svoköll-
uð tannhjólsaðferð notuð erlendis.
Svona eins og rennilás! Sá sem kem-
ur fyrr að þrengingunni fær forgang
og sá sem er fyrir aftan hægir að-
eins á sér. Svona gengur þetta hratt
og örugglega fyrir sig og annar hver
bíll fer inn í gegnum þrenginguna
erfiðislaust. En Íslendingar eru oft
þannig að þeir vilja sjálfir ráða því
hvort þeir gefi séns í umferðinni og
sá sem stoppar og gefur séns er oft
að stoppa of lengi, að eigin geðþótta,
og tefja fyrir öllum fyrir aftan,“ segir
Ómar sem segir þessa vanhæfni til
að hleypa öðrum að einstaka á Ís-
landi.
Hann nefnir sem dæmi gatna-
mótin hjá Fellsmúla og Grensás.
„Þar sérðu röð af bílum sem eru að
bíða etir því að geta beygt yfir gatna-
mótin en sem geta ekkert gert af því
að þeir sem eru að koma á móti láta
ekki vita hvað þeir ætla sér að gera.“
Ómar bendir einnig á að oft sé fólk
að gefa stefnuljós hálfpartinn eftir að
beygjan sé tekin og þar með hafi þau
verið gagnslaus. „Þetta kemur ör-
ugglega fyrir okkur öll að við gleym-
um okkur stundum, en spurningin
er bara hvort fólk vilji ekki reyna
að breyta þessu,“ segir Ómar um
vandamálið.
Hefði steindrepist á litla bílnum
„Fólk fer eftir þessum reglum er-
lendis þar sem þetta er að virka mjög
vel en gefst svo upp þegar það kem-
ur heim til Íslands aftur og fer í sama
farið aftur,“ segir Ómar sem sjálf-
ur lenti í slæmri aftanákeyrslu á að-
rein þar sem ökumaður frá Banda-
ríkjunum, óvön íslenskri umferð,
bjóst við því að komast út af aðrein-
inni án þess að þurfa að stoppa. Hún
hafi ekið harkalega aftan á Ómar
sem telur víst að hann hefði ekki lif-
að áreksturinn af hefði hann verið á
litla bílnum sínum. „Ég hefði stein-
drepist á litla bílnum. Það er helvíti
hart að menn þurfi að þakka Guði
fyrir það að þessi íslenska umferð
hafi ekki steindrepið mann út af
svona einföldu frekjuatriði,“ segir
Ómar að lokum og vonast til að fólk
fari að sýna öðrum meiri tillitssemi í
bæði umferð og á bílastæðum. n
n Sveinn Elías telur sig ekki brjóta lög n Ómar segir ökumenn tillitslausa
„Á Íslandi er ekki
mikið gert. Það er
kannski hringt í bílstjór-
ann og hann beðinn um
að færa bílinn en hann
er náttúrulega að gera
sig brotlegan.
„Fólk er að
láta eins og
að ég sé að beita
fatlað fólk ofbeldi
Myndir af Facebook „Maður sér oft að fólk sem þarf ekki á þeim að halda er að nota
þessi stæði, oftar en ekki svona stóra og flotta jeppa,“ segir Freyja Haraldsdóttir varaþing-
kona.
Ósáttur „… eins og að ég sé
hreinlega að draga það út úr
bílnum og meiða það á staðn-
um,“ segir Sveinn Elías.
„Sama um hvað öðrum finnst“ „Það eru margir að stunda
þetta að leggja svona í bílastæðin en svo er ráðist á mig af því að ég er
á óvenjulegum Range Rover með einkanúmerum,“ segir Sveinn Elías.
Ekki rétt aðferð „Ef fólk er óánægt með bílastæði almennt í borginni þá verður að tak-
ast á við það með öðrum hætti. Það leysir ekki vandann að brjóta á mannréttindum fólks,“
segir Freyja. Mynd: Sigtryggur Ari
Svala Magnea Georgsdóttir
blaðamaður skrifar svala@dv.is