Dagblaðið Vísir - DV - 04.09.2013, Blaðsíða 16
16 Neytendur 4. september 2013 Miðvikudagur
Þ
að má spara töluverðar
upphæðir með því að skipta
bensínbílnum út fyrir raf-
magnsbíl, auk þess sem þeir
eru mun umhverfisvænni.
Fyrir helgi var undirritaður
samningur um uppsetningu á tíu
nýjum hraðhleðslustöðvum fyrir
rafbíla en það voru forsvarsmenn
BL, Nissan í Evrópu og Orkuveitu
Reykjavíkur sem komu að undir-
rituninni. Markmið samstarfsins er
að stuðla að aukinni útbreiðslu og
notkun rafbíla á Íslandi.
30 rafbílar á númerum
Samkvæmt Hagstofunni voru í
lok árs 2011 206.112 fólksbílar á
landinu eða 646 bílar á hverja 1.000
íbúa og má gera ráð fyrir að þeim
hafa fjölgað síðan. Í byrjun árs
2013 fjallaði Viðskiptablaðið um
að einungis 30 rafbílar á númer-
um væru hér á landi þrátt fyrir vilja
stjórnvalda til að lækka gjöld og
álögur á bílana. Nýjar hraðhleðslu-
stöðvar ættu því jafnvel að auka
áhuga bíleigenda á að skipta yfir í
rafmagnsbíl.
Reiknað er með að fyrstu stöðv-
arnar verði komnar í gagnið í haust
og munu þá eigendur rafbíla geta
hlaðið rafhlöður bílanna á hálfri
klukkustund í stað fjögurra stunda
með heimahleðslustöð. Ákvörðun
um staðsetningu stöðvanna verður
tekin á næstu vikum en haft verð-
ur í huga að stöðvarnar auki þær
vegalengdir sem rafbílaeigendur
komast hér á landi.
Sparnaðurinn tæpar
700.000 krónur
Þrátt fyrir að rafbílar séu ennþá
dýrari en bensín- eða dísilbílar er
sparnaðurinn við að reka þá meiri.
DV ber hér saman sambærilega
bíla, rafbílinn Nissan Leaf og bens-
ínbílinn Nissan Note en notast er við
reiknivél Orkuseturs sem reiknar út
kostnað við rekstur beggja bílanna.
Í töflunni er tekið er dæmi um
notkun í eitt ár þar sem bílinn er ek-
inn 20.000 kílómetra. Gert er ráð fyr-
ir að rafmagnsverðið sé 12 kr/kWh
og verð á bensínlítranum sé 260
krónur. Eigandi bensínbílsins borgi
1.000 krónur í olíuskipti á árinu og
26.000 krónur í bílastæði. Í þeim út-
reikningi er gert ráð fyrir að hann
leggi einu sinni í viku í bílastæði og
greiði 500 krónur í hvert skipti. Þá er
sett inn 20 prósenta eyðsluálag þar
sem íslenskar aðstæður kalla á meiri
eyðslu en uppgefin eyðslugildi
framleiðanda eru. Kemur í ljós að
sparnaðurinn við rafbílinn er tæpar
700.000 krónur á ári miðað við notk-
un á bensínbíl. Auk þess hlífum við
umhverfinu við 3.180 kílógrömm-
um af koltvísýringi á ári þegar við
notum rafbílinn.
Eins má sjá á grafinu til hliðar
hver kostnaðurinn á bílunum verð-
ur í tíu ár, miðað við að Nissan Leaf
kostar núna 4.990.000 krónur en
Nissan Note 2.790.000 krónur. Að tíu
árum liðnum hefur rafbíllinn kostað
þig 5.694.800 krónur en bensínbíll-
inn 10.374.000 krónur. n
Sparaðu hundruð
þúsunda með rafbíl
n Ódýrari í rekstri og umhverfisvænni n Nýjar hleðslustöðvar væntanlegar
Gunnhildur Steinarsdóttir
blaðamaður skrifar gunnhildur@dv.is
Menga
rafhlöðurnar?
Því hefur verið haldið fram að rafhlöð-
urnar í rafbílunum mengi í raun meira en
útblástur bensínbílanna. Þá er átt við
að þegar eigi að farga þeim þá sé það
afar óumhverfisvænt og kostnaðarsamt
fyrir þjóðfélagið. Sigurður Ingi Friðleifs-
son, framkvæmdastjóri Orkuseturs, segir
að svo sé alls ekki. „Þetta er spurning um
hversu þróað eftirvinnsluferlið er. Líklega
mun stór hluti bílarafhlaðna framtíðar-
innar fara fyrst í endurnýtingu og yrðu þá
nýttar sem orkugeymslur í raforkukerfum.
Þegar þær lykju seinna hlutverki sínu yrðu
þær vonandi endurunnar og 80–90 pró-
sent af efnum færu inn í nýjar hringrásir,“
útskýrir hann.
Samanburður á ársgrundvelli
Nizzan Leaf Nizzan Note
Eldsneytiskostnaður á ári: 60.480 kr 424.320 kr.
CO2 útblástur: 0 kg 3.180 kg
Bifreiðagjald: 10.000 kr 19.120 kr
Bílverð: 4.990.000 kr 2.790.000 kr
Kostnaður: 3,52 kr/km 37,92 kr/km
Mismunur: Kostnaður: 687.960 kr. Útblástur: 3.180 kg.
Ferðin norður
Ef þessir tveir bílar eru settir inn í reiknivélina Hvað kostar ferðin?
Koma þessar niðurstöður: Frá Reykjavík til Akureyrar
Nissan Leaf 1.051 kr.
Nissan Note 5.903 kr.
Kostnaður á tíu árum
12.000.000 kr
10.000.000 kr
2.000.000 kr
Rafbíll Bensínbíll
4.000.000 kr
6.000.000 kr
8.000.000 kr
ár
0 kr
1 2 3 4 5 6 7 8 9 10
Algengt verð 254,6 kr. 251,6 kr.
Algengt verð 254,4 kr. 251,4 kr.
Höfuðborgarsv. 254,3 kr. 251,3 kr.
Algengt verð 254,6 kr. 251,6 kr.
Algengt verð 256,9 kr. 251,6 kr.
Melabraut 254,4 kr. 251,4 kr.
Eldsneytisverð 4. september
BeNSíN DíSiLoLía
Aldrei eins
ánægður
n Verslunin Tölvutek fær lofið en
viðskiptavinur þeirra er hæst-
ánægður með þær viðtökur sem
hann fékk. „Þeir opnuðu glæsi-
lega verslun um síðustu helgi og
ég þurfti að skila vöru sem ég hafði
keypt þar sem var sýningareintak.
Mál- ið var leyst hratt og örugg-
lega og ég fékk nýja vöru
í staðinn. Þjónustan var
til fyrirmyndar og það
var allt fyrir mig gert. Ég
hef aldrei gengið
eins ánægður út
úr búð eins og
þá,“ segir við-
skiptavinurinn.
Dagsgamalt
brauð
n Subway fær lastið að þessu sinni
en fastagestur þar sendi eftirfar-
andi: „Subway auglýsir að þeir baki
nýtt brauð á hverjum degi. Ég spyr
alltaf þegar ég fer þangað hvort
brauðið sé nýtt og fæ ítrekað þau
svör að það sé frá deginum áður.
Ég bið þá um nýtt brauð og fæ það
en mér finnst ekki að viðskiptavin-
ir þurfi að biðja um að notað sé nýtt
brauð en ekki dagsgamalt.“
DV bar lastið undir Gunnar Skúla
Guðjónsson, framkvæmdastjóra
Subway á Íslandi, sem sagði að
allir Subway-staðirnir baki brauð
nokkrum sinnum á dag eða á um
það bil fjögurra tíma fresti. „Þannig
að við teljum okkur vera að bjóða
nýbökuð brauð allan daginn.
Undantekningar geta þó átt sér
stað á morgnana þegar staðirnir
eru opnaðir og beðið er eftir að ný
brauð komi út úr ofninum. Þá hefur
starfsfólk okkar heimild til að nota
brauð bökuð kvöldið áður. Þetta at-
riði á þó ekki við um þá staði sem
eru opnir allan sólar-
hringinn. Nýbökuð
brauð eru svo
geymd eftir bakstur
í þar til gerðum
brauðskápum sem
koma í veg fyrir að
þau þorni og halda
þeim ferskum og mjúk-
um,“ sagði Gunnar Skúli.
Lof og last
Sendið lof eða last á neytendur@dv.is
Sparnaðu með rafbíl Það
er bæði umhverfisvænna og
hagkvæmara