Dagblaðið Vísir - DV - 04.09.2013, Blaðsíða 12

12 Fréttir 4. september 2013 Miðvikudagur
178 vængir á 12 mínútum
n Þrjár konur rúlluðu yfir karla í kappáti í Buffalo um helgina
K
onur komu, sáu og sigruðu
á árlegu móti í kjúklinga­
vængjaáti sem haldið var
í Buffalo í Bandaríkjun­
um um helgina. Það var hin 28
ára Miki Sudo frá Las Vegas sem
stóð uppi sem sigurvegari en hún
sporðrenndi hvorki fleiri né færri
en 178 vængjum á tólf mínút­
um – geri aðrir betur. Í öðru sæti
keppninnar var Michelle Lesco
frá Tucson í Arizona og náði hún
að klára 158 vængi. Fimmfaldur
meistari þessarar athyglisverðu
keppni, Sonya Thomas, varð að
sætta sig við þriðja sætið.
„Ég fékk stórkoslegan stuðn­
ing og þetta var alveg hrikalega
gaman,“ segir Sudo sem vegur
einungis 58 kíló. Áhugi hennar á
kjúklingavængjaáti kviknaði fyrir
ári þegar hún tók þátt í áhuga­
mannamóti. Í ár keppti hún í full­
orðinsdeildinni, ef svo má segja,
og sigraði með yfirburðum sem
fyrr segir. Hún segist vera stað­
ráðin í að taka þátt aftur að ári
liðnu og sigra.
Í umfjöllun Buffalo News kem­
ur fram að samanlögð þyngd
kvennanna í efstu þremur sæt­
unum um helgina hafi verið um
170 kíló, talsvert minna en þyngd
sigurvegarans árið 2006, Erics
Booker, sem vó rúm tvö hundruð
kíló. „Það er eins og karlarnir
sem tóku þátt hafi bara verið til
sýnis. Þeir áttu ekki möguleika í
stelpurnar,“ sagði einn áhorfandi
við Buffalo News.
Kjúklingjavængjakappátið er
hluti af hátíð tileinkaðri Buffalo­
kjúklingavængjum sem haldin er
á hverju ári. Hátíðin dregur til sín
ótrúlegan fjölda fólks og lögðu yfir
hundrað þúsund manns leið sína
á hátíðina um helgina. n
einar@dv.is
Gullgrafari
datt í lukku-
pottinn
Sextíu og fimm ára karlmaður frá
Flórída, Rick Schmitt, hefur helg­
að líf sitt leit að fjársjóðum. Hing­
að til hefur hann haft tiltölulega
lítið upp úr krafsinu en á dögun­
um datt hann þó í lukkupottinn
þegar hann fann mikið magn af
gullkeðjum undan ströndum Fort
Pierce. Heildarvirði keðjanna er
talið nema 300 þúsund Banda­
ríkjadölum, rúmum 36 milljónum
króna. Talið er að keðjurnar hafi
verið hluti af farmi spænsks skips
sem sökk í fellibyl árið 1715.
Nokkur skip með gullfarm sukku
á þessu svæði og áður hefur verð­
mætur fjársjóður komið upp úr
kafinu á þessu svæði. Lögum sam­
kvæmt mun Flórída fá 20 prósent
af verðmæti gullsins en Schmitt
mun eiga restina.
Gaf bónusinn
til starfsmanna
Stjórnarformaður tölvuframleið­
andans Lenovo aflaði sér vin­
sælda fjölmargra starfsmanna á
dögunum. Stjórnarformaðurinn,
Yang Yungqing, ákvað að deila til
starfsmanna sinna þriggja millj­
óna dala bónus, 360 milljónum
króna, sem hann átti að fá
persónulega.
Lenovo hefur átt fádæma vel­
gengni að fagna að undanförnu
og er fyrirtækið orðið stærsti
framleiðandi einkatölva í heim­
inum. Starfsmenn fyrirtækisins
eru 10 þúsund, flestir í Kína, og
ætti því bónusinn að vera kær­
komin búbót fyrir þá.
Sigurvegarar Miki Sudo,
ljóshærða stúlkan fyrir miðju,
stóð uppi sem afgerandi sig-
urvegari. Michelle er til vinstri
og Sonya til hægri.
Bíllinn bráðnaði
Skýjakljúfur sem enn er í byggingu
í London á Englandi er talinn
hafa átt sinn þátt í skemmdum
sem orðið hafa á bílum á undan­
förnum dögum. Húsið er klætt
með gleri og á heitum sumardög­
um líkt og verið hafa í borginni í
sumar endurvarpar glerið sólar­
ljósinu niður á stræti borgarinnar.
Breska ríkisútvarpið, BBC, hefur
eftir eiganda Jagúar­bifreiðar að
hliðarspeglar hafi bráðnað á þeim
tveimur tímum sem bifreiðinni
var lagt við bygginguna. Þá urðu
skemmdir á annarri bifreið við
bygginguna þegar plastílát í mæla­
borði hennar bráðnaði. Yfirvöld
hafa ákveðið að bregðast við með
því að loka bílastæðum á ákveðn­
um svæðum við bygginguna.
D
rónahernaður Bandaríkja­
manna í Pakistan heldur
áfram þrátt fyrir hávær mót­
mæli pakistanskra stjórn­
valda og aukinn þrýsting frá
alþjóðasamfélaginu um að slíkum
aðgerðum skuli hætt þegar í stað
þar sem þær brjóti í bága við mann­
réttindaákvæði. Að minnsta kosti
fjórir menn voru drepnir í dróna­
árás sem gerð var á þorpið Heso Khel
í Waziristan­héraði við landamæri
Afganistan síðastliðinn laugardag.
Brot gegn sjálfstæði Pakistan
Sjónarvottar segja í samtali við
fréttastofuna Al Jazeera að tveimur
eldflaugum hafi verið varpað á hús í
þorpinu. Bandaríski herinn heldur því
fram að mennirnir sem létu lífið hafi
verið vígamenn en oftar en ekki hafa
slíkar yfirlýsingar reynst falskar og
komið hefur í ljós að óbreyttir borgar­
ar hafi verið á meðal fórnarlamba.
Pakistanskir embættismenn segja í
samtali við írönsku fréttastofuna Press
TV að pakistönsk stjórnvöld hyggist
mótmæla drónaárásum Bandaríkja­
manna á fundi Allsherjarráðs Sam­
einuðu þjóðanna seinna í mánuðin­
um. Stjórnvöld líta á árásirnar sem
brot gegn sjálfstæði landsins.
Mögulega stríðsglæpir
Drónar eru fjarstýrðar árásarvélar
sem sendar eru um langan veg til
þess að sprengja upp byggingar þar
sem talið er að vígamenn haldi til.
Þannig eru þeir í raun aflífaðir án
dóms og laga en það er skýrt brot á
alþjóðalögum. Drónunum er stýrt
af jörðu niðri, úr eins konar flug­
hermum, oftar en ekki frá her­
stöðvum í Bandaríkjunum, og eru
flugmennirnir því fjarri vettvangi
árásanna sjálfra.
Mannréttindaskrifstofa Sam­
einuðu þjóðanna hefur sett spurn­
ingarmerki við drónahernað. Sérstök
nefnd sem rannsakaði slíkan hernað
fyrr á árinu velti því meðal annars
upp hvort um stríðsglæpi væri að
ræða. Þá hafa fleiri mannréttinda­
samtök gagnrýnt hernaðinn.
Bandaríkjaher hefur dreg­
ið úr árásum í Pakistan á síðustu
mánuðum en árásin á laugardag
sýnir að þeir eru langt í frá hættir að
beita slíkum aðferðum.
Þúsundir mótmæltu
Nú þegar hafa verið gerðar rúmlega
400 drónaárásir í Pakistan, Jemen
og Sómalíu þar sem meira en 3.000
manns hafa týnt lífi. Talið er líklegt
að hátt í þúsund óbreyttir borgarar
hafi nú þegar týnt lífi í slíkum árás­
um.
Drónaárásir Bandaríkjahers
eru eins og gefur að skilja mjög
óvinsælar í Pakistan. Þær voru fyrst
heimilaðar í stjórnartíð fyrrverandi
Bandaríkjaforseta, George Bush, en
hafa orðið mun algengari í stjórn­
artíð núverandi forseta, Baracks
Obama. Þúsundir þustu út á götur
í borginni Multan í Waziristan á
laugardag til þess að mótmæla
þessari síðustu árás og framferði
Bandaríkjamanna á svæðinu. Slík
mótmæli eru algeng og hafa fræði­
menn meðal annars bent á að
drónaárásirnar ýti undir sívaxandi
reiði margra Pakistana gagnvart
Bandaríkjunum.
„Sjálfsvörn“ Bandaríkjamanna
Forsætisráðherra Pakistan, Nawaz
Sharif, hefur sagt að árásirnar séu
brot á alþjóðalögum og Mann­
réttindasáttmála Sameinuðu þjóð­
anna. Bandaríkjaforseti tjáði sig ný­
lega um drónaárásir í Pakistan og
sagði þær gerðar í „sjálfsvörn.“ Hillary
Clinton utanríkisráðherra hefur rétt­
lætt árásirnar á þeim forsendum að
Bandaríkin eigi í stríði.
Í umfjöllun hjá rannsóknarmið­
stöðinni Global Research í maí á
þessu ári var fjallað um nýlegan
dóm sem féll í Hæstarétti í Pakistan.
Þar var niðurstaða dómarans sú
að drónaárásir Bandaríkjamanna
væru „glæpsamlegar“. Dómarinn
Muhammad Khan sagði að árásirn­
ar jafngiltu stríðsglæpum og að með
þeim væri verið að brjóta grund­
vallarmannréttindi pakistanskra
borgara.
Þá beindi hann þeim tilmæl­
um til pakistanskra stjórnvalda að
þau beittu sér af „fullum krafti“ fyrir
því að stöðva árásir Bandaríkjanna
innan landamæra Pakistan. Það er
skoðun margra í Pakistan, en mörg­
um þykir pakistönsk stjórnvöld of lin
í samskiptum sínum við Sám frænda.
„Playstation-heilkennið“
Fjölmargir hafa gagnrýnt árásirnar.
Philip Alston, erindreki Sameinuðu
þjóðanna, sagði í skýrslu sem birt
var árið 2010 að drónaárásir Banda­
ríkjanna væru til þess fallnar að gera
lítið úr þeim alþjóðlegu reglum sem
ríkja þegar kemur að réttinum til lífs.
Þá sagðist hann óttast að áfram­
hald á slíkum aðgerðum myndi með
tíð og tíma geta leitt til svokallaðs
„Playstation­heilkennis“ – þar sem
árásaraðilar væru of fjarri hernað­
inum sjálfum til þess einfaldlega að
skilja alvarleika gjörða sinna.
Eins og DV hefur bent á gagn­
rýndi fræðimaðurinn Noam
Chomsky drónahernað Bandaríkja­
manna þegar hann flutti fyrirlestur
hér á landi árið 2011. Fullyrti hann
að helsta breytingin sem orðið hefði
á stríðinu gegn hryðjuverkum eftir
að Obama komst til valda væri sú að
nú væru þeir sem grunaðir eru um
hryðjuverk ekki fangelsaðir og pynt­
aðir, heldur drepnir. n
Drónahernaður
heldur áfram
n Fjórir sprengdir í loft upp í litlu þorpi á landamærum Pakistan og Afganistan
Jón Bjarki Magnússon
blaðamaður skrifar jonbjarki@dv.is
Utanríkisráðherra bregður á leik Hillary
Clinton leikur sér með dróna fyrir ljósmyndara
Reuters. Hún hefur réttlætt drónaárásir á þeirri
forsendu að Bandaríkin eigi í stríði.