Hagskýrslur um atvinnuveg - 01.01.1986, Blaðsíða 15
13
10) Hreinn hagnaður fyrir tekju- og eignaskatta. (Net profit before income and
net wealth taxes)
Hér er átt við rekstrarafgang að frádregnum verðbreytingafærslum og
vöxtum, en að viðbættum óreglulegunt tekjum. Ef óreglulegum tekjum er
sleppt og aðeins litið á rekstrarafgang að frádregnum verðbreytingafærslum,
fæst hreinn hagnaður (fyrir tekju- og eignaskatta) af reglulegri starfsemi, en
það hugtak er ekki sýnt sérstaklega í skýrslunni.
11) Laun og tengd gjöld (Compensation of employees)
Hér er átt við greiðslur til launþega fyrir þátttöku þeirra í atvinnustarfsem-
inni, og eru þá meðtaldar greiðslur í formi hlunninda, sem vinnuveitandi lætur
launþega í té, frítt eða stórlega niðurgreitt, og koma launþega ótvírætt til góða
sem neytanda. Ennfremur eru meðtaldar greiðslur vinnuveitenda í lífeyrissjóði,
slysa- og atvinnuleysistryggingagjöld. greiðslur í styrktar- og sjúkrasjóði o.fl.
Launaskattur er ekki talinn með launum, heldur til óbeinna skatta. Reiknað
endurgjald (eigin laun) sem maður, er vinnur við eigin atvinnurekstur eða
sjálfstæða starfsemi, skal telja sér til tekna samkvæmt ákvæðum skattalaga,
telst ekki laun heldur sem hluti af rekstrarafgangi.
12) Obeinir skattar (Indirect taxes)
Óbeinir skattar eru flokkaðir á eftirfarandi hátt:
Söluskattur
Launaskattur
Aðstöðugjald
Fasteignaskattur
Aðrir óbeinir skattar
Með öðrum óbeinum sköttum er meðal annars átt við vörugjald af innlendri
framleiðslu, frantleiðslugjald af áli, skemmtanaskatt, iðnlánasjóðsgjald iðnað-
argjald, bifreiðaskatt (þungaskatt o.fl.), verðjöfnunargjald raforku o.fl. Auk
þess teljast tollar og aðflutningsgjöld til óbeinna skatta, en þessi gjöld koma hér
ekki fram undir liðnum óbeinir skattar, heldur sem hluti af kaupverði
innfluttrar vöru þar sem við á.
13) Oreglulegar tekjur (Extraordinary income)
Með óreglulegum tekjum er fyrst og fremst átt við tekjur, sem eru ekki
þáttur í reglulegri starfsemi fyrirtækis og ekki er gert ráð fyrir að berist oft eða
reglubundið. Sem dæmi má nefna hagnað eða tap af sölu fastafjármuna,
tjónabætur eða eignarnámsbætur umfram bókfært verð o.fl.