Hagskýrslur um atvinnuveg - 01.01.1986, Page 35
33
svo og sameignarfélaga. Þó eru einyrkjar sem ekki greiða öðrum laun ekki
taldir með fyrsta flokknum, heldur settir í sérstakan flokk, flokk tvö.
Aftasti dálkurinn í töflunum tilgreinir liluta eigin launa í heildarlaunafjárhæð
hverrar atvinnugreinar og fjölda rekstraraðila þar sem laun eigenda eru
sérstaklega tilgreind. Eigin launin eru hlutmengi í fyrsta flokki að viðbættum
öðrunr flokki og taka til þess reiknaða endurgjalds sem maður, er vinnur við
eigin atvinnurekstur eða sjálfstæða starfsemi, skal telja sér til tekna, samanber
ákvæði skattalaga.
Þriðji flokkurinn, hlutafélög, tekur til hlutafélaga annarra en þeirra sem
opinberir aðilar eða samvinnusamtök eiga meirihluta hlutabréfa í.
Fjórði flokkurinn, samvinnusamtök, tekur til samvinnufélaga og samvinnu-
sambanda, svo og hlutafélaga og sameignarfélaga sem slíkir aðilar eiga
meirihluta í. Sem dæmi um fyrirtæki í þessum flokki má nefna öll kaupfélög á
landinu, öll nrjólkurbú og mjólkursamlög, ýmis útgerðar- og fiskvinnslufyrir-
tæki, Sláturfélag Suðurlands og fyrirtæki þess. Ennfremur heyra til þessa flokks
Bifreiðastöðin Hreyfill, öll byggingarsamvinnufélög, og ýmis önnur fyrirtæki og
samtök, sem hjá hlutaðeigandi embættum eru skráð sem samvinnufélög.
Fimmti flokkurinn, ríkisstofnanir, ríkisbankar og ríkisfyrirtæki, hefur að
geyma stofnanir og fyrirtæki ríkisins, sem tilheyra A- og B- hluta fjárlaga, auk
ríkisbankanna. Hér eru ennfremur sameignarfélög og hlutafélög, sem ríki eða
stofnanir þess eiga meirihluta í — þó ekki félög sem eru sameign ríkis og
sveitarfélaga.
I sjötta flokknum, stofnanir og fyrirtæki sveitarfélaga, er að finna stofnanir
og fyrirtæki sveitarfélaga svo og sameignarfélög og hlutafélög sem eru sameign
ríkis og sveitarfélags eða stofnana þeirra.
Sjöunda flokknum sem eru opinberir aðilar ótaldir annars staðar, tilheyra
þeir opinberir aðilar sem ekki falla undir 5. og 6. flokk. Hér má nefna
sjúkrahús rekin af sýslufélögum og sveitarfélögum í sameiningu, sjúkrasamlög,
sóknarnefndir, fjallskilanefndir, Kirkjugarða Reykjavíkur og Framleiðsluráð
landbúnaðarins.
Attundi og síðasti flokkurinn, félagasamtök, nær til félagasamtaka og
sjálfseignarstofnana. Má þar nefna félagsheimili, sparisjóði, lífeyrissjóði,
stéttarfélög, starfsgreinarfélög, velferðarfélög og áhugamannafélög.
Um flokkun fyrirtækja eftir atvinnugreinum er það annars að segja að fylgt
er tveggja stafa ISIC-flokkun sem er lýst í kafla 2 hér að framan. Starfsemi
fyrirtækja er skipt niður á 27 atvinnugreinar, sem merktar eru 11 til 96. Auk
þess eru sýndir tveir aðrir geirar, þ.e. starfsemi hins opinbera og önnur
starfsemi. Frekari sundurliðun atvinnugreina samkvæmt þriggja stafa flokkun
og rekstrarformi er einnig tiltæk hjá Þjóðhagsstofnun þótt sú flokkun sé ekki
birt hér.
Það kann að koma spánskt fyrir sjónir, að geirinn starfsemi hins opinbera
3